என்விடிஏ 2026.2beta4 பயணர் வழிகாட்டி

அறிமுகம்

என்விடிஏவிற்கு வருக!

NonVisual Desktop Access (NVDA), விண்டோஸ் இயக்கமுறைமைக்கான இலவசத் திறந்தநிலை ஆதாரத் திரைநவிலி. பார்வையுள்ளவர்கள் கொடுக்கும் விலைக்கு மேல் எவ்விலையும் கொடுக்காமல், பார்வையற்றவர்களும், பார்வைக் குறைபாடுள்ளவர்களும் குரல்/பிரெயில் பின்னூட்டம் மூலம் விண்டோஸுடன்கூடிய கணினியை இயக்கலாம். சமூகத்தினரின் பங்களிப்புடன் என்விடிஏவை உருவாக்கியிருப்பது NV Access நிறுவனம்.

பொதுக் கூறுகள்

பார்வையற்றவர்களும், பார்வைக் குறைபாடுள்ளவர்களும் விண்டோஸ் இயக்கமுறைமை மற்றும் மூன்றாம் தரப்புப் பயன்பாடுகளை அணுகவும், அவைகளுடன் ஊடாடவும் என்விடிஏ பயன்படுகிறது.

"என்விடிஏ என்றால் என்ன?" என்கிற குறுங்காணொலி, என்வி அக்ஸஸ் புலன அலைத்தடத்தில் காணக்கிடைக்கிறது.

சிறப்பம்சங்கள்:

• இணைய உலாவிகள் (Internet Browsers), மின்னஞ்சல் நுகர்விகள் (E-Mail Client), இணைய அரட்டை நிரல்கள் (Internet Chat), அலுவலக தொகுதிகள் (எம்.எஸ். ஆபீஸ்) போன்ற பிரபல பயன்பாடுகளுக்கு ஆதரவு
• 80 மொழிகளுக்கும் மேலாக ஆதரவளிக்கும் உள்ளடக்க பேச்சொலிப்பானைக் கொண்டது
• எழுத்துரு பெயர், எழுத்துரு அளவு, பாங்கு, எழுத்துப் பிழை போன்ற ஆவண வடிவூட்டத் தகவல்கள் இருக்குமாயின், அவைகளை அறிவிக்கும்
• சுட்டியின் கீழிருக்கும் உரையைத் தானாக அறிவிக்கும், சுட்டியின் நிலையை ஒலி மூலம் அறியும் விருப்பத் தேர்வும் உண்டு
• பிரெயில் விசைப் பலகையைக் கொண்டு பிரெயில் காட்சிப்படுத்தியில் பிரெயில் உள்ளீடுவது உட்பட, பல புத்தாக்க பிரெயில் காட்சிப்படுத்திகளுக்கு ஆதரவு. பல பிரெயில் காட்சிப்படுத்திகளைத் தானாகக் கண்டறியும் வசதியுமுண்டு
• தொலைநிலை உதவி, அல்லது கூட்டு முயற்சிக்கு என்விடிஏ இயங்கிக் கொண்டிருக்கும் பிரிதொரு கணினியுடன் இணைத்து அதைக் கட்டுப்படுத்துதல்
• என்விடிஏவை நிறுவத் தேவையில்லை; யுஎஸ்பி நுழைவாயில் போன்ற கொண்டுசெல்லத்தக்க ஊடகத்திலிருந்தும் இயக்கலாம்
• எளிதாக பயன்படுத்தக்கூடிய பேச்சு நிறுவி
• 56 மொழிகளில் மொழிபெயர்க்கப்பட்டுள்ளது
• நவீன விண்டோஸ் இயக்கமுறைமைகளுக்கு ஆதரவு
• சாளரத்தில் புகுபதியும்பொழுதும், பிற பாதுகாப்பான திரைகளிலும் செயற்படும் திறன்
• தொடு சைகைகளைப் பயன்படுத்தும்பொழுது, கட்டுப்பாடுகளும், உரைகளும் அறிவிக்கப்படும்
• Microsoft Active Accessibility, Java Access Bridge, IAccessible2, UI Automation போன்ற பொது அணுகு இடைமுகப்பிற்கு ஆதரவு.
• விண்டோஸ் கட்டளைத் தூண்டி, கட்டுப்பாட்டக பயன்பாடுகளுக்கு ஆதரவு
• கணினிக் குவிமையத்தை பார்வைக்குத் துலக்கமாக்கும் திறன்
• Built-in screen magnification and color filtering

கட்டமைப்புத் தேவைகள்

குறைந்தபட்சக் கட்டமைப்புத் தேவைகள்

• இயக்கமுறைமைகள்: 64-நுண்மி விண்டோஸ் 10 மற்றும் 11 பதிப்புகள். விண்டோஸ் வழங்கி 2016, 2019, 2022 மற்றும் 2025.
  • கோபைலட் PCS உட்பட விண்டோஸ் 11 பதிப்பின் AMD64, ARM64 ஆகிய இரு மாற்றுருக்களும் ஆதரிக்கப்படுகின்றன.
  • ARM64 விண்டோஸ் 10 பதிப்பு ஆதரிக்கப்படுவதில்லை என்பதை நினைவில் கொள்ளவும்.
  • 22H2 பதிப்பிற்கு முந்தைய விண்டோஸ் 10 மற்றும் 2022க்கு முந்தைய விண்டோஸ் வழங்கி பதிப்புகளுக்கு என்வி அக்ஸஸின் செயல் ஆதரவில்லை என்பதை நினைவில் கொள்ளவும்.
• குறைந்தபட்சம் 500 எம்பி சேமிப்பிடம்.

பரிந்துரைக்கப்படும் கட்டமைப்புத் தேவைகள்

• இயக்கமுறைமைகள்: விண்டோஸ் 11, அல்லது Windows 10 (பதிப்பு 22H2), மற்றும் விண்டோஸ் வழங்கி 2025, அல்லது 2022.
  • கோபைலட் PCS உட்பட விண்டோஸ் 11 பதிப்பின் AMD64, ARM64 ஆகிய இரு மாற்றுருக்களும் ஆதரிக்கப்படுகின்றன.
  • ARM64 விண்டோஸ் 10 பதிப்பு ஆதரிக்கப்படுவதில்லை என்பதை நினைவில் கொள்ளவும்.
• குறைந்தபட்சம் 500 எம்பி சேமிப்பிடம்.
• குறைந்தபட்சம் 4 ஜிபி ராம்.

அனைத்துலக மயமாக்கம்

மக்கள் உலகின் எப்பகுதியிலிருந்தாலும், எம்மொழியைப் பேசினாலும், எல்லோரும் தொழில்நுட்பத்தைப் பயன்படுத்த சமவாய்ப்பு இருக்க வேண்டும் என்பது தலையாயதாகும். ஆங்கிலம் தவிர, பின்வரும் மொழிகள் உட்பட 56 மொழிகளில் என்விடிஏ மொழிபெயர்க்கப்பட்டுள்ளது: ஆஃப்ரிக்கான்ஸ், அல்பேனியன், அம்ஹாரிக், அரபி, அரகனீஸ், பாஸ்னியன், பல்கேரியன், பர்மீஸ், காட்டலான், சீனம் (எளிமையாக்கப்பட்ட மரபான), குரோஷியன், செக், டேனிஷ், டச், ஃபார்ஸி, ஃபின்னிஷ், ஃபிரென்ச், கலிஷியன், ஜார்ஜியன், ஜெர்மானியன் (ஜெர்மனி மற்றும் சுவிட்சர்லாந்து), கிரேக்கம், ஹீப்ரு, ஹிந்தி, ஹங்கேரியன், ஐஸ்லாந்தியன், ஐரிஷ், இத்தாலியன், ஜப்பானியன், கன்னடம், கொரியன், கெர்கிஸ், லித்துவேனியன், மாசிடோனியன், மங்கோலியன், நேபாளம், நார்வீஜியன், போலிஷ், போர்ச்சுகீஸ் (பிரேஸில் மற்றும் போர்ச்சுகல்), பஞ்சாபி, ரோமானியன், ருஷ்யன், செர்பியன், ஸ்லோவாக்கியன், ஸ்லோவீனியன், ஸ்பானிஷ் (கொலம்பியா மற்றும் ஸ்பெயின்), ஸ்வீடிஷ், தமிழ், தாய், துருக்கியம், உக்ரேனியன் மற்றும் வியட்னாமீஸ்.

பேச்சொலிப்பான் ஆதரவு

தகவல் பின்னூட்டங்கள், இடைமுகப்பு ஆகியவை பல மொழிகளில் இருப்பதோடு, பேச்சொலிப்பானில் ஒரு மொழிக்கான ஆதரவு இருக்கும்பட்சத்தில், ஆவண உள்ளடக்கங்கள் எம்மொழியில் இருப்பினும் படிக்கலாம்.

என்விடிஏவினுள் ஈஸ்பீக் என்ஜி எனப்படும் பன்மொழி இலவசத் திறந்தநிலை ஆதாரப் பேச்சொலிப்பான் கட்டப்பட்டு வெளிவருகிறது.

என்விடிஏ ஆதரவளிக்கும் பிற பேச்சொலிப்பான்கள் பற்றி அறிய, இவ்வழிகாட்டியிலுள்ள ஆதரவளிக்கப்படும் பேச்சொலிப்பான்கள் என்கிற தலைப்பைப் பார்க்கவும்.

பிரெயில் ஆதரவு

புத்தாக்க பிரெயில் காட்சிப்படுத்தியை பயனர்கள் வைத்திருக்கும்பட்சத்தில், தகவல் வெளியீட்டினை என்விடிஏ பிரெயிலில் கொடுக்கும். உரையிலிருந்து பிரெயில் தொடர்களை உருவாக்க, லிப்லூயி திறந்தநிலை பிரெயில் மொழிபெயர்ப்பை என்விடிஏ பயன்படுத்துகிறது. பிரெயில் விசைப்பலகை மூலம் செய்யப்படும் குறுக்கப்பட்ட மற்றும் குறுக்கப்படாத பிரெயில் உள்ளீடுகளையும் ஆதரிக்கிறது. மேலும், பல பிரெயில் காட்சிப்படுத்திகளை இயல்பில் என்விடிஏ தானாகக் கண்டறியும். பிரெயில் காட்சிப்படுத்திகள் குறித்து அறிய, இவ்வழிகாட்டியிலுள்ள ஆதரவளிக்கப்படும் பிரெயில் காட்சிப்படுத்திகள் என்கிற தலைப்பைப் காணவும்.

என்விடிஏ பல மொழிகளிலுள்ள குறுக்கப்பட்ட, குறுக்கப்படாத மற்றும் கணினி பிரெயில் குறிகளுக்கு ஆதரவளிக்கிறது.

உரிமம் மற்றும் பதிப்புரிமை

பதிப்புரிமை 2006-2026 என்விடிஏ பங்களிப்பாளர்கள்

இரு சிறப்பு விதிவிலக்குகளுடன், 2, அல்லது அதற்கும் பிறகான GNU பொதுப் பதிப்புகளில் உரிமத்தின் கீழ் என்விடிஏ கிடைக்கிறது. "செருகுநிரல்கள் மற்றும் இயக்கிகளில் இருக்கும் GPL அல்லாத கூறுகள்" மற்றும் "மைக்ரோசாஃப்ட் பகிர்ந்தளிப்புக் குறி" ஆகிய பிரிவுகளின்் கீழ் காணப்படும் ஆவணத்தில் இவ்விரு விதிவிலக்குகள் குறிப்பிடப்பட்டுள்ளன. பலதரப்பட்ட இலவச மற்றும் திறந்த நிலை ஆதாரங்களைக் கொண்ட உரிமங்களில் கிடைக்கப்பெறும் கூறுகளையும் என்விடிஏ தன்னகத்தே கொண்டு அவைகளைப் பயன்படுத்திக்கொள்கிறது. இம்மென்பொருளைத் தாங்கள் மாற்றவோ, பிறருடன் பகிர்ந்து கொள்ளவோ தடையில்லை. அப்படிச் செய்யும்பொழுது, இம்மென்பொருளின் உரிமத்தையும், எல்லா ஆதாரக் குறியீட்டினையும் கேட்பவர்களுக்குக் கொடுக்க வேண்டும். இவ்விதி, இம்மென்பொருளின் மூலத்திற்கும், மாற்றப்பட்ட வடிவத்திற்கும், இம்மென்பொருளிலிருந்து பெறப்பட்டப் பிற பணிகளுக்கும் பொருந்தும்.

கூடுதல் விவரங்களுக்கு, என்விடிஏ பட்டியில் காணப்படும் உதவி உட்பட்டிக்குச் சென்று, உரிம ஆவணத்தைக் காணவும்.

என்விடிஏ விரைவுத் தொடக்க வழிகாட்டி

இவ்விரைவுத் துவக்க வழிகாட்டி மூன்று பிரதான பிரிவுகளைக் கொண்டுள்ளது:

• தரவிறக்கம்: என்விடிஏவை எங்கிருந்து பெறலாம் என்கிற தகவல் மற்றும் அதை தரவிறக்குவதற்கான படிகள்
• தொடக்க அமைப்பு: என்விடிஏவை நிறுவுதல் மற்றும் அதை அமைப்பதற்கான படிகள்
• என்விடிஏவை இயக்குதல்: பொதுவாகப் பயன்படுத்தப்படும் விசைக் கட்டளைகள் மற்றும் என்விடிஏ கூறுகள்

These are followed by information on adjusting preferences, using add-ons, சமூகத்தில் பங்கு கொள்ளுதல் and getting help. என்விடிஏ பயனர் வழிகாட்டியின் பிற பகுதிகளில் காணப்படும் தகவல்கள், இவ்விரைவு வழிகாட்டியில் சுருக்கமாக கொடுக்கப்பட்டுள்ளன. ஒவ்வொரு தலைப்பு குறித்தான விளக்கமான தகவல்களுக்கு முழு பயனர் வழிகாட்டியைப் படிக்கவும்.

என்விடிஏவை தரவிறக்குதல்

என்விடிஏவை முற்றிலும் இலவசமாக யாரும் பயன்படுத்தலாம். உரிம விசை குறித்து கவலைகொள்ளவும் தேவையில்லை, அல்லது, விலையுயர்ந்த சந்தாவை கட்டவும் தேவையில்லை. சராசரியாக ஓராண்டுக்கு நான்கு முறை என்விடிஏ இற்றாக்கப்படுகிறது. என்வி அக்ஸஸ் வலைதளத்தின் தரவிறக்கப் பக்கத்தில், அண்மைய என்விடிஏவின் பதிப்பு எப்பொழுதும் கிடைப்பிலிருக்கும்.

மைக்ரோசாஃப்டின் அண்மைய எல்லா விண்டோஸ் பதிப்புகளுடனும் என்விடிஏ செயல்படுகிறது. முழு விவரங்களுக்கு கட்டமைப்புத் தேவைகள் பிரிவைப் பார்க்கவும்.

என்விடிஏவை தரவிறக்குவதற்கான படிகள்

இணையப் பக்கத்துடன் வழிசெல்வதில் பயனருக்கு சிறிதேனும் பழக்கம் இருக்குமென அனுமானித்து இப்படிகள் கொடுக்கப்பட்டுள்ளன.

• தங்களின் இணைய உலாவியைத் திறக்கவும் (சாளரங்கள் விசையை அழுத்தி, "internet" என்கிற சொல்லை, மேற்கோள் குறிகள் இல்லாமல் தட்டச்சிட்டு உள்ளிடு விசையை அழுத்தவும்)
• நிலைமாற்றி+d விசையை அழுத்தி, கீழ்க் கண்ட இணைய முகவரியைத் தட்டச்சுச் செய்து, உள்ளிடு விசையை அழுத்தி, என்வி அக்ஸஸின் தரவிறக்கப் பக்கத்தை ஏற்றவும்: https://www.nvaccess.org/download
• "தரவிறக்குக" பொத்தானை அழுத்தவும்
• தரவிறக்க ஒரு செயலைச் செயற்படுத்த உலாவி தூண்டலாம், அல்லது தூண்டாமலும் இருக்கலாம். பிறகு, தரவிறக்கம் தொடங்கும்.
• உலாவியைப் பொறுத்து, தரவிறக்கப்பட்ட கோப்பு தானாக இயங்கும்
• கைமுறையில் கோப்பு இயக்கப்பட வேண்டியிருந்தால், நிலைமாற்றி+n விசையை அழுத்தி அறிவிக்கைக்குச் சென்று, நிலைமாற்றி+r விசையை அழுத்தி கோப்பை இயக்கவும், அல்லது தங்களின் உலாவிக்கான படிமுறையை பின்பற்றவும்

என்விடிஏவை அமைத்தல்

தாங்கள் தற்பொழுது தரவிறக்கியிருக்கும் கோப்பினை இயக்கினால், என்விடிஏவின் தற்காலிகப் படி துவக்கப்படும். என்விடிஏவை நிறுவ வேண்டுமா, கொண்டுசெல்லத்தக்கப் படியை உருவாக்க வேண்டுமா, அல்லது தற்காலிகப் படியை தொடர்ந்து இயக்க வேண்டுமா என்று பிறகு தங்களிடம் கேட்கப்படும்.

செலுத்தி தரவிறக்கப்பட்டவுடன், அதை இயக்க, அல்லது நிறுவ இணையத் தொடர்பு தேவைப்படுவதில்லை. இணையத் தொடர்பு இருந்தால், இற்றாக்கங்கள் இருக்கின்றனவா என்று அவ்வப்பொழுது துழாவ என்விடிஏவினால் இயலும்.

தரவிறக்கப்பட்ட செலுத்தியை இயக்குவதற்கான படிகள்

"nvda_2022.1.exe", அல்லது அதுபோன்று அமைவுக் கோப்பு பெயரிடப்பட்டிருக்கும். தற்போதைய வெளியீட்டை பிரதிபலிக்கும் வகையில், ஆண்டின் எண்ணும், பதிப்பின் எண்ணும் இற்றாக்கங்களுக்கிடையே மாறுபடும்.

1. தரவிறக்கப்பட்ட கோப்பினை இயக்கவும். என்விடிஏவின் தற்காலிகப் படியொன்று ஏற்றப்படுகிறது, சில வினாடிகள் தாங்கள் காத்திருக்க வேண்டும். ஏற்றப்பட்டவுடன், மீதமுள்ள படிமுறை முழுவதும் என்விடிஏ பேசும்.
2. உரிம ஒப்பந்தத்தைத் திறக்க என்விடிஏ செலுத்தி சாளரம் ஒரு பொத்தானைக் கொண்டு தோன்றும். உரிம ஒப்பந்தத்தைப் படிக்க கீழம்பு விசையை அழுத்தவும்.
3. தத்தல் விசையை அழுத்தி, "ஏற்றுக்கொள்கிறேன்" தேர்வுப் பெட்டிக்குச் சென்று, இடைவெளிப் பட்டையை அழுத்தி அதைத் தேர்வுச் செய்யவும்.
4. தத்தல் விசையை அழுத்தி, விருப்பத் தேர்வுகளுக்கிடையே நகர்ந்து, தாங்கள் விரும்பும் தேர்வின் மீது உள்ளிடு விசையை அழுத்தவும்.

பின்வருபவை விருப்பத் தேர்வுகளாகும்:

• "என்விடிஏவை இக்கணினியில் நிறுவுக": எளிதான என்விடிஏ பயன்பாட்டுக்கு பெரும்பாலான பயனர்கள் தெரிவுசெய்யும் விருப்பத் தேர்வு இதுதான்.
• "கொண்டுசெல்லத்தக்கப் படியை உருவாக்குக": என்விடிஏவின் படியை நிறுவாமல் எந்தக் கோப்புறையிலும் அமைக்க இது அனுமதிக்கிறது. நிர்வாகியின் சிறப்புரிமையற்ற கணினிகளைப் பயன்படுத்தும்பொழுதும், தங்களுடன் கொண்டுசெல்லத்தக்க ஊடகத்திலும் இது பயனுள்ளதாக இருக்கும். இவ்விருப்பத் தேர்வினைத் தெரிவுசெய்தால், கொண்டுசெல்லத்தக்கப் படியை உருவாக்கும் படிகளில் என்விடிஏ தங்களை நடத்திச் செல்லும். கொண்டுசெல்லத்தக்கப் படியை எந்தக் கோப்புறையில் அமைக்க வேண்டுமென்பதுதான் என்விடிஏவிற்கு தெரியவேண்டிய முக்கியச் செய்தியாகும்.
• "தற்காலிகப் படியைத் தொடர்ந்து இயக்குக": செலுத்தப்பட்டிருக்கும் தற்காலிகப் படியை இது தொடர்ந்து இயங்கவைக்கிறது. ஒரு புதுப் பதிப்பை நிறுவும் முன், அதிலிருக்கும் கூறுகளை பரிசோதிக்க இது பயனுள்ளதாக இருக்கும். இவ்விருப்பத் தேர்வினைத் தெரிவுசெய்தவுடன், செலுத்திச் சாளரம் மூடப்பட்டு, என்விடிஏவைவிட்டு வெளியேறும் வரை, அல்லது கணினியை அணைக்கும் வரை என்விடிஏவின் தற்காலிகப் படி தொடர்ந்து இயங்கும். அமைப்புகளில் செய்யப்படும் மாற்றங்கள் சேமிக்கப்பட மாட்டாது என்பதை நினைவில் கொள்ளவும்.
• "விலக்குக": எச்செயலையும் செய்யாமல் என்விடிஏவை இது மூடுகிறது.

இக்கணினியில் என்விடிஏவை எப்பொழுதும் பயன்படுத்த தாங்கள் திட்டமிட்டால், என்விடிஏவை நிறுவ தாங்கள் விரும்புவீர்கள். புகுபதிந்தவுடன் தானாகத் துவங்குதல், விண்டோஸ் புகுபதிவு மற்றும் பாதுகாப்பான திரைகளைப் படிக்கும் திறன் போன்ற கூடுதல் செயல்பாடுகளை என்விடிஏவின் நிறுவுதல் அளிக்கும். கொண்டுசெல்லத்தக்க மற்றும் தற்காலிகப் படிகளைக் கொண்டு இவைகளைச் செய்ய இயலாது. கொண்டுசெல்லத்தக்க மற்றும் தற்காலிகப் படிகளை இயக்குவதில் இருக்கும் கட்டுப்பாடுகள் குறித்த முழு தகவல்களை அறிய, கொண்டுசெல்லத்தக்க மற்றும் தற்காலிகப் படிகளில் இருக்கும் கட்டுப்பாடுகள் பிரிவைப் பார்க்கவும்.

துவக்குப் பட்டியல் மற்றும் மேசைத் தள குறுக்குவழிகளை ஏற்படுத்துவதோடு, கட்டுப்பாடு+நிலைமாற்றி+n விசையை அழுத்தி துவக்கும் வசதியை என்விடிஏவின் நிறுவுதல் அளிக்கிறது.

செலுத்தியில் இருந்து என்விடிஏவை நிறுவுதலுக்கானப் படிகள்

மிகவும் பொதுவான அமைப்பு விருப்பத் தேர்வுகளின் வழியே இப்படிகள் செல்கின்றன. கிடைப்பிலிருக்கும் விருப்பத் தேர்வுகள் குறித்த கூடுதல் தகவல்களையறிய, நிறுவுதலுக்கான விருப்பத் தேர்வுகள் பிரிவைப் பார்க்கவும்.

1. செலுத்தியில் இருக்கும் உரிம ஒப்பந்தத்தை ஏற்றுக்கொள்வதற்கான தேர்வுப் பெட்டி தேர்வாகியிருப்பதை உறுதிசெய்துகொள்ளவும்.
2. தத்தல் விசையை அழுத்தி, "என்விடிஏவை இக்கணினியில் நிறுவுக" பொத்தானுக்குச் சென்று அதை இயக்கவும்.
3. புகுபதியும்பொழுது என்விடிஏவைப் பயன்படுத்துதல், மேசைத் தள குறுக்குவழியை ஏற்படுத்துதல் ஆகியவைகளுக்கான தேர்வுப் பெட்டிகள் அடுத்து காணப்படும். இயல்பில் இவைகள் தேர்வாகியிருக்கும். இயல்பில் இருக்கும் அமைப்புகளை அப்படியே வைத்துக்கொள்ளலாம், அல்லது தத்தல் விசையையும், இடைவெளிப்பட்டையையும் அழுத்தி, மாற்ற விரும்பும் அமைப்பிற்கான தேர்வுப் பெட்டிக்குச் சென்று, அதன் தேர்வினை நீக்கிவிடலாம்.
4. "தொடர்க" பொத்தானுக்குச் சென்று உள்ளிடு விசையை அழுத்தவும்.
5. "இப்பயன்பாடு தங்களின் கணினியில் மாற்றத்தைக் கொண்டுவர அனுமதிக்கிறீர்களா?" என்று கேட்டு ஒரு பயனர் கணக்கு கட்டுப்பாடு உரையாடல் தோன்றும்.
6. நிலைமாற்றி+y விசையை அழுத்தி "ஆம்" பொத்தானை இயக்கவும்.
7. என்விடிஏ நிறுவப்படும்பொழுது, ஒரு முன்னேற்றப் பட்டை நிரப்பப்படும். இந்தச் செயல்முறையின்பொழுது, ஏறுமுகமான உயர் சுருதி சிற்றொலிகளை என்விடிஏ எழுப்பும். இந்தச் செயல்முறை பொதுவாக விரைவாக இருக்கும் என்பதால் அது கவனிக்கப்படாமல் இருக்கும்.
8. என்விடிஏ வெற்றிகரமாக நிறுவப்பட்டது என்று உறிதிசெய்து ஒரு உரையாடல் பெட்டி தோன்றும். நிறுவப்பட்டுள்ள படியை இயக்க "சரி" பொத்தானை அழுத்தச் சொல்லி இவ்வுரையாடல் அறிவுறுத்தும். நிறுவப்பட்டுள்ள படியை இயக்க உள்ளிடு விசையை அழுத்தவும்.
9. "என்விடிஏவிற்கு வருக" உரையாடல் பெட்டி தோன்றி, ஒரு வரவேற்புத் தகவலை என்விடிஏ படிக்கும். விசைப் பலகைத் தளவமைப்பு சேர்க்கைப் பெட்டியின் மீது குவிமையம் இருக்கும். இயல்பில், மேசைத் தள தளவமைப்பு, சில செயல்பாடுகளுக்கு எண் திட்டினை பயன்படுத்தும். எண் திட்டின் செயல்பாடுகளை பிற விசைகளுக்கு ஒதுக்க விரும்பினால், கீழம்பு விசையை அழுத்தி மடிக்கணினி தலவமைப்பைத் தெரிவுசெய்யவும்.
10. தத்தல் விசையை அழுத்தி, "முகப்பெழுத்துப் பூட்டு விசையை என்விடிஏ மாற்றியமைப்பி விசையாகப் பயன்படுத்துக" தேர்வுப் பெட்டிக்குச் செல்லவும். இயல்பில், என்விடிஏ மாற்றியமைப்பி விசையாக "செருகு" விசை அமைக்கப்பட்டிருக்கும். முகப்பெழுத்துப் பூட்டு விசையை மாற்றியமைப்பி விசையாகப் பயன்படுத்த இடைவெளிப்பட்டையை அழுத்தி இத்தேர்வுப் பெட்டியைத் தேர்வுச் செய்யவும். என்விடிஏ மாற்றியமைப்பி விசையிலிருந்து விசைப் பலகை தளவமைப்பு தனித்து அமைக்கப்பட்டிருக்கிறது என்பதை நினைவில் கொள்ளவும். என்விடிஏ மாற்றியமைப்பி விசையையும், விசைப் பலகைத் தளவமைப்பையும் விசைப் பலகை அமைப்பில் பிறகு மாற்றியமைத்துக்கொள்ளலாம்.
11. இத்திரையில் காணப்படும் மற்ற இரு விருப்பத் தேர்வுகளை மாற்றியமைக்க, தத்தல் விசையையும், இடைவெளிப்பட்டையையும் பயன்படுத்தவும். புகுபதிந்தவுடன் என்விடிஏ துவங்குவதற்கும், என்விடிஏ துவங்கியவுடன் வரவேற்பு உரையாடல் காட்டப்படுவதற்கும் இந்த இரு தேர்வுப் பெட்டிகள் கொடுக்கப்பட்டுள்ளன.
12. வரவேற்பு உரையாடல் பெட்டியை மூட, உள்ளிடு விசையை அழுத்தவும்.

என்விடிஏவை இயக்குதல்

எல்லா என்விடிஏ கட்டளைகளும் முழு பயனர் வழிகாட்டியில் குறிப்புக்காக பல பிரிவுகளாகப் பிரிக்கப்பட்டு கொடுக்கப்பட்டுள்ளன. "கட்டளைகள் விரைவுப் பார்வையிலும்" கட்டளைகளின் அட்டவணைகள் உள்ளன. என்விடிஏவிற்கான அடிப்படைப் பயிற்சியில் ஒவ்வொரு கட்டளையும் படிப்படியான செயல்பாடுகளுடன் ஆழ்ந்து விளக்கப்பட்டுள்ளது. என்வி அக்ஸஸ் அங்காடியில் என்விடிஏவிற்கான அடிப்படைப் பயிற்சி கிடைக்கிறது.

அடிக்கடிப் பயன்படுத்தப்படும் சில கட்டளைகள் இங்கே கொடுக்கப்பட்டுள்ளன. எல்லாக் கட்டளைகளையும் பயனர்கள் அமைவடிவமாக்கிக்கொள்ளலாம் என்பதால் செயல்பாடுகளுக்குறிய இயல்பான விசைக் கட்டளைகளே இங்கு கொடுக்கப்பட்டுள்ளன.

என்விடிஏ மாற்றியமைப்பி விசை

பூட்டு விலக்கப்பட்ட நிலையில் எண் திட்டில் இருக்கும் "சுழியம்" விசையும், அழி, தொடக்கம், முடிவு ஆகிய விசைகளுக்கருகே இருக்கும் "செருகு" விசையும் என்விடிஏவின் மாற்றியமைப்பி விசையாக இயல்பில் அமைந்திருக்கும். "முகப்பெழுத்து பூட்டு" விசையையும் என்விடிஏ மாற்றியமைப்பி விசையாக அமைத்துக்கொள்ளலாம்.

உள்ளீடு உதவி

விசைகளின் இருப்பிடத்தைக் கற்றுக்கொள்ளவும், அவைகளை இயக்கி பயிற்சி செய்யவும், என்விடிஏ+1 விசையை அழுத்தி, உள்ளீட்டு உதவியை இயக்கவும். உள்ளீட்டு உதவி நிலையில், உள்ளிடப்படும் விசையையும், தொடு சைகையையும் அறிவித்து, அதற்கான செயல்பாடு ஏதேனுமிருந்தால், அதையும் என்விடிஏ அறிவிக்கும். உள்ளீட்டு உதவி நிலையில் உள்ளிடப்படும் விசைக் கட்டளைகள் கணினிக்கு அனுப்பப்படமாட்டாது என்பதால், அவை கட்டளைகளாக இயங்காது.

என்விடிஏவைத் துவக்குதல் மற்றும் நிறுத்துதல்

உரையைப் படித்தல்

அமைவிடத்தையும், பிற தகவல்களையும் அறிவித்தல்

எந்தத் தகவலை என்விடிஏ படிக்கவேண்டுமென்பதை மாற்றியமைத்தல்

ஒலிப்பான் அமைப்பு வலையம்

என்விடிஏ ஓடிக் கொண்டிருக்கும்பொழுது, பொதுவாகப் பயன்படுத்தப்படும் பேச்சு அமைப்புகளுக்கிடையே நகரவும், அவைகளைக் கட்டுப்படுத்தவும் கொடுக்கப்பட்டிருக்கும் விசைக் கட்டளைகளின் தொகுப்பே ஒலிப்பான் அமைப்பு வலையமாகும்.

இணையத்தில் வழிசெலுத்தல்

ஒற்றை எழுத்துடன் வழிசெலுத்தும் விசைகளின் முழுப் பட்டியல் பயனர் வழிகாட்டியின் உலாவும் நிலை பிரிவில் உள்ளது.

விருப்பங்கள்

என்விடிஏ அமைப்புகளின் வாயிலாக பெரும்பாலான என்விடிஏவின் செயல்பாடுகளை முடுக்கலாம், அல்லது மாற்றியமைக்கலாம். அமைப்புகளும், பிற விருப்பத் தேர்வுகளும் என்விடிஏ பட்டி வழியாக கிடைக்கப்பெறுகின்றன. என்விடிஏ பட்டியைத் திறக்க, என்விடிஏ+n விசையை அழுத்தவும். என்விடிஏவின் பொது அமைப்புகள் உரையாடலை நேரடியாகத் திறக்க, என்விடிஏ+கட்டுப்பாடு+G விசையை அழுத்தவும். ஒலிப்பான் அமைப்புகள் உரையாடலுக்கு, என்விடிஏ+கட்டுப்பாடு+S, பேச்சு அமைப்புகளுக்கு, என்விடிஏ+கட்டுப்பாடு+v போன்று, பல அமைப்புகளின் உரையாடலை நேரடியாகத் திறக்க விசைக் கட்டளைகள் உள்ளன.

நீட்சிநிரல்கள்

நீட்சிநிரல்கள் என்விடிஏவிற்கான புதிய அல்லது மாற்றப்பட்ட செயல்பாட்டை வழங்கும் நிரல்களாகும். என்விடிஏவின் சமூகம், அல்லது என்வி அக்ஸஸிற்கு தொடர்பில்லாத வெளிப்புற நிறுவனங்களினால் நீட்சிநீரல்கள் உருவாக்கப்படுகின்றன. எந்தவொரு மென்பொருளையும் போலவே, ஒரு நீட்சிநிரலைப் பயன்படுத்துவதற்கு முன், அதன் மேம்படுத்துநரை நம்புவது முக்கியமாகும். நிறுவலுக்கு முன் நீட்சிநிரல்களை சரிபார்க்கும் வழிகளுக்கு, நீட்சிநிரல்களை நிறுவுதல் தலைப்பைப் பார்க்கவும்.

முதன்்முறையாக நீட்சிநிரல் அங்காடி திறக்கப்படும்பொழுது, ​​என்விடிஏ நீட்சிநிரல்களைப் குறித்த எச்சரிக்கையைக் காட்டிடும். என்வி அக்ஸஸால் நீட்சிநிரல்கள் சரிபார்க்கப்படவில்லை என்பதோடு, அவை வரம்பின்றி செயல்படலாம், தகவல்களையும் அணுகலாம். எச்சரிக்கையைப் படித்துவிட்டீர்கள், மீண்டும் அது காட்டப்படவேண்டாம் என்று தாங்கள் கருதினால், இடைவெளிப்பட்டையை அழுத்தவும். நீட்சிநிரல் அங்காடிற்குச் செல்ல, தத்தல் விசையை அழுத்தி 'சரி' பொத்தானுக்குச் சென்று, உள்ளிடு விசையை அழுத்தி எச்சரிக்கையை ஏற்கவேண்டும். நீட்சிநிரல் அங்காடியின் ஒவ்வொரு கூறு குறித்த தகவலை, பயனர் வழிகாட்டியின் "நீட்சிநிரல்களும் நீட்சிநிரல் அங்காடியும்" பிரிவு கொண்டுள்ளது.

கருவிகள் உட்பட்டியில் நீட்சிநிரல் அங்காடி கிடைப்பிலுள்ளது. என்விடிஏ+n விசையை அழுத்தி என்விடிஏ பட்டியைத் திறந்து, 't' விசையை அழுத்தி கருவிகள் உட்பட்டிக்குச் சென்று, 'a' விசையை அழுத்தி நீட்சிநிரல் அங்காடியைத் திறக்கவும். நீட்சிநிரல்கள் நிறுவப்பட்டிருக்கவில்லை என்றால், நீட்சிநிரல் அங்காடி திறந்தவுடன், கிடைப்பிலிருக்கும் நீட்சிநிரல்களைக் காட்டிடும். நீட்சிநிரல்கள் நிறுவப்பட்டிருந்தால், நீட்சிநிரல் அங்காடி திறந்தவுடன், நிறுவப்பட்டுள்ள நீட்சிநிரல்கள் கீற்றினைக் காட்டிடும்.

கிடைப்பிலிருக்கும் நீட்சிநிரல்கள்

சாளரம் முதலில் திறக்கும்பொழுது, நீட்சிநிரல்களை ஏற்றுவதற்கு சில வினாடிகள் ஆகலாம். நீட்சிநிரல்களின் பட்டியல் ஏற்றப்பட்டவுடன், முதல் நீட்சிநிரலின் பெயரை என்விடிஏ படித்திடும். கிடைப்பிலிருக்கும் நீட்சிநிரல்கள், அகர வரிசைப்படி ஒரு பல நெடுவரிசைப் பட்டியலில் காட்டப்படும். பட்டியலை உலாவி, ஒரு குறிப்பிட்ட நீட்சிநிரலைக் குறித்து அறிய:

1. பட்டியலில் இருக்கும் நீட்சிநிரல்களுக்கிடையே நகர, அம்பு விசைகளைப் பயன்படுத்தவும், அல்லது நீட்சிநிரல் பெயரின் முதல் எழுத்தை அழுத்தவும்.
2. தற்பொழுது தெரிவுசெய்யப்பட்டிருக்கும் நீட்சிநிரலின் விளக்கத்திற்குச் செல்ல, தத்தல் விசையை ஒருமுறை அழுத்தவும்.
3. முழு விளக்கத்தையும் படிக்க, படித்தல் விசைகளை, அல்லது அம்பு விசைகளைப் பயன்படுத்தவும்.
4. பிற செயல்களுக்கிடையில் நீட்சிநிரல் நிறுவுதலுக்குப் பயன்படும் "செயல்கள்" பொத்தானுக்குச் செல்ல, தத்தல் விசையை அழுத்தவும்.
5. பதிப்பாளர், பதிப்பு மற்றும் முகப்புப்பக்கம் போன்ற விவரங்களைப் பட்டியலிடும் "பிற விவரங்கள்" பொத்தானுக்குச் செல்ல, தத்தல் விசையை அழுத்தவும்.
6. நீட்சிநிரல்களின் பட்டியலுக்குத் திரும்ப, நிலைமாற்றி+a விசையை அழுத்தவும், அல்லது பட்டியலை அடையும்வரை மாற்றழுத்தி+தத்தல் விசையை அழுத்தவும்.

நீட்சிநிரல்களைத் தேடுதல்

கிடைப்பிலிருக்கும் எல்லா நீட்சிநிரல்களையும் உலாவுவதுடன், காட்டப்பட்டுள்ள நீட்சிநிரல்களை வடிகட்டவும் இயலும்ம். தேடுவதற்கு, நிலைமாற்றி+s விசையை அழுத்தி, "தேடுக" களத்திற்குச் சென்று, தேடல் உரையைத் தட்டச்சிடவும். நீட்சிநிரலின் அடையாள எண், காட்சியளிக்கும் பெயர், பதிப்பாளர், படைப்பாளர், விளக்கம் ஆகிய களங்களில் உள்ள உரைப் பொருத்தங்களை இத்தேடுதல் சரிபார்க்கிறது. தேடல் சொற்கள் தட்டச்சிடப்படும்பொழுது, சொற்களுக்கேற்ப பட்டியல் இற்றாக்கப்படும். முடிந்ததும், தத்தல் விசையை அழுத்தி, வடிகட்டப்பட்ட நீட்சிநிரல்களின் பட்டியலுக்குச் சென்று முடிவுகளை உலாவி அறியலாம்.

நீட்சிநிரல்களை நிறுவுதல்

ஒரு நீட்சிநிரலை நிறுவ:

1. தாங்கள் நிறுவ விரும்பும் நீட்சிநிரலை குவிமையத்தில் கொண்டுவந்து, உள்ளிடு விசையை அழுத்தவும்.
2. "செயல்கள்" பட்டியல் பல செயல்களைக் காட்டிடும். அதில், "நிறுவுக" என்பது முதல் உருப்படியாகும்.
3. நீட்சிநிரலை நிறுவ, 'i' விசையை அழுத்தவும், அல்லது கீழம்பு விசையைப் பயன்படுத்தி 'நிறுவுக' உருப்படிக்குச் சென்று உள்ளிடு விசையை அழுத்தவும்.
4. பட்டியலில் இருக்கும் நீட்சிநிரலுக்குக் குவிமையம் திரும்பி, அந்நீட்சிநிரல் குறித்த விவரங்களை என்விடிஏ படித்திடும்.
5. என்விடிஏவால் அறிவிக்கப்படும் "நிலைத் தகவல்", "கிடைப்பிலுள்ளது" என்பதிலிருந்து "தரவிறக்கப்படுகிறது" என மாறிடும்.
6. நீட்சிநிரல் பதிவிறக்கம் முடிந்தவுடன், "தரவிறக்கப்பட்டுவிட்டது. நிறுவல் நிலுவையில் உள்ளது" என மாறிடும்.
7. அதே நேரத்தில் பிற நீட்சிநிரல்களை நிறுவ, மேற்சொன்ன முறையை மீண்டும்செய்யவும்.
8. முடிந்தவுடன், தத்தல் விசையை அழுத்தி, "மூடுக" பொத்தானுக்குச் சென்று உள்ளிடு விசையை அழுத்தவும்.
9. நீட்சிநிரல் அங்காடி மூடப்பட்டவுடன், தரவிறக்கப்பட்ட நீட்சிநிரல்கள், நிறுவல் செயல்முறையைத் தொடங்கும். நிறுவல் செயல்முறையின்பொழுது, தாங்கள் ஊடாடவேண்டிய உரையாடல்களை நீட்சிநிரல்கள் தோற்றுவிக்கலாம்.
10. நீட்சிநிரல்கள் நிறுவப்பட்டவுடன், மாற்றங்கள் செய்யப்பட்டுள்ளன, நீட்சிநிரல்களின் நிறுவல் முழுமையடைய என்விடிஏவைத் தாங்கள் மறுதுவக்க வேண்டுமென்று அறிவுறுத்தி ஒரு உரையாடல் தோன்றும்.
11. என்விடிஏவை மறுதுவக்க உள்ளிடு விசையை அழுத்தவும்.

நிறுவப்பட்டுள்ள நீட்சிநிரல்களை மேலாளுதல்

நீட்சிநிரல் அங்காடியின் கீற்றுகளுக்கிடையே நகர, கட்டுப்பாடு+தத்தல் விசையை அழுத்தவும். நிறுவப்பட்டுள்ள நீட்சிநிரல்கள், இற்றாக்கத்தக்க நீட்சிநிரல்கள், கிடைப்பிலுள்ள நீட்சிநிரல்கள், நிறுவப்பட்டுள்ள இணக்கமற்ற நீட்சிநிரல்கள் ஆகிய கீற்றுகளை இது உள்ளடக்கியிருக்கும். ஒவ்வொரு கீற்றும் ஒன்றுக்கொன்று ஒத்த நீட்சிநிரல்களின் பட்டியலாகவும், தெரிவுசெய்யப்பட்டிருக்கும் நீட்சிநிரலின் கூடுதல் விவரங்கள், செயல்கள் ஆகிய பொத்தான்களைக் கொண்டதாகவும் அமைக்கப்பட்டிருக்கும். நிறுவப்பட்டுள்ள நீட்சிநிரல்களின் "செயல்கள்" பட்டியலில், "நிறுவுக" என்பதற்கு மாற்றாக, "முடக்குக", "நீக்குக" ஆகிய உருப்படிகள் அடங்கியிருக்கும். ஒரு நீட்சிநிரல் முடக்கப்பட்டிருந்தால், என்விடிஏ அதை ஏற்றாது என்றாலும் அது நிறுவல் நிலையில் விட்டுவைக்கப்பட்டிருக்கும். முடக்கப்பட்ட நீட்சிநிரலை மீண்டும் முடுக்க, "செயல்கள்" பட்டியலில் இருக்கும் "முடுக்குக" உருப்படியை இயக்கவும். நீட்சிநிரல்களின் முடுக்கம், முடக்கம், நீக்கம் ஆகிய செயல்கள் முடிந்தவுடன், நீட்சிநிரல் அங்காடியை மூடும்பொழுது என்விடிஏவை மறுதுவக்க தாங்கள் அறிவுறுத்தப்படுவீர்கள். என்விடிஏ மறுதுவக்கப்பட்டால் மட்டுமே, இந்த மாற்றங்கள் செயலுக்கு வரும். நீட்சிநிரல் அங்காடி சாளரத்தில், "விடுபடு" விசை, "மூடுக" பொத்தானைப் போலவே செயல்படுகிறது என்பதை நினைவில் கொள்ளவும்.

நீட்சிநிரல்களை இற்றாக்குதல்

தாங்கள் நிறுவியிருக்கும் நீட்சிநிரலுக்கான இற்றாக்கம் கிடைப்பிலிருந்தால், ​​அது "இற்றாக்கத்தக்க நீட்சிநிரல்கள்" கீற்றில் பட்டியலிடப்படும். நீட்சிநிரல் அங்காடியில் எங்கிருந்தாயினும் இந்த கீற்றிற்கு நகர, கட்டுப்பாடு+தத்தல் விசையை அழுத்தவும். நீட்சிநிரலின் நிலை, "இற்றாக்கம் கிடைப்பிலுள்ளது" என்று காட்டப்படும். தற்பொழுது நிறுவியிருக்கும் பதிப்பையும், கிடைப்பிலிருக்கும் பதிப்பையும் பட்டியல் காட்டிடும். நீட்சிநிரலின் மீது உள்ளிடு விசையை அழுத்தி, தோன்றும் "செயல்கள்" பட்டியலில் "இற்றாக்குக" உருப்படியை இயக்கவும்.

இயல்பில், என்விடிஏ துவங்கியவுடன், நீட்சிநிரல்களுக்கான இற்றாக்கங்கள் ஏதேனும் கிடைப்பிலுள்ளதா என்று தங்களுக்கு அறிவிக்கப்படும். இத்தன்மை குறித்து மேளும் அறியவும், அதை அமைவடிவமாக்கவும், "இற்றாக்க அறிவிக்கைகள்" பிரிவைக் காணவும்.

சமூகம்

என்விடிஏ ஒரு துடிப்பான பயனர் சமூகத்தைக் கொண்டுள்ளது. என்விடிஏவின் உருவாக்குநர்களான என்வி அக்ஸஸ், மாஸ்டோடானிலும், டுவிட்டரிலும், முகநூலிலும் சுறுசுறுப்பாகச் செயல்படுகிறது. என்வி அக்ஸஸ், வழமையான செயல்முறையிலுள்ள வலைப்பூவினையும் கொண்டுள்ளது. என்வி அக்ஸஸிற்கு சொந்தமான பிரதான மின்னஞ்சல் பட்டியலும், பிற சமூக குழுக்களையும் கொண்ட ஒரு முழு பக்கமும் உள்ளன.

என்விடிஏவினால் சான்றளிக்கப்பட்ட நிபுனர் என்கிற திட்டமும் உள்ளது. என்விடிஏவில் தங்களுக்கிருக்கும் நிபுனத்துவத்தை பரைசாற்ற, இந்த இணையவழித் தேர்வினை தாங்கள் முடிக்கலாம். என்விடிஏவினால் சான்றளிக்கப்பட்ட நிபுனர்கள், தங்களின் தொடர்பு மற்றும் பொருத்தமான வணிகத் தகவல்களை பட்டியலிடலாம்.

உதவிப் பெறுதல்

என்விடிஏவிற்கான உதவிக்கு, என்விடிஏ+n விசையை அழுத்தி, என்விடிஏ பட்டியைத் திறந்து, 'h' விசையை அழுத்தவும். இந்த உட்பட்டியிலிருந்து தாங்கள் பயனர் வழிகாட்டி, கட்டளைகளுக்கான விரைவுக் குறிப்பு, புதிய கூறுகளின் வரலாறு ஆகியவைகளோடு இன்னும் பலவற்றையும் அணுகலாம். இந்த முதல் மூன்று விருப்பத் தேர்வுகள், இயல்பாக அமைந்திருக்கும் இணைய உலாவியில் திறக்கப்படும். என்வி அக்ஸஸ் அங்காடியில் மேலும் விரிவான பயிற்சிப் பாடங்கள் கிடைக்கப்பெறுகின்றன.

"என்விடிஏவுக்கான அடிப்படை பயிற்சி" தொகுதியுடன் தொடங்க பரிந்துரைக்கிறோம். இந்த பயிற்சியானது, தொடங்குவது முதல் இணையத்தில் உலாவுதல் மற்றும் பொருள் வழிசெலுத்தலைப் பயன்படுத்துவது வரையிலான கருத்துகளை உள்ளடக்கியது. பின்வரும் வடிவங்களில் இது கிடைக்கப்பெறுகின்றன:

• வேர்ட் DOCX, எச்.டி.எம்.எல். இணையப் பக்கம், ePub மின்னூல், KFX கிண்டில் வடிவூட்டங்கள் ஆகியவைகளை உள்ளடக்கிய மின்னணு உரை.
• ஹ்யூமன்வேர்-ரீட், MP3 ஒலிதம்
• உலகில் எங்காயினும் சேர்்ப்பிக்கப்படும் வசதியோடு UEB பிரெயில் அச்சுப் படி.

பிற பயிற்சித் தொகுப்புகளும், தள்ளுபடியிலான என்விடிஏ உற்பத்தித் திறன் தொகுப்பும் என்வி அக்ஸஸ் அங்காடியில் கிடைக்கப்பெறுகின்றன.

என்விடிஏ உற்பத்தித் திறன் தொகுப்பின் பகுதியாக, அல்லது தொகுதிகளாக தொலைப்பேசி ஆதரவினை என்வி அக்ஸஸ் விற்கிறது. தொலைபேசி ஆதரவில் ஆஸ்திரேலியா மற்றும் அமெரிக்காவில் உள்ள உள்ளூர் எண்கள் அடங்கும்.

சான்றளிக்கப்பட்ட என்விடிஏ நிபுனர்களைப் போலவே, மின்னஞ்சல் பயனர் குழுமங்களும் சமூக உதவிக்கு பெரும் ஆதாரமாக உள்ளன.

GitHub வாயிலாக என்விடிஏவில் உள்ள வழுக்களை தெரிவிக்கலாம், அல்லது புதிய கூறுகளைக் கோரலாம். சமூகத்திற்குப் பங்களிக்க, பங்களிப்பு வழிமுறைகள் பக்கம் மதிப்புமிக்கத் தகவலைக் கொண்டுள்ளது.

கூடுதல் அமைவு விருப்பத் தேர்வுகள்

நிறுவல் விருப்பத் தேர்வுகள்

தரவிறக்கப்பட்ட என்விடிஏ செலுத்தியிலிருந்து நேரடியாக நிறுவுவதாக இருந்தால், "என்விடிஏவை நிறுவுக" பொத்தானை அழுத்தவும். இந்த உரையாடலை ஏற்கெனவே தாங்கள் மூடியிருந்தால், அல்லது கொண்டுசெல்லத்தக்கப் படியிலிருந்து என்விடிஏவை நிறுவுவதாக இருந்தால், என்விடிஏ பட்டியில் இருக்கும் "கருவிகள்" உட்பட்டிக்குச் சென்று, "என்விடிஏவை நிறுவுக" உருப்படியை தேர்ந்தெடுக்கவும்.

தோன்றும் உரையாடல் பெட்டி, என்விடிஏவை தாங்கள் நிறுவ விரும்புகிறீர்களா என்று கேட்பதோடு, ஏற்கெனவே நிறுவப்பட்டிருக்கும் என்விடிஏவை இது இற்றைப்படுத்துமா என்பதையும் தெரிவிக்கும். "தொடர்க" பொத்தானை அழுத்தியவுடன் என்விடிஏவின் நிறுவுதல் தொடங்கும். இவ்வுரையாடலில், கீழே விளக்கப்பட்டிருக்கும் சில விருப்பத் தேர்வுகளும் உண்டு. Once the installation has completed, a dialog will appear with options for what to do next. See Restart Windows After Installation for more information.

இணக்கமற்ற நீட்சிநிரல்கள் எச்சரிக்கை

நீட்சிநிரல்களை தாங்கள் ஏற்கெனவே நிறுவியிருந்தால், இணக்கமற்ற நீட்சிநிரல்கள் முடக்கப்படும் என்று எச்சரிக்கப்படும். "தொடர்க" பொத்தானை அழுத்துவதற்கு முன், இணக்கமற்ற நீட்சிநிரல்கள் முடக்கப்படும் என்பதை தாங்கள் அறிவீர்கள் என்று உறுதிசெய்ய, அதற்கு கொடுக்கப்பட்டிருக்கும் தேர்வுப் பெட்டியினைத் தேர்வுசெய்ய வேண்டும். முடக்கப்படும் நீட்சிநிரல்களை சீராய்வதற்கு ஒரு பொத்தானும் கொடுக்கப்பட்டிருக்கும். இப்பொத்தான் குறித்த உதவிக்கு, இணக்கமற்ற நீட்சிநிரல்கள் உரையாடல் பிரிவைக் காணவும். நிறுவுதலுக்குப் பிறகு, நீட்சிநிரல் அங்காடியின் உள்ளிருந்து, தங்களின் சொந்தப் பொறுப்பில் இணக்கமற்ற நீட்சிநிரல்களை மீண்டும் முடுக்கிவிடலாம்.

புகுபதியும்பொழுது என்விடிஏவைப் பயன்படுத்துக

விண்டோஸ் புகுபதிவுத் திரையில் இருக்கும் நிலையில், கடவுச்சொல்லை தாங்கள் உள்ளிடுவதற்கு முன் என்விடிஏ தானாகத் தொடங்க வேண்டுமா, வேண்டாமா என்று தேர்வுச் செய்ய இவ்விருப்பத் தேர்வு தங்களை அனுமதிக்கிறது. பயனர் கணக்கு கட்டுப்பாடு மற்றும் பிற பாதுகாப்பான திரைகளும்இதில் உள்ளடங்கும். புதிய நிறுவல்களுக்கு இவ்விருப்பத் தேர்வு இயல்பாக முடுக்கப்பட்டிருக்கும்.

மேசைத்தள குறுக்குவிசையை உருவாக்குக (கட்டுப்பாடு+நிலைமாற்றி+n)

என்விடிஏவைத் துவக்க மேசைத்தளத்தில் குறுக்குவிசையை என்விடிஏ உருவாக்க வேண்டுமா, அல்லது வேண்டாமா என்று தேர்வுச்செய்ய இவ்விருப்பத் தேர்வு தங்களை அனுமதிக்கிறது. இக்குறுக்குவழி உருவாக்கப்பட்டால், கட்டுப்பாடு+நிலைமாற்றி+n என்ற குறுக்குவிசையும் ஒதுக்கப்பட்டு, இவ்விசையை அழுத்துவதன் மூலம், எந்நேரத்திலும் என்விடிஏவைத் துவக்க தங்களுக்கு வசதியளிக்கிறது.

தற்போதைய பயனர் கணக்கிற்கு கொண்டுசெல்லத்தக்க அமைவடிவத்தைப் படியெடுத்திடுக

தற்பொழுது இயங்கிக் கொண்டிருக்கும் என்விடிஏவின் பயனர் அமைவடிவத்தை, தற்பொழுது புகுபதிவில் இருக்கும் நிறுவப்பட்டிருக்கும் என்விடிஏவுக்குள் படியெடுக்க வேண்டுமா என்பதைத் தீர்மானிக்க இவ்விருப்பத் தேர்வு தங்களை அனுமதிக்கிறது. கணினியின் பிற பயனர் கணக்கிற்கு, அல்லது சாளரப் புகுபதிவு மற்றும் பிற பாதுகாப்பான திரைகளில் பயன்படுத்த அமைந்திருக்கும் கணினி அமைவடிவத்திற்கு, கொண்டுசெல்லத்தக்க அமைவடிவம் படியெடுக்கப்பட மாட்டாது. கொண்டுசெல்லத்தக்கப் படியிலிருந்து என்விடிஏவை நிறுவும்பொழுது மட்டும்தான் இவ்விருப்பத் தேர்வு கிடைப்பிலிருக்கும். தரவிறக்கப்பட்ட செலுத்தித் தொகுப்பிலிருந்து நேரடியாக நிறுவும்பொழுது இருக்காது.

Restart Windows After Installation

After NVDA has been successfully installed or updated, a dialog will appear recommending that you restart Windows. Restarting ensures that NVDA is fully registered with the system and works correctly in all applications.

The dialog provides the following options:

• Restart Windows: Immediately restart Windows.
• Start NVDA: Start the newly installed copy of NVDA without restarting.
  • Note: this option is not available when the installer is run with elevated (administrator) privileges.
• Exit NVDA: Close without starting NVDA or restarting Windows.

கொண்டுசெல்லத்தக்கப் படியை உருவாக்குக

என்விடிஏ தரவிறக்கத் தொகுப்பிலிருந்து நேரடியாக கொண்டுசெல்லத்தக்கப் படியை உருவாக்குவதாக இருந்தால், 'கொண்டுசெல்லத்தக்கப் படியை உருவாக்குக' பொத்தானை அழுத்தவும். இவ்வுரையாடலை ஏற்கெனவே தாங்கள் மூடியிருந்தால், அல்லது நிறுவப்பட்ட என்விடிஏவை தாங்கள் இயக்குவதாக இருந்தால், என்விடிஏ பட்டியின் 'கருவிகள்' உட்பட்டியில் காணப்படும் 'கொண்டுசெல்லத்தக்கப் படியை உருவாக்குக' உருப்படியைத் தேர்ந்தெடுக்கவும்.

கொண்டுசெல்லத்தக்கப் படி எங்கு உருவாக்கப்பட வேண்டும் என்பதைத் தேர்வுச்செய்ய, தோன்றும் உரையாடல் தங்களை அனுமதிக்கிறது. தங்களின் வன்தட்டின் ஒரு அடைவு, அல்லது யுஎஸ்பி விரலி, அல்லது பிற கொண்டுசெல்லத்தக்க ஊடகமாக இது இருக்கலாம். இயல்பில், கொண்டுசெல்லத்தக்கப் படிக்கு ஒரு புதிய அடைவு உருவாக்கப்படும். ஏற்கெனவே இருக்கும் ஒரு அடைவைத் தாங்கள் பயன்படுத்தலாம். அப்படிச் செய்யும்பொழுது, அவ்வடைவில் இருக்கும் கோப்புகள் அழிக்கப்பட்டு புதிய கோப்புகள் எழுதப்படும். ஏற்கெனவே இருக்கும் அடைவு, என்விடிஏவின் கொண்டுசெல்லத்தக்கப் படியாக இருந்தால், அது இற்றாக்கப்படும்.

தற்போதைய பயனரின் என்விடிஏ அமைவடிவத்தை, புதிதாக உருவாக்கப்படும் கொண்டுசெல்லத்தக்கப் படிக்கு படியெடுக்க வேண்டுமா என்பதைத் தீர்மானிக்க ஒரு விருப்பத் தேர்வும் உண்டு. இதில் நீட்சிநிரல்களும் அடங்கும். நிறுவப்பட்ட படியிலிருந்து கொண்டுசெல்லத்தக்கப் படியை உருவாக்கும்பொழுது மட்டுமே இவ்விருப்பத் தேர்வு கிடைப்பிலிருக்கும். தரவிறக்கத் தொகுப்பிலிருந்து உருவாக்கும்பொழுது இருக்காது.

'தொடர்க' பொத்தானை அழுத்தினால், கொண்டுசெல்லத்தக்கப் படி உருவாக்கப்படும். உருவாக்கம் முடிந்தவுடன், அது வெற்றிகரமாக அமைந்ததாகத் தெரிவித்து ஒரு செய்தி தோன்றும். இவ்வுரையாடலை மூட, 'சரி' பொத்தானை அழுத்தவும்.

கொண்டுசெல்லத்தக்க மற்றும் தற்காலிகப் படிகளில் இருக்கும் கட்டுப்பாடுகள்

யுஎஸ்பி விரலி, அல்லது பிற எழுதப்படக் கூடிய ஊடகங்களில் என்விடிஏவை எடுத்துச் செல்ல விரும்பினால், கொண்டுசெல்லத்தக்கப் படி உருவாக்கத்தைத் தாங்கள் தேர்ந்தெடுக்க வேண்டும். நிறுவப்பட்டிருக்கும் என்விடிஏவைக் கொண்டு எந்நேரத்திலும் கொண்டுசெல்லத்தக்க என்விடிஏவை உருவாக்கிக் கொள்ளலாம். பிறிதொரு தருணம் தங்களின் கணினியில் என்விடிஏவை நிறுவ விரும்பினால், கொண்டுசெல்லத்தக்கப் படியைக் கொண்டு அதை நிறுவிக் கொள்ளலாம். ஆனால், குறுந்தட்டு போன்ற படிக்க மட்டுமேயான ஊடகங்களில் என்விடிஏவைப் படியெடுக்க விரும்பினால், என்விடிஏவின் தரவிறக்குக் கோப்பினைப் படியெடுக்கவும். படிக்க மட்டுமேயான ஊடகங்களிலிருந்து கொண்டுசெல்லத்தக்க என்விடிஏவை இயக்கும் வசதி தற்போதைக்கு இல்லை.

என்விடிஏ நிறுவியைஎன்விடிஏவின் தற்காலிகப் படியாக பயன்படுத்தலாம். அமைப்புகள் சேமிக்கப்படுவதை தற்காலிகப் படிகள் தடுக்கின்றன. நீட்சிநிரல் அங்காடியை முடக்குவதும் இதில் உள்ளடங்கும்.

என்விடிஏவின் கொண்டுசெல்லத்தக்கப் படிகளிலும், தற்காலிகப் படிகளிலும் பின்வரும் கட்டுப்பாடுகள் உள்ளன:

• புகுபதிவு செய்யும்பொழுதும், அதன் பின்னரும் தானாக இயங்காது.
• நிர்வாக சிறப்புரிமையுடன் என்விடிஏ செயல்படாதபொழுது, நிர்வாக சிறப்புரிமையுடன் செயல்படும் பயன்பாடுகளுடன் அலவலாவ இயலாது. இருப்பினும், இவ்வசதி பரிந்துரைக்கப்படுவதில்லை. பின்வருவன எடுத்துக்காட்டுகளாகும்:
  • நிர்வாக பயன்முறையில் இயங்கும் கட்டளைத் தூண்டி மற்றும் பவர்ஷெல்
  • பணி மேலாளர்
  • விண்டோஸ் 11 குரல் அணுகல்
• நிர்வாக சிறப்புரிமையுடன் ஒரு பயன்பாட்டைத் துவக்க முற்படும்பொழுது, பயனர் கணக்குக் கட்டுப்பாட்டுத் திரைகளைப் படிக்க இயலாது.
• தொடுதிரை உள்ளீட்டிற்கு ஆதரவில்லை.
• விண்டோஸ் ஸ்டோர் பயன்பாடுகளில், உலாவும் நிலை, தட்டச்சிடப்பட்ட வரியுருக்களைப் படித்தல் ஆகிய கூறுகள் இல்லை.
• பின்னொலித் தணிப்புக்கு ஆதரவில்லை.

என்விடிஏவைப் பயன்படுத்துதல்

என்விடிஏவைச் செலுத்துதல்

என்விடிஏ ஏற்கெனவே நிறுவப்பட்டிருந்தால், அதை செலுத்துவது மிக எளிதாகும். கட்டுப்பாடு+நிலைமாற்றி+n கூட்டு விசையை அழுத்தியோ, அல்லது துவக்குப் பட்டியலிலுள்ள என்விடிஏவைத் தேர்ந்தெடுத்தோ செலுத்தலாம். கூடுதலாக, 'இயக்குக' உரையாடலில் 'nvda' என்று தட்டச்சிட்டு உள்ளிடு விசையை அழுத்தினாலும், என்விடிஏ செலுத்தப்படும். என்விடிஏ ஏற்கெனவே இயக்கத்திலிருந்தால், அது மறுதுவக்கப்படும். மேலும், என்விடிஏவைவிட்டு வெளியேற, அல்லது நீட்சிநிரல்களை செயலிழக்கச் செய்ய, என்விடிஏவின் கட்டளை வரி விருப்பத் தேர்வுகளைத் தாங்கள் செயற்படுத்தலாம்.

இயல்பில், நிறுவு வகை என்விடிஏவிற்கான அமைவடிவத்தை, நடப்புப் பயனரின் ரோமிங் அப்ளிகேஷன் டேட்டா கோப்புறையில் என்விடிஏ சேமிக்கிறது. (எ.கா. "C:\Users\<user>\AppData\Roaming"). மாற்றாக, லோக்கல் அப்ளிகேஷன் டேட்டா கோப்புறையிலிருந்து அமைவடிவத்தை என்விடிஏ ஏற்றும் வண்ணமும் அமைத்திட இயலும். கூடுதல் தகவல்களுக்கு, முழுதளாவிய கணினி அளவுருக்கள் பிரிவைக் காணவும்.

கொண்டுசெல்லத்தக்கப் படியை செலுத்த, என்விடிஏ வைக்கப்பட்டுள்ள இடத்திற்குச் சென்று, nvda.exe கோப்பின் மீது இருமுறை சொடுக்கவும், அல்லது உள்ளிடு விசையை அழுத்தவும். என்விடிஏ ஏற்கெனவே இயக்கத்திலிருந்தால், அது நிறுத்தப்பட்டு, கொண்டுசெல்லத்தக்கப் படி இயக்கப்படும்.

என்விடிஏ துவக்கப்படும்பொழுது, என்விடிஏ ஏற்றப்பட்டுக் கொண்டிருக்கிறது என்பதை அறிய, ஏறுமுகமான ஒலிகளை முதலில் கேட்பீர்கள். தங்களின் கணினி, அல்லது கொண்டுசெல்லத்தக்கப் படி வைக்கப்பட்டுள்ள ஊடகத்தின் வேகம் குறைவாக இருந்தால், என்விடிஏ துவங்க தாமதமாகும். என்விடிஏ துவங்க மிகவும் தாமதமானால், "என்விடிஏ ஏற்றப்படுகிறது, அருள்கூர்ந்து காத்திருக்கவும்..." என்று அறிவிக்கப்படும்.

என்விடிஏ பேசாதிருந்தாலோ, சாளரப் பிழை ஒலி எழுந்தாலோ, இறங்குமுகமான ஒலிகள் எழுந்தாலோ, என்விடிஏவில் பிழை என்று பொருள். இப்பிழைக் குறித்து என்விடிஏ மேம்படுத்துநர்களிடம் தாங்கள் தெரிவிக்க வேண்டும். இதை எவ்வாறு செய்வதென்பதையறிய, என்விடிஏவின் இணையதளத்தை பார்க்கவும்.

வரவேற்பு உரையாடல்

என்விடிஏ முதன்முதலாக துவங்கும்பொழுது, வரவேற்பு உரையாடல் பெட்டித் தோன்றும். இப்பெட்டியில், என்விடிஏ மாற்றியமைப்பி விசைக் குறித்தும், என்விடிஏ பட்டி குறித்தும் சில அடிப்படைத் தகவல்கள் கொடுக்கப்பட்டிருக்கும். (இத்தலைப்புகள் குறித்து தொடர்ந்து வரும் உட்பிரிவுகளைக் காணவும்.) இவ்வுரையாடல் பெட்டியில், ஒரு சேர்க்கைப் பெட்டியும், மூன்று தேர்வுப் பெட்டிகளும் காணப்படும். விசைப் பலகைத் தளவமைப்பைத் தெரிவுசெய்ய, சேர்க்கைப் பெட்டி அனுமதிக்கிறது. முதற் தேர்வுப் பெட்டி, முகப்பெழுத்துப் பூட்டு விசையை என்விடிஏ மாற்றியமைப்பி விசையாகப் பயன்படுத்த வேண்டுமா என்பதைக் கட்டுப்படுத்த கொடுக்கப்பட்டுள்ளது. இரண்டாவதுப் பெட்டி, தாங்கள் சாளரத்தில் புகுபதிவு செய்தவுடன், என்விடிஏ தானாகத் துவங்க வேண்டுமா என்பதைத் தீர்மானிக்கக் கொடுக்கப்பட்டுள்ளது. இதை நிறுவு வகைப் படிகளில் மட்டுமே காண்பீர்கள். மூன்றாம் பெட்டி, இவ்வரவேற்பு உரையாடல் ஒவ்வொரு முறையும் என்விடிஏ துவங்கும்பொழுது காட்டப்பட வேண்டுமா எந்பதைக் கட்டுப்படுத்த கொடுக்கப்பட்டுள்ளது.

தரவுப் பயன்பாட்டுப் புள்ளிவிவரங்கள் உரையாடல்

என்விடிஏவை முதன்முதலாக துவக்கும்பொழுது, என்விடிஏவின் வருங்கால மேம்பாட்டிற்கு உதவும் நோக்கில், என்விடிஏ பயன்பாட்டுத் தரவுகளை என்வி அக்ஸஸ் நிறுவனத்திற்கு அனுப்பிவைப்பதை ஏற்றுக்கொள்கிறீர்களா என்று கேட்டு ஒரு உரையாடல் பெட்டி தோன்றும். என்வி அக்ஸஸ் சேகரிக்கும் தரவுகள் குறித்த கூடுதல் தகவல்களை, 'தனியுரிமை மற்றும் பாதுகாப்பு அமைப்புப் பிரிவில் காணப்படும் என்விடிஏவின் பயன்பாட்டுப் புள்ளிவிவரங்களை சேகரிக்க என்வி அக்ஸஸை அனுமதித்திடுக பிரிவில் படிக்கலாம்.

'ஆம்', அல்லது 'இல்லை' பொத்தானை அழுத்தினால், அமைப்புகள் சேமிக்கப்பட்டு, என்விடிஏவை மறுபடியும் நிறுவினால், அல்லது அமைவடிவத்தை மீளமைத்தால் மட்டுமே இவ்வுரையாடல் மீண்டும் தோன்றும் என்பதை நினைவில் கொள்ளவும். என்விடிஏ அமைப்புகள் உரையாடலில் காணப்படும் தனியுரிமை மற்றும் பாதுகாப்பு வகைமையில் தரவுகளை சேகரிக்கும் செயர்முறையை கைமுறையில் முடுக்கலாம், அல்லது முடக்கலாம்.

என்விடிஏ விசைப்பலகை கட்டளைகள் குறித்து

என்விடிஏ மாற்றியமைப்பி விசை

பெரும்பான்மையான என்விடிஏவிற்கான விசைப்பலகை கட்டளைகள், ஒன்று, அல்லது ஒன்றிற்கும் மேற்பட்ட விசைகளுடன் என்விடிஏ மாற்றியமைப்பி விசையையும் அழுத்துவதாக அமைந்திருக்கும். மேசைக்கணினி விசைப்பலகையின் எண் திட்டில் அமைந்துள்ள உரைச் சீராய்வுக் கட்டளைகள், இதற்கு விதிவிலக்காக அமைந்துள்ளன. இது தவிர, பிற விதிவிலக்குகளும் இதற்குண்டு.

செருகு விசை, எண் திட்டு செருகு விசை, முகப்பெழுத்துப் பூட்டு விசை, ஆகிய மூன்று விசைகளை என்விடிஏ மாற்றியமைப்பி விசையாக பயன்படுத்த என்விடிஏவை அமைவடிவமாக்கலாம். இயல்பில், செருகு விசையும், எண் திட்டு செருகு விசையும், என்விடிஏ மாற்றியமைப்பி விசைகளாக அமைந்துள்ளன.

ஒரு என்விடிஏ மாற்றியமைப்பி விசையை, கணினியின் இயல்பு விசையாகப் பயன்படுத்த வேண்டுமென்றால், அவ்விசையைத் தொடர்ந்து இருமுறை அழுத்த வேண்டும். எடுத்துக்காட்டாக, முகப்பெழுத்துப் பூட்டு விசை என்விடிஏ மாற்றியமைப்பி விசையாக அமைந்திருக்கும்பொழுது, தாங்கள் முகப்பெழுத்துப் பூட்டு விசையை இட வேண்டுமென்றால், அவ்விசையைத் தொடர்ந்து இருமுறை அழுத்த வேண்டும்.

விசைப்பலகைத் தளவமைப்புகள்

என்விடிஏ தற்பொழுது இரு விசை கட்டளைத் தொகுப்புகளைக் கொண்டுள்ளது. மேசைக்கணினிக்கு ஒரு தளவமைப்பும், மடிக்கணினிக்கு ஒரு தளவமைப்பும் உள்ளது. இயல்பில், மேசைத்தள தளவமைப்பைப் பயன்படுத்த என்விடிஏ அமைவடிவமாக்கப்பட்டுள்ளது. இருப்பினும், என்விடிஏ பட்டியின் கீழிருக்கும் 'விருப்பங்கள்' உட்பட்டியில் காணப்படும் என்விடிஏ அமைப்புகள் உரையாடலுக்குச் சென்று, விசைப்பலகை வகைமையில் மடிக்கணினி தளவமைப்பிற்கு மாறிக் கொள்ளலாம்.

மேசைக்கணினித் தளவமைப்பில், எண் பூட்டு நீக்கப்பட்டிருக்கும்பொழுது, எண் திட்டு விசைகளை என்விடிஏ மிகுதியாகப் பயன்படுத்துகிறது. பெரும்பாலான மடிக்கணினிகளில் எண் திட்டு இருப்பதில்லை. ஆகவே, மடிக்கணினித் தளவமைப்பில் முகப்பெழுத்துப் பூட்டு, என்விடிஏ மாற்றியமைப்பி விசையாகப் பயன்படுத்தப்படுகிறது. இவ்விசையுடன், தேவைப்படுமானால், கட்டுப்பாடு, மாற்றழுத்தி, போன்ற பிற விசைகளையும் அழுத்திப் பிடித்துக் கொண்டு, விசைப்பலகையின் வலப்பக்க விசைகளை (j k l 8 9 0 போன்றவை) அழுத்த வேண்டும். தங்கள் மடிக்கணினியில் இவ்வசதி இல்லாதிருந்தாலோ, எண் பூட்டினை நீக்க இயலாதிருந்தாலோ, மடிக்கணினித் தளவமைப்பிற்குத் தாங்கள் மாறிக் கொள்ளலாம்.

என்விடிஏ தொடு சைகைகள்

தொடுதிரைக் கொண்ட கணினியில் என்விடிஏவை தாங்கள் பயன்படுத்தும்பொழுது, தொடு கட்டளைகள் மூலம் என்விடிஏவைக் கட்டுப்படுத்தலாம். என்விடிஏ இயக்கத்தில் இருக்கும்பொழுது, தொட்டளவளாவலுக்கான ஆதரவு முடக்கப்பட்டிருக்காதபட்சத்தில், எல்லாத் தொடு உள்ளீடுகளும் என்விடிஏவிற்கு நேரடியாக அனுப்பப்படும். ஆகவே, என்விடிஏ இல்லாமல் செயற்படுத்தப்படும் இயல்புத் தொடு கட்டளைகள் செயற்படாது.

தொட்டலவளாவுதலுக்கான ஆதரவினை மாற்றியமைக்க, என்விடிஏ+கட்டுப்பாடு+நிலைமாற்றி+t விசைக்கட்டளையைப் பயன்படுத்தவும்.

என்விடிஏ அமைப்புகளில் காணப்படும் தொட்டளவளாவலுக்கான ஆதரவு வகைமைக்குச் சென்று, தொட்டளவளாவலுக்கான ஆதரவினை முடுக்கலாம், அல்லது முடக்கலாம்.

திரையை ஆராய்தல்

திரையின் ஓரிடத்தில் இருக்கும் கட்டுப்பாட்டையோ, உரையையோ அறிவிக்க செய்வதுதான், தொடு திரையைக் கொண்டு செய்யும் அடிப்படை செயலாகும். இதை செய்ய, ஏதேனும் ஒருவிரலை, திரையில் எவ்விடத்தில் வேண்டுமானாலும் வைக்கவும். மேலும், திரையில் விரலை வைத்து அங்குமிங்கும் நகர்த்தும்பொழுது, விரல் செல்லுமிடங்களில் உள்ள கட்டுப்பாடுகளையும், உரைகளையும் படிக்கும்.

தொடு சைகைகள்

தொடர்ந்து வரும் பகுதிகளில், என்விடிஏவின் கட்டளைகள் விளக்கப்படும்பொழுது, தொடு கட்டளைகள் சிலவும் பட்டியலிடப்படும். இத்தொடு கட்டளைகளைக் கொண்டு, தொடுதிரையில் சில கட்டளைகளை செயற்படுத்தலாம். தொடுதிரையில் என்விடிஏவின் தொடு கட்டளைகளை எவ்வாறு செயற்படுத்தப்பட வேண்டுமென்று கீழ்க்கண்டவாறு அறிவுறுத்தப்படுகிறது:

தட்டுதல்

ஒன்று, அல்லது ஒன்றிற்கு மேற்பட்ட விரல்களைக் கொண்டு திரையைத் தட்டுதல்.

ஒரு விரல் கொண்டு ஒரு முறை தட்டுவது வெறுமனே 'தட்டுதல்' என்று அறியப்படுகிறது. இருவிரல்களைக் கொண்டு ஒரே நேரத்தில் தட்டினால், அது ிரு விரல் தட்டுதல் என்று அறியப்படும். இருவிரல்களுக்கு மேலான தட்டுதல்களும் இதுபோன்றே எண்ணிக்கைகளைக் கொண்டு அறியப்படுகின்றன.

ஒரே மாதிரியான தட்டுதலை, ஒரு முறைக்கு மேல் தொடர்ந்து தட்டினால், அதை பல தட்டுதல் சைகையாக என்விடிஏ புரிந்து கொள்ளும். இரு முறைத் தட்டினால், அது இரு முறைத் தட்டுதல் என்று அறியப்படும். மும்முறைத் தட்டினால், அது மும்முறைத் தட்டுதல் என்று அறியப்படும். மும்முறைக்கு மேலான தட்டுதல்களும் இதுபோன்றே எண்ணிக்கைகளைக் கொண்டு அறியப்படுகின்றன. மேற்கூறிய பல தட்டுதல் சைகைகள், எத்தனை விரல்கள் பயன்படுத்தப்பட்டன என்பதையும் அறிகின்றன. ஆகவே, இருவிரல் மும்முறைத் தட்டுதல், நால்விரல் தட்டுதல் போன்று பல வகைகளில் தட்டுதல்கள் அமையும்.

சுண்டுதல்

திரையின் குறுக்கே தங்களின் விரலை விரைவாக தேய்க்கவும்.

திசையைக் கொண்டு, சுண்டுதல் சைகைகள் இந்நான்கு விதங்களில் அமையும்: இடது சுண்டுதல், வலது சுண்டுதல், மேல் சுண்டுதல் மற்றும் கீழ் சுண்டுதல்.

தட்டுதல் சைகைப் போலவே, சுண்டுதல் சைகையிலும் ஒன்றிற்கும் மேற்பட்ட விரல்களைப் பயன்படுத்தலாம். ஆகவே, இருவிரல் மேல் சுண்டுதல், நான்கு விரல் இடது சுண்டுதல் போன்று எல்லாச் சைகைகளையும் செயல்படுத்த இயலும்.

Pinch Gestures

Place two fingers on the screen and move them toward each other to perform a pinch in gesture. Move them away from each other to perform a pinch out gesture. The fingers must move at least 50 pixels closer together or further apart to be recognised as a pinch in or out.

தொடு நிலைகள்

தொடு சைகைகளைக் காட்டிலும் என்விடிஏ கட்டளைகள் மிகுந்து இருப்பதால், பல்வேறு கட்டளைகளை செயற்படுத்த, பல தொடு நிலைகள் கொடுக்கப்பட்டுள்ளன. The three modes are text mode, object mode and browse mode. தொடு சைகைகளைத் தொடர்ந்து, அடைப்புக் குறியினுள் எத்தொடு நிலை என்பதையும் இவ்வாவணத்தில் பட்டியலிடப்படும் சில என்விடிஏ கட்டளைகள் கொண்டிருக்கும். எடுத்துக்காட்டாக, மேல் சுண்டுதல் (உரை நிலை) என்றால், இச்சைகை, உரை நிலையில் மட்டுமே செயற்படும். ஒரு கட்டளைக்குக் குறிப்பான நிலை ஏதும் இணைக்கப்படாமல் இருந்தால், அக்கட்டளை எந்நிலையிலும் செயற்படும்.

To switch between touch modes, perform a 3-finger tap.

தொடு விசைப்பலகை

உரைகளையும், கட்டளைகளையும் தொடுதிரையிலிருந்து உள்ளிட, தொடு விசைப்பலகை பயன்படுகிறது. ஒரு தொகு களத்தில் குவிமையம் இருக்கும்பொழுது, திரையின் கீழ் பகுதியில் இருக்கும் தொடுதிரை படவுருவை இரு முறை தட்டுவதன் மூலம், தொடு விசைப்பலகையை திரையில் கொண்டுவர இயலும். மைக்ரோசாஃப்ட் சர்ஃபேஸ் ப்ரோ போன்ற டேப்ளெட்டுகளில், நிலையான நிலையிலிருந்து விசைப்பலகை விடுவிக்கப்பட்டால், அது எப்பொழுதும் கிடைப்பிலிருக்கும். தொடு விசைப்பலகையை விலக்க, தொடு விசைப்பலகையின் படவுருவை இரு முறை தட்ட வேண்டும், அல்லது, தொகு களத்திலிருந்து விலகிச் செல்ல வேண்டும்.

தொடு விசைப்பலகை செயலில் இருக்கும்பொழுது, அதன் விசைகள் எங்கிருக்கின்றன என்பதனை அறிய, முதலில் திரையின் கீழ்ப் பகுதியில் காணப்படும் விசைப்பலகையைத் தொட்டு, பின் அதன் மேல் ஒரு விரலைக் கொண்டு அங்குமிங்கும் நகர வேண்டும். தாங்கள் அழுத்த விரும்பும் விசையை கண்டவுடன், தொட்டளவளாவல் வகைமையில் தேர்ந்தெடுக்கப்பட்டிருக்கும் விருப்பத் தேர்விற்கேற்ப, விசையை இரு முறைத் தட்ட வேண்டும், அல்லது விரலை விசையிலிருந்து நீக்க வேண்டும்.

விசை உள்ளீடு உதவி

பல என்விடிஏ விசை மற்றும் தொடு கட்டளைகள் குறித்து இவ்வழிகாட்டியில் தொடர்ந்து வரும் தலைப்புகளில் விளக்கமாக கொடுக்கப்பட்டுள்ளன. இருப்பினும், இக்கட்டளைகளின் பயன்பாடு குறித்து எளிதாக அறிய, விசை உள்ளீடு உதவியைப் பெறலாம்.

விசை உள்ளீடு உதவியை இயக்க, என்விடிஏ+1 விசையை அழுத்தவும். விசை உள்ளீடு உதவியை நிறுத்த, என்விடிஏ+1 விசையை மீண்டும் அழுத்தவும். விசை உள்ளீடு உதவி இயக்கத்தில், ஒரு விசையை அழுத்தும்பொழுது, அல்லது ஒரு தொடு சைகையை செயற்படுத்தும்பொழுது, அதற்கான செயற்பாடு ஏதேனும் இருந்தால், அதை அறிவிக்கும். உள்ளீடு உதவி நிலையில் உள்ளிடப்படும் கட்டளைகள் செயல்படாது.

என்விடிஏ பட்டி

என்விடிஏ அமைப்புகளை கட்டுப்படுத்தவும், உதவியைப் பெறவும், அமைவடிவத்தைச் சேமித்திடவும், சேமிக்கப்பட்ட அமைவடிவத்திற்குத் திரும்பிச் சென்றிடவும், பேச்சு அகரமுதலிகளை மாற்றியமைத்திடவும், என்விடிஏவை விட்டு வெளியேறவும் என்விடிஏ பட்டி உதவுகிறது.

கணினி இயங்கிக் கொண்டிருக்கும்பொழுது என்விடிஏ பட்டியை விண்டோஸில் எங்கிருந்தாயினும் இயக்க, பின்வருவனவற்றுள் ஏதேனுமொன்றைச் செயல்படுத்தலாம்:

• விசைப் பலகையில் என்விடிஏ+n விசையை அழுத்தவும்.
• தொடு திரையில் இருவிரல் இரு முறைத் தட்டுதலை செயற்படுத்தவும்.
• சாளரங்கள்+b விசையை அழுத்தி, முறைமைப் பட்டைக்குச் சென்றடைந்த பிறகு, கீழம்பு விசையை அழுத்தி, என்விடிஏ படவுருவிற்குச் சென்று, உள்ளிடு விசையை அழுத்தவும்.
• மாற்றாக, சாளரங்கள்+b விசையை அழுத்தி முறைமைப் பட்டையைச் சென்றடைந்தவுடன், கீழம்பு விசையை அழுத்தி என்விடிஏ படவுருவிற்குச் சென்று, அதன் மீது 'பயன்பாடுகள்' விசையை அழுத்தினால், என்விடிஏ பட்டி தோன்றும். பெரும்பாலான விசைப்பலகைகளில், வலது கட்டுப்பாடு விசைக்கு இடப்புறமாக பயன்பாடுகள் விசை அமைந்திருக்கும். பயன்பாடுகள் விசை இல்லாத விசைப்பலகையில் மாற்றழுத்தி+f10 விசையை அழுத்தவும்.
• என்விடிஏ படவுருவின் மீது சுட்டியின் வலது பொத்தானை அழுத்தவும்

என்விடிஏ பட்டி தோன்றியவுடன், அம்பு விசைகளை அழுத்தி, பட்டியில் இருக்கும் உருப்படிகளுக்கிடையே நகர்ந்து, தேவைப்படும் உருப்படியை இயக்க, அதன் மீது உள்ளிடு விசையை அழுத்தவும்.

அடிப்படை என்விடிஏ கட்டளைகள்

கணினித் தகவலை அறிவித்தல்

பேச்சு முறைகள்

என்விடிஏ செயல்படும்பொழுது, திரை உள்ளடக்கம், அறிவிக்கைகள், கட்டளைகளுக்கான பின்னூட்டங்கள் மற்றும் பிற வெளியீடுகளை எவ்வாறு பேச வேண்டும் என்பதை பேச்சு முறைகள் வரையறுக்கின்றன. என்விடிஏ எங்கெல்லாம் பேச வேண்டும் என்று பொதுவாக எதிர்பார்க்கப்படுகின்றதோ, அங்கெல்லாம் பேசும் வண்ணம், 'பேசுக' என்கிற பேச்சு முறையை இயல்பிருப்பாக அமைக்கப்பட்டுள்ளது. இருப்பினும், சில சூழ்நிலைகளில், அல்லது குறிப்பிட்ட நிரல்களை இயக்கும்போது, பிற பேச்சு முறைகளில் ஒன்றை தாங்கள் மதிப்புமிக்கதாகக் காணலாம்.

கிடைப்பிலிருக்கும் நான்கு பேச்சு முறைகள்:

• பேசுக (இயல்பிருப்பு): திரை மாற்றங்கள், அறிவிக்கைகள், குவிமைய மாற்றம், கட்டளைகள் ஆகியவைகளுக்கு என்விடிஏ பேசிடும்.
• தேவையின் பேரில்: அறிவிக்கும் கட்டளைகளைப் பயன்படுத்தும்பொழுது மட்டும் என்விடிஏ பேசிடும். எ.கா. சாளரத்தின் தலைப்பை அறிவித்திடுக. ஆனால், குவிமையத்தை, அல்லது சுட்டுக்குறியை நகர்த்துதல் போன்ற செயல்களுக்கு பேசிடாது.
• அமைதி: என்விடிஏ எதையும் பேசிடாது. ஆனால், கட்டளைகளுக்கு அமைதியாக எதிர்வினையாற்றிடும்.
• சிற்றொலிகள்: பேச்சிற்கு மாற்றாக சிற்றொலிகளை என்விடிஏ எழுப்பிடும்.

ஒரு முனைய சாளரத்தில், உரை மேல் நகர்த்தப்படுவதன் காரணமாக தாங்கள் பொருட்படுத்த விரும்பாத தொடர் குரல் வெளியீட்டினைத் தவிர்க்க விரும்பினால், அல்லது வெளியீடு இருக்கிறது என்பதை மட்டும் அறிந்தால் போதும், என்ன வெளியிடப்படுகிறது என்பது முக்கியமல்ல என்று தாங்கள் கருதினால், 'சிற்றொலிகள்' முறையைப் பயன்படுத்துவது மிகப் பொருத்தமாக இருக்கும்.

திரையில், அல்லது கணினியில் என்ன நடக்கிறது என்பது குறித்து நிலையான பின்னூட்டம் தேவைப்படாதபட்சத்தில், சில தகவல்களை சீராய்வுக் கட்டளைகள் போன்றவைகள் மூலம் அவ்வப்போது அறிய விரும்பினால், 'தேவையின் பேரில்' முரையைப் பயன்படுத்தலாம். ஒலிப் பதிவு, திரை உருப்பெருக்கம், கூடுகை, அல்லது அழைப்பு, சிற்றொலிகளுக்கு மாற்றாக பயன்படுத்துவது ஆகிய தருணங்கள் எடுத்துக்காட்டுகளாக அமைகின்றன.

பேச்சு முறைகளுக்கிடையே சுழன்று நகர, பின்வரும் விசைச் சைகை அனுமதிக்கிறது:

பேச்சு முறைகளில் சிலவற்றை மட்டும் தாங்கள் பயன்படுத்த விரும்பினால், தேவைப்படாத பேச்சு முறைகளை முடக்கிவிடலாம். இதை எவ்வாறு செய்வது என்பதைப் பற்றி அறிய, பேச்சு முறைக் கட்டளையில் காணப்படும் பேச்சு முறைகள் என்கிற பகுதியைக் காணவும்.

என்விடிஏவுடன் வழிசெலுத்தல்

கணினியை ஆராயவும், அதனூடாக வழிசெல்லவும், என்விடிஏ பயன்படுகிறது. இதை எளிய நிலையிலும், சீராய்வு சுட்டுக்குறியின் மூலமாகவும் செய்யலாம்.

பொருட்கள்

ஒவ்வொரு பயன்பாடும், இயக்கமுறைமையும் தன்னுள்ளாகப் பொருட்களைக் கொண்டுள்ளது. உரையின் சிறு பகுதி, தேர்வுப் பெட்டி, தொகு களம், பொத்தான், பட்டியல் போன்ற ஒவ்வொரு ஒற்றை உருப்படியும் ஒரு பொருளாகும்.

கணினிக் குவிமையத்தைக் கொண்டு வழிசெலுத்தல்

குவிமையம் என்று பொதுவாகக் குறிக்கப்படும் கணினிக் குவிமையம், விசைப்பலகையில் தட்டச்சிடப்படும் விசைகளை உள்வாங்கும் பொருளாகும். எடுத்துக்காட்டாக, தாங்கள் ஒரு தொகு களத்தில் தட்டச்சிடுகிறீர்கள் என்று வைத்துக் கொண்டால், அத்தொகு களம் குவிமையத்தில் உள்ளது என்று பொருள்.

தத்தல், அல்லது மாற்றழுத்தி+தத்தல் விசையை அழுத்தி, குவிமையத்தை பொருட்களின் ஊடாக நகர்த்தல், நிலைமாற்றி விசையை அழுத்தி, கிடநீளப் பட்டியலை் அடைந்து, அம்பு விசைகளைக் கொண்டு அதனுளிருக்கும் உருப்படிகளுக்கு நகர்தல், நிலைமாற்றி+தத்தல் விசையை அழுத்தி, செயற்பட்டுக் கொண்டிருக்கும் பயன்பாடுகளுக்கு மாறுதல் போன்ற முறைகளே, சாளரத்தில் இருக்கும் பொருட்களுக்கிடையே நகரும் பொதுவான முறைகளாகும். இப்படிச் செய்யும்பொழுது, குவிமையத்தில் இருக்கும் பொருளின் பெயர், விளக்கம், வகை, நிலை, குறுக்கு விசை போன்ற தகவல்களை என்விடிஏ அறிவிக்கும். பார்வைக்குத் துலக்கமாக்குக விருப்பத் தேர்வு தேர்வாகியிருந்தால், கணினிக் குவிமையத்தின் தற்போதைய அமைவிடம் பார்வைக்கு துலக்கமாக்கிக் காட்டப்படும்.

கணினிக் குவிமையத்தில் இருக்கும்பொழுது, பொருட்களினூடாக நகர சில விசைக் கட்டளைகள் உதவுகின்றன.

இமைக்கும் சுட்டுக்குறியுடன் வழிசெலுத்தல்

வழிசெலுத்தல், தொகுத்தல் போன்ற செயல்களை ஆதரிக்கும் பொருட்கள் குவிமையத்தில் இருக்கும்பொழுது, அப்பொருட்களினுள் இருக்கும் உரையினூடே தொகுச் சுட்டி என்றும் அழைக்கப்படும் இமைக்கும் சுட்டுக்குறியைக் கொண்டு நகரலாம்.

இமைக்கும் சுட்டுக்குறியைக் கொண்டுள்ள பொருள் குவிமையத்தில் இருக்கும்பொழுது, அப்பொருளினுள் இருக்கும் உரையிநூடே நகர, அம்பு, பக்கம் மேல், பக்கம் கீழ், தொடக்கம், முடிவு போன்ற விசைகளைப் பயன்படுத்தலாம். குவிமையத்தில் இருக்கும் பொருள் தொகு களமாக இருந்தால், அதனுள் இருக்கும் உரையைத் திருத்தலாம். உரையினூடே வரியுருக்களாகவோ, சொற்களாகவோ, வரிகளாகவோ நகரும்பொழுதும், தெரிவு, அல்லது தெரிவு நீக்கம் செய்யும்பொழுதும் என்விடிஏ அறிவிக்கும்.

இமைக்கும் சுட்டுக்குறி தொடர்பாக கீழ் கண்ட விசைக் கட்டளைகளை என்விடிஏ அளிக்கிறது:

ஒரு அட்டவணைக்குள் இருக்கும்பொழுது, கீழ் கண்ட விசைக் கட்டளைகளைப் பயன்படுத்தலாம்:

பொருள் வழிசெலுத்தல்

பெரும்பாலான தருணங்களில், கணினிக் குவிமையத்தையும், இமைக்கும் சுட்டுக்குறியையும் நகர்த்தும் கட்டளைகளைக் கொண்டு பயன்பாடுகளுடன் ஊடாடுவீர்கள். ஆனால், சில தருணங்களில், ஒரு பயன்பாட்டையோ, இயக்கமுறைமையையோ குவிமையத்தை விட்டு விலகாமல் ஆராய முற்படுவீர்கள். அதேபோல், விசைப்பலகை மூலம் சென்றடைய முடியாத சில பொருட்களையும் அணுகி ஆராய முற்படுவீர்கள். இதுபோன்ற தருணங்களில், தாங்கள் பொருள் வழிசெலுத்தியைப் பயன்படுத்தலாம்.

தனிப்பட்டப் பொருட்களுக்கிடையே நகரவும், அவைகளின் தகவலை அறியவும் பொருள் வழிசெலுத்தி துணைபுரிகிறது. ஒரு பொருளுக்கு நகரும்பொழுது, குவிமையம் இருக்கும்பொழுது எப்படி என்விடிஏ அப்பொருளின் தகவலை அறிவிக்குமோ, அவ்வாறே பொருள் வழிசெலுத்தி மூலம் நகரும்பொழுதும் அறிவிக்கும். திரையில் தோன்றும் உரைகளை இருப்பது இருப்பதுபோலவே ஆராய, திரைச் சீராய்வைப் பயன்படுத்தலாம்.

ஒவ்வொரு பொருளுக்கும் முன்னும் பின்னும் நகர்வதைத் தவிர்க்க, கணினியில் பொருட்களின் நிலைகள் அடுக்குகளாக அமைக்கப்பட்டுள்ளது. இதன்மூலம் அறிவது என்னவென்றால், ஒரு பொருள் தனக்குள் பிற பொருட்களைக் கொண்டிருக்கும். ஆகவே, பிற பொருட்களைக் கொண்டிருக்கும் பொருளுக்குள் முதலில் சென்று, அதனுள் இருக்கும் தேவையான பொருளுக்குச் செல்ல வேண்டும். எடுத்துக்காட்டாக, ஒரு பட்டியல் பல உருப்படிகளைக் கொண்டிருக்கும். ஒரு உருப்படியை சென்றடைய, முதலில் அப்பட்டியலுக்குள் செல்ல வேண்டும். பட்டியல் உருப்படியை அடைந்த பின்னர், அம்பு விசைகளை அழுத்தினால், அதே பட்டியலில் இருக்கும் பிற உருப்படிகளுக்கு நகர்வீர்கள். பட்டியல் உருப்படி, குவிமையத்தில் இருக்கும்பொழுது, 'பின்நகர்' விசையை அழுத்தினால், அவ்வுருப்படிகளைக் கொண்டிருக்கும் பொருளான பட்டியலுக்குச் செல்வீர்கள். இதன் பிறகு, பிற பொருட்களைத் தாங்கள் ஆராய விரும்பினால், தற்பொழுது குவிமையத்தில் இருக்கும் பட்டியலை விட்டு நகரலாம். அதுபோலவே, ஒரு கருவிப்பட்டையை அணுகும்பொழுது, முதலில் அதனுள் நுழைந்த பின்னரே, அதற்குள் இருக்கும் கட்டுப்பாடுகளை அணுக இயலும்.

திரையில் உள்ள ஒவ்வொரு பொருளுக்குமிடையே முன்னும் பின்னும் நகர தாங்கள் விரும்பினால், முந்தைய/அடுத்த பொருளுக்கு நகர்த்துவதற்கான கட்டளைகளை தட்டையான பார்வையில் பயன்படுத்தலாம். எடுத்துக்காட்டாக, இந்தத் தட்டையான பார்வையில் அடுத்த பொருளுக்கு தாங்கள் நகரும்பொழுது, தற்போதைய பொருளில் மற்ற பொருள்கள் இருந்தால், தற்போதைய பொருள் கொண்டிருக்கும் முதல் பொருளுக்கு என்விடிஏ தானாக நகரும். மாற்றாக, தற்போதைய பொருளில் எந்தப் பொருளும் இல்லை என்றால், தற்போதைய படிநிலை மட்டத்தில் உள்ள அடுத்த பொருளுக்கு என்விடிஏ நகரும். அத்தகைய அடுத்த பொருள் இல்லாதபட்சத்தில், நகர்வதற்கு அடுத்த பொருள் இல்லை என்கிற நிலை வரும்வரை, கொண்டிருக்கும் பொருள்களின் அடிப்படையில் அடுத்த பொருளை கண்டறிய என்விடிஏ முயலும். படிநிலையில் பின்னோக்கி நகர்வதற்கும் அதே விதிகள் பொருந்தும்.

தற்பொழுது சீராயப்படும் பொருள்தான் வழிசெலுத்திப் பொருளாகும். பொருள் சீராய்வு நிலையில் இருக்கும் பொழுது, ஒரு பொருளுக்கு நகர்ந்த பின்னர், அப்பொருளின் உள்ளடக்கங்களை உரைச் சீராய்வுக் கட்டளைகளைக் கொண்டு சீராயலாம். பார்வைக்குத் துலக்கமாக்குக விருப்பத் தேர்வு தேர்வாகியிருந்தால், வழிசெலுத்திப் பொருளின் தற்போதைய அமைவிடம் பார்வைக்கு துலக்கமாக்கிக் காட்டப்படும். இயல்பில், பொருள் வழிசெலுத்தி, கணினிக் குவிமையத்தைத் தொடர்ந்து செல்லும். இருப்பினும், இத்தன்மையை முடுக்கவும், முடக்கவும் வசதியுண்டு.

பொருள் வழிசெலுத்தலை பிரெயில் பின்தொடரும் தன்மையினை பிரெயில் கட்டப்படுவதன் மூலம் அமைவடிவமாக்கலாம்.

பொருட்களாக நகர, பின்வரும் விசைகளைப் பயன்படுத்தவும்:

குறிப்பு: எண் திட்டு விசைகள் சரிவர இயங்க, எண் பூட்டு நீக்கப்பட்டிருக்க வேண்டும்.

உரைச் சீராய்வு

திரை, தற்போதைய ஆவணம், அல்லது தற்போதைய பொருள் ஆகியவைகளின் உள்ளடக்கங்களை வரியுருக்களாகவும், சொற்களாகவும், வரிகளாகவும் சீராய்வு செய்ய என்விடிஏ உதவுகிறது. விண்டோஸ் கட்டளைகளுக்கான கட்டுப்பாட்டகம் போன்ற இமைக்கும் சுட்டுக்குறி இல்லாத இடங்களில் இது பயன்படும். எடுத்துக்காட்டாக, ஒரு உரையாடல் பெட்டியில் இருக்கும் நீண்ட உரையை சீராய இதைப் பயன்படுத்துவீர்கள்.

சீராய்வுச் சுட்டுக்குறி நகரும்பொழுது, இமைக்கும் சுட்டுக்குறியும் உடன் நகர்வதில்லை என்பதால், தற்போதைய தொகு நிலையை விட்டு விலகாமல், உரைகளை சீராய இயலும். ஆனால், இயல்பில், இமைக்கும் சுட்டுக்குறி நகரும்பொழுது, சீராய்வுச் சுட்டுக்குறியும் உடன் நகரும். இத்தன்மையை முடுக்கவும், முடக்கவும் வசதியுண்டு.

சீராய்வுச் சுட்டுக்குறியை பிரெயில் பின்தொடரும் தன்மையினை பிரெயில் கட்டப்படுவதன் மூலம் அமைவடிவமாக்கலாம்.

உரைகளைச் சீராய, பின்வரும் விசைக் கட்டளைகள் பயன்படும்:

குறிப்பு: எண் திட்டு சரிவர இயங்க, எண் பூட்டு நீக்கப்பட்டிருக்க வேண்டும்.

மேசைத்தள தளவமைப்பில், அடிப்படை உரை சீராய்வு கட்டளைகளை நினைவில் கொள்ள, அவைகள் மூன்றுக்கு மூன்றாக ஒரு கட்டத்தில் அமைந்திருப்பதாகக் கொள்ள வேண்டும். மேலிருந்து கீழாக அமைந்திருப்பது வரி, சொல், வரியுரு. இடமிருந்து வலதாக அமைந்திருப்பது முந்தையது, தற்போதையது, அடுத்தது. கீழே கொடுக்கப்பட்டுள்ளத் தளவமைப்பு, இதைத் தெளிவாக்கும்:

சீராய்வு நிலைகள்

தெரிவுசெய்யப்பட்டிருக்கும் சீராய்வின் நிலையைப் பொறுத்து, தற்போதைய பொருள், தற்போதைய ஆவணம், அல்லது திரை ஆகியவைகளின் உள்ளடக்கங்களை உரைச் சீராய்வுக் கட்டளைகளைக் கொண்டு என்விடிஏ சீராய்வு செய்யும்.

சீராய்வு நிலைகளுக்கிடையே மாற பின்வரும் கட்டளைகள் பயன்படுகிறது.

பொருள் சீராய்வு

பொருள் சீராய்வு நிலையில் இருக்கும் பொழுது, வழிசெலுத்திப் பொருளின் உள்ளடக்கங்களை மட்டுமே தங்களால் சீராய்வு செய்ய இயலும். பொதுவில், தொகு களம், அல்லது பிற அடிப்படை ஆவண கட்டுப்பாடுகள் போன்ற பொருட்களில், இவைகள் உரை உள்ளடக்கங்களாக இருக்கும். பிற பொருட்களுக்கு, பெயர் மற்றும் மதிப்பாக இருக்கலாம். அல்லது, இவைகளில் ஏதேனும் ஒன்றாகவும் இருக்கலாம்.

ஆவணச் சீராய்வு

இணையப் பக்கம் போன்ற உலாவும் நிலை ஆவணத்திலோ, அல்லது லோட்டஸ் சிம்ஃபனி போன்ற ஆவணத்திலோ வழிசெலுத்திப் பொருள் இருக்கும் பொழுது, ஆவணச் சீராய்வு நிலைக்கு மாற இயலும். முழு ஆவணத்தின் உரையையும் சீராய்வு செய்ய, ஆவணச் சீராய்வு அனுமதிக்கிறது.

பொருள் சீராய்வு நிலையிலிருந்து ஆவணச் சீராய்வு நிலைக்கு மாறும் பொழுது, வழிசெலுத்திப் பொருள் ஆவணத்தில் இருக்கும் நிலையில் சீராய்வுச் சுட்டுக்குறியை வைக்கும். சீராய்வுக் கட்டளைகளைக் கொண்டு ஆவணத்தில் வலம் வரும் பொழுது, தற்போதைய சுட்டுக்குறியின் நிலையிலிருக்கும் பொருளுக்கு வழிசெலுத்திப் பொருளை இற்றைப்படுத்தும்.

உலாவும் நிலை ஆவணங்களில் நகரும் பொழுது, பொருள் சீராய்வு நிலையிலிருந்து ஆவணச் சீராய்வு நிலைக்கு என்விடிஏ தானாக மாறுமென்பதை நினைவில் கொள்ளவும்.

திரைச் சீராய்வு

தற்போதைய பயன்பாட்டின் திரையில் காணப்படும் உரையை, பார்வைக்கு இருப்பது போலவே சீராய்வு செய்ய, திரைச் சீராய்வு நிலை அனுமதிக்கிறது. இது, பிற விண்டோஸ் திரைநவிலிகளில் காணப்படும் திரைச் சீராய்வு, அல்லது சுட்டிக் குறிமுள்ளின் செயலை ஒத்தது.

திரைச் சீராய்வு நிலைக்கு மாறும் பொழுது, தற்போதைய வழிசெலுத்திப் பொருளின் திரை நிலையில் சீராய்வுச் சுட்டுக்குறியை வைக்கும். சீராய்வுக் கட்டளைகளைக் கொண்டு திரையில் வலம் வரும் பொழுது, சீராய்வுச் சுட்டுக்குறியின் திரை நிலையில் இருக்கும் பொருளுக்கு வழிசெலுத்திப் பொருளை இற்றைப்படுத்தும்.

புதிய திரைத் தளவமைப்புத் தொழில்நுட்பங்களுக்கு தற்போதைக்கு ஆதரவளிக்க இயலவில்லையென்பதால், சில பயன்பாடுகளின் திரையில் காணப்படும் சில, அல்லது எல்லா உரைகளையும் என்விடிஏ கண்டுணர்வதில்லை.

சுட்டியுடன் வழிசெலுத்தல்

சுட்டியைப் பயன்படுத்தும்பொழுது, சுட்டியின் குறிமுள் நகர்கையில், நேரடியாக அதன்கீழ் இருக்கும் உரையைப் படிக்கும். ஆதரவிருந்தால், குறிமுள்ளை சுற்றியிருக்கும் உரைப் பத்தியையும் படிக்கும். ஆனால், சில கட்டுப்பாடுகளில், உரைகளை வரிகளாக மட்டுமே படிக்க முடியும்.

சுட்டியின் குறிமுள் நகர்கையில், அதன்கீழ் இருக்கும் பொருளின் வகையையும் அறிவிக்க என்விடிஏவை அமைவடிவமாக்கலாம். எடுத்துக்காட்டாக, பொத்தான், பட்டியல், சேர்க்கைப் பெட்டி போன்றவைகளைக் கூறலாம். கட்டுப்பாடுகளில் இருக்கும் உரை, போதுமான அளவு இருக்காத தருணங்களில், முழுமையாகப் பார்வையிழந்தவர்களுக்கு இது பயன்படும்.

கேட்பொலி இசைவுகளை சிற்றொலிகளாக எழுப்புவதன் மூலம், திரையின் பரிமாணத்தை ஒப்பு நோக்கி, சுட்டியின் குறிமுள், திரையில் எங்கிருக்கிறது என்றரிய என்விடிஏ உதவுகிறது. குறிமுள் திரையில் எவ்வளவுக்கு எவ்வளவு உயரத்தில் உள்ளதோ, அவ்வளவுக்கு அவ்வளவு, ஒலி இசைவின் சுருதி மிகுதியாக இருக்கும். குறிமுள் திரையின் இட, அல்லது வலப் பக்கமாக இருந்தால், பிரியோசை ஒலிபெருக்கி பயனிலுள்ளதாக அனுமானித்து, சிற்றொலிகள், இட, அல்லது வலப் பக்கமாக ஒலிக்கும்.

மேற்கூறிய சுட்டியின் கூடுதல் கூறுகள் என்விடிஏவின் இயல்புநிலையில் இயக்கப்பட்டிருப்பதில்லை. இச்சிறப்புக் கூறுகளை இயக்க, என்விடிஏ பட்டியின் விருப்பங்கள் உட்பட்டியில் இருக்கும் என்விடிஏ அமைப்புகள் உரையாடலில் காணப்படும் சுட்டி அமைப்புகள் வகைமைக்குச் சென்று, என்விடிஏவை அமைவடிவமாக்கலாம்.

சுட்டியுடன் வழிசெல்ல, சுட்டிக் கருவி/பின்தொடர் திட்டு தேவைப்பட்டாலும், என்விடிஏவில் இதற்கென்று சில விசைக் கட்டளைகள் உள்ளன:

உலாவும் நிலை

சிக்கலான இணையப் பக்கங்கள் போன்று, படிக்க மட்டுமேயான ஆவணங்களைப் படிக்க என்விடிஏ உலாவும் நிலையைப் பயன்படுத்துகிறது. பின்வரும் பயன்பாடுகளின் ஆவணங்கள் இதில் உள்ளடங்கும்:

• மொசில்லா பயர்பாக்ஸ்
• மைக்ரோசாப்ட் இண்டெர்நெட் எக்ஸ்ப்ளோரர்
• மொசில்லா தண்டர்பேர்ட்
• மைக்ரோசாப்ட் அவுட்லுக் போன்ற மின்னஞ்சல் நுகர்விகளின் எச்.டி.எம்.எல் தகவல்கள்
• கூகிள் குரோம்
• மைக்ரோசாஃப்ட் எட்ஜ்
• அடோபி ரீடர்
• ஃபாக்சிட் ரீடர்
• கணினிக்கான அமேசான் கிண்டிலில் இருக்கும் ஆதரிக்கப்படும் நூல்கள்

மைக்ரோசாஃப்ட் வேர்ட் ஆவணங்களினூடே வழிசெல்ல உலாவும் நிலையைப் பயன்படுத்தும் விருப்பத் தேர்வும் உள்ளது.

உலாவும் நிலையில், எளிய ஆவணங்களை சுட்டுக்குறி விசைகளைக் கொண்டு படிப்பதுபோல், படிக்க மட்டுமேயான ஆவணமும் தட்டைக் காட்சியில் வழங்கப்படும். உலாவும் நிலையில், இமைக்கும் சுட்டுக்குறியின் எல்லா விசைக் கட்டளைகளையும் பயன்படுத்தலாம். எடுத்துக்காட்டாக, எல்லாம் படித்திடுக, வடிவூட்டத்தை அறிவித்திடுக, அட்டவணை வழிசெலுத்தல் கட்டளைகள் போன்றவைகளைக் கூறலாம். பார்வைக்குத் துலக்கமாக்குக விருப்பத் தேர்வு தேர்வாகியிருந்தால், நிகர்நிலை உலாவும் நிலை இமைக்கும் சுட்டுக்குறியின் தற்போதைய அமைவிடம் பார்வைக்கு துலக்கமாக்கிக் காட்டப்படும். தாங்கள் நகரும்பொழுது, ஒரு உரை, தொடுப்பா, தலைப்பா போன்ற தகவல்களையும் அறிவிக்கும்.

சில தருணங்களில், இவ்வாவணங்களில் இருக்கும் கட்டுப்பாடுகளுடன் தாங்கள் நேரடியாக ஊடாட வேண்டியிருக்கும். எடுத்துக்காட்டாக, தொகு களங்களில் தட்டச்சிடவும், பட்டியல்களின் உருப்படிகளினூடே அம்பு விசைகளைக் கொண்டு நகரவும் வேண்டியிருக்கும். இதைச் செய்ய, தாங்கள் குவிமைய நிலைக்கு மாற வேண்டும். இந்நிலையில், அழுத்தப்படும் எல்லா விசைகளும் என்விடிஏ கையாளாமல், கணினிக்கு அனுப்பி வைக்கப்படும். உலாவும் நிலையில், குவிமைய நிலைக்கு மாற வேண்டியிருக்கும் கட்டுப்பாடுகளுக்குத் தத்தல் விசையின் மூலமாகவோ, சுட்டியின் மூலமாகவோ நகரும்பொழுது, இயல்பில் குவிமைய நிலைத் தானாக இயக்கப்படும். அதேபோல், குவிமைய நிலையில் இருக்கும்பொழுது, குவிமைய நிலைத் தேவையில்லாத கட்டுப்பாடுகளுக்குத் தத்தல் விசை மூலமாகவோ, சுட்டி மூலமாகவோ நகரும்பொழுது, உலாவும் நிலைத் தானாக இயக்கப்படும். குவிமைய நிலைத் தேவைப்படும் கட்டுப்பாடுகளில், குவிமைய நிலையை இயக்க, உள்ளிடு விசையையோ, இடைவெளிப் பட்டையையோ அழுத்தலாம். விடுபடு விசையை அழுத்தினால், உலாவும் நிலைக்கு மாறும். கூடுதலாக, தாங்கள் கட்டாய குவிமைய நிலையை ஏற்படுத்தலாம். தாங்கள் மீண்டும் உலாவும் நிலைக்கு மாற விரும்பும்வரை, குவிமைய நிலை இயக்கத்தில் இருக்கும்.

ஒற்றை எழுத்துடன் வழிசெலுத்தல்

உலாவும் நிலையில், ஒரு ஆவணத்திலிருக்கும் சில களங்களுக்கு விரைவாக சென்றடைய, ஒற்றை எழுத்துடன் வழிசெல்லும் வசதியை என்விடிஏ கொண்டுள்ளது. இவ்விசைகள் யாவும், ஒவ்வொரு வகை ஆவணத்திலும் ஆதரிக்கப்படுவதில்லை என்பதை நினைவில் கொள்ளவும்.

உலாவும் நிலையில், கீழ் கண்ட விசைகளை அழுத்தினால், அடுத்ததாகத் தோன்றும் கூறுக்குச் செல்லும். மாற்றழுத்தி விசையுடன் இவ்விசைகளை சேர்த்து அழுத்தினால், முந்தைய கூறுக்குச் செல்லும்.

• h: தலைப்பு
• l: பட்டியல்
• i: பட்டியல் உருப்படி
• t: அட்டவணை
• k: தொடுப்பு
• n: தொடுப்புத் தொகுதிக்கு அப்பாலான உரை
• f: படிவக் களம்
• u: வருகையளிக்கப்படாத தொடுப்பு
• v: வருகையளிக்கப்பட்ட தொடுப்பு
• e: தொகு களம்
• b: பொத்தான்
• x: தேர்வுப் பெட்டி
• c: சேர்க்கைப் பெட்டி
• r: தேர்வுப் பொத்தான்
• q: உரைத் தொகுதி
• s: பிரிப்பான்
• m: சட்டகம்
• g: வரைகலை
• d: நிலக்குறி
• o: பொதிந்துள்ள பொருள் (ஒலிதம் மற்றும் காணொளி இயக்கி, பயன்பாடுகள், உரையாடல் போன்றவை)
• 1 முதல் 9 வரை: முறையே 1 முதல் 9 வரையிலான தலைப்புகள்
• a: விளக்கவுரை (கருத்துரை, தொகுப்பாளர் திருத்தம் போன்றவை)
• p: உரை ப்பத்தி
• w: எழுத்துப் பிழை

பட்டியல்கள், அட்டவணைகள் போன்ற கொள்களங்களின் துவக்கத்திற்கு, அல்லது முடிவிற்குச் செல்ல:

ஜிமெயில், டுவிட்டர், பேஸ்புக் போன்ற சில வலைய பயன்பாடுகள், ஒற்றை எழுத்துகளை குறுக்கு விசைகளாகப் பயன்படுத்துகின்றன. என்விடிஏவின் ஒற்றை எழுத்துடன் வழிசெல்லும் வசதி இயக்கத்திலிருந்தால், மேற்கூறிய பயன்பாடுகளின் ஒற்றை எழுத்து குறுக்கு விசைகளைப் பயன்படுத்த இயலாது. ஆகவே, இப்பயன்பாடுகளின் குறுக்கு விசைகளைப் பயன்படுத்த வேண்டியிருக்கும் தருணங்களில், என்விடிஏவின் ஒற்றை எழுத்துடன் வழிசெல்லும் வசதியைத் தற்காலிகமாக முடக்க வேண்டும்.

தற்போதைய ஆவணத்திற்கு ஒற்றை எழுத்துடன் வழிசெல்லும் வசதியை இயக்க, அல்லது நிறுத்த, என்விடிஏ+மாற்றழுத்தி+இடைவெளிப்பட்டையை அழுத்தவும்.

Touch Navigation in Browse Mode

When using a touch enabled device, NVDA provides an additional touch navigation mode for browsing content in browse mode.

When browse mode is active in supported documents such as web pages or Word documents, NVDA can expose a browse touch mode. This mode allows users to navigate structural elements of a document using touch gestures, similar to browse mode navigation with the keyboard.

In browse touch mode, flick gestures are used to move between common document elements such as links, buttons, headings, form fields, landmarks, and other document structures.

This feature is intended to provide touch users with efficient, structured navigation that mirrors existing browse mode functionality.

Touch gestures in browse mode

When the "default" element type is selected, flicking left or right moves through all elements in the document. When any other element type is selected, flicking left or right moves to the previous or next element of that type. Flicking up or down cycles through the available element types.

The selected element type is remembered separately for each document while it remains open. Note that browse touch mode gestures only take effect when browse mode is active in the document. If focus moves outside the document (for example, to the browser address bar or the taskbar), browse touch mode gestures will not navigate the document until focus returns to it in browse mode.

உரைப் பத்தி வழிசெலுத்தல் கட்டளை

அடுத்த, அல்லது முந்தைய உரைப் பத்திக்கு தாங்கள் நகர, p, அல்லது மாற்றழுத்தி+p விசையை அழுத்தலாம். முழுமையான சொற்றடர்களால் எழுதப்பட்டவையாகத் தோன்றும் உரைக் குழுக்கள் உரைப் பத்திகள் என்று வரையறுக்கப்படுகின்றன. பின்வருவன போன்ற பல இணையப் பக்கங்களின் படிக்கத்தக்க உள்ளடக்கத்தின் துவக்கத்தை அறிய இது பயனுள்ளதாக இருக்கும்:

• செய்தி இணையதளங்கள்
• மன்றங்கள்
• வலைப்பதிவுகள்

பின்வருவன போன்ற சில வகையான ஒழுங்கற்ற குவியல்களைத் தவிர்க்கவும் இக்கட்டளைகள் உதவிகரமாக இருக்கும்:

• விளம்பரங்கள்
• தெரிவுப் பட்டியல்கள்
• தலைப்புரைகள்

உரைப் பத்திகளை அடையாளங்காண என்விடிஏ இயன்றவரை முயன்றாலும், அதற்கான வழிமுறை சரியாக இருக்காது என்பதோடு, சில தருணங்களில் தவறுகளையும் இழைக்கலாம் என்பதை நினைவில் கொள்ளவும். பத்தி வழிசெலுத்துதல் கட்டளைகளான கட்டுப்பாடு+மேலம்பு/கீழம்புக்கு வேறானதாகும் இந்த உரைப் பத்தி வழிசெலுத்திக் கட்டளைகள். உரைப் பத்திக் கட்டளைகள் அடுத்த/முந்தைய பத்திக்கு, உரைகள் இருந்தால் மட்டும் நகரும். ஆனால், பத்தி வழிசெலுத்தல் கட்டளைகள், அடுத்த/முந்தைய பத்திக்கு, உரைகள் இல்லாதபொழுதும் நகரும்.

பிற வழிசெலுத்தல் கட்டளைகள்

மேலே பட்டியலிடப்பட்டுள்ள விரைவு வழிசெலுத்தல் கட்டளைகளுக்கு கூடுதலாக, இயல்புநிலை விசைகள் ஒதுக்கப்படாத கட்டளைகளை என்விடிஏ கொண்டுள்ளது. இக்கட்டளைகளைப் பயன்படுத்த, முதலில் உள்ளீட்டு சைகைகள் உரையாடலைப் பயன்படுத்தி, அவைகளுக்கு சைகைகளை ஒதுக்க வேண்டும். கிடைப்பிலிருக்கும் கட்டளைகளின் பட்டியல் கீழே கொடுக்கப்பட்டுள்ளது:

• பிரிவுக் கூறு
• உருவம்
• குழுவாக்கம்
• தத்தல்
• பட்டி உருப்படி
• நிலைமாற்றுப் பொத்தான்
• முன்னேற்றப் பட்டை
• Slider
• கூறுச் சுட்டு
• கணிதச் சூத்திரம்
• நெடுவாக்கில் ஒழுங்கமைக்கப்பட்ட பத்தி
• அதே பாங்கு உரை
• வேறுபட்ட பாங்கு உரை

ஒவ்வொரு வகை கூறுக்குமிடையே ஆவணத்தில் முன்னும் பின்னும் நகர இரு வேறு கட்டளைகள் உல்ளன என்பதை நினைவில் கொண்டு, இரு திசைகளிலும் விரைவாக நகர, இவ்விரு கட்டளைகளுக்கான சைகைகளை தனித் தனியே ஒதுக்க வேண்டும். எடுத்துக்காட்டாக, தத்தல்களுக்கிடையே 'y', 'மாற்றழுத்தி+y' விசைகளைப் பயன்படுத்தி விரைவாக வழிசெலுத்த, பின்வருவனவற்றை தாங்கள் செய்ய வேண்டும்:

1. உலாவு நிலையில், உள்ளீட்டுச் சைகை உரையாடலைத் திறக்கவும்.
2. உலாவு நிலைப் பிரிவில், 'அடுத்த தத்தல் ுருப்படிக்கு நகர்க' என்கிற சைகையைக் கண்டறியவும்.
3. இச்சைகைக்கு, 'y' விசையை இணைக்கவும்.
4. 'முந்தைய தத்தல் உருப்படிக்கு நகர்க' என்கிற சைகையைக் கண்டறியவும்.
5. இச்சைகைக்கு, 'மாற்றழுத்தி+y' விசையை இணைக்கவும்.

கூறுகளின் பட்டியல்

பயன்பாடுகளுக்கேற்ற வகையில், ஒரு ஆவணத்தின் பல்வேறு கூறுகளைக் கொண்ட பட்டியலை என்விடிஏ வழங்குகிறது. எடுத்துக்காட்டாக, இணைய உலாவிகளில், தொடுப்புகள், தலைப்புகள், படிவக் களங்கள், பொத்தான்கள், நிலக்குறிகள் போன்ற கூறுகளைக் கொண்ட பட்டியலைக் காண்பிக்கிறது. பல்வேறுபட்ட கூறுகளுக்கிடையே ஒன்றைத் தேர்ந்தெடுக்க, தேர்வுப் பொத்தான்கள் கொடுக்கப்பட்டுள்ளன. கூறுகளின் பட்டியல் உரையாடலில், தாங்கள் தேடும் கூறின் உரைகளை வடிகட்ட, ஒரு தொகு களமும் கொடுக்கப்பட்டுள்ளது. ஒரு உருப்படியைத் தேர்ந்தெடுத்தவுடன், கொடுக்கப்பட்டுள்ள பொத்தான்களை அழுத்தி, அவ்வுருப்படியை இயக்கலாம், அல்லது அவ்வுருப்படிக்குச் செல்லலாம்.

உரையைக் கண்டறிதல்

நடப்பு ஆவணத்தில் இருக்கும் ஒரு குறிப்பிட்ட உரையைக் கண்டறிய இவ்வுரையாடல் அனுமதிக்கிறது. "தாங்கள் கண்டறிய விரும்பும் உரையைத் தட்டச்சிடுக" என்கிற தொகு களத்தில் கண்டறியப்பட வேண்டிய உரையை உள்ளிடலாம். "வகையுணரி" தேர்வுப் பெட்டி, முகப்பெழுத்துகள் அமைந்திருக்கும், அல்லது அமைந்திருக்காத ஆங்கில உரைகளைப் பிரித்துக் கண்டறியும். எடுத்துக்காட்டாக, "வகையுணரி" தேர்வுப் பெட்டி தேர்வான நிலையில், "NV Access" என்பதனைத் தாங்கள் கண்டறியலாம். ஆனால், "nv access" என்பதனைக் கண்டறிய இயலாது. உரைகளைக் கண்டறிய, பின்வரும் விசைக் கட்டளைகளைப் பயன்படுத்தவும்:

பொதிந்துள்ள பொருட்கள்

பக்கங்களில் ஆரக்கிள் ஜாவா, எச்டிஎம்எல் 5 போன்ற தொழில்நுட்பங்களைக் கொண்டு, உள்ளடக்கங்கள் செரிவூட்டப்பட்டிருப்பதோடு, பயன்பாடுகளும், உரையாடல்களும் அவைகளில் காணப்படலாம். உலாவும் நிலையில் இவைகளை என்விடிஏ எதிர்கொள்ளும்பொழுது, "பொதிந்துள்ள பொருள்", "பயன்பாடு", அல்லது "உரையாடல்" என்று தகுந்தவாறு அறிவிக்கும். இவைகளுக்கிடையே விரைவாக நகர, o, மற்றும் மாற்றழுத்தி+o ஒற்றையெழுத்து வழிசெலுத்தி விசையைப் பயன்படுத்தலாம். இப்பொருட்களினுடன் ஊடாட, அவைகளின் மீது உள்ளிடு விசையை அழுத்தலாம். பொருளை அணுக முடியுமானால், பிற பயன்பாடுகளில் செயற்படுவதுபோல, இப்பொருளின் ஊடேயும் தத்தல் விசையைக் கொண்டு வழிசெலுத்தலாம். பொதிந்துள்ள பொருளைக் கொண்டுள்ள பக்கத்திற்குத் திரும்பிச் செல்ல, ஒரு விசைக் கட்டளையும் கொடுக்கப்பட்டுள்ளது.

பயன்பாட்டுத் தெரிவு முறை

இயல்பில், உலாவு நிலையில் மாற்றழுத்தி+அம்பு விசைகளைப் பயன்படுத்தி உரையைத் தெரிவுசெய்யும்பொழுது, உண்மையில் அந்தப் பயன்பாட்டினுள் உரை தெரிவுசெய்யப்படுவதில்லை, என்விடிஏவில் இருக்கும் அவ்வாவணத்தின் உலாவு நிலை பிரதிநித்துவத்தில்தான் தெரிவுசெய்யப்படுகிறது. அதாவது, திரையில் தெரிவு தோற்றமளிக்காது என்பதோடு,கட்டுப்பாடு+c விசையைப் பயன்படுத்தி உரையைத் தெரிவுசெய்யும்பொழுது, அட்டவணைகளின் வடிவூட்டம், தொடுப்பு போன்ற செரிவுட்டப்பட்ட உள்ளடக்கம் தெரிவுசெய்யப்படுவதில்லை, அவ்வாவணத்திற்குரிய என்விடிஏவின் எளிய உரைப் பிரதிநித்துவம் மட்டும்தான் தெரிவுசெய்யப்படுகிறது. இருப்பினும், ஆதரிக்கப்படக் கூடிய சில உலாவு நிலை ஆவணங்களில் என்விடிஏவின் பயன்பாட்டுத் தெரிவு முறையை முடுக்கிவிடலாம். என்விடிஏவின் உலாவு நிலைத் தெரிவினை ஆவணத்தின் பயன்பாட்டுத் தெரிவு முறை பின்பற்ற வேண்டியிருப்பதால், வடிவூட்டம், தொடுப்புகள், அட்டவணைகள் போன்ற விவரங்களைப் படியெடுக்க இயல்கின்றன. பயன்பாட்டுத் தெரிவு முறை தற்போதைக்கு இவைகளில் ஆதரிக்கப்படுகிறது:

• மொசில்லா ஃபயர்ஃபாக்ஸ்
• மொசில்லா தண்டர்பேர்ட்
• குரோம், எட்ஜ், மற்றும் குரோமியம் 134, அல்லது அதற்கும் பிறகான பதிப்புகளின் அடிப்படையிலான எந்த உலாவியும்

பயன்பாட்டுத் தெரிவு முறை முடுக்கப்பட்டிருந்தால், கட்டுப்பாடு+c விசையைப் பயன்படுத்தி உரையைத் தெரிவுசெய்யும்பொழுது, ஆவணத்தின் செரிவூட்டப்பட்ட உள்ளடக்கம் தெரிவுசெய்யப்படும், என்விடிஏவின் எளிய உரை பிரதிநித்துவம் தெரிவுசெய்யப்பட மாட்டாது. அதாவது, மைக்ரோசாஃப்ட் வேர்ட், அல்லது எக்ஸெல் போன்ற ஆவணங்களில் இவ்வுள்ளடக்கம் ஒட்டப்படும்பொழுது, அட்டவணைகளின் வடிவூட்டம், தொடுப்பு போன்றவைகளும் சேர்த்துுக்கொள்ளப்படும். ஆனால், உலாவு நிலையில் என்விடிஏ உருவாக்கும் அணுகுதிறன் சிட்டைகள், அல்லது பிற தகவல்கள், பயன்பாட்டுத் தெரிவு முறையில் சேர்த்துக்கொள்ளப்பட மாட்டாது என்பதை நினைவில் கொள்ளவும். மேலும், என்விடிஏவின் உலாவு நிலைத் தெரிவுடன் பயன்பாட்டுத் தெரிவு முறையைப் பொருத்திக்கொள்ள சிறந்த முயற்சியை ஒரு பயன்பாடு மேற்கொண்டாலும், அது எப்பொழுதும் முழுத் துல்லியத்துடன் இருக்காது. இருப்பினும், செரிவுட்டப்பட்ட உள்ளடக்கத்தைக் கொண்ட ஒரு முழு அட்டவணை, அல்லது பத்தியைப் படியெடுக்கவேண்டிய சூழ்நிலைகளில் இக்கூறு பயனுள்ளதாக இருக்கும்.

கணித உள்ளடக்கங்களைப் படித்தல்

பேச்சு, பிரெயில் ஆகிய இரண்டிலும் அணுகலை வழங்கி, வலைதளங்களிலும் பிற பயன்பாடுகளிலும் கணித உள்ளடக்கத்தைப் படிக்கவும் வழிசெலுத்தவும் என்விடிஏவினால் இயலும். கணித உள்ளடக்கத்தைப் படித்திட, MathCAT-ஐ என்விடிஏ பயன்படுத்துகிறது.

ஆதரவளிக்கப்படும் கணித உள்ளடக்கம்

பின்வரும் வகையான கணித உள்ளடக்கத்தை என்விடிஏ ஆதரிக்கிறது:

• மொசில்லா பயர்பாக்ஸ், மைக்ரோசாஃப்ட் இண்டர்நெட் எக்ஸ்ப்ளோரர், கூகிள் க்ரோம் ஆகியவற்றில் இருக்கும் MathML.
• பயனர் இடைமுகப்பு தன்னியக்கமாக்கல் வழியே மைக்ரோசாஃப்ட் வேர்ட் 365ல் இருக்கும் நவீன கணிதச் சமன்பாடுகள்: மைக்ரோசாஃப்ட் வேர்ட் 365/2016 கட்டமைப்பு 14326, அல்லது அதற்கும் பிறகான கட்டமைப்பில் இருக்கும் கணிதச் சமன்பாடுகளைப் படிக்கவும், அவைகளுடன் ஊடாடவும் என்விடிஏவினால் இயலும். ஆனால், முன்னதாக உருவாக்கப்பட்ட மேத்டைப் சமன்பாடுகளை ஆபீஸ் கணிதமாக முதலில் மாற்ற வேண்டும் என்பதை நினைவில் கொள்ளவும். இதைச் செய்ய, சமன்பாடுகளை ஒவ்வொன்றாகத் தெரிவுசெய்து, "சமன்பாட்டு விருப்பத் தேர்வுகள்" சூழலுணர்ப் பட்டியலை உருவாக்கி, அதில் இருக்கும் "ஆபீஸ் கணிதமாக மாற்றுக" என்கிற உருப்படியை அழுத்தவும். இதைச் செய்வதற்கு முன், தங்களின் மேத்டைப், அண்மையப் பதிப்புதான் என்பதை உறுதிசெய்துகொள்ளவும். நீள் குறியீடு அடிப்படையிலான வழிசெலுத்தலையும் சமன்பாடுகளின் வாயிலாகவே மைக்ரோசாஃப்ட் வேர்ட் தற்பொழுது வழங்குவதோடு, லேட்டக்ஸ் உட்பட பல சொற்றொடரியல்களையும் பயன்படுத்தி கணிதத்தை உள்ளிடுவதை ஆதரிக்கிறது. கூடுதல் தகவல்களுக்கு, மைக்ரோசாஃப்ட் வேர்டில் இருக்கும் ஒருங்குறி கணிதம் மற்றும் லேட்டக்ஸைப் பயன்படுத்தும் நீள்வடிவூட்ட சமன்பாடுகள் என்கிற பக்கத்தைக் காணவும்.
• மைக்ரோசாஃப்ட் பவர்பாய்ண்டும், மைக்ரோசாஃப்ட் வேர்டின் பழைய பதிப்புகளும்: மைக்ரோசாஃப்ட் பவர்பாய்ண்ட் மற்றும் மைக்ரோசாஃப்ட் வேர்டில் இருக்கும் மேத்டைப் சமன்பாடுகளைப் படிக்கவும், வழிசெலுத்தவும் என்விடிஏவினால் இயலும். இது செயற்பட, மேத்டைப் நிறுவப்பட்டிருக்க வேண்டும். பரிசோதனைப் பதிப்பு போதுமானது. இப்பதிப்பை மேத்டைப் பொருளளிக்கைப் பக்கத்திலிருந்து தரவிறக்கிக்கொள்ளலாம்.
• அடோபி அக்ரோபாட் ரீடர்: மேத் எம்எல் கட்டமைப்புக் கூறுகள் உடன் கூடிய குறியிடப்பட்ட PDF.
• ஃபாக்ஸிட் PDF ரீடர்: தொடர்புடைய கோப்புகள் அல்லது மேத் எம்எல் கட்டமைப்புக் கூறுகளாகப் பொதியப்பட்டுள்ள மேத் எம்எல் உடன் கூடிய குறியிடப்பட்ட PDF.
• கணினிக்கான கிண்டில் ரீடர் கணினிக்கான கிண்டிலில் அணுகக்கூடிய கணிதத்தை படிக்கவும், வழிசெலுத்தவும் என்விடிஏவினால் இயல்கிறது.

ஒரு ஆவணத்தைப் படிக்கும் பொழுது, ஆதரிக்கப்படும் கணித உள்ளடக்கங்களை எதிர்படும் இடங்களில் என்விடிஏ படிக்கிறது. தாங்கள் பிரெயில் காட்சிப்படுத்தியைப் பயன்படுத்துவதாக இருந்தால், இது பிரெயிலிலும் காட்டப்படும்.

ஊடாட்ட வழிசெலுத்தல்

பிரெயில் காட்சிப்படுத்தியைப் பயன்படுத்தாமல், என்விடிஏவின் பேச்சை முதன்மையாகப் பயன்படுத்துபவராகத் தாங்கள் இருந்தால், பெரும்பான்மையானத் தருணங்களில், கணிதத்தின் முழுத் தொகுதியையும் ஒரே நேரத்தில் கேட்க முற்படாமல், அதன் சிறு பகுதியை மட்டும் முதலில் ஆராய முற்படுவீர்கள்.

உலாவும் நிலையில் தாங்கள் இருந்தால், கணித உள்ளடக்கத்திற்கு சுட்டுக்குறியைக் கொண்டுசென்று, உள்ளிடு விசையை அழுத்தவும்.

உலாவும் நிலையில் தாங்கள் இல்லையென்றால்,

1. சீராய்வுச் சுட்டுக்குறியை கணித உள்ளடக்கத்திற்குக் கொண்டு செல்லவும். இயல்பில், இமைக்கும் சுட்டுக்குறியை சீராய்வுச் சுட்டுக்குறி பின்தொடர்வதால், தாங்கள் விரும்பும் கணித உள்ளடக்கத்திற்குச் செல்ல இமைக்கும் சுட்டுக்குறியைப் பயன்படுத்தலாம்.
2. பிறகு, கீழ்க் காணும் கட்டளையை இயக்கவும்:

இக்கட்டத்தில், கணிதப் பயன்முறைக்குள் என்விடிஏ நுழையும். அங்கே விசை அம்புகள் போன்ற மேத்ப்ளேயர் கட்டளைகளைப் பயன்படுத்தி, கணிதத்தை ஆராயலாம். எடுத்துக்காட்டாக, கணிதத் தொகுதிக்கிடையே இடது, அல்லது வலது அம்பு விசைகளைப் பயன்படுத்தி நகரலாம், பின்னம் போன்ற கணிதத்தின் ஒரு சிறு பகுதியை விரித்து உள்நோக்க கீழம்பினைப் பயன்படுத்தலாம்.

ஆவணத்திற்குத் தாங்கள் திரும்ப விரும்பினால், விடுபடு விசையை அழுத்தவும்.

கணித உள்ளடக்கங்கள் சில தருணங்களில் பொத்தானில், அல்லது பிற களங்களில் காண்பிக்கப்படும். இவைகளை அழுத்தும்பொழுது, ஒரு உரையாடல் பெட்டி, அல்லது சூத்திரம் குறித்த கூடுதல் தகவல்கள் காண்பிக்கப்படும். சூத்திரத்தைக் கொண்டுள்ள பொத்தானை, அல்லது பிற களங்களை இயக்க, கட்டுப்பாடு+உள்ளிடு விசையை அழுத்தவும்.

கணித உள்ளடக்கத்துடன் விரைவாக வழிசெலுத்தத் தொடங்க விரும்புவோருக்கு மிகவும் பயனுள்ள கட்டளைகளின் சுருக்கம் கீழே கொடுக்கப்பட்டுள்ளது.

• ஒரு கணிதக் கட்டமைப்புக்குள் இடது/வலது, அல்லது மேல்/கீழாக நகர்த்த அம்பு விசைகளைப் பயன்படுத்தவும் (எ.கா. ஒரு பின்னத்திற்கு உள்ளே/வெளியே).
• ஒரு அட்டவணைக்குள் இருந்தால், கட்டுப்பாடு+அம்பு விசை, களம் களமாக நகர்த்திடும்.
• முகப்பு / முடிவு கோவையின் தொடக்கம்/முடிவிற்கு நகர்த்திடும்.
• இடைவெளிப்பட்டை தங்களின் தற்போதைய நிலையைப் படிக்கிறது.
• மாற்றழுத்தி+மேலம்பு / மாற்றழுத்தி+கீழம்பு வழிசெலுத்தலின் முறையை மாற்றியமைக்கிறது. இதுகுறித்து பின்வரும் பிரிவில் இன்னும் விரிவாக விவாதிக்கப்படும்.

வழிசெலுத்தலைத் துவக்க: என்விடிஏ+நிலைமாற்றி+m விசையை அழுத்தவும், அல்லது கணித வழிசெலுத்துதல் முறைக்குள் நுழைய இடைவெளிப்பட்டையை அழுத்தவும். வெளியேற விடுபடு அழுத்தவும்.

மைக்ரோசாஃப்ட் வேர்ட் மற்றும் இணைய உலாவியில் மேத்கேட்டின் வழிசெலுத்தல் ஒரே மாதிரியாக இருக்கும்.

ஒரு கோவையில் வழிசெலுத்தும்பொழுது, கட்டுப்பாடு+c விசை, தற்போதைய கணுவிலுள்ள கணித உள்ளடக்கத்தை என்விடிஏவிற்கு படியெடுக்கிறது. கணித அமைப்புகள் பலகை வாயிலாக பிடிப்புப் பலகைக்கு படியெடுக்கப்பட்ட கணிதத்தின் வடிவூட்டத்தை சரிசெய்யலாம்.

வழிசெலுத்தல் முறைகள்

பின்வரும் வழிசெலுத்தல் முறைகளை மேத்கேட் ஆதரிக்கிறது:

• மேம்படுத்தப்பட்ட பயன்முறை: கணிதச் சூழலில் பொருள்தரும் பகுதிகளின் (இயக்கிகள், பிரிப்பான்கள் மற்றும் செயலேற்பிகள்) வாயிலாக வழிசெலுத்துதல்.
• எளிய பயன்முறை: சொற்களாக நகரும்; ஆனால் பின்னங்கள், வர்க்கமூலங்கள் போன்ற இருபரிமாணக் குறியீடுகளை அடையும் போது அவற்றை முழுமையாக அறிவிக்கும். இருபரிமாணக் குறியீடுகளை அதே பயன்முறையில் ஆராய பெரிதாக்குதல் தங்களை அனுமதிக்கிறது. இருபரிமாண குறியீடுகளைப்ச் சிறிதாக்குதல், அல்லது அதிலிருந்து வெளிவருதல், வழிசெலுத்துதலின் வெளி/உயர்மட்ட நிலைக்குத் தங்களைத் திரும்ப கொண்டு செல்லும்.
• வரியுரு பயன்முறை: இது உண்மையில் சொல் பயன்முறை, வரியுரு பயன்முறை ஆகிய இரு பயன்முறைகளின் கலவையாகும். சொற்களாக/வரியுருக்களாக நகர்கிறது. இது ஒன்றுக்கு மேற்பட்ட இலக்கங்களைக் கொண்ட எண்கள் மற்றும் பல வரியுருக்களைக் கொண்ட "sin" போன்ற செயல்பாட்டுப் பெயர்களுக்கு மாறுபடும். இல்லையெனில், சொல் மற்றும் வரியுரு வழிசெலுத்துதல் ஆகிய இரண்டும் ஒன்றுதான்.

கணிதத்துடன் வழிசெலுத்த பின்வரும் விசைக் கட்டளைகள் பயன்படுத்தப்படுகின்றன:

பொதுவான பயன்பாடு

பொதுவாக, தாங்கள் ஒரு கோவையின் முதல் உறுப்பில் தொடங்கி, தேவைக்கேற்ப வலதுபுறமாக நகர்வீர்கள். தேவைப்படுமாயின், மேல் மற்றும் கீழ் மட்டங்களுக்கு இடையே நகர்வீர்கள். இது அம்பு விசைகளைக் கொண்டு செய்யப்படுகிறது. கட்டுப்பாடு+நிலைமாற்றி விசைகளைக் கொண்டு அட்டவணை உள்ளீடுகளுக்கு ஊடே தாங்கள் சுற்றி நகரலாம்.

தாங்கள் முன்பிருந்த இடத்திற்கு பின்நகர் விசை தங்களை மீண்டும் அழைத்துச் செல்லும். இது எப்பொழுதும் இடதுபுறம் நகர்வதைப் போல் இருக்காது. எடுத்துக்காட்டாக, பின்னத்திலிருந்து தங்களை வலதம்பு விசை வெளியே நகர்த்தினால், பின்நகர் விசை, பகுதியில் தாங்கள் முன்பிருந்த நிலைக்கும் தங்களைக் கொண்டு செல்வதோடு, இடதம்பு விசை முழு பின்னத்தில் மீது நிலைபெறும்.

பெரும்பாலான நேரங்களில் தங்களுக்கு மிகவும் இயல்பான வழிசெலுத்தல் பயன்முறை ஒன்றை தாங்கள் கா்ண்பீர்கள். கணித அமைப்புகள் பலகையில் இயல்பிருப்பு முறையை அமைக்கலாம். இருப்பினும், வழிசெலுத்தலின்பொழுது எந்த நேரத்திலும் மாற்றழுத்தி+மேலம்பு/கீழம்பு விசைகளைப் பயன்படுத்தி, ஒவ்வொரு வழிசெலுத்தல் முறைக்குமென்றே இருக்கும் நற்கூறுகளைச் சாதகமாகக் கொண்டு, வழிசெலுத்தல் முறைகளுக்கிடையே மாறலாம்.

பிரெயில்

பிரெயில் காட்சிப்படுத்தியை தாங்கள் வைத்திருந்தால், தகவல்களை என்விடிஏ பிரெயிலில் அளிக்கும். தங்களின் பிரெயில் காட்சிப்படுத்தி பெர்க்கின்ஸ் மாதிரியான விசைப்பலகையைக் கொண்டிருந்தால், குறுக்கப்பட்ட, அல்லது குறுக்கப்படாத பிரெயிலினை உள்ளிடலாம். பிரெயில் காட்சிப்படுத்தியுடன் இணைந்தோ, அல்லது தனித்தோ, பிரெயில் தோற்றத்தைப் பயன்படுத்தி, திரையில் பிரெயிலைக் காட்சிபடுத்தலாம்.

ஆதரவளிக்கப்படும் பிரெயில் காட்சிப்படுத்திகள் குறித்து அறிய, இவ்வழிகாட்டியிலுள்ள ஆதரவளிக்கப்படும் பிரெயில் காட்சிப்படுத்திகள் என்கிற பிரிவினைக் காணவும். பிரெயில் காட்சிப்படுத்திகளைப் பின்னணியில் தானாகக் கண்டறியும் என்விடிஏவின் செயல்பாட்டினை எந்தெந்த பிரெயில் காட்சிப்படுத்திகள் ஆதரிக்கின்றன என்கிற தகவலையும் இப்பிரிவு கொண்டிருக்கிறது. என்விடிஏ அமைப்புகள் உரையாடலில் காணப்படும் பிரெயில் அமைப்புகள் வகைமையைக் கொண்டு, பிரெயிலை அமைவடிவமாக்கலாம்.

பிரெயில் கட்டுப்பாட்டு வகைகள், அவைகளின் நிலைகள் மற்றும் நிலக்குறி குறுக்கங்கள்

பிரெயில் காட்சிப்படுத்தியில் இயன்ற அளவு தகவல்களையளிக்க, கட்டுப்பாட்டு வகைகள், அவைகளின் நிலை மற்றும் நிலக்குறிக்கான பின்வரும் குறுக்கங்கள் விளக்கப்பட்டுள்ளன. குழப்பத்தைத் தவிர்க்க, ஆங்கிலக் குறுக்கங்கள் தக்கவைக்கப்பட்டுள்ளன.

கீழ் காணும் கட்டுப்பாட்டு நிலைகளுக்கான பின்வரும் குறுக்கங்களும் விளக்கப்பட்டுள்ளன:

இறுதியாக, நிலக்குறிகளுக்கான பின்வரும் குறுக்கங்கள் விளக்கப்பட்டுள்ளன:

பிரெயில் உள்ளீடு

பிரெயில் விசைப்பலகை மூலம் செய்யப்படும் குறுக்கப்பட்ட மற்றும் குறுக்கப்படாத பிரெயில் உள்ளீடுகளை என்விடிஏ ஆதரிக்கிறது. என்விடிஏ உரையாடலிலிருக்கும் பிரெயில் அமைப்புகள் வகைமையில் காணப்படும் உள்ளீட்டு அட்டவணையைப் பயன்படுத்தி, பிரெயிலிருந்து உரைக்கு மொழிபெயர்க்கப் பயன்படுத்தப்படும் மொழிபெயர்ப்பு அட்டவணையைத் தெரிவுசெய்யலாம்.

குறுக்கப்படாத பிரெயிலைப் பயன்படுத்தி உள்ளிடும்பொழுது, உடனுக்குடன் உரை செருகப்படுகிறது. குறுக்கப்பட்ட பிரெயிலைப் பயன்படுத்தி உள்ளிடும்பொழுது, ஒரு சொல்லின் இறுதியில் இடைவெளிப் பட்டை, அல்லது உள்ளிடு விசையை அழுத்தும்பொழுது உரை செருகப்படுகிறது. தாங்கள் தட்டச்சிடும் சொல்லைத்தான் மொழிபெயர்ப்பு பிரதிபலிக்குமேயன்றி, இருக்கும் உரையை அது கருத்தில் கொள்வதில்லை என்பதை நினைவில் கொள்ளவும். எடுத்துக்காட்டாக, எண் குறியுடன் துவங்கும் எண்களைத் தட்டச்சிடும் பிரெயில் குறியைத் தாங்கள் பயன்படுத்தும் தருணங்களில், எண்களின் முடிவிற்குச் செல்ல பின்நகர் விசையை அழுத்தினால், கூடுதல் எண்களைத் தட்டச்சிட எண் குறியைத் தாங்கள் மீண்டும் தட்டச்சிட வேண்டியிருக்கும்.

ஏழாம் புள்ளியை அழுத்தும்பொழுது, இறுதியாக உள்ளிடப்பட்டிருக்கும் பிரெயில் குறியை, அல்லது வரியுருவை அழிக்கிறது. எட்டாம் புள்ளி, உள்ளிடப்பட்டிருக்கும் பிரெயிலை உரையாக மொழிபெயர்த்து, உள்ளிடு விசையை அழுத்துகிறது. ஏழாம் எட்டாம் புள்ளிகளைச் சேர்த்து அழுத்தும்பொழுது, இறுதியில் இடைவெளிப் பட்டை, அல்லது உள்ளிடு விசையை அழுத்தாமல், உள்ளிடப்பட்டிருக்கும் பிரெயிலை உரையாக மொழிபெயர்க்கிறது.

விசைப்பலகை குறுக்குவிசைகளை உள்ளிடுதல்

பிரெயில் காட்சிப்படுத்தியைப் பயன்படுத்தி விசைப்பலகை குறுக்குவிசைகளை உள்ளிடுவதையும், விசை உள்ளீடுகளை ஒப்புருவாக்குவதையும் என்விடிஏ ஆதரிக்கிறது. இந்த ஒப்புவுவாக்கம் இரு வடிவங்களில் வருகிறது: விசை உள்ளீட்டிற்கு நேரடியாக ஒரு பிரெயில் உள்ளீட்டை ஒதுக்குவது மற்றும் மெய்நிகர் மாற்றியமைப்பி விசைகளைப் பயன்படுத்துவது.

விசை அம்புகள், அல்லது பட்டியல்களுக்கு செல்ல அழுத்தப்படும் நிலைமாற்றி விசை போன்று பொதுவாகப் பயன்படுத்தப்படும் விசைகளை பிரெயில் காட்சிப்படுத்தியுடன் நேரடியாக வரையறுக்கலாம். ஒவ்வொரு பிரெயில் காட்சிப்படுத்திக்கான இயக்கி, இந்த ஒதுக்கீடுகளில் சிலவற்றை உள்ளடக்கி வெளிவருகிறது. உள்ளீட்டுச் சைகைகள் உரையாடலைப் பயன்படுத்தி இந்த ஒதுக்கீடுகளை மாற்றியமைக்கலாம், அல்லது புதிய ஒப்புருவாக்கப்பட்ட விசைகளைச் சேர்க்கலாம்.

தத்தல் போன்ற தனித்துவமான, அல்லது பொதுவாகப் பயன்படுத்தப்படும் விசைகளுக்கு இந்த அணுகுமுறை பயனுள்ளதாக இருந்தாலும், ஒவ்வொரு விசைப்பலகை குறுக்குவிசைக்கும் தனித்துவமான விசையை தாங்கள் ஒதுக்க விரும்பமாட்டீர்கள். மாற்றியமைப்பி விசை அழுத்தப்பட்ட நிலையில், ஒப்புருவாக்கப்பட்ட விசைகளின் உள்ளீடுகளை அனுமதிக்க, கட்டுப்பாடு, நிலைமாற்றி, மாற்றியழுத்தி, சாளரங்கள் மற்றும் என்விடிஏ விசைகளை மாற்றியமைக்க கட்டளைகளை என்விடிஏ வழங்குவதோடு, இவ்விசைகளின் சில சேர்க்கைகளுக்கான கட்டளைகளையும் வழங்குகிறது. இந்த மாற்றும் தன்மையைப் பயன்படுத்த, தாங்கள் அழுத்த விரும்பும் மாற்றியமைப்பி விசைக்கான கட்டளை, அல்லது கட்டளைத் தொடரை அழுத்தவும். பின்னர், தாங்கள் உள்ளிட விரும்பும் குறுக்குவிசையின் பகுதியாக விளங்கும் வரியுருவை உள்ளிடவும். எடுத்துக்காட்டாக, கட்டுப்பாடு+f கூட்டுவிசையை அழுத்த, கட்டுப்பாடு விசைக்கான கட்டளையை முதலில் பயன்படுத்தி, பின்னர் f விசையை அழுத்தவும். கட்டுப்பாடு+நிலைமாற்றி+t கூட்டுவிசையை உள்ளிட, கட்டுப்பாடு மற்றும் நிலைமாற்றி விசைகளுக்கான கட்டளைகளைத் தனித்தனியே எந்த வரிசையிலும், அல்லது கட்டுப்பாடு நிலைமாற்றிக்கான ஒற்றைக் கட்டளையை முதலில் அழுத்தி, பின்னர் t விசையை அழுத்தவும்.

மாற்றியமைப்பி விசைகளை தாங்கள் தவறுதலாக மாற்றியமைத்துவிட்டால், மாற்றுவதற்கான கட்டளையை மீண்டும் அழுத்துவதன் மூலம் அந்த மாற்றத்தை நீக்கிவிடலாம்.

குறுக்கப்பட்ட பிரெயிலில் தட்டச்சிடும்பொழுது, மாற்றியமைப்பியை மாற்றும் விசைகளைப் பயன்படுத்தினால், 7+8 பிரெயில் புள்ளிகளை தாங்கள் உள்ளிட்டதாக கொண்டு, தங்களின் உள்ளீடு மொழிபெயர்க்கப்படும். மேலும், மாற்றியமைப்பி விசை அழுத்தப்படுவதற்கு முன் உள்ளிடப்பட்ட பிரெயிலை, ஒப்புருவாக்கப்பட்ட விசை உள்ளீடு பிரதிபலிக்காது. எண் குறியைப் பயன்படுத்தும் பிரெயில் குறியீட்டினைக் கொண்டு நிலைமாற்றி+2 விசையை அழுத்தினால், நிலைமாற்றி விசையை முதலில் தாங்கள் மாற்றி, பிறகு எண் குறியை தட்டச்சிட வேண்டும் என்பது இதன் பொருளாகும்.

பார்வை

பார்வையற்றோரும், பார்வைக் குறைபாடுள்ளோரும் கணினி மற்றும் பிரெயிலைப் பயன்படுத்துவதை தன் முதல் நோக்கமாக என்விடிஏ கொண்டிருந்தாலும், திரையின் உள்ளடக்கங்களை மாற்ற, உட்கட்டப்பட்டிருக்கும் வசதிகளை அது கொண்டுள்ளது. இத்தகைய உதவி, என்விடிஏவில் பார்வைத் துலக்க ஊக்கி என அறியப்படுகிறது.

உட்கட்டப்பட்டிருக்கும் பல பார்வைத் துலக்க ஊக்கிகளை என்விடிஏ கொண்டுள்ளது. அவை கீழே விளக்கப்பட்டுள்ளன: கூடுதல் பார்வைத் துலக்க ஊக்கிகளை, என்விடிஏ நீட்சிநிரல்கள் மேலாளரில் வழங்கலாம்.

என்விடிஏ அமைப்புகள் உரையாடலில் இருக்கும் பார்வை வகைமையில் என்விடிஏவின் பார்வை அமைப்புகளை மாற்றியமைக்கலாம்.

பார்வைக்குத்் துலக்கமாக்குக

கணினிக் குவிமையம், வழிசெலுத்திப் பொருள், உலாவும் நிலை ஆகியவைகளின் நிலைகளைக் கண்டறிய பார்வைத் துலக்கம் உதவுகிறது. இந்நிலைகள், நிறங்கொண்ட செவ்வக வெளிக்கோடுகளால் துலக்கமாக்கப்படும்.

• திட நீலம்: வழிசெலுத்திப் பொருளும், கணினிக் குவிமையமும் ஒருங்கிணைந்த அமைவிடத்தைத் துலக்கமாக்குகிறது. ஏனென்றால், கணினிக் குவிமையத்தை வழிசெலுத்திப் பொருள் பின்தொடருகிறது.
• கோடிட்ட நீலம்: கணினிக் குவிமையப் பொருளை மட்டும் துலக்கமாக்குகிறது.
• திட இளஞ்சிவப்பு: வழிசெலுத்திப் பொருளை மட்டும் துலக்கமாக்குகிறது.
• திட மஞ்சள்: இணைய உலாவிகளில் பார்வைக்குத் தெரியும் இமைக்கும் சுட்டுக்குறி இல்லாதிருப்பது போன்ற இடங்களில், உலாவும் நிலையில் பயன்படுத்தப்படும் நிகர்நிலை இமைக்கும் சுட்டுக்குறியைத் துலக்கமாக்குகிறது.

என்விடிஏ அமைப்புகளின் உரையாடலில் காணப்படும் பார்வை வகைமையில் பார்வைக்குத் துலக்கமாக்குக வசதி முடுக்கப்பட்டால், குவிமையம், வழிசெலுத்திப் பொருள், உலாவும் நிலை இமைக்கும் சுட்டுக்குறி ஆகியவைகளைத் துலக்கமாக்கும் வசதியை மாற்றியமைக்க இயலும்.

திரைச்சீலை

பார்வையற்ற, அல்லது பார்வைக் குறைபாடு உள்ள ஒரு பயனர், அடிக்கடி கணினித் திரையைப் பார்க்க முடிவதில்லை, அல்லது அதற்கு தேவை இருப்பதில்லை. அதுதவிர, தனது தோளின் மேலாக யாரேனும் தனது கணினித் திரையைப் பார்த்துக்கொண்டிருக்கிறார்களா என்பதையும் அந்தப் பயனரால் உறுதிசெய்துகொள்ள இயலாது. இச்சூழ்நிலைக்காகவே, 'திரைச்சீலை' என்கிற ஒரு கூறினை என்விடிஏ கொண்டுள்ளது. இக்கூறினை முடுக்குவதன் மூலம், கணினித் திரையை கருமையாக்கலாம்.

என்விடிஏ அமைப்புகள் உரையாடலில் காணப்படும் தனியுரிமை மற்றும் பாதுகாப்பு வகைமையில் திரைச்சீலையை இடலாம்.

திரைச்சீலை இடப்பட்டிருந்தால், திரையில் தோன்றுவதை நேரடியாகச் சார்ந்திருக்கும் கூறுகள் செயல்படாது. எடுத்துக்காட்டாக, எழுத்துணரியைப் பயன்படுத்த இயலாது. சில திரைப் பிடிப்புப் பயன்பாடுகளும் செயல்படாமல் போகலாம்.

விண்டோஸ் உருப்பெருக்கி இயங்கிக்கொண்டிருந்து, தலைகீழ் திரை நிறங்கள் பயன்படுத்தப்பட்டால், திரைச்சீலையை இட இயலாது என்பதை நினைவில் கொள்ளவும்.

Magnifier

NVDA includes a built-in Magnifier feature that allows you to zoom and magnify parts of the screen. This feature is particularly useful for users with low vision who need to enlarge content on the screen, or for users who want to apply color filters to reduce eye strain or improve readability.

The NVDA Magnifier operates as a full-screen magnifier, meaning it enlarges the entire screen while following the system focus or mouse pointer. It provides several configuration options to customize the magnification experience according to your needs.

Enabling and Disabling the Magnifier

To enable or disable the magnifier, press NVDA+shift+w. The "Increase magnification level" keystroke, NVDA+shift+equals, will start the magnifier if it is not running. When disabled, the screen returns to its normal size. As with other NVDA settings, the Magnifier state is preserved across sessions.

Important: The NVDA Magnifier cannot be used simultaneously with Screen Curtain for security reasons. If you attempt to enable the magnifier while Screen Curtain is active, NVDA will prompt you to disable Screen Curtain first.

Magnifier Commands

Once the magnifier is enabled, you can use the following keyboard commands to control it:

Zoom Levels

The magnifier supports zoom levels from 1.0 (no magnification) to 50.0 (maximum magnification). You can adjust the zoom level using the zoom in (NVDA+shift+equals) and zoom out (NVDA+shift+minus) commands. Each press increases or decreases the zoom by a fixed increment.

Color Filters

Color filters can help users with certain visual impairments or light sensitivity by modifying the colors displayed on the screen. The magnifier provides three color filter options:

• Normal: No color modification is applied. This is the default setting.
• Grayscale: Converts all colors to shades of gray, which can help reduce eye strain and improve contrast for some users.
• Inverted: Inverts all colors on the screen (black becomes white, white becomes black, etc.), which can be helpful for users who prefer light text on dark backgrounds or have photophobia.

To cycle through the available filters press NVDA+shift+i.

Tracking Modes

The magnifier offers three different modes for tracking mouse, focus, review cursor and navigatore object, and determining which part of the screen to magnify:

• Center: The magnified area is centered on the currently tracked position. This mode keeps the tracked element at the center of the screen and clamps to the screen edge. To disable clamping, activate true center tracking in the Magnifier settings.
• Border: The magnified area only moves when the tracked position approaches the edge of the visible area. This mode provides a more stable view, only adjusting when necessary.
• Relative: The magnified area maintains the relative position of the tracked element within the screen. This mode mimics the behavior of the Windows Magnifier.

To cycle through the tracking modes, please assign a custom gesture using the Input Gestures dialog.

Show entire screen overview

The magnifier can temporarily display an overview of the entire screen, making it useful for presentations or when you need to quickly understand the overall screen layout.

This is useful when you want to:

• Show context to your audience during a presentation before zooming in on specific details
• Temporarily view the full screen layout while magnifying

To display an overview of the entire screen, press NVDA+shift+l. The magnifier will then:

1. Smoothly zoom out to show the full screen (zoom level 1.0x)
2. Monitor mouse movement
3. When the mouse remains still for approximately 2 seconds, automatically zoom back in to the original zoom level at the new mouse position

Moving the mouse before the zoom-back occurs gives you more time to view the full screen.

Magnifier Settings

The magnifier can be configured in the "Magnifier" category of the NVDA Settings dialog (NVDA+control+w). See the Magnifier settings section for details on available options.

உள்ளடக்கத்தை உணருதல்

ஒரு பொருளில் காணப்படும் உள்ளடக்கத்தை திரைநவிலி கொண்டு அறிய போதுமான தகவலை படைப்பாளர் அளிக்காத தருணங்களில், படிமத்தில் இருக்கும் உள்ளடக்கத்தை உணர, பல கருவிகளைக் கொண்டு முயலலாம். படிமங்களில் காணப்படும் உள்ளடக்கங்களை உணர, விண்டோஸ் 10, அல்லது அதற்கும் பிறகான இயக்கமுறைமையுடன் கட்டப்பட்டிருக்கும் எழுத்துணரிக்கு என்விடிஏ ஆதரவளிக்கிறது. கூடுதல் உள்ளடக்க எழுத்துணரிகளை, என்விடிஏவின் நீட்சிநிரல்களில் அளிக்கலாம்.

ஒரு உள்ளடக்க உணர் கட்டளையைத் தாங்கள் பயன்படுத்தும்பொழுது, நடப்பு வழிசெலுத்திப் பொருளில்் இருக்கும் உள்ளடக்கத்தை என்விடிஏ உணருகிறது. இயல்பில், கணினிக் குவிமையத்தையும், உலாவும் நிலைச் சுட்டுக்குறியையும் வழிசெலுத்திப் பொருள் பின்தொடர்வதால், தாங்கள் விருப்பப்படும் இடத்திற்கு குவிமையத்தையும், உலாவும் நிலைச் சுட்டுக்குறியையும் நகர்த்தலாம். எடுத்துக்காட்டாக, உலாவும் நிலைச் சுட்டுக்குறியை ஒரு வரைகலைக்குத் தாங்கள் நகர்த்தினால், அவ்வரைகலையில் காணப்படும் உள்ளடக்கத்தை என்விடிஏ உணரும். ஒரு பயன்பாட்டின் முழுத் திரையையும் உணர்வது போன்ற தருணங்களில், பொருள் வழிசெலுத்தியை நேரடியாகப் பயன்படுத்த தாங்கள் விரும்புவீர்கள்.

உள்ளடக்க உணருதல் முடிந்தவுடன், உணரப்பட்ட உள்ளடக்கம், உலாவும் நிலைக்கு ஒத்தான ஆவணத்தில் அளிக்கப்படுவதால், அவ்வுள்ளடக்கத்தை அம்பு விசை போன்ற விசைகளைக் கொண்டு தாங்கள் படிக்க அனுமதிக்கிறது. உள்ளீடு, அல்லது இடைவெளிப் பட்டை விசையை அழுத்தும்பொழுது, சுட்டுக்குறி இருக்குமிடத்தில் காணப்படும் உரையை இயன்றால் இயக்குகிறது. விடுபடு விசையை அழுத்தினால், உணரப்பட்ட உள்ளடக்கத்தைக் கொண்ட திரை நிராகரிக்கப்படும். என்விடிஏ+f5 விசையை அழுத்தினால் உணருதலின் முடிவினை புத்தாக்கும்.

விண்டோஸ் உணரி

விண்டோஸ் 10, அல்லது அதற்கும் பிறகான இயக்கமுறைமை, பல மொழிகளுக்கான உணரிகளை கொண்டுள்ளது. படிமத்திலும், அணுகவியலாத பயன்பாடுகளிலும் காணப்படும் உரைகளை உணர என்விடிஏ இவ்வெழுத்துணரிகளைப் பயன்படுத்துகிறது.

உரையை உணருதலுக்கான மொழியை, என்விடிஏ அமைப்புகள் உரையாடலில் காணப்படும் விண்டோஸ் எழுத்துணரி அமைப்புகளில் அமைக்கலாம். கூடுதல் மொழிகளை நிறுவ, துவக்குப் பட்டியலில் காணப்படும் அமைப்புகள் உருப்படியைச் சொடுக்கவும். பிறகு, நேரம்/மொழியைத் தெரிவுசெய்து, மண்டலம்/மொழிக்குச் சென்று மொழியைக் கூட்டுக உருப்படியைத் தேர்ந்தெடுக்கவும்.

காணொளிகளில் காணப்படும் துணைத் தலைப்புகள் போன்று தொடர்ந்து மாறும் உல்ளடக்கத்தை தாங்கள் கண்காணிக்க வேண்டுமானால், உணரப்பட்ட ுள்ளடக்கத்தை தானாகப் புத்தாக்குக என்கிற விருப்பத் தேர்வினை முடுக்கிக்கொள்ளலாம். என்விடிஏ அமைப்புகள் உரையாடலில் காணப்படும் விண்டோஸ் எழுத்துணரி வகைமையைப் பயன்படுத்தியும் ிதைச் செய்யலாம்.

என்விடிஏவின் பார்வைத் துலக்க ஊக்கிகள், அல்லது வெளிப்புற பார்வைத் துணைக் கருவிகளுடன் விண்டோஸ் எழுத்துணரி, பகுதியளவு, அல்லது முழுமையாக இணக்கத்துடன் செயல்படாது. ஆகவே, எழுத்துணரியைப் பயன்படுத்தும் முன்னர், இத்துணைக் கருவிகளை முடக்கவேண்டும்.

நடப்பு வழிசெலுத்திப் பொருளில் காணப்படும் உரையை விண்டோஸ் எழுத்துணரியைக் கொண்டு உணர, என்விடிஏ+r விசையை அழுத்தவும்.

பயன்பாடுகளுக்கான தனிப்பட்டக் கூறுகள்

சில பணிகளை எளிதாக்குவதற்கு, அல்லது திரைநவிலி பயனர்களுக்கு அணுக இயலாத செயல்பாட்டினை அணுக உதவும் வகையில், என்விடிஏ அதன் தனிப்பட்ட கூடுதல் கூறுகளை சில பயன்பாடுகளுக்கு வழங்குகிறது.

மைக்ரோசாஃப்ட் வேர்ட்

நெடுவரிசை மற்றும் கிடைவரிசைகளின் தலைப்புரைகளைத் தானாகப் படித்தல்

மைக்ரோசாஃப்ட் வேர்டில் இருக்கும் அட்டவணைகளின் ஊடே நகரும் பொழுது, பொருத்தமான நெடுவரிசை மற்றும் கிடைவரிசைகளின் தலைப்புரைகளைத் தானாக அறிவிக்க என்விடிஏவால் இயலும். இதற்கு, என்விடிஏ அமைப்புகள் உரையாடலில் காணப்படும் ஆவண வடிவூட்டம் அமைப்புகளிலிருக்கும் அட்டவணையின் கிடைவரிசை/நெடுவரிசைகளின் தலைப்புரையை அறிவித்திடுக என்கிற தேர்வுப் பெட்டி முதலில் தேர்வாகி இருக்க வேண்டும்.

வேர்ட் மற்றும் விண்டோஸின் அண்மைப் பதிப்புகளில் இயல்பிருப்பாக அமைந்திருக்கும் வேர்ட் ஆவணங்களை அணுகுவதற்கான பயனர் இடைமுகப்பு தன்னியக்கமாக்கலை தாங்கள் பயன்படுத்தினால், முதல் கிடைவரிசையின் களங்கள் நெடுவரிசைத் தலைப்புரையாகக் கொள்ளப்படும். அதுபோலவே, முதல் நெடுவரிசையின் களங்கள் கிடைவரிசைத் தலைப்புரையாகக் கொள்ளப்படும்.

மாறாக, வேர்ட் ஆவணங்களை அணுகுவதற்கான பயனர் இடைமுகப்பு தன்னியக்கமாக்கலை தாங்கள் பயன்படுத்தவில்லை என்றால், கொடுக்கப்பட்டிருக்கும் ஒரு ஆவணத்தில், எந்த கிடைவரிசை/நெடுவரிசை தலைப்புரையைக் கொண்டுள்ளது என்பதை என்விடிஏவிற்கு தாங்கள் குறிப்பிட வேண்டும். தலைப்புரைகளைக் கொண்டுள்ள நெடுவரிசை, அல்லது கிடைவரிசையின் முதல் களத்திற்கு நகர்ந்த பிறகு, பின் வரும் கட்டளைகளில் ஏதேனும் ஒன்றைப் பயன்படுத்தவும்:

இவ்வமைப்புகள், ஜாஸ் போன்ற பிற திரைநவிலிகளில் செயற்படுவதற்கு ஏற்ற வண்ணம், ஆவணத்தில் நூற்குறிகளாக சேமிக்கப்படுகின்றன. பின்னொரு தேதியில் இவ்வாவணத்தைத் திறக்கும் பிற திரைநவிலி பயனர்களுக்கு நெடுவரிசை மற்றும் கிடைவரிசைத் தலைப்புரை ஏற்கெனவே தானாக அமைக்கப்பட்டிருக்கும் என்பதுதான் இதன் பொருளாகும்.

மைக்ரோசாஃப்ட் வேர்டில் உலாவும் நிலை

இணையப் பக்கங்களில் பயன்படுத்துவது போல், மைக்ரோசாஃப்ட் வேர்டிலும் உலாவும் நிலையைப் பயன்படுத்தி, கூறுகளின் பட்டியல், ஒற்றை எழுத்துடன் வழிசெலுத்தல் போன்ற கூறுகளைப் பயன்படுத்தலாம்.

மைக்ரோசாஃப்ட் வேர்டில் உலாவும் நிலையை இயக்க, அல்லது இயக்கத்தை நிறுத்த, என்விடிஏ+இடைவெளிப் பட்டையை அழுத்தவும்.

உலாவும் நிலை மற்றும் ஒற்றை எழுத்துடன் வழிசெலுத்தல் குறித்த கூடுதல் தகவல்களைக் காண, ுலாவும் நிலை பிரிவைக் காணவும்.

கூறுகளின் பட்டியல்

மைக்ரோசாஃப்ட் வேர்டில் உலாவும் நிலை செயற்பாட்டில் இருக்கும் பொழுது, கூறுகளின் பட்டியலைத் தோற்றுவிக்க, என்விடிஏ+f7 விசையை அழுத்தவும்.

கருத்துரைகள், மாற்றங்களறிதல், எழுத்துப் பிழைகள் ஆகியவற்றை உள்ளடக்கிய தொடுப்புகள், தலைப்புகள், விளக்கவுரைகளை கூறுகளின் பட்டியல்் கொண்டிருக்கும்.

கருத்துரைகளை அறிவித்தல்

இமைக்கும் சுட்டுக்குறியின் தற்போதைய இடத்தில் கருத்துரை ஏதேனும் இருந்தால், அதை அறிவித்திட என்விடிஏ+நிலைமாற்றி+c விசையை அழுத்தவும். இருமுறை அழுத்தினால், தகவலை உலாவு நிலையில் காட்டிடும்.

கூறுகளின் பட்டியலில் விளக்கவுரை என்கிற வகையைத் தெரிவுசெய்தால், ஆவணத்திற்கான கருத்துரைகளையும், மாற்றங்களறிதல்களையும் பட்டியலிடும்.

மைக்ரோசாஃப்ட் எக்ஸெல்

நெடுவரிசை மற்றும் கிடைவரிசைகளின் தலைப்புரைகளைத் தானாகப் படித்தல்

மைக்ரோசாஃப்ட் எக்ஸெல் பணித் தாள்களின் ஊடே நகரும் பொழுது, பொருத்தமான நெடுவரிசை மற்றும் கிடைவரிசைகளின் தலைப்புரைகளைத் தானாக அறிவிக்க என்விடிஏவால் இயலும். இதற்கு, என்விடிஏ அமைப்புகள் உரையாடலில் காணப்படும் ஆவண வடிவூட்டம் அமைப்புகளிலிருக்கும் அட்டவணையின் கிடைவரிசை/நெடுவரிசைகளின் தலைப்புரையை அறிவித்திடுக என்கிற தேர்வுப் பெட்டி முதலில் தேர்வாகி இருக்க வேண்டும். அடுத்ததாக, ஒரு அட்டவணையில் தலைப்புரை எந்த கிடைவரிசை, அல்லது நெடுவரிசையில் உள்ளது என்பதை என்விடிஏ அரிய வேண்டும். தலைப்புரைகளைக் கொண்டுள்ள நெடுவரிசை, அல்லது கிடைவரிசையின் முதல் களத்திற்கு நகர்ந்த பிறகு, பின் வரும் கட்டளைகளில் ஏதேனும் ஒன்றைப் பயன்படுத்தவும்:

இவ்வமைப்புகள், ஜாஸ் போன்ற பிற திரைநவிலிகளில் செயற்படுவதற்கு ஏற்ற வண்ணம், பணிப் புத்தகத்தில் வரையறுக்கப்பட்ட பெயர் வீச்சுகளாக சேமிக்கப்படுகின்றன. இதன் மூலம் அறிவது என்னவென்றால், பிற திரைநவிலிகளைப் பயன்படுத்தும் பயனர்கள், இப்பணிப் புத்தகத்தை பின்னொரு தேதியில் திறக்கும் பொழுது, நெடுவரிசை மற்றும் கிடைவரிசையின் தலைப்புரை, அவர்களுக்காக ஏற்கெனவே தானாக சேமிக்கப்பட்டிருப்பதைக் காண்பார்கள்.

கூறுகளின் பட்டியல்

இணையப் பக்கத்தில் பயன்படுத்துவதுபோல, மைக்ரோசாஃப்ட் எக்ஸெலிலும், பல்வகைப்பட்ட தகவல்களை பட்டியலிட்டு அணுக, கூறுகளின் பட்டியலை என்விடிஏ கொண்டுள்ளது.

மைக்ரோசாஃப்ட் எக்ஸெலில் கூறுகளின் பட்டியலைத் தோற்றுவிக்க, என்விடிஏ+f7 விசையை அழுத்தவும்.

பின் வரும் பல்வகைப்பட்ட தகவல்கள், கூறுகளின் பட்டியலில் காணப்படுகின்றன:

• விளக்கப்படங்கள்: இயக்கநிலையில் உள்ள பணித்தாளின் எல்லா விளக்கப்படங்களையும் பட்டியலிடுகிறது. ஒரு விளக்கப்படத்தைத் தெரிவுசெய்து, உள்ளிடு விசை, அல்லது 'இயக்குக' பொத்தானை அழுத்துவதன் மூலம், அவ்விளக்கப்படத்தை குவிமையத்திற்குள் கொணர்ந்து, அம்பு விசைகளைக் கொண்டு அதைப் படிக்கலாம்.
• குறிப்புகள்: இயங்குநிலையில் உள்ள பணித்தாளின் குறிப்புகள் அடங்கிய எல்லாக் களங்களையும் பட்டியலிடுகிறது. ஒவ்வொரு களத்திற்குமான முகவரி, அதன் குறிப்புடன் காண்பிக்கப்படுகிறது. பட்டியலிடப்பட்டிருக்கும் குறிப்பின் மீதிருக்கும்பொழுது, உள்ளிடு விசை, அல்லது 'இயக்குக' பொத்தானை அழுத்தினால், குறிப்படங்கிய அக்களத்திற்கு நேரடியாக நகர்த்தும்.
• சூத்திரங்கள்: பணித்தாளில் சூத்திரம் அடங்கிய எல்லாக் களங்களையும் பட்டியலிடுகிறது. ஒவ்வொரு களத்திற்குமான முகவரியும், சூத்திரமும் காண்பிக்கப்படுகிறது. பட்டியலிடப்பட்டிருக்கும் சூத்திரத்தின் மீதிருக்கும்பொழுது, உள்ளிடு விசை, அல்லது 'இயக்குக' பொத்தானை அழுத்தினால், சூத்திரமடங்கிய அக்களத்திற்கு நேரடியாக நகர்த்தும்.
• தாள்கள்: பணிப் புத்தகத்தில் உள்ள எல்லாத் தாள்களையும் பட்டியலிடுகிறது. பட்டியலிடப்பட்டிருக்கும் தாளின் மீதிருக்கும்பொழுது, f2 விசையை அழுத்தினால், அத்தாளை மறுபெயரிட தங்களை அனுமதிக்கிறது. பட்டியலிடப்பட்டிருக்கும் தாளின் மீதிருக்கும்பொழுது, உள்ளிடு விசை, அல்லது 'இயக்குக' பொத்தானை அழுத்தினால், அத்தாளிற்கு நேரடியாக நகர்த்தும்.
• படிவக் களங்கள்: இயக்க நிலையில் இருக்கும் பணித் தாளின் எல்லாப் படிவக் களங்களையும் பட்டியலிடுகிறது. ஒவ்வொரு படிவக் களத்திற்குமான மாற்றுரையையும், அது இடம்பிடிக்கும் களங்களின் முகவரிகளையும் கூறுகளின் பட்டியல் காண்பிக்கிறது. ஒரு படிவக் களத்தைத் தெரிவுசெய்து, உள்ளிடு விசை, அல்லது 'இங்கு நகர்க' பொத்தானை அழுத்தினால், உலாவும் நிலையில் அப்படிவக் களத்திற்கு நகர்கிறது.

குறிப்புகளை அறிவித்தல்

தற்போதைய குவிமையத்தில் இருக்கும் களத்தில் ஏதேனும் குறிப்புரை இருந்தால், அதை அறிவித்திட என்விடிஏ+நிலைமாற்றி+c விசையை அழுத்தவும். இருமுறை அழுத்தினால், தகவலை உலாவு நிலையில் காட்டிடும். மைக்ரோசாஃப்ட் 2016, 365 மற்றும் அதற்கும் பிறகான பதிப்புகளின் மைக்ரோசாஃப்ட் எக்ஸெலில் இருக்கும் மரபார்ந்த கருத்துரைகள், குறிப்புகள் என மறுபெயரிடப்பட்டுள்ளன.

பணித்் தாளில் இருக்கும் எல்லாக் குறிப்புகளையும், என்விடிஏ+f7 விசையை அழுத்துவதன் மூலம், என்விடிஏவின் கூறுகளின் பட்டியலில் பட்டியலிடலாம்.

ஒரு குறிப்பினைச் சேர்க்க, அல்லது தொகுக்க, குறிப்பிட்ட ஒரு உரையாடல் பெட்டியைத் தோற்றுவிக்க என்விடிஏவினால் இயலும். அணுகுவதில் இருக்கும் சில கட்டுப்பாடுகளினால், எம்எஸ் எக்ஸலின் குறிப்பினைத் தொகுக்கும் உள்ளகப் பகுதியை என்விடிஏ அழித்தெழுதுகிறது. இருப்பினும், உரையாடல் பெட்டியைத் தோற்றுவிப்பதற்கான விசைக் கட்டளை, எம்எஸ் எக்ஸலில் இருந்துதான் பெறப்படுகிறது. ஆகவே, என்விடிஏ இயக்கத்தில் இல்லாதபொழுதும் இவ்விசைக் கட்டளை செயற்படும்.

ஒரு குறிப்பினைச் சேர்க்க, அல்லது தொகுக்க, குவிமையத்தில் இருக்கும் களத்தில், மாற்றழுத்தி+f2 விசையை அழுத்தவும்.

என்விடிஏவின் உள்ளீட்டுச் சைகைகள் உரையாடலில் இவ்விசைக் கட்டளை காட்சியளிக்காது என்பதால், அதை தொகுக்கவும் இயலாது.

ஒரு பணிப் புத்தகத்தின் களத்திற்கான சூழலுணர்ப் பட்டியலின் வாயிலாகவும், எம்எஸ் எக்ஸலின் குறிப்பினைத் தொகுக்கும் பகுதியைத் திறக்க இயலும் என்பதை நினைவில் கொள்ளவும். ஆனால், அணுகவியலாத குறிப்பினைத் தொகுக்கும் பகுதியைத்தான் இது திறக்கும், குறிப்பினைத் தொகுப்பதற்கான என்விடிஏவின் உரையாடலை இது திறக்காது.

மைக்ரோசாஃப்ட் ஆபீஸ் 2016, 365 மற்றும் அதற்கும் பிறகான பதிப்புகளில், ஒரு புதிய பாங்குக் கருத்துரை உரையாடல் பெட்டி சேர்க்கப்பட்டுள்ளது. அணுகக்கூடியதாகவும், கருத்துரைகளுக்கு மறுமொழியிடுவது போன்ற கூடுதல் கூறுகளைக் கொண்டதாகவும் இவ்வுரையாடல் பெட்டி அமைந்துள்ளது. ஒரு குறிப்பிட்ட களத்தின் சூழலுணர்ப் பட்டியலின் வாயிலாகவும் இதைத் திறக்கலாம். இப்புதிய பாங்குக் கருத்துரை உரையாடல் பெட்டியின் வாயிலாக சேர்க்கப்படும் கருத்துரைகளுக்கும், முந்தைய பத்திகளில் விளக்கப்பட்டிருக்கும் குறிப்புகளுக்கும் தொடர்பில்லை.

பாதுகாக்கப்பட்ட களங்களைப் படித்தல்

ஒரு பணிப் புத்தகம் பாதுகாக்கப்பட்டிருக்கும் நிலையில், தொகுக்கப்படாமலிருக்க பூட்டப்பட்டிருக்கும் குறிப்பிட்ட களங்களுக்குக் குவிமையத்தை நகர்த்த இயலாதிருக்கும்.

தற்போதைய பணித்தாளில் பூட்டப்பட்டிருக்கும் களங்களுக்கிடையே நகர, என்விடிஏ+இடைவெளிப்பட்டை விசையை அழுத்தி, உலாவும் நிலைக்கு மாறிய பின்னர், அம்பு விசைகள் போன்ற எக்ஸல் பொது விசைகளைக் கொண்டு அக்களங்களுக்கிடையே நகரலாம்.

படிவக் களங்கள்

எக்ஸெல் பணித்தாள்கள், படிவக் களங்களைக் கொண்டிருக்கலாம். கூறுகளின் பட்டியல், அல்லது f மற்றும் மாற்றழுத்தி+f ஆகிய படிவக் கள ஒற்றை எழுத்துடன் வழிசெல்லும் விசைகளைக் கொண்டு இவைகளை அணுகலாம். ஒரு படிவக் களத்திற்கு உலாவும் நிலையில் நகர்ந்த பின்னர், கட்டுப்பாட்டிற்கு ஏற்ற வண்ணம், அக்களத்தை இயக்க, அல்லது குவிமைய நிலைக்கு மாறி அதனுடன் ஊடாட, உள்ளிடு, அல்லது இடைவெளி விசையை அழுத்தவும். உலாவும் நிலை மற்றும் ஒற்றை எழுத்துடன் வழிசெலுத்தல் குறித்து கூடுதல் தகவல்களுக்கு, ுலாவும் நிலைப் பிரிவைக் காணவும்.

மைக்ரோசாஃப்ட் பவர் பாய்ண்ட்

ஃபூபா 2000

குறிப்பு: மேற்கூறிய குறுக்கு விசைகள், ஃபூபாரின் நிலைப் பட்டைக்கான இயல்பான வடிவூட்ட சரத்தில்தான் செயல்படும்.

மிராண்டா IM

போயெடிட்

போயெடிட் 3.5, அல்லது அதற்கும் பிறகான பதிப்புகளுக்கு என்விடிஏ மேம்பட்ட ஆதரவை வழங்குகிறது.

கணினிக்கான கிண்டில்

அமேசான் நிறுவனத்தின் கணினிக்கான கிண்டில் மூலம் நூல்களைப் படித்திடவும், அவைகளின் ஊடே வழிசெலுத்தவும் என்விடிஏ துணைபுரிகிறது. திரைநவிலிக்கு ஆதரவளிக்கும் கிண்டில் நூல்களில் மட்டும் இவ்வசதி உள்ளது. இது குறித்த தகவலை நூலின் விவரங்கள் பக்கத்தில் தாங்கள் காணலாம்.

நூல்களைப் படிக்க, உலாவும் நிலை பயன்படுத்தப்படுகிறது. ஒரு நூலினைத் திறக்கும் பொழுது, அல்லது குவிமையத்தை நூலின் பகுதியின் மேல் குவிக்கும் பொழுது, உலாவும் நிலைத் தானாக முடுக்கப்படும். சுட்டுக்குறியை நகர்த்தும் பொழுது, அல்லது எல்லாம் படிக்கும் வசதியை இயக்கும் பொழுது, நூலின் பக்கங்கள் பொருத்தமான முறையில் தானாக நகர்த்தப்படும்.

அடுத்தப் பக்கம், அல்லது முந்தையப் பக்கத்திற்கு கைமுறையில் நகர, பக்கம் கீழ், அல்லது பக்கம் மேல் விசையை முறையே அழுத்தவும்.

தொடுப்புகளுக்கும், வரைகலைகளுக்கும் இடையே ஒற்றை எழுத்துடன் வழிசெல்லும் வசதி, நடப்புப் பக்கத்திற்கு உள்ளாக மட்டும் உள்ளது. தொடுப்புகளுக்கிடையே வழிசெல்லும் வசதி, அடியுரையையும் உள்ளடக்கியதாக இருக்கிறது.

அணுகக் கூடிய கணிதங்களைக் கொண்ட நூல்களில் காணப்படும் கணித உள்ளடக்கங்களைப் படித்து, அவைகளுடன் ஊடாடுவதற்கான துவக்க வசதியை என்விடிஏ அளிக்கிறது. கூடுதல் தகவல்களுக்கு, கணித உள்ளடக்கங்களைப் படித்தல் பிரிவைக் காணவும்.

உரைத் தெரிவு

ஒரு அகரமுதலியின் பொருளைப் பெறுதல், குறிப்புகளை எழுதுதல், முனைப்புறுத்துதல், பிடிப்புப்பலகைக்கு படியெடுத்தல், இணையத்தில் தேடுதல் போன்ற பல செயல்களைத் தெரிவுசெய்யப்பட்டிருக்கும் உரையின் மீது நிகழ்த்த கிண்டில் அனுமதிக்கிறது. இதைச் செய்ய, முதலில் உரையைத் தெரிவுசெய்யவும். இதற்கு, உலாவும் நிலையில் பொதுவாகச் செய்வது போல, மாற்றழுத்தி மற்றும் அம்பு விசைகளைப் பயன்படுத்தவும்.

உரையைத் தெரிவுசெய்த பின்னர், தெரிவின் மீது செயல்களை நிகழ்த்துவதற்கான விருப்பத் தேர்வுகளை காண்பிக்க, பயன்பாடுகள், அல்லது மாற்றழுத்தி+f10 விசையை அழுத்தவும்.

எந்த உரையும் தெரிவுசெய்யப்படாத நிலையில் இதைச் செய்தால், சுட்டுக்குறியின் இடத்திலிருக்கும் சொல்லுக்கான விருப்பத் தேர்வுகள் காண்பிக்கப்படும்.

பயனர் குறிப்புகள்

ஒரு சொல், அல்லது உரையின் ஒரு பகுதி குறித்து ஒரு குறிப்பினைத் தாங்கள் எழுதலாம். இதைச் செய்ய, மேலே விளக்கிய வண்ணம், பொருத்தமான உரையை முதலில் தெரிவுசெய்யவும். பிறகு, 'Add Note' விருப்பத் தேர்வினைத் தேர்வுச் செய்யவும்.

உலாவும் நிலையில் படிக்கும் பொழுது, இக்குறிப்புகளை கருத்துரைகளாக என்விடிஏ அறிவிக்கிறது.

ஒரு குறிப்பினைக் காண, தொகுக்க, அல்லது அழிக்க:

1. குறிப்பினைக் கொண்ட உரைக்குச் சுட்டுக்குறியை நகர்த்தவும்.
2. மேலே விளக்கிய வண்ணம், தெரிவிற்கான விருப்பத் தேர்வுகளை அணுகவும்.
3. 'Edit Note' விருப்பத் தேர்வினைத் தேர்ந்தெடுக்கவும்.

அசார்டி

சேர்க்கப்பட்டுள்ள நூல்களின் அட்டவணைத் தோற்றத்தில் இருக்கும்பொழுது:

விண்டோஸ் கட்டுப்பாட்டகம்

கட்டளைத் தூண்டி, பவர்ஷெல், லினக்ஸிற்கான விண்டோஸ் துணை அமைப்பு ஆகியவை பயன்படுத்தும் விண்டோஸ் கட்டளைக் கட்டுப்பாட்டகத்திற்கு என்விடிஏ ஆதரவளிக்கிறது. கட்டுப்பாட்டகச் சாளரம் நிலைத்த அளவுடையதாகவும், வெளியீட்டினை உள்ளடக்கியிருக்கும் இடையகத்தைவிட மிகச் சிறியதாகவும் இருக்கும். புதிய உரை தட்டச்சிடப்படும்பொழுது, உள்ளடக்கம் மேல் நகர்த்தப்பட்டு, பழைய உரை பார்வையிலிருந்து மறைக்கப்படும். விண்டோஸ் 11 22H2 பதிப்புக்கு முந்தைய பதிப்புகளில், என்விடிஏவின் உரைச் சீராய்வுக் கட்டளைகளைக் கொண்டு பார்வையிலிருந்து மறைக்கப்பட்டிருக்கும் கட்டுப்பாட்டக உரையை அணுக இயலாது. ஆகவே, பழைய உரையைப் படிக்க, கட்டுப்பாட்டகத்தின் சாளரத்தை கீழே நகர்த்த வேண்டும். விண்டோஸ் கட்டுப்பாட்டகம் மற்றும் முனையத்தின் புதிய பதிப்புகளில், சாளரத்தை நகர்த்தும் தேவையில்லாமல், உரைக் கட்டுப்பாட்டகத்தை, கட்டுப்பாடின்றி முழுமையாகச் சீராய இயலும்.

என்விடிஏவைக் கொண்டு உரையைச் சீராயும்பொழுது, விண்டோஸ் கட்டுப்பாட்டகத்தினுள் கட்டப்பட்டிருக்கும் கீழ்க் காணும் விசைப் பலகை கட்டளைகள், விண்டோஸ் கட்டுப்பாட்டகத்தின் பழைய பதிப்புகளில் பயனுள்ளதாக இருக்கும்:

என்விடிஏவை அமைவடிவமாக்கல்

என்விடிஏ பட்டியில் காணப்படும் விருப்பங்கள் உட்பட்டியில் இருக்கும் உரையாடல் பெட்டிகளைக் கொண்டு என்விடிஏவின் பல அமைவடிவங்களை மாற்றியமைக்கலாம். இதிலிருக்கும் பல அமைப்புகளை, பல பக்கங்களைக் கொண்ட என்விடிஏ அமைப்புகள் உரையாடலில் காணலாம். எல்லா உரையாடல் பெட்டிகளிலும், என்விடிஏவில் தாங்கள் ஏற்படுத்தியிருக்கும் மாற்றங்களை சேமிக்க, 'சரி' பொத்தானை அழுத்தவும். மாற்றங்களை சேமிக்காமல் வெளியேற, 'விலக்குக' பொத்தான், அல்லது விடுபடு விசையை அழுத்தவும். குறிப்பிட்ட சில உரையாடல்களில், 'இடுக' பொத்தானை அழுத்துவதன் மூலம், உரையாடலை மூடாமல், அமைப்புகளைச் செயலுக்குக் கொண்டு வரலாம். பெரும்பாலான என்விடிஏ உரையாடல்கள் சூழலுணர் உதவியை ஆதரிக்கின்றன.

ஒரு உரையாடலில் இருக்கும்பொழுது, f1 விசையை அழுத்தினால், குவிமையத்திலிருக்கும் அமைப்பு, அல்லது தற்போதைய உரையாடலுக்குத் தொடர்பான பத்தியில் பயனர் வழிகாட்டியைத் திறக்கும்.

சில அமைப்புகளை குறுக்கு விசைகள் கொண்டும் மாற்றலாம். கீழ்வரும் உட்பிரிவுகளில், பொருத்தமான இடங்களில் குறுக்கு விசைகள் கொடுக்கப்பட்டுள்ளன.

என்விடிஏ அமைப்புகள்

அமைப்புகள் உரையாடலைப் பயன்படுத்தி மாற்றப்படக்கூடிய பல அமைவடிவ அளவுருக்களை என்விடிஏ வழங்குகிறது. தாங்கள் மாற்ற விரும்பும் அமைப்புகளின் வகையை கண்டறிவதை எளிதாக்க, தேர்வுச் செய்யப்படவேண்டிய அமைவடிவ வகைமைகளின் பட்டியலை இவ்வுரையாடல் காட்டுகிறது. தாங்கள் ஒரு வகைமையைத் தேர்ந்தெடுக்கும்பொழுது, அது தொடர்பான அனைத்து அமைப்புகளும் உரையாடலில் காண்பிக்கப்படும். பட்டியலில் இருக்கும் வகைமைகளுக்கிடையே நகர, மேலம்பு, கீழம்பு விசைகளைப் பயன்படுத்தவும், ஒரு வகைமைக்கான அமைப்புகளுக்கிடையே நகர, தத்தல், அல்லது மாற்றழுத்தி+தத்தல் விசையை அழுத்தவும். உரையாடலில் எங்கிருந்தாயினும், வகைமைகளுக்கிடையே முன்னும் பின்னும் நகர, கட்டுப்பாடு+தத்தல், கட்டுப்பாடு+மாற்றழுத்தி+தத்தல் விசைகளைப் பயன்படுத்தவும்.

ஒன்று, அல்லது ஒன்றுக்கும் மேற்பட்ட அமைப்புகளை தாங்கள் மாற்றிய பிறகு, அமைப்புகளைச் சேமிக்க, 'இடுக' பொத்தானை அழுத்தவும். 'இடுக' பொத்தானை அழுத்துவதன் மூலம், உரையாடல் பெட்டி மூடாமல் திறந்தே இருக்கும். பிற அமைப்புகளை மாற்றுவதற்கும், பிற வகைமைகளுக்கு நகர்வதற்கும் இது அனுமதிக்கிறது. தங்களின் அமைப்புகளை சேமித்துவிட்டு என்விடிஏ அமைப்புகள் உரையாடலை மூட விரும்பினால், 'சரி' பொத்தானை அழுத்தவும்.

சில அமைப்பு வகைமைகள் அர்ப்பணிக்கப்பட்ட குறுக்கு விசைகளைக் கொண்டிருக்கின்றன. அழுத்தப்படும் குறுக்குவிசை, என்விடிஏ அமைப்புகள் உரையாடலை அந்த குறிப்பிட்ட வகைமைக்கு நேரடியாக திறக்கும். இயல்பில், எல்லா வகைமைகளையும் விசைக் கட்டளைகளைக் கொண்டு அணுகவியலாது. அர்ப்பணிக்கப்பட்ட குறுக்கு விசைகள் இல்லாத வகைமைகளை தாங்கள் அடிக்கடி அணுக வேண்டியிருந்தால், உள்ளீட்டுச் சைகைகள் உரையாடலுக்குச் சென்று, தனிப்பயனாக்கப்பட்ட விசைக் கட்டளை, அல்லது சைகையை அவ்வகைமைகளுக்கு இணைக்கவும்.

என்விடிஏ அமைப்புகள் உரையாடலில் காணப்படும் பல அமைப்பு வகைமைகள் பின்வரும் பத்திகளில் சுருக்கமாக விளக்கப்படுகின்றன:

பொது

பொது அமைப்புகளைத் திறவுக

விசை: என்விடிே+கட்டுப்பாடு+g

இடைமுகப்பு மொழி, இற்றாக்கத்திற்குத் தானாகத் துழாவுதல் போன்ற பொது செயல்பாட்டுக் கூறுகளை இந்த என்விடிஏ அமைப்புகளின் பொது வகைமை அமைக்கிறது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

மொழி

இது, என்விடிஏவின் இடைமுகப்பு மற்றும் தகவல்களை வழங்கும் மொழியைத் தேர்ந்தெடுக்க அனுமதிக்கும் சேர்க்கைப் பெட்டியாகும். பல மொழிகள் இருப்பினும், இயல்பில் இருப்பது "பயனர் இயல்பிருப்பு, விண்டோஸ்". இவ்விருப்பத் தேர்வு, என்விடிஏவை விண்டோஸ் இயக்கமுறைமையின் இயல்பு மொழியைப் பயன்படுத்த அறிவுருத்தும்.

மொழியை மாற்றும்பொழுது, என்விடிஏ மறுதுவக்கப்பட வேண்டுமென்பதை நினைவில் கொள்ளவும். மொழி மாற்றத்தை உறுதிப்படுத்தச் சொல்லும் உரையாடல் பெட்டி தோன்றும்பொழுது, புதிய மொழியை உடனே பயன்படுத்த, 'இப்பொழுது மறுதுவக்குக' பொத்தானை அழுத்தவும். பிறகு பயன்படுத்துவதாக இருந்தால், 'பிறகு மறுதுவக்குக' பொத்தானை அழுத்தவும். 'பிறகு மறுதுவக்குக' பொத்தானை அழுத்தினால், கைமுறை, அல்லது வெளியேறும்பொழுது அமைவடிவத்தை சேமித்திடுக தேர்வுப் பெட்டியைத் தேர்வுச் செய்து அமைவடிவத்தைச் சேமித்திடவும்.

வெளியேறும்பொழுது அமைவடிவத்தை சேமித்திடுக

இவ்விருப்பத் தேர்வு ஒரு தேர்வுப் பெட்டியாகும். இதைத் தேர்வுச் செய்தால், வெளியேறும்பொழுது அமைவடிவத்தை சேமித்திடுக என்று என்விடிஏவிற்கு அறிவுறுத்தும்.

என்விடிஏவை விட்டு வெளியேறும்பொழுது, வெளியேறுவதற்கான விருப்பத் தேர்வுகளைக் காட்டுக

இவ்விருப்பத் தேர்வு, என்விடிஏவை விட்டு வெளியேறும்பொழுது, வெளியேறுவதற்கான விருப்பத் தேர்வுகளைக் கொண்ட ஒரு உரையாடல் பெட்டித் தோன்ற வேண்டுமா எனத் தீர்மானிக்கக் கொடுக்கப்பட்டிருக்கும் ஒரு தேர்வுப் பெட்டியாகும். இத்தேர்வுப் பெட்டி தேர்வுச் செய்யப்பட்டிருந்தால், என்விடிஏவை விட்டு வெளியேறும்பொழுது, பின்வரும் வாய்ப்புகளை அளிக்கும் ஒரு உரையாடல் தோன்றும்:

• வெளியேறுக
• மறுதுவக்குக
• நீட்சிநிரல்கள் முடக்கப்பட்ட நிலையோடு, வழுநீக்க செயற்குறிப்பு முடுக்கப்பட்ட நிலையில் என்விடிஏவை மறுதுவக்குக
• வழுநீக்கப் பதிவு முடுக்கப்பட்ட நிலையில் மறுதுவக்குக
• இற்றாக்கங்கள் ஏதேனும் காத்திருப்பில் இருந்தால், அவைகளை நிறுவிடுக).

தேர்வாகியிருக்கவில்லை என்றால், என்விடிஏவை விட்டு உடனே வெளியேறும்.

என்விடிஏவை இயக்கும்பொழுதும், விட்டு வெளியேறும்பொழுதும் ஒலிகளை எழுப்புக

இத்தேர்வுப் பெட்டித் தேர்வாகியிருந்தால், என்விடிஏவை இயக்கும்பொழுதும், விட்டு வெளியேறும்பொழுதும் ஒலிகளை எழுப்புக என்று என்விடிஏவிற்கு அறிவுறுத்தும்.

சாளரத்தில் புகுபதிந்தவுடன், என்விடிஏவைத் தானாக இயக்குக

இத்தேர்வுப் பெட்டித் தேர்வாகியிருந்தால், தாங்கள் சாளரத்தில் புகுபதிந்தவுடன், என்விடிஏ தானாக இயங்கத் தொடங்கும். இவ்விருப்பத் தேர்வு, என்விடிஏ நிறுவி வகைப் படிகளில் மட்டுமே உள்ளது.

புகுபதியும்பொழுது என்விடிஏவைப் பயன்படுத்துக (இதற்கு நிர்வாகியின் சிறப்புரிமைத் தேவை)

சாளரத்தில் புகுபதிய, பயனர் பெயரையும், கடவுச்சொல்லையும் தாங்கள் பயன்படுத்துவதாக இருந்தால், இத்தேர்வுப் பெட்டித் தேர்வான நிலையில், புகுபதிவு சாளரத்தில் என்விடிஏ தானாக பேசத் தொடங்கும். இவ்விருப்பத் தேர்வு, என்விடிஏ நிறுவி வகைப் படிகளில் மட்டுமே உள்ளது.

சாளரத்தில் புகுபதியும்பொழுதும், பிற பாதுகாப்பான திரைகளிலும் தற்போது சேமிக்கப்பட்டுள்ள அமைப்புகளைப் பயன்படுத்துக (இதற்கு நிர்வாகியின் சிறப்புரிமை தேவை)

Pressing this button will allow you to copy your currently saved NVDA user configuration to NVDA's system configuration directory, so that NVDA will use it during sign-in and when running on User Account Control (UAC) and other secure screens. தங்களுடைய எல்லா அமைவடிவங்களும் அடைவிற்கு மாற்றப்படுவதை உறுதி செய்துகொள்ள, முதலில், தங்களின் அமைவடிவத்தை என்விடிஏ+கட்டுப்பாடு+c விசைக் கட்டளை, அல்லது என்விடிஏ பட்டியில் இருக்கும் 'அமைவடிவத்தை சேமித்திடுக' உருப்படியைப் பயன்படுத்தி சேமிக்க வேண்டும். When this button is pressed, it first opens the Copy Settings to System-wide Configuration dialog in which you can choose the add-ons you want to be copied to system configuration.

இவ்விருப்பத் தேர்வு, என்விடிஏ நிறுவி வகைப் படிகளில் மட்டுமே உள்ளது.

இற்றாக்கங்களுக்குத் தானாகத் துழாவுக

இத்தேர்வுப் பெட்டித் தேர்வாகியிருந்தால், இற்றாக்கம் ஏதேனும் உள்ளதா என்பதை என்விடிஏ தானாகத் துழாவி, அதை அறிவிக்கும். என்விடிஏ பட்டியின் 'உதவி' உட்பட்டியிளுள்ள 'இற்றாக்கத்திற்குத் துழாவுக' உருப்படியை சொடுக்குவதன் மூலமும் இற்றாக்கம் ஏதேனும் உள்ளதா என்று அறியலாம். கைமுறையில், அல்லது தானாக இற்றாக்கங்கள் துழாவப்படும்பொழுது, தங்கள் கணினிக்கான சரியான இற்றாக்கத்தைப் பெற, சில தகவல்களை இற்றாக்க வழங்கிக்கு என்விடிஏ கட்டாயம் அனுப்பவேண்டும். பின்வரும் தகவல் எப்பொழுதும் அனுப்பப்படும்:

• நடப்பு என்விடிஏ பதிப்பு
• இயக்கமுறைமையின் பதிப்பு
• செயலாக்கிக் கட்டமைப்பு

துவக்கப்படும்பொழுது காத்திருப்பிலிருக்கும் இற்றாக்கத்தைத் தெரியப்படுத்துக

இத்தேர்வுப் பெட்டி தேர்வாகியிருந்தால், என்விடிஏ துவக்கப்படும்பொழுது காத்திருப்பிலிருக்கும் இற்றாக்கத்தைத் தெரியப்படுத்தும். தாங்கள் விரும்பினால் அதை நிறுவிக் கொள்ளலாம். பொது அமைப்புகள் உரையாடலில் காணப்படும் 'என்விடிஏவை விட்டு வெளியேறும்பொழுது வெளியேறுவதற்கான விருப்பத் தேர்வுகளைக் காட்டுக' தேர்வுப் பெட்டித் தேர்வாகியிருந்தால், காத்திருப்பிலிருக்கும் இற்றாக்கத்தை கைமுறையில் நிறுவலாம். மாற்றாக, என்விடிஏவின் உதவி உட்பட்டிக்குச் சென்று, இற்றாக்கத்தை புதிதாகத் துழாவலாம்.

மாற்று இற்றாக்க வழங்கி

என்விடிஏவிற்கான இற்றாக்கங்களைத் துழாவுவதற்கான மாற்று இணைய முகவரியை குறிப்பிட இக்கட்டுப்பாடுகள் தங்களை அனுமதிக்கிறது. என்விஅக்ஸஸின் என்விடிஏ இற்றாக்க வழங்கி மெதுவாக, அல்லது கிடைப்பிலில்லாத இடங்களில் இது பயனுள்ளதாக இருக்கும்.

தற்போதைய மாற்று வழங்கியின் இணைய முகவரியை, படிக்க மட்டுமேயான உரைப் பெட்டி காண்பிக்கிறது. எந்த மாற்று வழங்கியும் பயன்பாட்டில் இல்லையென்றால், அதாவது, என்வி அக்ஸஸ் இற்றாக்க வழங்கி பயன்படுத்தப்பட்டுக் கொண்டிருக்கிறது என்றால், எந்த மாற்று வழங்கியும் காட்டப்பட மாட்டாது.

மாற்று இற்றாக்க வழங்கியைத் தாங்கள் மாற்ற விரும்பினால், 'மாற்றுக' பொத்தானை அழுத்தி, மாற்று இற்றாக்க வழங்கியை அமைத்திடுக உரையாடலைத் திறக்கவும்.

ஒரு மாற்று இற்றாக்க வழங்கியைப் பயன்படுத்தும்பொழுது, இற்றாக்கத் துழாவல்களுடன் அனுப்பப்படும் எல்லாத் தகவல்களையும் அம்மாற்று இற்றாக்க வழங்கியை இயக்குபவர் அணுக இயல வேண்டும். ஒரு மாற்று இற்றாக்க வழங்கியைத் தாங்கள் அமைக்கும் முன், தங்களின் தகவல் திருப்திகரமாக கையாளப்படுகிறது என்பதை உறுதிசெய்துகொள்ள, அம்மாற்று இற்றாக்க வழங்கியை இயக்குபவரைத் தொடர்பு கொண்டு, அவர்களின் தரவு கையாளும் கொள்கை குறித்து அறிந்து கொள்ளவும்.

எல்லாம் படிக்கும்பொழுது, அல்லது பிரெயிலுடன் படிக்கும்பொழுது காட்சிப்படுத்தி அணையாமல் தடுத்திடுக

இத்தேர்வுப் பெட்டி தேர்வாகியிருந்தால், எல்லாம் படிக்கும்பொழுது, அல்லது பிரெயிலுடன் படிக்கும்பொழுது காட்சிப்படுத்தி அணையாமல் இருப்பதை உறுதிசெய்யும். எ.கா. உருள் பொத்தான்களை அழுத்துதல். எல்லாம் படிக்கும்பொழுது திரை எதிர்பாராத விதமாக பூட்டப்படும் சூழ்நிலையை இது தவிர்க்கிறது. இயல்பில், இவ்விருப்பத் தேர்வு தேர்வாகியிருக்கும். குறுகிய மின்கல ஆயுளால் தாங்கள் அவதிப்படுகிறீர்கள் என்றால், இவ்விருப்பத் தேர்வினை முடக்குவது குறித்து சிந்தியுங்கள்.

பேச்சு அமைப்புகள்

பேச்சு அமைப்புகளைத் திறவுக

விசை: என்விடிஏ+கட்டுப்பாடு+v

என்விடிஏ அமைப்புகள் உரையாடலில் காணப்படும் பேச்சு வகைமை, ஒலிப்பானையும், தேர்ந்தெடுக்கப்பட்டுள்ள ஒலிப்பானின் குரலின் தன்மையையும் மாற்றும் விருப்பத் தேர்வுகளைக் கொண்டுள்ளது. பேச்சு அளவுருக்களை மாற்று வழியில் எங்கிருந்தாயினும் விரைவாக மாற்றியமைக்க, ஒலிப்பான் வலையம் பிரிவைக் காணவும்.

பேச்சு அமைப்புகள் வகைமை, பின்வரும் விருப்பத் தேர்வுகளைக் கொண்டுள்ளது:

ஒலிப்பானை மாற்றுக

பேச்சு அமைப்புகள் வகைமையில் இருக்கும் முதல் விருப்பத் தேர்வு, 'மாற்றுக...' என்கிற பொத்தானாகும். இப்பொத்தான், ஒலிப்பானைத் தெரிவுசெய்க உரையாடலை இயக்கி, செயலில் இருக்கும் ஒலிப்பானைத் தெரிவுசெய்ய தங்களை அனுமதிக்கிறது. என்விடிஏ அமைப்புகள் உரையாடலின் மீது இவ்வுரையாடல் திறக்கும். ஆகவே, ஒலிப்பானைத் தெரிவுசெய்க உரையாடலில் காணப்படும் அமைப்புகளைச் சேமித்துவிட்டு, அல்லது சேமிக்காமல் உரையாடலை மூடினால், என்விடிஏ அமைப்புகள் உரையாடலுக்குத் தங்களை மீண்டும் கொண்டுசெல்லும்.

குரல்

தாங்கள் தற்பொழுது நிறுவியிருக்கும் ஒலிப்பானின் எல்லாக் குரல்களையும், குரல் விருப்பத் தேர்வு ஒரு சேர்க்கைப் பெட்டியில் பட்டியலிட்டிருக்கும். அம்பு விசைகளைக் கொண்டு, பட்டியலில் உள்ள அனைத்து குரல்களையும் தாங்கள் கேட்கலாம். மேலம்பு, இடதம்பு விசைகலைப் பயன்படுத்தினால், பட்டியலில் மேல்நோக்கி நகரலாம். கீழம்பு, வலதம்பு விசைகளைப் பயன்படுத்தினால், பட்டியலில் கீழ்நோக்கி நகரலாம்.

குரல் மாற்றொலி

என்விடிஏவினுள் கட்டப்பட்டு வெளிவரும் ஈஸ்பீக் என்ஜி ஒலிப்பானைத் தாங்கள் பயன்படுத்துவதாக இருந்தால், இச்சேர்க்கைப் பெட்டியில் தோன்றும் குரலின் பல மாற்றொலிகளிலிருந்து ஒன்றைத் தேர்ந்தெடுக்கலாம். ஈஸ்பீக் என்ஜி, குரல்களின் தன்மையில் சில மாறுதல்களை செய்து பேசுவதால், இக்குரல் மாற்றொலிகளும் ஒரு வகையில் தனிப்பட்ட குரல்களே. சில குரல் மாற்றொலிகள், ஆண் போலவும், சில பெண் போலவும், இன்னும் சில தவளைப் போலவும் பேசும். மூன்றாம் தரப்பு ஒலிப்பானைப் பயன்படுத்தும்பொழுது, தாங்கள் தேர்ந்தெடுக்கும் குரல் ஆதரவளிக்குமேயானால், இம்மதிப்பை மாற்றியமைக்கலாம்.

விகிதம்

இவ்விருப்பத் தேர்வு, தாங்கள் தேர்ந்தெடுத்துள்ள குரலின் வேக விகிதத்தை மாற்றியமைக்க அனுமதிக்கிறது. நகர்வுகோல் கட்டுப்பாடு மூலம் குரலின் வேகம் கட்டுப்படுத்தப்படுகிறது. நகர்வுகோலில் 0 மிகக் குறைந்த வேகத்தையும், 100 உட்சபட்ச வேகத்தையும் குறிக்கும்.

விகித ஊக்கி

இவ்விருப்பத் தேர்வு முடுக்கப்பட்ட நிலையில், பேச்சின் வேகம் கணிசமாகக் கூட்டப்படும். நடப்பு ஒலிப்பானில் இவ்வசதிக்கு ஆதரவு இருக்க வேண்டும்.

சுருதி

இவ்விருப்பத் தேர்வு, தற்போதைய குரலின் சுருதியை மாற்றியமைக்க அனுமதிக்கிறது. நகர்வுகோல் கட்டுப்பாடு மூலம் குரலின் சுருதி கட்டுப்படுத்தப்படுகிறது. நகர்வுகோலில் 0 மிகக் குறைந்த சுருதியையும், 100 உட்சபட்ச சுருதியையும் குறிக்கும்.

ஒலியளவு

இவ்விருப்பத் தேர்வு, ஒரு நகர்வுகோலாகும். நகர்வுகோலில் 0 மிகக் குறைந்த ஒலியளவையும், 100 உட்சபட்ச ஒலியளவையையும் குறிக்கும்.

குரல் ஏற்ற இறக்கம்

இவ்விருப்பத் தேர்வு, ஒரு நகர்வுகோலாகும். இந்நகர்வுகோலைக் கொண்டு, ஒரு குரலின் ஏற்ற இறக்கத்தை வரையறுக்கலாம்.

Natural pause after punctuation

Disabling this option will remove the pauses after punctuation marks. This option is enabled by default. This option only exists for Windows OneCore voices, and is supported on Windows 10 version 1803 or later.

நவீன ஒலித வெளியீட்டு முறையைப் பயன்படுத்துக (வாஸாப்பி)

விண்டோஸ் ஆடியோ செஷன் ஏபிஐ (WASAPI) வழியிலான ஒலி வெளியீட்டை இவ்விருப்பத் தேர்வு வழங்குகிறது. மைக்ரோசாஃப்ட் ஸ்பீச் ஏபிஐ பதிப்பு 5 (சாப்பி 5) குரல்களுக்கு மட்டும் இவ்விருப்பத் தேர்வு உள்ளது. சில சாப்பி 5 குரல்களின் உணர்திறனை இது மேம்படுத்தலாம். ஆனால், தற்போதைய வாஸாப்பி நடைமுறைபடுத்தலுடன் சில குரல்கள் செயல்படாமல் இருக்கலாம். தாங்கள் பயன்படுத்தும் குரல்கள் செயல்படுவதை நிறுத்திக் கொண்டுவிட்டன என்பதை தாங்கள் கண்டால், இவ்விருப்பத் தேர்வினை தாங்கள் முடக்கலாம்.

பின்வரும் கூறுகள் வாஸாப்பியைச் சார்ந்துள்ளன என்பதால், வாஸாப்பி முடக்கப்பட்டால், இக்கூறுகளும் முடக்கப்படும் என்பதை நினைவில் கொள்ளவும்:

• விகித ஊக்கி
• தொடக்க அமைதி நீக்கம்
• ஒலிதக் கருவியை விழித்திருக்கச் செய்க

மேம்பட்ட அமைப்பில் சாப்பி 4 குரல்களுக்கு இதையொத்த விருப்பத் தேர்வு ஒன்று உள்ளது என்பதை நினைவில் கொள்ளவும். இதை தற்போதைய விருப்பத் தேர்வுடன் குழப்பிக்கொள்ளக் கூடாது.

தானாக ஒரு மொழிக்கு மாறும் வசதி

இத்தேர்வுப் பெட்டி தேர்வாகியிருந்து, மொழிக் குறியீடு ஒரு உரையில் இருந்தால், என்விடிஏ படித்துக் கொண்டிருக்கையிலேயே, ஒலிப்பானின் மொழி அம்மொழிக்கு மாறும். இயல்பில், இத்தேர்வுப் பெட்டி தேர்வாகியிருக்கும்.

ஒரு வட்டார வழக்கிற்கு மாறும் வசதி

மேலே குறிப்பிடப்பட்டிருக்கும் ஒரு மொழிக்கு மாறும் வசதி முடுக்கப்பட்டிருந்தால், இத்தேர்வுப் பெட்டியைத் தேர்வுச் செய்தவுடன், ஒரு மொழிக்குள் இருக்கும் வட்டார மாறுதலையும் கண்டுணர்ந்து படிக்கும். எடுத்துக்காட்டாக, ஆங்கில மொழியில் இருக்கும் இரு வட்டார வழக்குகளான பிரிட்டிஷ் ஆங்கிலம், அமெரிக்க ஆங்கிலம் ஆகியவைகளை வேறுபடுத்திப் படிக்கும். இயல்பில், இத்தேர்வுப் பெட்டி தேர்வாகியிருக்கும்.

படிக்கும்பொழுது மொழி மாற்றங்களை அறிவித்திடுக

இயல்பிருப்பு மொழியிலிருந்து வேறு மொழிக்கு மாறும் பொழுது படிக்கப்படும் உரையின் மொழியை என்விடிஏ கண்டறிவதை மாற்றியமைக்க இத்தேர்வுப் பெட்டி தங்களை அனுமதிக்கிறது. இயல்பிருப்பாகப் பயன்படுத்த அமைவடிவமாக்கப்பட்டிருக்கும் மொழி அறிவிக்கப்படமாட்டாது. இயல்பில், இவ்விருப்பத் தேர்வு முடக்கப்பட்டிருக்கும்.

மொழிக்கு மாறும்பொழுது அறிவித்திடும் வசதியை ஒலிப்பான் ஆதரிக்கவில்லை

படிக்கப்படும் உரையின் மொழியை தற்போதைய ஒலிப்பான் ஆதரிக்காதபொழுது என்விடிஏ அதை எவ்வாறு அறிவிக்க வேண்டுமென்பதை வரையறுத்திட இச்சேர்க்கைப் பெட்டி பயன்படுகிறது. தன்னியக்க மொழி மாறுதல் முடக்கப்பட்டிருந்தால், இவ்விருப்பத் தேர்வு கிடைப்பிலிருக்காது. சேர்க்கைப் பெட்டி படிக்க மட்டுமேயான களமாக இருக்கும்.

நிறுத்தற்குறிகள்/குறியெழுத்துகளின் நிலை

விசை: என்விடிஏ+p

எந்த நிறுத்தற் குறி/குறியெழுத்து, எந்த நிலையில் சொற்களாகப் படிக்கப்பட வேண்டுமென்று இது வரையறுக்கிறது. எடுத்துக்காட்டாக, ஒரு குறியெழுத்தின் நிலை 'அனைத்தும்' என்று வரையறுத்தால், அக்குறியெழுத்து எப்பொழுதும் சொல்லாகப் படிக்கப்படும். இவ்விருப்பத் தேர்வு, தற்போதைய ஒலிப்பானுக்கு மட்டுமல்லாமல், எல்லா ஒலிப்பான்களுக்கும் பொருந்தும்.

வரியுருக்களையும், குறியெழுத்துகளையும் கையாளும்பொழுது குரலின் மொழியை நம்புக

இயல்பில் தேர்வாகியிருக்கும் இத்தேர்வுப் பெட்டி, வரியுருக்களையும், குறியெழுத்துகளையும் கையாளும்பொழுது, குரலின் மொழியை நம்பிக்கையுடன் பயன்படுத்தலாமென என்விடிஏவிற்கு அறிவுறுத்துகிறது. ஒரு குறிப்பிட்ட ஒலிப்பானுக்கு, அல்லது குரலுக்கு, நிறுத்தற்குறிகளை என்விடிஏ தவறான மொழியில் படிக்கும்பொழுது, இத்தேர்வினை நீக்குவதன் மூலம், முழுதளாவிய மொழி அமைப்புகளைப் பயன்படுத்த என்விடிஏவை கட்டாயப்படுத்தலாம்.

ஒருங்குறி இயல்பாக்கம்

When this option is enabled, Unicode normalization is performed on the text that is spoken by NVDA. பல வடிவங்களில் குறிப்பிடப்படக்கூடிய வரியுருக்களைப் படிக்கும்பொழுது, இது நன்மை பயப்பதாக இருக்கும். NVDA uses the NFKC (Normalization Form Compatibility Composition) algorithm, with additional normalization applied. NFKC provides the following benefits, among others:

1. ஒருங்குறி தரநிலையின் பகுதியாகவும், சமூக ஊடகங்களில் பொதுவாகப் பயன்படுத்தப்படும் வரியுருக்களின் அடர்ந்த, சாய்வுப் பதிப்புகள், அவைகளுக்குப் பொதுவாக இருக்கும் இணையான மற்றும் இணக்கமான வரியுருவிற்கு இயல்பாக்கப்படுகிறது. எடுத்துக்காட்டாக, லத்தீன் எழுத்து "h", அடர்த்தி வடிவில் "𝐡" என்றும், சாய்வு வடிவில் "ℎ" என்று எழுதப்பட்டிருந்தாலும், இயல்பாக்கம் முடுக்கப்பட்டிருந்தால், இவ்வெழுத்துக்கள் 'h' என்றே படிக்கப்படும். இயல்பாக்கத்தின் இந்த அம்சம், மைக்ரோசாஃப்ட் வேர்ட் சமன்பாடு எடிட்டரில் சமன்பாடுகளைப் படிக்கவும் உதவுகிறது.

2. வரியுருக்களை இயற்றுவதற்கான இயல்பாக்கம். எடுத்துக்காட்டாக, ஜெர்மானியம், துருக்கியம் போற மொழிகளில் பொதுவாக அறியப்படும் "ü" (umlaut/diaeresis உடனான u) எழுத்தினை, இரு வடிவங்களில் குறிப்பிட இயலும்:

   1. ஒரு தனித்து நிற்கும் ஒருங்குறி வரியுரு (ü)
   2. ஒரு வரியுருவை இரண்டாகப் பிரித்து எழுதுதல் (ü). அதாவது, எளிய லத்தீன் எழுத்து u மற்றும் diaeresis

   அனைத்து பேச்சு வெளியீடுகளிலும் ஒரே ஒரு வரியுரு வடிவம் அதாவது ஒரு மாற்றுரு மட்டுமே பயன்படுத்தப்படும் என்பதை ஒருங்குறி இயல்பாக்கம் உறுதிசெய்கிறது.

3. Decomposition of some ligatures, including "ij" (ligature ij) to their two letter form ("ij").

4. கூட்டு வரியுருக்களில் மாற்றியமைப்பிகளை நிலையாக ஒழுங்குபடுத்துதல். எ.கா. பண்டைய ஹீப்ரு.

The additional normalization in NVDA handles decorative letter variants that the standard NFKC algorithm does not decompose. Certain Unicode characters, such as negative circled Latin capital letters (🅐–🅩) and negative squared Latin capital letters (🅲–🅩), are treated as autonomous symbols by the Unicode standard and have no compatibility decomposition. NVDA extends NFKC by mapping these characters to their plain Latin letter equivalents (A–Z). Note that a small number of negative squared letters that have emoji semantics (🅰, 🅱, 🅾, 🅿) are excluded from this mapping to preserve their distinct meaning.

ஒருங்குறி இயல்பாக்கத்தை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலுக்குச் சென்று, தனிப்பயனாக்கப்பட்ட சைகையை இணைக்கவும்.

வரியுருக்களாக வழிசெலுத்தும்பொழுது "இயல்பாக்கப்பட்டது" என்று அறிவித்திடுக

இத்தேர்வுப் பெட்டித் தேர்வாகியிருந்தால், எழுத்துகளாகப் படிக்கும் நிலையில், இயல்பாக்கப்பட்ட வரியுருக்களை படிக்கும்பொழுது, "இயல்பாக்கப்பட்டது" என்று என்விடிஏ அறிவித்திடும். எடுத்துக்காட்டாக, "ij" என்கிற எழுத்தினை, "இயல்பாக்கப்பட்ட i j" என்று படித்திடும்.

"ஒருங்குறி இயல்பாக்கம்" முடுக்கப்பட்டிருந்தால் மட்டுமே, இவ்வமைப்பு கிடைப்பிலிருக்கும் என்பதை நினைவில் கொள்ளவும்.

வரியுருக்களையும், குறியெழுத்துகளையும் கையாளும்பொழுது முகவடிகள் உட்பட ஒருங்குறிக் கூட்டமைப்பின் தரவுகளை சேர்த்துக்கொள்க

இத்தேர்வுப் பெட்டித் தேர்வாகியிருந்தால், வரியுருக்களையும், குறியெழுத்துகளையும் ஒலிக்கும்பொழுது, கூடுதல் குறியெழுத்து ஒலிப்பு அகரமுதலிகளை என்விடிஏ சேர்த்துக்கொள்ளும். ஒருங்குறிக் கூட்டமைப்பின் உள்ளூர் பொதுத் தரவுக் களஞ்சியத்தில் இருக்கும் குறியெழுத்துகளின், குறிப்பாக முகவடிகளின் விளக்கங்களை இவ்வகரமுதலிகள் கொண்டிருக்கும். முகவடிகளின் விளக்கங்களை இத்தரவினைக் கொண்டு என்விடிஏ பேச வேண்டுமென்று தாங்கள் விரும்பினால், இத்தேர்வுப் பெட்டியைத் தேர்வுச் செய்ய வேண்டும். ஆனால், தாங்கள் பயன்படுத்தும் ஒலிப்பானைக் கொண்டு முகவடிகளின் உள்ளூர் விளக்கங்களைக் கேட்க விரும்பினால், இத்தேர்வுப் பெட்டியின் தேர்வினை நீக்கிவிட வேண்டும்.

கைமுறையில் சேர்க்கப்பட்ட, அல்லது தொகுக்கப்பட்ட குறியெழுத்துகளின் விளக்கங்கள், தங்களின் பயனர் அமைப்புகளில் ஒரு பகுதியாக சேமிக்கப்படுகின்றன என்பதை நினைவில் கொள்ளவும். ஆகவே, முகவடிகளின் விளக்கங்களைத் தாங்கள் மாற்றியமைத்திருந்தால், இத்தேர்வுப் பெட்டி தேர்வாகாத நிலையிலும், அந்த முகவடிகளின் தனிப்பயனாக்கப்பட்ட விளக்கங்களையே என்விடிஏ படிக்கும். என்விடிஏவின் நிறுத்தற்குறிகள்/குறியெழுத்துகளின் ஒலிப்பு உரையாடலில், குறியெழுத்தின் விளக்கங்களை சேர்க்கவோ, தொகுக்கவோ, நீக்கவோ தங்களால் இயலும்.

ஒருங்குறிக் கூட்டமைப்பின் தரவினை, எங்கிருந்தாயினும் சேர்த்துக்கொள்ள, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

ஆங்கில முகப்பெழுத்திற்கான சுருதி மாற்று விழுக்காடு

ஆங்கில முகப்பெழுத்தைப் படிக்க, எவ்வளவு சுருதியை மாற்ற வேண்டுமென்று தாங்கள் கருதுகிறீர்களோ, அம்மதிப்பை இத்தொகு களத்தில் தட்டச்சிடவும். இதன் மதிப்பு விழுக்காட்டில் குறிக்கப்படுகிறது. சுழியத்திற்குக் கீழிருக்கும் மதிப்பு, சுருதியைக் குறைக்கும், சுழியத்திற்கு மேலிருக்கும் மதிப்பு, சுருதியை மேலேற்றும். சுருதியில் மாற்றம் தேவையில்லையென்றால், 0 எண்ணைத் தட்டச்சிடவும். வழக்கமாக, எந்தவொரு முகப்பெழுத்திற்கும் என்விடிஏ சுருதியை சிறிது மேலேற்றும். ஆனால், சில ஒலிப்பான்கள் இதை சரிவர ஆதரிப்பதில்லை. முகப்பெழுத்திற்கான சுருதி மாற்றம் ஆதரிக்கப்படாதபட்சத்தில், ஆங்கில முகப்பெழுத்துகளுக்கு முன், Cap என்று சொல்க, ஆங்கில முகப்பெழுத்துகளுக்கு சிற்றொலியை எழுப்புக ஆகிய இரு தேர்வுப் பெட்டிகளில் ஏதேனும் ஒன்றை, அல்லது இரண்டையும் மாற்றாகத் தேர்வுசெய்யலாம்.

ஆங்கில முகப்பெழுத்துகளுக்கு முன் cap என்று சொல்க

இத்தேர்வுப் பெட்டித் தேர்வாகியிருந்தால், ஆங்கில உரைகளை எழுத்துகளாக படிக்கும் தருணங்களில், முகப்பெழுத்துகள் எதிர்பட்டால், என்விடிஏ 'cap' என்று சொல்லியப் பிறகுதான், அவ்வெழுத்தைப் படிக்கும்.

ஆங்கில முகப்பெழுத்துகளுக்கு சிற்றொலியை எழுப்புக

இத்தேர்வுப் பெட்டித் தேர்வாகியிருந்தால், ஆங்கில உரைகளை எழுத்துகளாகப் படிக்கும் தருணங்களில், முகப்பெழுத்துகளைப் படிக்கும்பொழுது என்விடிஏ ஒரு சிற்றொலியை எழுப்பும்.

எழுத்துகளாக படிக்கும் வசதியிருந்தால், அதைப் பயன்படுத்துக

சில சொற்கள், வெறும் ஒற்றை எழுத்தை மட்டுமே கொண்டிருக்கும். இத்தகைய சொற்களின் ஒலிப்பு, அவ்வெழுத்து, தனியெழுத்தாகவோ, அல்லது ஒரு சொல்லாகவோ இருக்கும்பொழுது, அது ஒலிக்கப்படும் விதத்திலிருந்து மாறுபடும். எடுத்துக்காட்டாக, ஆங்கில எழுத்து 'a', ஒரு தனிச் சொல்லாகவும், சொல்லின் ஒரு எழுத்தாகவும் வருகிறது. அதன் ஒலிப்பு, தனிச் சொல்லாக இருக்கும்பொழுது வேறாகவும், சொல்லின் ஒரு பகுதியாக வரும்பொழுது வேறாகவும் உள்ளது. ஒலிப்பான் ஆதரித்தால், இத்தேர்வுப் பெட்டி, இவ்விரு வகைகளையும் வேறுபடுத்திப் படிக்க உதவுகிறது. பொதுவில், எல்லா ஒலிப்பான்களும், இதை ஆதரிக்கின்றன.

பொதுவாக, இத்தேர்வுப் பெட்டித் தேர்வுச் செய்யப்பட்டிருக்க வேண்டும். ஆனால், சில மைக்ரோசாப்ட் SAPI ஒலிப்பான்கள், இதை சரிவர செயல்படுத்த முடிவதில்லையென்பதால், இத்தேர்வுப் பெட்டியைத் தேர்வுச் செய்தால், அவ்வொலிப்பான்கள் விநோதமாக செயற்படும். நீட்சிநிரல், SAPI பயன்பாடு ஆகிய இரண்டையும் உள்ளடக்கிய கோட் ஃபாக்டரியின் ஒலிப்பான்களும் இதை சரிவர செயற்படுத்த முடிவதில்லையென்பதால், என்விடிஏ பட்டி, உரையாடல்கள் போன்ற இடங்களில் உரை பேசப்படும்பொழுது, தேவையின்றி எழுத்துகளாகப் படிக்கும். தனிப்பட்ட எழுத்துகளின் பலுக்கலில் சிக்கலிருந்தால், இத்தேர்வுப் பெட்டியின் தேர்வினை நீக்கி, மீண்டும் முயலவும்.

சுட்டுக்குறி நகரும்பொழுது தாமதிக்கப்பட்ட எழுத்து விளக்கங்கள்

இவ்விருப்பத் தேர்வு முடுக்கப்பட்டிருந்தால், தாங்கள் எழுத்துகளாக நகரும்பொழுது, எழுத்து விளக்கங்களை என்விடிஏ அறிவிக்கும்.

எடுத்துக்காட்டாக, ஒரு வரியை எழுத்துகளாகப் படிக்கும்பொழுது, 'அ' என்கிற எழுத்தின் மீது சுட்டுக்குறி நகர்ந்தவுடன், ஒரு நொடி தாமதத்திற்குப் பிறகு, 'அம்மா' என்று சொல்லும். எழுத்துகளுக்கிடையேயான பலுக்கலை வேறுபடுத்தி அறிவதில் சிக்கல் இருப்பவர்களுக்கும், செவித் திறன் குறைபாடுள்ளவர்களுக்கும் இது பயனுள்ளதாக இருக்கும்.

பிற உரை படிக்கப்பட்டால், அல்லது 'கட்டுப்பாடு' விசை அழுத்தப்பட்டால், தாமதிக்கப்பட்ட எழுத்து விளக்கம் விலக்கப்படும்.

சுழற்சி பேச்சு முறைக் கட்டளையில் இருக்கும் முறைகள்

என்விடிஏ+s விசையைப் பயன்படுத்தி பேச்சு முறைகளுக்கிடையே சுழற்சியில் நகரும்பொழுது, எந்தெந்த முறைகள் சேர்த்துக்கொள்ளப்பட வேண்டும் என்பதை தேர்வு செய்யப்படக் கூடிய இப்பட்டியல் அனுமதிக்கிறது. தேர்வு செய்யப்படாத முறைகள் விலக்கப்படும். எல்லா முறைகளும் இயல்பில் சேர்க்கப்பட்டிருக்கும்.

எடுத்துக்காட்டாக, 'சிற்றொலிகள்', 'அமைதி' ஆகிய இரு முறைகளைத் தாங்கள் பயன்படுத்த விரும்பவில்லையென்றால், இவ்விரு முறைகளையின் தேர்வினை நீக்கிவிட்டு, 'பேசுக', 'தேவையின் பேரில்' ஆகிய இரு முறைகளின் தேர்வினைத் தக்கவைத்துக்கொள்ள வேண்டும். குறைந்தபட்சம் இரு முறைகளையாவது தேர்வு செய்ய வேண்டும் என்பதை நினைவில் கொள்ளவும்.

ஒலிப்பான் தெரிவு

ஒலிப்பான் தெரிவு உரையாடலைத் திறவுக

விசை: என்விடிஏ+கட்டுப்பாடு+s

என்விடிஏ அமைப்புகள் உரையாடலில் காணப்படும் பேச்சு வகைமையில் இருக்கும் "மாற்றுக..." பொத்தானை அழுத்துவதன் மூலம், ஒலிப்பான் உரையாடலைத் திறந்து, என்விடிஏ பயன்படுத்த வேண்டிய ஒலிப்பானைத் தேர்ந்தெடுக்க தங்களை அனுமதிக்கிறது. தாங்கள் விரும்பிய ஒலிப்பானைத் தேர்ந்தெடுத்தவுடன், 'சரி' பொத்தானை அழுத்தினால், அவ்வொலிப்பானை என்விடிஏ ஏற்றும். ஒலிப்பானை ஏற்றுவதில் பிழை இருந்தால், என்விடிஏ அதை அறிவித்துவிட்டு, முந்தைய ஒலிப்பானையே தொடர்ந்து பயன்படுத்தும்.

ஒலிப்பான்

பேச்சு வெளியீட்டிற்கு என்விடிஏ பயன்படுத்த வேண்டிய ஒலிப்பானைத் தேர்ந்தெடுக்க இவ்விருப்பத் தேர்வு தங்களை அனுமதிக்கிறது.

என்விடிஏ ஆதரவளிக்கும் ஒலிப்பான்களின் பட்டியலைப் பற்றி அறிய, ஆதரவளிக்கப்படும் ஒலிப்பான்கள் உட்பிரிவைக் காணவும்.

'பேச்சில்லை' என்கிற உருப்படி, இப்பட்டியலில் தோன்றும் ஒரு சிறப்புக்கூறு. இதைத் தேர்ந்தெடுத்தால், எந்நிலையிலும், என்விடிஏவைப் பேச்சில்லாமல் இயக்கலாம். என்விடிஏவின் பிரெயில் காட்சிப்படுத்தியை மட்டும் பயன்படுத்துபவர்களுக்கும், என்விடிஏவை மேம்படுத்தும் பார்வையுள்ளவர்கள் பேச்சுத் தோற்றத்தைப் பயன்படுத்தும்பொழுதும் இவ்விருப்பத் தேர்வுப் பயன்படும்.

ஒலிப்பான் அமைப்புகள் வளையம்

என்விடிஏ இயக்கத்திலிருக்கும்பொழுது, என்விடிஏ அமைப்புகள் உரையாடலில் காணப்படும் பேச்சு வகைமைக்குச் செல்லாமல், எங்கிருந்தாயினும் பேச்சு அமைப்புகளை விரைவாக மாற்றியமைக்க, என்விடிஏ சில கட்டளை விசைகளைக் கொடுக்கிறது.

பிரெயில்

என்விடிஏ அமைப்புகள் உரையாடலில் காணப்படும் பிரெயில் வகைமை, பல பிரெயில் உள்ளீட்டு/வெளியீட்டு சிறப்பியல்புகளை மாற்றியமைப்பதற்கான விருப்பத் தேர்வுகளைக் கொண்டுள்ளது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

பிரெயில் காட்சிப்படுத்தியை மாற்றியமைத்திடுக

என்விடிஏ அமைப்புகள் உரையாடலில் காணப்படும் பிரெயில் வகைமையில் இருக்கும் "மாற்றுக..." பொத்தானை அழுத்தும்பொழுது, பிரெயில் காட்சிப்படுத்தியைத் தெரிவுசெய்க உரையாடலை இயக்குகிறது. இவ்வுரையாடல், இயக்கத்திலிருக்க வேண்டிய பிரெயில் காட்சிப்படுத்தியைத் தெரிவுசெய்ய தங்களை அனுமதிக்கிறது. என்விடிஏ அமைப்புகள் உரையாடலின் மீது இவ்வுரையாடல் திறக்கும். ஆகவே, பிரெயில் காட்சிப்படுத்தியைத் தெரிவுசெய்க உரையாடலில் காணப்படும் அமைப்புகளைச் சேமித்துவிட்டு, அல்லது சேமிக்காமல் உரையாடலை மூடினால், என்விடிஏ அமைப்புகள் உரையாடலுக்குத் தங்களை மீண்டும் கொண்டுசெல்லும்.

வெளீயீடு அட்டவணை

இவ்வகைமையில் அடுத்ததாக தாங்கள் எதிர்கொள்ளும் விருப்பத் தேர்வு, பிரெயில் வெளியீடு அட்டவணை என்கிற சேர்க்கைப் பெட்டியாகும். பலதரப்பட்ட மொழிகளுக்கான பிரெயில் அட்டவணைகள், பிரெயில் தரநிலைகள் மற்றும் படிநிலைகளை இச்சேர்க்கைப் பெட்டியில் காண்பீர்கள். உரையிலிருந்து பிரெயிலுக்கு மொழிபெயர்த்து, தங்களின் பிரெயில் காட்சிப்படுத்தியில் அளிக்க, தேர்ந்தெடுக்கப்பட்டுள்ள அட்டவணை பயன்படுத்தப்படும். பட்டியலில் இருக்கும் பிரெயில் அட்டவணைகளுக்கிடையே நகர, அம்பு விசைகளைப் பயன்படுத்தவும். தன்னியக்கம் என்பதைத் தாங்கள் தெரிவுசெய்தால், என்விடிஏவின் நடப்பு மொழியின்படி அட்டவணை தெரிவுசெய்யப்படும்.

உள்ளீடு அட்டவணை

முந்தைய விருப்பத் தேர்வினை நிறைவு செய்வதுபோல் அமைந்திருக்கும் 'உள்ளீடு அட்டவணை', தாங்கள் அடுத்ததாக காணும் சேர்க்கைப் பெட்டியாகும். தங்களின் பிரெயில் காட்சிப்படுத்தியின் பெர்க்கின்ஸ் வகை விசைப் பலகை மூலம் உள்ளிடப்படும் பிரெயில் உள்ளீடுகள், உரைக்கு மொழிபெயர்க்கப்பட, தேர்வுச் செய்யப்படும் அட்டவணை பயன்படுத்தப்படும். பட்டியலில் இருக்கும் பிரெயில் அட்டவணைகளுக்கிடையே நகர, அம்பு விசைகளைப் பயன்படுத்தவும்.

தங்களின் பிரெயில் காட்சிப்படுத்தியில் பெர்க்கின்ஸ் வகை விசைப் பலகை இருந்து, பிரெயில் காட்சிப்படுத்தியின் இயக்கி அதனை ஆதரித்தால் மட்டுமே, இவ்விருப்பத் தேர்வுப் பயன்படும் என்பதை நினைவில் கொள்ளவும். காட்சிப்படுத்தியில் பிரெயில் விசைப் பலகை இருந்தபோதிலும், உள்ளீடு ஆதரிக்கப்படாமல் இருந்தால், அதுகுறித்து ஆதரவளிக்கப்படும் பிரெயில் காட்சிப்படுத்திகள் பிரிவில் குறிப்பிடப்பட்டிருக்கும்.

பிரெயில் முறை

விசை: என்விடிஏ+நிலைமாற்றி+t

கிடைப்பிலிருக்கும் பிரெயில் முறைகளுக்கிடையே தேர்ந்தெடுக்க இவ்விருப்பத் தேர்வு தங்களை அனுமதிக்கிறது.

தற்போதைக்கு, "சுட்டுக்குறிகளைப் பின்தொடர்க", "பேச்சு வெளியீட்டை காட்டிடுக" ஆகிய இரு பிரெயில் முறைகள் ஆதரிக்கப்படுகின்றன.

சுட்டுக்குறிகளைப் பின்தொடர்க என்கிற விருப்பத் தேர்வு தெரிவுசெய்யப்பட்டிருந்தால், பிரெயில் எதனுடன் கட்டப்பட்டிருக்கிறது என்பதைப் பொறுத்து, கணினி குவிமையம்/இமைக்கும் சுட்டுக்குறியை, அல்லது வழிகாட்டிப் பொருள்/சீராய்வுச் சுட்டுக்குறியை பிரெயில் காட்சிப்படுத்தி பின்தொடரும்.

பேச்சு வெளியீட்டைக் காட்டிடுக என்கிற விருப்பத் தேர்வு தெரிவுசெய்யப்பட்டிருந்தால், என்விடிஏ பேசுவதை, அல்லது "பேசுக" என்கிற பேச்சு முறையைத் தெரிவுசெய்திருந்தால், என்விடிஏ எதைப் பேசிடுமோ, அதை பிரெயில் காட்சிப்படுத்தி காட்டிடும்.

சுட்டுக்குறியின் இடத்திலிருக்கும் சொல்லை கணினி பிரெயிலுக்காக விரிவாக்குக

இத்தேர்வுப் பெட்டித் தேர்வாகியிருந்தால், சுட்டுக்குறியின் கீழிருக்கும் சொல்லிற்கு, குறுக்கப்படாத கணினி பிரெயிலைக் காண்பிக்கும்.

பிரெயில் சுட்டுக்குறியைக் காட்டுக

இவ்விருப்பத் தேர்வு, பிரெயில் சுட்டுக்குறியை இயக்கவும், நிறுத்தவும் பயன்படுகிறது. இமைக்கும் சுட்டுக்குறிக்கும், சீராய்வுச் சுட்டுக்குறிக்கும் இது பொருந்துகிறது. ஆனால், தெரிவு நிலைகாட்டிக்கு இது பொருந்தாது.

சுட்டுக்குறி இமைத்தல்

இவ்விருப்பத் தேர்வு, பிரெயில் சுட்டுக்குறியின் இமைத்தலை அனுமதிக்கிறது. இமைக்கும் வசதி நிறுத்தப்பட்டால், எப்பொழுதும் பிரெயில் சுட்டுக்குறி நிற்கும் நிலையில் நிலையாக இருக்கும். தெரிவு நிலைக்காட்டியின் மீது இவ்விருப்பத் தேர்வு தாக்கத்தை ஏற்படுத்துவதில்லை. இது எப்பொழுதும் இமைக்காத நிலையில் புள்ளிகள் ஏழு, எட்டு என்றே இருக்கும்.

சுட்டுக்குறி இமைக்கும் விகிதம் (நுண்வினாடிகளில்)

இவ்விருப்பத் தேர்வு, ஒரு எண் களமாகும். சுட்டுக்குறி இமைக்கும் விகிதத்தை நுண்வினாடிகளின் கணக்கில் மாற்றியமைக்கலாம்.

குவிமையத்திற்கான பிரெயில் சுட்டுக்குறியின் வடிவம்

குவிமையத்துடன் பிரெயில் கட்டப்பட்டிருக்கும்பொழுது, பிரெயில் சுட்டுக்குறியின் வடிவத்தை, அதாவது பிரெயில் புள்ளிகளின் வடிவவிதத்தைத் தேர்வுச் செய்ய இவ்விருப்பத் தேர்வு அனுமதிக்கிறது. தெரிவு நிலைக்காட்டியின் மீது இவ்விருப்பத் தேர்வு தாக்கத்தை ஏற்படுத்துவதில்லை. இது எப்பொழுதும் இமைக்காத நிலையில் புள்ளிகள் ஏழு, எட்டு என்றே இருக்கும்.

சீராய்விற்கான பிரெயில் சுட்டுக்குறியின் வடிவம்

சீராய்வுச் சுட்டுக்குறியுடன் பிரெயில் கட்டப்பட்டிருக்கும்பொழுது, பிரெயில் சுட்டுக்குறியின் வடிவத்தை, அதாவது பிரெயில் புள்ளிகளின் வடிவவிதத்தைத் தேர்வுச் செய்ய இவ்விருப்பத் தேர்வு அனுமதிக்கிறது. தெரிவு நிலைக்காட்டியின் மீது இவ்விருப்பத் தேர்வு தாக்கத்தை ஏற்படுத்துவதில்லை. இது எப்பொழுதும் இமைக்காத நிலையில் புள்ளிகள் ஏழு, எட்டு என்றே இருக்கும்.

தகவல்களைக் காட்டிடுக

பிரெயில் தகவல்களை என்விடிஏ காட்டிட வேண்டுமா என்பதனையும், அத்தகவல்கள் எப்பொழுது தானாக மறைந்திட வேண்டுமென்பதனையும் தெரிவுசெய்ய இச்சேர்க்கைப் பெட்டி அனுமதிக்கிறது.

பிரெயில் தகவல்கள் காட்டப்படும் வசதியை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

தகவல் காட்சியளிக்கும் நேரம்

இவ்விருப்பத் தேர்வு, ஒரு எண் களமாகும். என்விடிஏவின் தகவல்கள், பிரெயில் காட்சிப்படுத்தியில் எத்தனை நொடிகள் காட்டப்பட வேண்டுமென்று, இக்களத்தில் குறிப்பிடலாம். பிரெயில் காட்சிப்படுத்தியில் ஒரு வழியிடும் விசையை அழுத்தும்பொழுது, என்விடிஏவின் தகவல் உடனே விலக்கப்படும். ஆனால், என்விடிஏவின் தகவலை கொணரும் அதே, அல்லது மற்றொரு விசை அழுத்தப்படும்பொழுது, அதற்குப் பொருத்தமான தகவல் மீண்டும் காட்டப்படும். "தகவல்களைக் காட்டிடுக" விருப்பத் தேர்வில், "காட்சியளிக்கும் நேரத்தைப் பயன்படுத்திடுக" என்று அமைக்கப்பட்டிருந்தால் மட்டுமே, இவ்விருப்பத் தேர்வு காட்டப்படும்.

பிரெயிலைக் கட்டுக

விசை: என்விடிஏ+கட்டுப்பாடு+t

இவ்விருப்பத் தேர்வு, பிரெயில் காட்சிப்படுத்தி, கணினிக் குவிமையத்தை/இமைக்கும் சுட்டுக்குறியைப் பின்தொடர வேண்டுமா, வழிசெலுத்திப் பொருளை/சீராய்வுச் சுட்டுக்குறியைப் பின்தொடர வேண்டுமா, அல்லது இரண்டையும் பின்தொடர வேண்டுமா என்று தீர்மானிக்க உதவுகிறது. "தன்னியக்கம்" என்கிற விருப்பத் தேர்வு தேர்வாகியிருந்தால், கணினிக் குவிமையத்தையும், இமைக்கும் சுட்டுக்குறியையும் என்விடிஏ இயல்பில் பின்தொடரும். தன்னியக்க நிலையில், வழிசெலுத்திப் பொருளின், அல்லது சீராய்வுச் சுட்டுக்குறியின் நிலை பயனரின் வெளிப்படையான ஊடாட்டத்தினால் மாற்றப்படும்பொழுது, குவிமையம், அல்லது இமைக்கும் சுட்டுக்குறி மாறும் வரை, என்விடிஏ சீராய்விற்கு தற்காலிகமாக கட்டப்படும். கணினிக் குவிமையத்தையும் இமைக்கும் சுட்டுக்குறியையும் மட்டுமே பிரெயில் பின்தொடரவேண்டுமென்று தாங்கள் விரும்பினால், குவிமையத்துடன் பிரெயில் கட்டப்படும் வகையில் அமைவடிவத்தை தாங்கள் மாற்றியமைக்க வேண்டும். இந்நிலையில், பொருள் வழிசெலுத்தலின்பொழுது, என்விடிஏவின் வழிசெலுத்தியைப் பிரெயில் பின்தொடராது. அதுபோலவே, சீராய்வின்பொழுது, சீராய்வுச் சுட்டுக்குறியைப் பின்தொடராது. பொருள் வழிசெலுத்தலையும் உரைச் சீராய்வையும் பிரெயில் பின்தொடரவேண்டுமென்று தாங்கள் விரும்பினால், சீராய்வுச் சுட்டுக்குறியுடன் பிரெயில் கட்டப்படும் வகையில் அமைவடிவத்தை தாங்கள் மாற்றியமைக்க வேண்டும். இந்நிலையில், கணினிக் குவிமையத்தையும், இமைக்கும் சுட்டுக்குறியையும் பிரெயில் பின்தொடராது.

சீராய்வுச் சுட்டுக்குறியை வழியமைத்திடும்பொழுது இமைக்கும் சுட்டுக்குறியை நகர்த்திடுக

வழியமைத்திடும் பொத்தானை அழுத்தும்பொழுது இமைக்கும் சுட்டுக்குறியும் நகர்த்தப்பட வேண்டுமா என்பதை வரையறுக்க இவ்வமைப்பு பயன்படுகிறது. 'ஒருபோதும் இல்லை' என்பதே இவ்விருப்பத் தேர்வின் இயல்பாக அமைக்கப்பட்டிருப்பதால், சீராய்வுச் சுட்டுக்குறியை வழியமைத்திடும்பொழுது இமைக்கும் சுட்டுக்குறி நகர்த்தப்பட மாட்டாது.

இவ்விருப்பத் தேர்வு 'எப்பொழுதும்' என்று அமைக்கப்பட்டு, பிரெயில் கட்டப்படுவது, 'தானாக', அல்லது 'சீராய்விற்கு' என்று அமைக்கப்பட்டால், சுட்டுக்குறியை வழியமைத்திடும் ஒரு விசையை அழுத்தும்பொழுது, இமைக்கும் சுட்டுக்குறியை, அல்லது ஆதரவிருந்தால், குவிமையத்தை நகர்த்திடும். தற்போதைய சீராய்வு நிலை, திரைச் சீராய்வு என்றிருந்தால், இமைக்கும் சுட்டுக்குறியின் தோற்றம் கிடைப்பிலிருக்காது. இந்நிலையில், தாங்கள் வழியமைத்திடும் உரையின் கீழிருக்கும் பொருளை குவிமையத்திற்குள் கொண்டுவர என்விடிஏ முயலும். இது பொருள் சீராய்விற்கும் பொருந்தும்.

தானாகக் கட்டப்படும்பொழுது மட்டும் இமைக்கும் சுட்டுக்குறியை நகர்த்திடும் விருப்பத் தேர்விற்கும்ம் அமைத்திடலாம். சுட்டுக்குறியை வழியமைத்திடும் விசையை அந்நிலையில் அழுத்திடும்பொழுது, சீராய்வுச் சுட்டுக்குறிக்கு என்விடிஏ தானாகக் கட்டப்பட்டிருந்தால், இமைக்கும் சுட்டுக்குறி, அல்லது குவிமையத்தை நகர்த்திடும். சீராய்வுச் சுட்டுக்குறிக்கு கைமுறையில் என்விடிஏ கட்டப்பட்டிருந்தால் எந்த நகர்வும் இருக்காது.

"பிரெயில் கட்டப்படுவது" 'தன்னியக்கம்', அல்லது 'சீராய்வு' என்று அமைக்கப்பட்டிருந்தால் மட்டுமே இவ்விருப்பத் தேர்வு காட்டப்படும்.

சீராய்வுச் சுட்டுக்குறியை வழியமைத்திடும்பொழுது இமைக்கும் சுட்டுக்குறி நகர்வதை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

பத்தியாகப் படித்திடுக

இத்தேர்வுப் பெட்டித் தேர்வாகியிருந்தால், பிரெயில், வரியாக அல்லாமல், பத்தியாக காட்டப்படும். மேலும், அடுத்த/முந்தைய வரி நகர்வு கட்டளைகள், பிரெயில் காட்சிப்படுத்தியை அடுத்த/முந்தைய பத்திக்கு நகர்த்தும். இதனால், ஒவ்வொரு வரியின் இறுதியிலும் பிரெயில் காட்சிப்படுத்தியை அடுத்த வரிக்கு நகர்த்தும் தேவையை நீக்குகிறது. இது, பெருமளவு உரைகளை எளிதாக படிக்க உதவுகிறது. இயல்பில், இவ்வசதி முடக்கப்பட்டிருக்கும்.

பத்தித் துவக்கக் குறி

"பத்தியாகப் படித்திடுக" என்கிற விருப்பத் தேர்வு தேர்வுச்செய்யப்பட்டிருந்தால், பத்தியின் துவக்கத்தைக் குறிக்க, தெரிவுசெய்யப்பட்டிருக்கும் துவக்கக் குறி காட்டப்படும். கட்டமைக்கப்பட்ட ஆவணங்கள் அல்லது நூல்கள் போன்ற பெரிய அளவிலான உரைகளைப் படிக்கப் பயன்படுத்தப்படும் பயன்பாடுகளில் இது குறிப்பாக உதவியாக இருக்கும். இத்தகைய ஆவணங்கள்ில், உள்ளடக்கத்தின் அமைப்பு, அல்லது பத்தி நிலையின் அடிப்படையில் நூற்குறிகள், அல்லது சிறுகுறிப்புகளை அமைக்க, பத்திகள் எங்கிருந்து தொடங்குகின்றன என்பதைப் புரிந்துகொள்வது பயனுள்ளதாக இருக்கும்.

இரண்டு இடைவெளிகளை நுட்பமான பத்தி முறிவாகவும், பத்திச் சின்னமான பில்க்ரோ (¶) ஐ மிகவும் வெளிப்படையான ஒன்றாகவும் பயன்படுத்துவது விருப்பத் தேர்வுகளில் அடங்கும்.

குவிமைய சூழலளிக்கை

இவ்விருப்பத் தேர்வு, ஒரு பொருள் குவிமையத்திற்குள் வரும்பொழுது, பிரெயில் காட்சிப்படுத்தியில், எந்தச் சூழலுணர்த்தும் தகவலை என்விடிஏ அளிக்க வேண்டுமெனத் தேர்வுச் செய்ய தங்களை அனுமதிக்கிறது. குவிமையத்தில் இருக்கும் பொருட்களின் அடுக்கமைப்பைத்தான் சூழலுணர்த்தும் தகவல் சுட்டுகிறது. எடுத்துக்காட்டாக, ஒரு பட்டியல் உருப்படியைக் குவிமையத்திற்குள் கொண்டுவரும்பொழுது, இவ்வுருப்படி, ஒரு பட்டியலின் பகுதியாக இருக்கும். அது போலவே, உருப்படியைக் கொண்ட அப்பட்டியல், ஒரு உரையாடல் போன்ற பொருளின் பகுதியாக இருக்கும். என்விடிஏவில் காணப்படும் பொருட்களின் அடுக்கமைப்புக் குறித்து மேலும் அறிய, பொருள் வழிசெலுத்தல் பிரிவைக் காணவும்.

சூழல் மாற்றங்களுக்கு காட்சிப்படுத்தியை நிரப்புக என்று அமைக்கும்பொழுது, மாறியச் சூழலின் பகுதிக்கு மட்டும், பிரெயில் காட்சிப்படுத்தியில் எத்தனைச் சூழலுணர்த்தும் தகவல்களையளிக்க இயலுமோ, அத்தனையையும் அளிக்க என்விடிஏ முயல்கிறது. மேற்குறிப்பிடப்பட்டிருக்கும் எடுத்துக்காட்டில், ஒரு பட்டியலின் மீது குவிமையத்தை நகர்த்தும்பொழுது, அப்பட்டியலில் காணப்படும் பட்டியல் உருப்படியை, பிரெயில் காட்சிப்படுத்தியில் என்விடிஏ காட்டுகிறது. மேலும், பிரெயில் காட்சிப்படுத்தியில் போதுமான இடம் மீதமிருந்தால், அந்தப் பட்டியல் உருப்படி, ஒரு பட்டியலின் பகுதி என்பதைக் காட்ட என்விடிஏ முயல்கிறது. தாங்கள் அதன் பிறகு அம்பு விசைகளைக் கொண்டு பட்டியலினூடே நகர்ந்தால், தொடர்ந்து பட்டியலில் தாங்கள் இருப்பதைத் தாங்கள் அறிகிறீர்கள் என்று எடுத்துக் கொள்ளப்படும். ஆகவே, மீதமிருக்கும் பட்டியல் உருப்படிகளைத் தாங்கள் குவிமையத்திற்குள் கொண்டுவரும்பொழுது, குவிமையத்தில் இருக்கும் உருப்படியை மட்டும் காட்சிப்படுத்தியில் என்விடிஏ காட்டும். தாங்கள் ஒரு பட்டியலில் இருப்பதையும், அப்பட்டியல், ஒரு உரையாடலின் ஒரு பகுதியாக இருப்பதையும் சூழலுணர்த்தும் தகவலைக் கொண்டு அறிய வேண்டுமானால், தாங்கள் பிரெயில் காட்சிப்படுத்தியை பின்னுருட்ட வேண்டும்.

எப்பொழுதும் காட்சிப்படுத்தியை நிரப்புக என்று இவ்விருப்பத் தேர்வினை அமைத்தால், இச்சூழலுணர்த்தும் தகவலைத் தாங்கள் முன்னமே கண்டிருக்கிறீர்களா என்பதைக் கருத்தில் கொள்ளாமல், எத்தனைச் சூழலுணர்த்தும் தகவல்களை பிரெயில் காட்சிப்படுத்தியில் காட்ட இயலுமோ, அத்தனையையும் என்விடிஏ காட்ட முயல்கிறது. எத்தனைத் தகவல்களை அளிக்க இயலுமோ, அத்தனைத் தகவல்களையும் என்விடிஏ பிரெயில் காட்சிப்படுத்தியில் அளிக்கும் என்பதுதான் இதன் அனுகூலம். ஆனால், பிரெயில் காட்சிப்படுத்தியில் குவிமையம் துவங்கும் நிலையில் எப்பொழுதும் மாற்றமிருக்கும் என்பது இதன் குறைபாடாக உள்ளது. ஒரு உருப்படியின் துவக்கம் எங்கிருக்கிறது என்பதையறிய தங்களின் விரலைத் தொடர்ந்து நகர்த்த வேண்டியிருக்கும் என்பதால், நீலமான பட்டியல் உருப்படிகளைப் படிப்பதில் இது சிக்கலை ஏற்படுத்தும். என்விடிஏ 2017.2 மற்றும் அதன் முந்தைய பதிப்புகளில் இது என்விடிஏவின் இயல்பான போக்காக இருந்தது.

பின்னுருட்டும்பொழுது மட்டும் சூழலுணர்த்தும் தகவலை காட்டுக என்று இவ்விருப்பத் தேர்வினை அமைத்தால், பிரெயில் காட்சிப்படுத்தியில் சூழலுணர்த்தும் தகவலை இயல்பில் என்விடிஏ எப்பொழுதும் காட்டுவதில்லை. ஆகவே, மேற்குறிப்பிடப்பட்டிருக்கும் எடுத்துக்காட்டில், ஒரு பட்டியல் உருப்படியைத் தாங்கள் குவிமையத்திற்குள் கொண்டு வந்திருக்கிறீர்கள் என்பதைக் காட்டும். தாங்கள் ஒரு பட்டியலில் இருப்பதையும், அப்பட்டியல், ஒரு உரையாடலின் ஒரு பகுதியாக இருப்பதையும் சூழலுணர்த்தும் தகவலைக் கொண்டு அறிய வேண்டுமானால், தாங்கள் பிரெயில் காட்சிப்படுத்தியை பின்னுருட்ட வேண்டும்.

குவிமைய சூழலளிக்கையை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்டச் சைகையை இணைக்கவும்.

தெரிவைக் காட்டிடுக

பிரெயில் காட்சிப்படுத்தியில் தெரிவுக் காட்டி (புள்ளிகல் 7, 8) காட்டப்படுவதை இவ்வமைப்பு வரையறுக்கிறது. இயல்பில் இவ்வமைப்பு முடுக்கப்பட்டிருப்பதால், தெரிவுக் காட்டி காட்டப்படும். படிக்கும்பொழுது தெரிவுக் காட்டி கவனச் சிதறலை ஏற்படுத்தலாம். இவ்வமைப்பை முடக்குவது, படிப்பனுபவத்தை மேம்படுத்தலாம்.

தெரிவுக் காட்டி காட்டப்படுவதை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

வடிவூட்டக் காட்சிப்படுத்தி

உரை வடிவூட்டத்தை பிரெயிலில் என்விடிஏ எவ்வாறு காட்டிடும் என்பதை இவ்வமைப்பு வரையறுக்கிறது. எழுத்துருப் பண்புகளை பிரெயிலில் காட்டிடுக என்கிற அமைப்பிற்கு என்விடிஏ அமைக்கப்பட்டிருந்தால் மட்டுமே இவ்விருப்பத் தேர்வு தாக்கத்தை ஏர்படுத்தும்.

குறிச்சொற்கள்

"வடிவூட்டக் காட்சிப்படுத்தி, "குறிச்சொற்கள்" என்று அமைக்கப்பட்டிருந்து, வடிவூட்டத்தில் மாற்றம் கண்டறியப்பட்டால், வடிவூட்டக் குறிச்சொல் பிரெயிலில் காட்டப்படும். இக்குறிச்சொற்கள், ⣋ உடன் துவங்கும், ⣙ உடன் முடிவடையும். ஒரு வடிவுட்டக் குறிச்சொல், உரை வடிவூட்டத்தை விவரிக்கும் ஒன்று, அல்லது அதற்கும் மேற்பட்ட குறியீடுகளைக் கொண்டிருக்கும். பின்வரும் குறியீடுகள் வரையறுக்கப்பட்டுள்ளன:

உரையில் சுட்டுக்குறியை வழியமைத்திடும்பொழுது வரியுருவைப் பேசுக

இது முடுக்கப்பட்டிருந்தால், பிரெயில் சுட்டுக்குறியை வழியமைத்திடும் விசைகளைப் பயன்படுத்தி சுட்டுக்குறியின் இடத்திலிருக்கும் வரியுருவிற்கு வழியமைத்திடும்பொழுது, அவ்வரியுருவை என்விடிஏ தானாக பேசிடும்.

இவ்விருப்பத் தேர்வினை எங்கிருந்தாயினும் மாற்றியமைக்க, உள்ளிட்டுச் சைகைகள் உரையாடலைப் பயன்படுத்தி தனிப்பயனாக்கப்பட்ட சைகையை இணைக்கவும்.

வரிகளாக, அல்லது பத்திகளாக வழிசெல்லும்பொழுது பேசிடுக

இவ்விருப்பத் தேர்வு முடுக்கப்பட்டிருந்தால், பிரெயில் காட்சிப்படுத்திக் கட்டுப்பாடுகளைப் பயன்படுத்தும்பொழுது, வரிகளை, அல்லது பத்திகளை என்விடிஏ படித்திடும்.

இவ்விருப்பத் தேர்வினை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலில் காணப்படும் 'பிரெயில்' பிரிவில் இருக்கும் 'தொகுதியாகப் படிக்கும்பொழுது பேசிடுக' என்கிற உருப்படிக்கு தனிப்பயனாக்கப்பட்ட சைகையை இணைக்கவும்.

Automatic Scroll Rate

This slider controls the rate of automatic braille display scrolling, measured in cells per second. The minimum value (0%) will be 1 cell per second, and the maximum value (100%), 20 cells per second. For example, with the default value of 10 cells/sec, if a braille display with 40 cells is used, the number of seconds between automatic scrolls will be 4. If the display had 20 cells, each line of braille would be shown for 2 seconds.

While the automatic scroll option is enabled, you can still use the scroll back command to read previous contents again, and scroll forward, for example, to skip a blank line, or if the line being read is too short.

Automatic scrolling will be disabled if a routing key is pressed, if a message is presented in braille, if a new object is displayed, when entering a secure screen, when the session is locked, or when the end of the window is reached.

Commands can be assigned to toggle the automatic scroll option, and to increase or decrease the scroll rate, from the "Braille" section of the Input Gestures dialog.

இயலுமிடங்களில் சொற்களின் பிளவைத் தவிர்க்கவும்

இது முடுக்கப்பட்டிருந்தால், ஒரு சொல், பிரெயில் காட்சிப்படுத்தியில் இறுதியில் பொருந்தாத அளவு பெரிதாக இருந்தாலும், அது பிளக்கப்பட மாட்டாது. மாற்றாக, காட்சிப்படுத்தியின் இறுதியில் சில வெற்று இடைவெளிகள் இருக்கும். காட்சிப்படுத்தியைத் தாங்கள் நகர்த்தினால், முழுச் சொல்லையும் தாங்கள் படிக்க இயலும். இது சில நேரங்களில் "சொல் மடக்கு" என்று அழைக்கப்படுகிறது. ஒரு சொல்லே, காட்சிப்படுத்தியில் பொருந்தாத அளவு பெரிதாக இருப்பினும், அது பிளக்கப்பட்டுதான் ஆக வேண்டும்.

இது முடக்கப்பட்டால், இயன்ற அளவு ஒரு சொல் காட்டப்பட்டு, மீதமுள்ள பகுதி துண்டிக்கப்படும். காட்சிப்படுத்தியைத் தாங்கள் நகர்த்தினால், சொல்லின் மீதமுள்ள பகுதியைத் தாங்கள் படிக்க இயலும்.

இதை முடுக்கினால், மிக சரளமாகப் படிக்க இயலும். ஆனால், பொதுவாக காட்சிப்படுத்தியைத் தாங்கள் அடிக்கடி நகர்த்த வேண்டியிுக்கும்.

ஒருங்குறி இயல்பாக்கம்

இவ்விருப்பத் தேர்வு முடுக்கப்பட்டால், பிரெயில் காட்சிப்படுத்தியில் பிரெயிலாக்கப்படும் உகையின் மீது ஒருங்குறி இயல்பாக்கம் நிகழ்த்தப்படும். சமூக ஊடகங்களில் பொதுவாகப் பயன்படுத்தப்படும் அடர்த்தி, சாய்வு போன்று, ஒரு பிரெயில் அட்டவணையில் காணப்படாமலும், மாற்றைக் கொண்டிருக்கும் வரியுருக்களை எதிர்கொள்ளும்பொழுது இது பயனுள்ளதாக இருக்கும். ஒருங்குறி இயல்பாக்கத்தின் மற்ற நன்மைகள் இணையான பேச்சு அமைப்பிற்கான பிரிவில் விரிவாக விளக்கப்பட்டுள்ளன.

ஒருங்குறி இயல்பாக்கத்தை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

உருட்டும்பொழுது பேச்சைக் குறுக்கீடுக

பிரெயில் காட்சிப்படுத்தியை பின்னோக்கி/முன்னோக்கி உருட்டும்பொழுது பேச்சு குறுக்கிடப்பட வேண்டுமா என்பதை இவ்வமைப்பு வரையறுக்கிறது. முந்தைய/அடுத்த வரிக் கட்டளைகள் எப்பொழுதும் பேச்சைக் குறுக்கிடுகின்றன.

பிரெயிலைப் படிக்கும்பொழுது நடப்பிலிருக்கும் பேச்சு கவனச் சிதறலை ஏற்படுத்தலாம். இக்காரணத்தினால்தான் பிரெயிலை உருட்டும்பொழுது பேச்சைக் குறுக்கிடுக என்கிற விருப்பத் தேர்வு இயல்பில் முடுக்கப்பட்டிருக்கும்.

இவ்விருப்பத் தேர்வு முடக்கப்பட்டால், பிரெயிலை படிக்கும் நேரத்திலேயே பேச்சையும் கேட்கலாம்.

பிரெயில் காட்சிப்படுத்தியைத் தெரிவு செய்க

பிரெயில் காட்சிப்படுத்தித் தெரிவு உரையாடலைத் திறவுக

விசை: என்விடிஏ+கட்டுப்பாடு+a

என்விடிஏ அமைப்புகள் உரையாடலில் காணப்படும் பிரெயில் வகைமையில் இருக்கும் "மாற்றுக..." பொத்தானை அழுத்துவதன் மூலம், பிரெயில் காட்சிப்படுத்தியைத் தெரிவுசெய்க உரையாடல் இயக்கப்படும். பிரெயில் வெளியீட்டிற்கு எந்த பிரெயில் காட்சிப்படுத்தியை என்விடிஏ பயன்படுத்த வேண்டுமென்பதை வரையறுக்க இவ்வுரையாடல் தங்களை அனுமதிக்கிறது. தாங்கள் விரும்பும் பிரெயில் காட்சிப்படுத்தியைத் தெரிவுசெய்த பின்னர், 'சரி' பொத்தானை அழுத்தினால், அக்காட்சிப்படுத்தியை என்விடிஏ ஏற்றும். காட்சிப்படுத்திக்கான இயக்கியை ஏற்றுவதில் பிழையிருந்தால், என்விடிஏ அதை அறிவித்துவிட்டு, முந்தைய காட்சிப்படுத்தி ஏதேனும் இருக்குமாயின், அதைத் தொடர்ந்து பயன்படுத்தும்.

பிரெயில் காட்சிப்படுத்தி

தங்கள் கணினியில் எந்த பிரெயில் இயக்கிகள் இருக்கின்றன என்பதைக் கருத்தில் கொண்டு, பல விருப்பத் தேர்வுகள், இச்சேர்க்கைப் பெட்டியில் முன்வைக்கப்படும். அம்பு விசைகளைக் கொண்டு, இவ்விருப்பத் தேர்வுகளுக்கிடையே நகரவும்.

ஆதரவளிக்கப்படும் பல பிரெயில் காட்சிப்படுத்திகளை பின்னணியில் தேடிக் கண்டறிய, தன்னியக்கம் விருப்பத் தேர்வு என்விடிஏவை அனுமதிக்கிறது. இந்த விருப்பத் தேர்வு தேர்வாகியிருந்து, ஆதரவளிக்கப்படும் ஒரு காட்சிப்படுத்தியை ஊடலை, அல்லது யுஎஸ்பி மூலம் இணைக்கப்பட்டிருந்தால், என்விடிஏ காட்சிப்படுத்தியுடன் தானாக இணையும்.

'பிரெயில் ஏதுமில்லை' என்றால், தாங்கள் பிரெயிலைப் பயன்படுத்துவதில்லை என்று பொருள்.

பிரெயில் காட்சிப்படுத்திகளையும், இவைகளில் எவை பின்னணியில் தானாகக் கண்டறியும் வசதியை ஆதரிக்கின்றன என்பதைப் பற்றி மேலும் அறிந்து கொள்ள, ஆதரவளிக்கப்படும் பிரெயில் காட்சிப்படுத்திகள் பிரிவைக் காணவும்.

தானாகக் கண்டறிவதற்கான காட்சிப்படுத்திகள்

பிரெயில் காட்சிப்படுத்தி 'தன்னியக்கம்' என்று அமைக்கப்பட்டிருக்கும்பொழுது, தன்னியக்க செயல்முறையில் ஈடுபடும் காட்சிப்படுத்திகளின் இயக்கிகளை முடுக்கவும், முடக்கவும் இப்பட்டியலில் இருக்கும் தேர்வுப் பெட்டிகள் அனுமதிக்கின்றன. தாங்கள் வழமையாகப் பயன்படுத்தாத பிரெயில் காட்சிப்படுத்தி இயக்கிகளை விலக்க இது அனுமதிக்கிறது. எடுத்துக்காட்டாக, பௌம் இயக்கி மட்டுமே செயல்பட வேண்டிய பிரெயில் காட்சிப்படுத்தியைத் தாங்கள் பயன்படுத்தினால், பௌம் இயக்கியை மட்டும் முடுக்கிவிட்டு, பிற இயக்கிகளை முடக்கிவைக்கலாம்.

தானாகக் கண்டறிவதை ஆதரிக்கும் எல்லா இயக்கிகளும் இயல்பில் முடுக்கப்பட்டிருக்கும். வருங்கால என்விடிஏ பதிப்பு, அல்லது ஒரு நீட்சிநிரலினால் சேர்க்கப்படும் இயக்கிகளும் இயல்பில் முடுக்கப்படும்.

தாங்கள் பயன்படுத்தும் பிரெயில் காட்சிப்படுத்தியின் இயக்கி தன்னியக்க கண்டறிதலை ஆதரிக்கிறதா என்பதை, ஆதரிக்கப்படும் பிரெயில் காட்சிப்படுத்திகள் பிரிவில் இருக்கும் அக்காட்சிப்படுத்திக்கான விளக்கத்தைப் படித்து அறிந்துகொள்ளவும்.

நுழைவாயில்

இவ்விருப்பத் தேர்வு இருக்கும்பட்சத்தில், தாங்கள் தேர்ந்தெடுத்திருக்கும் பிரெயில் காட்சிப்படுத்தியுடன் தொடர்பாடலை மேற்கொள்ள, எந்த நுழைவாயில், அல்லது தொடர்பு பயன்படுத்தப்பட வேண்டும் என்று முடிவுசெய்ய அது உதவும். இது, தங்களின் பிரெயில் காட்சிப்படுத்திக்கான வாய்ப்புள்ள தேர்வுகளைக் கொண்டிருக்கும் சேர்க்கைப் பெட்டியாகும்.

இயல்பில், கணினியில் இருக்கும் நுழைவாயில்களை என்விடிஏ தானாகக்் கண்டறியும். அதாவது, கணினியில் இருக்கக் கூடிய யுஎஸ்பி, அல்லது ஊடலையைக் கண்டறிந்து, அதன் மூலம் பிரெயில் காட்சிப்படுத்தியுடன் தொடர்பை ஏற்படுத்தும். ஆனால், சில பிரெயில் காட்சிப்படுத்திகளுக்கு, பயன்படுத்தத்தக்க நுழைவாயிலைத் தாங்கள் வெளிப்படையாகத் தேர்வு செய்யக் கூடியதாக இருக்கும். தன்னியக்கம், யுஎஸ்பி, ஊடலை ஆகியவைகள் பொதுவான விருப்பத் தேர்வுகளாகும். தன்னியக்கம் என்றால், நுழைவாயிலைத் தானாகக் கண்டறியும் முறைமையை என்விடிஏ பயன்படுத்தும். மேலும், தங்கள் பிரெயில் காட்சிப்படுத்தி, மரபுத் தொடர் தொடர்பாடல் நுழைவாயிலுக்கு ஆதரவளிக்கும்பட்சத்தில், அதுவும் ஒரு விருப்பத் தேர்வாக அமையும்.

தங்களின் பிரெயில் காட்சிப்படுத்தி, நுழைவாயிலைத் தானாகக் கண்டறியும் வசதியை மட்டும் கொண்டிருந்தால், இவ்விருப்பத் தேர்வு காணப்பட மாட்டாது.

ஆதரவளிக்கப்படும் தொடர்பாடல்கள், நுழைவாயில்கள் குறித்து மேலும் அறிய, ஆதரவளிக்கப்படும் பிரெயில் காட்சிப்படுத்திகள் பகுதியில் காணப்படும் ஆவணத்தைக் காணவும்.

சேக்கா பிரெயில் காட்சிப்படுத்திகளை இணைப்பது போன்று, ஒரே இயக்கியைப் பயன்படுத்தும் பல காட்சிப்படுத்திகளை தங்கள் கணினியுடன் இணைப்பதாக இருந்தால், எந்தக் காட்சிப்படுத்தியைப் பயன்படுத்த வேண்டுமென்பதை என்விடிஏவிற்கு அறிவுறுத்த இப்போதைக்கு இயலாது என்பதை நினைவில் கொள்ளவும். ஆகவே, ஒரு உற்பத்தியாளர், அல்லது ஒரு வகை காட்சிப்படுத்தியை மட்டும் தங்கள் கணினியுடன் ஒரே தருணத்தில் இணைக்குமாறு பரிந்துரைக்கப்படுகிறது.

ஒலிதம்

ஒலித அமைப்புகளைத் திறவுக

விசை: என்விடிஏ+கட்டுப்பாடு+u

என்விடிஏ அமைப்புகளில் இருக்கும் ஒலிதம் வகைமை, ஒலி வெளியீட்டின் பல்வேறு சிறப்பியல்புகளை மாற்றியமைக்கும் விருப்பத் தேர்வுகளைக் கொண்டுள்ளது.

வெளியீட்டுக் கருவி

தேர்ந்தெடுக்கப்பட்டுள்ள ஒலிப்பான், எந்த ஒலிக் கருவி வழியே பேச வேண்டும்ென்று என்விடிஏவை அறிவுறுத்த, இச்சேர்க்கைப் பெட்டி உதவுகிறது.

பின்னொலித் தணிப்பு முறை

விசை: என்விடிஏ+மாற்றழுத்தி+d

என்விடிஏ பேசிக் கொண்டிருக்கும்பொழுது, அல்லது இயக்கத்தில் இருக்கும் எல்லா நேரமும் பின்புலத்தில் கேட்கும் பிற பயன்பாடுகளின் கேட்பொலிகளின் அளவைத் தாழ்த்த வேண்டுமா என்று தீர்மானிக்க இச்சேர்க்கைப் பெட்டி உதவுகிறது.

• பின்னொலித் தணிப்பு செயல்படாது: பின்புலத்தில் கேட்கும் பிற பயன்பாடுகளின் கேட்பொலியின் அளவை என்விடிஏ தணித்திடாது.
• பேசும்பொழுதும், ஒலியை எழுப்பும்பொழுதும் பின்னொலித் தணிப்பு செயல்படும்: என்விடிஏ பேசும்பொழுதும், ஒலியை எழுப்பும்பொழுதும் மட்டும்தான், என்விடிஏ, பின்புலத்தில் கேட்கும் பிற பயன்பாடுகளின் கேட்பொலி அளவைத் தணித்திடும். ஆனால், இவ்வசதி எல்லா ஒலிப்பான்களிலும் செயற்்படுவதில்லை.
• எப்பொழுதும் பின்னொலித் தணிப்பு செயல்படும்: என்விடிஏ இயக்கத்தில் இருக்கும்பொழுதெல்லாம், பின்புலத்தில் கேட்கும் பிற பயன்பாடுகளின் கேட்பொலிகளின் அளவை எப்பொழுதும் தணித்து வைத்திருக்கும்.

என்விடிஏ நிறுவப்பட்டிருக்கும் பொழுதுதான் இவ்விருப்பத் தேர்வு கிடைப்பில் இருக்கும். என்விடிஏவின் கொண்டுசெல்லத்தக்க, மற்றும் தற்காலிகப் படிகளில் பின்னொலித் தணிப்புக்கு ஆதரவில்லை.

மைக்ரோசாஃப்ட் பேச்சு ஏபிஐ பதிப்பு 4 (சாப்பி 4), அல்லது 32 நுண்மி மைக்ரோசாஃப்ட் பேச்சு ஏபிஐ பதிப்பு 5 (சாப்பி 5) பயன்படுத்தும்பொழுது பின்னொலித் தணிப்பு கிடைப்பிலிருக்காது.

குரல் ஒலியளவை என்விடிஏ ஒலிகளின் அளவு பின்தொடரும்

இத்தேர்வுப் பெட்டி தேர்வாகியிருந்தால், தாங்கள் பயன்படுத்தும் குரல் அமைப்பின் ஒலியளவை, என்விடிஏவின் ஒலிகள் மற்றும் சிற்றொலிகளுக்கான ஒலியளவு பின்தொடரும். குரல் ஒலியளவைத் தாங்கள் தாழ்த்தினால், ஒலிகளின் ஒலியளவும் தாழ்த்தப்படும். அதுபோலவே, குரல் ஒலியளவைத் தாங்கள் உயர்த்தினால், ஒலிகளின் ஒலியளவும் உயர்த்தப்படும்.

என்விடிஏ ஒலிகளின் அளவு

என்விடிஏவின் ஒலிகள், சிற்றொலிகளின் ஒலியளவை அமைக்க இந்நகர்வுகோல் தங்களை அனுமதிக்கிறது. 'குரல் ஒலியளவை என்விடிஏவின் ஒலிகள் பின்தொடரும்' விருப்பத் தேர்வு முடக்கப்பட்டிருந்தால் மட்டுமே இவ்வமைப்பு செயலிற்கு வரும்.

ஒலிப் பிளவு

தலையணி ஒலிவழங்கி மற்றும் ஒலிப்பெருக்கி போன்ற வெளியீட்டுக் கருவிகளின் பிரியோசை கூறினைப் பயன்படுத்திக் கொள்ள ஒலிப் பிளவு அனுமதிக்கிறது. என்விடிஏவின் பேச்சு ஒரு அலைத்தடத்திலும் எ.கா. இடது, பிற பயன்பாடுகளின் ஒலிகள் மற்றொரு அலைத்தடத்திலும் எ.கா. வலது ஒலிக்கச் செய்ய ஒலிப் பிளவினால் இயலும். ஒலிப் பிளவு இயல்பில் முடக்கப்பட்டிருக்கும். பல ஒலிப் பிளவு முறைகளுக்கு ஊடாக சுழல ஒரு சைகை அனுமதிக்கிறது

இயல்பில், இக்கட்டளை பின்வரும் முறைகளுக்கு ஊடாகச் சுழலும்:

• ஒலிப் பிளவு முடக்கப்பட்டது: என்விடிஏ எந்த ஒலிப் பிளவு செயலாக்கத்தையும் பயன்படுத்தாது.
• என்விடிஏ இடப்புறமாகவும், பிற பயன்பாடுகள் வலப்புறமாகவும்: என்விடிஏ இடப்புற அலைத்தடத்தில் பேசிடும், பிற பயன்பாடுகள் வலப்புற அலைத்தடத்தில் ஒலிகளை வெளியிடும்.
• என்விடிஏ இடப்புறமாகவும், பிற பயன்பாடுகள் இருபுறமாகவும்: என்விடிஏ இடப்புற அலைத்தடத்தில் பேசிடும், பிற பயன்பாடுகள், இடது, வலது ஆகிய இரு அலைத்தடங்களிலும் ஒலிகளை வெளியிடும்.

என்விடிஏ அமைப்பு சேர்க்கைப் பெட்டியில் இன்னும் பல மேம்பட்ட ஒலிப் பிளவு முறைகள் உள்ளன. இம்முறைகளில், "இரு அலைத்தடங்களிலும் என்விடிஏ" மற்றும் "இரு அலைத்தடங்களிலும் பயன்பாடுகள்" என்கிற முறை, எல்லா ஒலிகளையும் இரு அலைத்தடங்களிலும் ஒலிக்கக் கட்டாயப்படுத்தப்படும். அலைத்தடங்களின் ஒலியளவில் பிற ஒலிகளின் செயலாக்கம் குறுக்கிடும்பட்சத்தில், ஒலிப் பிளவு முடக்கப்பட்ட முறை யிலிருந்து இம்முறை வேறுபடலாம்.

ஒலிப் பிளவு ஒலிக் களவையாகச் செயல்படாது என்பதை நினைவில் கொள்ளவும். எடுத்துக்காட்டாக, என்விடிஏ இடப்புறமாகவும், பிற பயன்பாடுகள் வலப்புறமாகவும் என்று ஒலிப் பிளவு அமைக்கப்பட்ட நிலையில் ஒரு பயன்பாடு பிரியோசையை இசைத்தால், அந்தப் பிரியோசையின் வலப்புற ஒலித்தடத்தை மட்டும்தான் தாங்கள் கேட்க இயலும், இடப்புற ஒலித்தடம் அமைதியாக்கப்பட்டிருக்கும்.

என்விடிஏ செயலிழந்தால், அது பயன்பாட்டு ஒலிகளின் ஒலியளவை மீட்டெடுக்க இயலாது என்பதோடு, அந்தப் பயன்பாடுகள், ஒரு அலைத்தடத்தில் மட்டுமே ஒலியை வெளியிடும் என்பதை நினைவில் கொள்ளவும். இதை சரிசெய்ய, என்விடிஏவை மறுதுவக்கி, "இரு அலைத்தடங்களிலும் என்விடிஏ" மற்றும் "இரு அலைத்தடங்களிலும் பயன்பாடுகள்" என்கிற முறையைத் தெரிவு செய்யவும்.

ஒலிப் பிளவு முறைகளைத் தனிப்பயனாக்குதல்

என்விடிஏ+நிலைமாற்றி+s விசையைப் பயன்படுத்தி ஒலிப் பிளவு முறைகளுக்கிடையே சுழலும்பொழுது, எந்தெந்த முறைகள் சேர்த்துக்கொள்ளப்பட வேண்டுமென்பதை வரையறுக்க இந்த தேர்வுப் பட்டியல் அனுமதிக்கிறது. தேர்வு செய்யப்படாத முறைகள் விலக்கப்படும். இயல்பில், மூன்று முறைகள் மட்டுமே சேர்த்துக்கொள்ளப்பட்டிருக்கும்.

• ஒலிப் பிளவு முடக்கப்பட்டது.
• என்விடிஏ இடப்புற அலைத்தடத்திலும், பிற பயன்பாடுகள் வலப்புற அலைத்தடத்திலும்்.
• என்விடிஏ இடப்புற அலைத்தடத்திலும், பிற பயன்பாடுகள் இரு அலைத்தடங்களிலும்.

குறைந்தபட்சம் ஒரு முறையையாவது தேர்வு செய்ய வேண்டுமென்பதை நினைவில் கொள்ளவும்.

பேச்சுக்குப் பிறகு ஒலிதக் கருவியை விழிப்புடன் வைத்திருக்க வேண்டிய நேரம்

பேச்சு முடிந்த பிறகு எத்தனை நேரம் ஒலிதக் கருவி விழிப்புடன் வைக்கப்பட்டிருக்க வேண்டுமென்பதை இந்த தொகுகளம் வரையறுக்கிறது. சொற்களின் பகுதிகள் கைவிடப்படுவது போன்ற சில பேச்சுக் குறைபாடுகளைத் தவிர்க்க என்விடிஏவை இது அனுமதிக்கிறது. ஒலிதக் கருவிகள், குறிப்பாக ஊடலை மற்றும் இழையிலாக் கருவிகள் காத்திருப்பு நிலைக்கு செல்வதால் இது ஏற்படலாம். சிட்ரிக்ஸ் மெய்நிகர் மேசைத்தளம் போன்ற மெய்நிகர் கருவிகளில், அல்லது சில மடிக்கணினிகளில் என்விடிஏவைப் பயன்படுத்தும்பொழுது இது பயனுள்ளதாக இருக்கும்.

குறைந்த மதிப்புகள், கருவியை காத்திருப்பு நிலைக்கு விரைவில் இட்டுச் செல்லும் என்பதால், ஒலி வெளியீடு அடிக்கடி துண்டிக்கப்பட்டு, தொடர்ந்து வரும் பேச்சின் துவக்கம் வெட்டப்படும். மதிப்பை மிகவும் உயர்த்தி அமைத்தால், ஒலி வெளியீடு இல்லாத நிலையிலும் ஒலிக் கருவிகள் நெடுநேரம் இயக்கத்தில் இருக்குமென்பதால், ஒலிக் கருவிகளின் மின்கலன்கள் மின்சாரத்தை விரைவில் இழக்கும்.

இக்கூறினை முடக்க, நேரத்தை சுழியம் என்று அமைக்கலாம்.

தனியுரிமை மற்றும் பாதுகாப்பு

என்விடிஏவைப் பயன்படுத்தும்பொழுது தங்களின் தனியுரிமை மற்றும் பாதுகாப்பு மீது தாக்கம் செலுத்தும் அமைப்புகளை சரிசெய்ய இவ்வகைமை தங்களை அனுமதிக்கிறது.

திரையை கருமையாக்குக (உடனடி விளைவு)

இவ்விருப்பத் தேர்வு திரைச்சீலையை முடுக்குகிறது, அல்லது முடக்குகிறது. தேர்வுப் பெட்டியில் தேர்வினை இட்டவுடன், அல்லது நீக்கியவுடன் திரைச்சீலை உடனடியாக இடப்படுகிறது, அல்லது விலக்கப்படுகிறது என்பதை நினைவில் கொள்ளவும்.

இயல்பில், இத்தேர்வுப் பெட்டியைத் தாங்கள் தேர்வு செய்தவுடன், திரை கருமையாக்கப்படும் என்று ஒரு எச்சரிக்கை காட்டப்படும். தொடர்வதற்கு முன், பேச்சு மற்றும் பிரெயில் காட்சிப்படுத்தி இயக்கத்தில் இருப்பதையும், திரையைப் பயன்படுத்தாமல் கணினியை தங்களால் கட்டுப்படுத்த இயலுமென்பதையும் உறுதிசெய்துகொள்ளவும். உறுதிசெய்து கொண்ட பின்னர், "ஆம்" பொத்தானை அழுத்தி திரைச்சீலையை இடவும். திரைச்சீலையைத் தாங்கள் இனி பயன்படுத்த விரும்பவில்லை என்றால், 'இல்லை' பொத்தானை அழுத்தவும். இந்த எச்சரிக்கைச் செய்தியை ஒவ்வொரு முறையும் தாங்கள் காண விரும்பவில்லையென்றால், இவ்வுரையாடல் பெட்டியிலேயே கொடுக்கப்பட்டிருக்கும் வசதியைக் கொண்டு இதன் தன்மையை மாற்றியமைக்கலாம்.

திரைச்சீலையை இடும்பொழுது எப்பொழுதும் எச்சரித்திடுக

திரைச்சீலையை இடும்பொழுது எச்சரிக்கை உரையாடல் காட்டப்பட வேண்டுமா என்பதை இவ்விருப்பத் தேர்வு கட்டுப்படுத்துகிறது.

திரைச்சீலையைத் தாங்கள் பயன்படுத்துவது வழக்கமாக இருந்தால், இவ்விருப்பத் தேர்வினை முடக்குவது தங்களுக்கு வசதியாக இருக்கும். எச்சரிக்கை உரையாடல் காட்டப்பட வேண்டாம் என்று தாங்கள் விரும்பினால், இவ்வுரையாடலிலேயே கொடுக்கப்பட்டிருக்கும் தேர்வுப் பெட்டியின் தேர்வினை நீக்கிவிடலாம்.

திரைச்சீலையை இடும்பொழுதும், விலக்கும்பொழுதும் ஒலியை எழுப்புக

திரைச்சீலையை இடும்பொழுது, அல்லது விலக்கும்பொழுது ஒலிக் குறிப்பை இயக்க வேண்டுமா என்பதை இவ்விருப்பத் தேர்வு கட்டுப்படுத்துகிறது.

இயல்பில், திரைச்சீலையை இடும்பொழுதும், விலக்கும்பொழுதும் ஒலிகள் எழுப்பப்படும். இவ்வொலிகளைத் தாங்கள் கேட்க விரும்பவில்லை என்றால், இத்தேர்வுப் பெட்டியின் தேர்வினை நீக்கிவிடவும். உள்ளீட்டுச் சைகையைக் கொண்டு திரைச்சீலையை இடும்பொழுது, அல்லது விலக்கும்பொழுது, பேச்சு/பிரெயில் வாயிலாக தாங்கள் தொடர்ந்து எச்சரிக்கப்படுவீர்கள் என்பதை நினைவில் கொள்ளவும்.

புகுபதிவு நிலை

என்விடிஏ செயல்பட்டு கொண்டிருக்கும்பொழுது, எவ்வளவு தகவலை செயற்குறிப்பேட்டில் சேமிக்க வேண்டும் என்று தங்களை அனுமதிக்கும் சேர்க்கைப் பெட்டியாகும் இது. செயற்குறிப்பேட்டில் தகவல் குறிப்பிடும்படி சேமிக்கப்படுவதில்லை என்பதால், பயனர்கள் இதை பொதுவாக மாற்றத் தேவையில்லை. ஆனால், என்விடிஏ மேம்படுத்துநர்களுக்கு வழு குறித்த அறிக்கையை அளிக்க விரும்பினால், அல்லது செயற்குறிப்பேட்டுப் பதிவினை முழுமையாக முடுக்க, அல்லது முடக்க விரும்பினால், இது பயனுள்ள விருப்பத் தேர்வாக இருக்கும்.

கிடைப்பிலிருக்கும் செயற்குறிப்பேட்டுப் பதிவு நிலைகள் பின்வருகின்றன:

• Disabled: Apart from a brief startup message, NVDA will not log anything while it runs.
• தகவல்: துவக்கத் தகவல், மேம்படுத்துநர்களுக்குப் பயன்படும் செய்திகள் போன்ற அடிப்படைத் தகவல்களை என்விடிஏ, செயற்குறிப்பேட்டில் பதியும்.
• வழுநீக்க எச்சரிக்கை: தீவிரப் பிழைகளினால் ஏற்படாத எச்சரிக்கைத் தகவல்களை என்விடிஏ, செயற்குறிப்பேட்டில் பதியும்.
• உள்ளீடு/வெளியீடு: விசைப் பலகை/பிரெயில் உள்ளீட்டுக் கருவியின் உள்ளீடுகள் மற்றும் பேச்சு/பிரெயில் காட்சிப்படுத்தியின் வெளியீடுகள் பதியப்படும். தங்களின் தனியுரிமை குறித்து கவலைகொண்டால், செயற்குறிப்பேட்டுப் பதிவினை, இவ்விருப்பத் தேர்விற்கு அமைக்காதீர்கள்.
• வழுநீக்கம்: தகவல், எச்சரிக்கை மற்றும் உள்ளீட்டு/வெளியீட்டுத் தகவல்கள் தவிர, கூடுதல் வழுநீக்கத் தகவல்களும் பதியப்படும். உள்ளீடு/வெளீயீடு போலவே, தங்களின் தனியுரிமை குறித்து கவலைகொண்டால், செயற்குறிப்பேட்டுப் பதிவினை, இவ்விருப்பத் தேர்விற்கு அமைக்காதீர்கள்.
• Debug (unredacted): In addition to debug logging, NVDA will not redact secrets such as passwords and API keys from logs. Only enable this temporarily when important debugging information is being redacted.

என்விடிஏ பயன்பாட்டுப் புள்ளிவிவரங்களை சேகரிக்க என்வி அக்ஸஸை அனுமதித்திடுக

இத்தேர்வுப் பெட்டி தேர்வாகியிருந்தால், என்விடிஏ பயனர்களின் எண்ணிக்கையைக் கணக்கிட, இயக்க முறைமை, பிறப்பிட நாடு உள்ளிட்ட குறிப்பான மக்களியல் தரவுகளை என்விடிஏ இற்றாக்கத் துழாவல்களிலிருந்து பெறப்படும் தகவல்களை என்வி அக்ஸஸ் பயன்படுத்தும். இற்றாக்கத் துழாவல்களின்பொழுது, தங்களின் நாட்டையறிய, தங்களின் இணைய நெறிமுறை (IP) முகவரி பயன்படுத்தப்பட்டாலும், அம்முகவரி வைத்துக்கொள்ளப்படுவதில்லை என்பதை நினைவில் கொள்ளவும். இற்றாக்கத்தைத் துழாவத் தேவைப்படும் கட்டாயத் தகவல்களைத் தவிர, பின்வரும் கூடுதல் தகவல்களும் தற்போதைக்கு அனுப்பப்படுகின்றன:

• தற்போதைய என்விடிஏ பயனருக்கான மாதமொரு முறை மாறும் தனித்த அடையாளம்
• என்விடிஏ இடைமுகப்பு மொழி
• இயக்கத்திலிருக்கும் என்விடிஏ, கொண்டுசெல்லத்தக்கப் படியா, அல்லது நிறுவுப் படியா
• இயக்கி செயற்படும் நீட்சிநிரலின் பெயர் உட்பட, நடப்பிலிருக்கும் ஒலிப்பானின் பெயர்
• இயக்கி செயற்படும் நீட்சிநிரலின் பெயர் உட்பட, பிரெயில் காட்சிப்படுத்தியின் பெயர்
• பிரெயில் செயல்பாட்டில் இருந்தால், பிரெயில் வெளீயிடு அட்டவணை

என்விடிஏவின் எதிர்கால மேம்பாட்டிற்கு முன்னுரிமையளிக்க, மேற்கண்ட தகவல்கள் என்வி அக்ஸஸிற்குப் பெரிதும் துணைபுரிகின்றன.

பார்வை

என்விடிஏ அமைப்புகள் உரையாடலில் காணப்படும் பார்வை வகைமையில் பார்வைக்கான துணைக் கருவிகளை முடுக்கலாம், முடக்கலாம், மற்றும் அமைவடிவமாக்கலாம்.

இவ்வகைமையில் கிடைப்பிலிருக்கும் விருப்பத் தேர்வுகளை என்விடிஏவின் நீட்சிநிரல்களைக் கொண்டு நீட்டிக்கலாம். இயல்பில், பின்வரும் விருப்பத் தேர்வுகளை இவ்வகைமை கொண்டுள்ளது:

பார்வைக்குத் துலக்கமாக்குக

பார்வைத் துலக்கம் குழுவாக்கத்தில் காணப்படும் பின்வரும் தேர்வுப் பெட்டிகள், பார்வைத் துலக்கத்தின் தன்மையைக் கட்டுப்படுத்துகிறது:

• துலக்கமாக்குக: பார்வைத் துலக்கத்தை முடுக்குகிறது, அல்லது முடக்குகிறது.
• கணினிக் குவிமையத்தைத் துலக்கமாக்குக: கணினிக் குவிமையத்தின் துலக்கத்தை முடுக்குகிறது, அல்லது முடக்குகிறது.
• வழிசெலுத்திப் பொருளைத் துலக்கமாக்குக: வழிசெலுத்திப் பொருளின் துலக்கத்தை முடுக்குகிறது, அல்லது முடக்குகிறது.
• உலாவும் நிலைச் சுட்டுக்குறியைத் துலக்கமாக்குக: உலாவும் நிகர்நிலைச் சுட்டியின் துலக்கத்தை முடுக்குகிறது, அல்லது முடக்குகிறது.

முதலில் காணப்படும் 'துலக்கமாக்குக' தேர்வுப் பெட்டியின் தேர்வு நிலை, அதை தொடர்ந்து வரும் பிற மூன்று தேர்வுப் பெட்டிகளின் தேர்வு நிலையை தகுந்தவாறு மாற்றியமைக்கும் என்பதை நினைவில் கொள்ளவும். ஆகவே, தேர்வாகாத நிலையில் இருக்கும் 'துலக்கமாக்குக' தேர்வுப் பெட்டியைத் தேர்வு செய்தால், பிற மூன்று தேர்வுப் பெட்டிகளும் தானாகவே தேர்வு செய்யப்படும். 'கணினிக் குவிமையத்தைத் துலக்கமாக்குக' தேர்வுப் பெட்டியை மட்டும் தேர்வுச் செய்துவிட்டு, 'வழிசெலுத்திப் பொருளைத் துலக்கமாக்குக', 'உலாவும் நிலைச் சுட்டுக்குறியைத் துலக்கமாக்குக' ஆகிய பிற இரு தேர்வுப் பெட்டிகளை தேர்வுச் செய்யாமல் விட்டிருந்தால், 'துலக்கமாக்குக' தேர்வுப் பெட்டி, பாதி தேர்வான நிலையில் இருக்கும்.

மூன்றாம் தரப்பு பார்வைத் துணைக் கருவிகளுக்கான அமைப்புகள்

கூடுதல் பார்வைத் துலக்க ஊக்கிகளை என்விடிஏ நீட்சிநிரல்களில் வழங்கலாம். இவ்வூக்கிகள், மாற்றியமைக்கும் அமைப்புகளைக் கொண்டிருந்தால், இவ்வமைப்பு வகைமையில் அவை தனித் தனி குழுக்களாகக் காட்டப்படும். ஒவ்வொரு ஊக்கிக்கான ஆதரவளிக்கப்படும் அமைப்புகளைத் தெரிந்துகொள்ள, அந்தந்த ஊக்கிக்கான ஆவணத்தைக் காணவும்.

Magnifier

Open Magnifier settings

Key: NVDA+control+w

The Magnifier category in the NVDA Settings dialog allows you to configure the default behavior of NVDA's built-in Magnifier feature. All the options of this category have immediate effect on the magnifier but pressing "Cancel" or escape allow to dismiss the changes made.

This settings category contains the following options:

Enable Magnifier

Key: NVDA+shift+w

This option starts or stops the Magnifier.

Zoom

This setting allows you to set the zoom level when using the magnifier. The zoom level can range from 100% (no magnification) to 5000% (maximum magnification). The default value is 200%.

You can always adjust the zoom level on the fly using the zoom in (NVDA+shift+equals) and zoom out (NVDA+shift+minus) commands while the magnifier is active.

Color filter

Key: NVDA+shift+i

This option allows you to select the filter to apply when using the magnifier.

The available options are:

true center tracking

This checkbox controls whether the magnifier should always keep the tracked position centered on the screen, even when the tracked element is next to the screen edges, or if it should allow the tracked position to move towards the edges of the screen. When enabled, the magnifier will always keep the tracked position centered on the screen, which can be helpful for users who prefer a consistent tracked position within the magnified view.

Panning step size

This option allows you to set the panning step size as a percentage of the visible magnified window. This means that when you use manual pan commands, the magnified view will move by the specified percentage of the current visible window size. Higher percentages cause larger movements, making it faster to navigate across the screen, while lower percentages provide finer control for precise positioning.

Follow mouse

This checkbox controls whether the magnifier should follow the mouse pointer. When enabled, the magnified area will automatically move to follow the mouse pointer, which can be helpful for users who navigate primarily using the mouse rather than the keyboard.

Follow system focus

This checkbox controls whether the magnifier should follow the system focus. When enabled, the magnified area will automatically move to follow the system focus, which can be helpful for users who navigate primarily using the keyboard and want the magnifier to track their navigation.

Follow review cursor

This checkbox controls whether the magnifier should follow the review cursor. When enabled, the magnified area will automatically move to follow the review cursor, which can be helpful for users who use the review cursor to navigate through content and want the magnifier to track their navigation.

Follow navigator object

This checkbox controls whether the magnifier should follow the navigator object. When enabled, the magnified area will automatically move to follow the navigator object, which can be helpful for users who use object navigation to navigate through content and want the magnifier to track their navigation.

Tracking mode

This combo box allows you to select the focus tracking mode when using the magnifier. To cycle through the focus tracking modes, please assign a custom gesture using the Input Gestures dialog. The available options are:

விசைப்பலகை

விசைப்பலகை அமைப்புகளைத் திறவுக

விசை: என்விடிே+கட்டுப்பாடு+k

விசைப் பலகையைப் பயன்படுத்தி தட்டச்சிடும்பொழுது, என்விடிஏ எவ்வாறு செயல்பட வேண்டுமென்பதை வரையறுக்க, என்விடிஏ அமைப்புகள் உரையாடலில் காணப்படும் விசைப் பலகை வகைமை அனுமதிக்கிறது. இவ்வமைப்புகள் வகைமை, பின்வரும் விருப்பத் தேர்வுகளைக் கொண்டுள்ளது:

விசைப்பலகைத் தளவமைப்பு

என்விடிஏ, எந்த விசைப்பலகைத் தளவமைப்பைப் பயன்படுத்த வேண்டுமென்று தீர்மானிக்க, இச்சேர்க்கைப் பெட்டி உதவுகிறது. தற்போது, மேசைக்கணினி, மடிக்கணினி ஆகிய இரு தளவமைப்புகளைக் கொண்டு என்விடிஏ வெளிவருகிறது.

என்விடிஏ மாற்றியமைப்பி விசைகளைத் தெரிவுசெய்க

எந்தெந்த விசைகளை என்விடிஏ மாற்றியமைப்பி விசைகளாகப் பயன்படுத்தலாம் என்பதை இப்பட்டியலிலுள்ள தேர்வுப் பெட்டிகள் வரையறுக்கின்றன. பின்வரும் விசைகளைத் தேர்வுச் செய்யலாம்:

• முகப்பெழுத்துப் பூட்டு விசை
• எண் திட்டில் காணப்படும் செருகு விசை
• நீட்டிக்கப்பட்ட செருகு விசை (அம்பு விசைகளுக்கு மேலாகவும், முகப்பு மற்றும் முடிவு விசைகளுக்கு அருகாமையிலும் அமைந்திருப்பது)

எந்தவொரு விசையும் என்விடிஏ விசையாக தேர்ந்தெடுக்கப்படாதிருந்தால், பல என்விடிஏ கட்டளைகளை அணுக இயலாமல் போகலாம். ஆகவே, குறைந்தபட்சம் ஒரு விசையாவது தேர்ந்தெடுக்கப்பட வேண்டும்.

தட்டச்சிடப்படும் வரியுருக்களைப் பேசுக

விசை: என்விடிஏ+2

விசைப்பலகையில் தாங்கள் தட்டச்சிடும் வரியுருக்களை என்விடிஏ படிப்பதை இவ்விருப்பத் தேர்வு கட்டுப்படுத்திடும். கிடைப்பிலிருக்கும் விருப்பத் தேர்வுகள்:

• படித்திடாது: தட்டச்சிடப்படும் வரியுருக்களை என்விடிஏ அறிவித்திடாது.
• தொகு கட்டுப்பாடுகளில் மட்டும்: தொகு கட்டுப்பாடுகள் மற்றும் உரை தட்டச்சிடப்படக் கூடிய இடங்களில் தட்டச்சிடப்படும் வரியுருக்களை மட்டும் படித்திடும்.
• எப்பொழுதும்: தட்டச்சிடப்படும் எல்லா வரியுருக்களையும் என்விடிஏ படித்திடும்.

தட்டச்சிடப்படும் சொற்களைப் பேசுக

விசை: என்விடிஏ+3

விசைப்பலகையில் தாங்கள் தட்டச்சிடும் சொற்களை என்விடிஏ படிப்பதை இவ்விருப்பத் தேர்வு கட்டுப்படுத்திடும். கிடைப்பிலிருக்கும் விருப்பத் தேர்வுகள்:

• படித்திடாது: தட்டச்சிடப்படும் சொற்களை என்விடிஏ அறிவித்திடாது.
• தொகு கட்டுப்பாடுகளில் மட்டும்: தொகு கட்டுப்பாடுகள் மற்றும் உரை தட்டச்சிடப்படக் கூடிய இடங்களில் தட்டச்சிடப்படும் சொற்களை மட்டும் படித்திடும்.
• எப்பொழுதும்: தட்டச்சிடப்படும் எல்லா சொற்களையும் என்விடிஏ படித்திடும்.

வரியுருக்கள் தட்டச்சிடப்படும்பொழுது பேச்சைக் குறுக்கிடுக

இத்தேர்வுப் பெட்டித் தேர்வாகியிருந்தால், ஒரு வரியுரு ஒவ்வொரு முறையும் தட்டச்சிடப்படும்பொழுது, பேச்சு குறுக்கிடப்படும். இயல்பில், இத்தேர்வுப் பெட்டித் தேர்வாகியிருக்கும்.

உள்ளிடு விசை அழுத்தப்படும்பொழுது பேச்சைக் குறுக்கிடுக

இத்தேர்வுப் பெட்டித் தேர்வாகியிருந்தால், உள்ளிடு விசை ஒவ்வொரு முறையும் அழுத்தப்படும்பொழுது, பேச்சு குறுக்கிடப்படும். இயல்பில், இத்தேர்வுப் பெட்டித் தேர்வாகியிருக்கும்.

எல்லாம் படிக்கும்பொழுது மேலோட்டப் படித்தலை அனுமதித்திடுக

இயல்பில் தேர்வாகாதிருக்கும் இத்தேர்வுப் பெட்டியைத் தேர்வுச் செய்தால், உலாவும் நிலையில் பயன்படுத்தப்படும் ஒற்றை எழுத்து கட்டளைகளை, அல்லது அடுத்த வரி, அடுத்த பத்திக்குச் செல்ல பயன்படுத்தப்படும் கட்டளைகளை இயக்கும் பொழுது, எல்லாம் படித்தலை நிறுத்தாமல், புதிய நிலைக்குத் தாவி, எல்லாம் படித்தலைத் தொடரும்.

முகப்பெழுத்துப் பூட்டப்பட்டிருக்கும்பொழுது, கீழ்தட்டு விசையை அழுத்தினால், சிற்றொலியை எழுப்புக

இத்தேர்வுப் பெட்டித் தேர்வாகியிருந்தால், முகப்பெழுத்துப் பூட்டு இடப்பட்டிருக்கும் நிலையில், முகப்பெழுத்துகளைத் தட்டச்சிட மாற்றழுத்தி விசையை அழுத்தினால், என்விடிஏ சிற்றொலியை எழுப்பும். முகப்பெழுத்துப் பூட்டு இடப்பட்டிருக்கும்பொழுது, முகப்பெழுத்தைத் தட்டச்சிட, மாற்றழுத்தி விசையை அழுத்தத் தேவையில்லை. முகப்பெழுத்துப் பூட்டு இடப்பட்டிருக்கிறது என்பதை அறியாததுதான், இத்தவறுக்குக் காரணம். ஆகவே, இதுபோன்று தவறு செய்யும் தருணங்களில், என்விடிஏ எச்சரிப்பது மிகவும் தேவையானதாகும்.

கட்டளை விசைகளைப் பேசுக

விசை: என்விடிஏ+4

இத்தேர்வுப் பெட்டித் தேர்வாகியிருந்தால், கட்டுப்பாடு விசையுடன் அழுத்தப்படும் கட்டளை விசைகள் உட்பட, வரியுருக்கள் அல்லாத விசை உள்ளீடுகளும் அறிவிக்கப்படும்.

தட்டச்சிடும்பொழுது ஏற்படும் எழுத்துப் பிழைகளை அறிவிக்க ஒலியை எழுப்புக

இத்தேர்வுப் பெட்டித் தேர்வாகியிருந்தால், தாங்கள் தட்டச்சிட்டிருக்கும் சொல்லில் எழுத்துப் பிழை இருப்பின், அதை அறிவிக்க வண்டொலி போன்றதொரு குறுவொலி எழுப்பப்்படும். என்விடிஏவின் ஆவண வடிவூட்டம் அமைப்புகளில் காணப்படும்எழுத்துப் பிழைகளை அறிவித்திடுக என்கிற தேர்வுப் பெட்டி தேர்வாகியிருந்தால் மட்டுமே இவ்விருப்பத் தேர்வு கிடைப்பிலிருக்கும்.

பிற பயன்பாடுகளின் விசைகளைக் கையாள்க

திரை விசைப் பலகை, பேச்சறியும் மென்பொருள் போன்ற பிற பயன்பாடுகளின் விசை உள்ளீடுகளை என்விடிஏ கையாள வேண்டுமா என்பதை பயனர்கள் கட்டுப்படுத்த இத்தேர்வுப் பெட்டி அனுமதிக்கிறது. இயல்பில், இத்தேர்வுப் பெட்டித் தேர்வாகியிருப்பினும், வியட்னாமிய மொழியில் பயன்படுத்தப்படும் யுனிகீ (UniKey) உள்ளீடு போன்ற மென்பொருட்களைப் பயன்படுத்துபவர்கள், தவறான உள்ளீடுகளைத் தவிர்க்க, இத்தேர்வினை நீக்க விரும்புவார்கள்.

பல விசைகளை அழுத்துவதற்கான காலாவதி நேரம்

சில என்விடிஏ விசைப்பலகை சைகைகள், ஒரே விசையை விரைந்து அடுத்தடுத்து எத்தனை முறை அழுத்தப்படுகிறது என்பதன் அடிப்படையில் வெவ்வேறு செயல்களைச் செய்கின்றன. "வழிசெலுத்திப் பொருளின் தற்போதைய வரியுருவை அறிவித்திடுக" கட்டளை இதற்கு ஒரு எடுத்துக்காட்டாகும். இக்கட்டளையை ஒருமுறை அழுத்தினால் எழுத்தையும், இருமுறை அழுத்தினால் எழுத்தின் ஒலிப்பு விளக்கத்தையும், மும்முறை அழுத்தினால் எழுத்தின் எண் மதிப்பையும் அறிவிக்கிறது. ஒரு விசையின் அழுத்தம், அதே விசையின் தொடர் அழுத்தமில்லை, அது ஒரு புதிய அழுத்தம் என்று வரையறுக்க இவ்விருப்பத் தேர்வு காலாவதி நேரத்தை வடிவமைக்கிறது. எடுத்துக்காட்டு கட்டளையில், மிகக் குறுகிய காலாவதி நேரம், எழுத்து விளக்கத்தை அறிவிக்காமல், அதே எழுத்தை இருமுறை அறிவிக்கும். இயல்பிருப்பு காலாவதி நேரம் 500 நுண்வினாடிகள், அதாவது அரை வினாடி. ஒட்டும் விசைகளைப் பயன்படுத்துபவர்கள், அல்லது உடல் குறைபாடுடையவர்கள் இக்காலாவதி நேரத்தை உயர்த்திக்கொள்வது அவர்களுக்குப் பயனளிக்கும்.

சுட்டி

சுட்டி அமைப்புகளைத் திறந்திடுக

விசை: என்விடிே+கட்டுப்பாடு+m

என்விடிஏ அமைப்புகளில் காணப்படும் சுட்டி வகைமை, சுட்டியைப் பின்தொடருதல், கேட்பொலி இசைவுகளை இயக்குதல் மற்றும் பிற சுட்டி பயன்பாட்டு விருப்பத் தேர்வுகளை அமைக்க என்விடிஏவை அனுமதிக்கிறது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

சுட்டியின் உருவ மாற்றங்களை அறிவித்திடுக

இத்தேர்வுப் பெட்டித் தேர்வாகியிருந்தால், சுட்டியின் குறிமுள், ஒவ்வொரு முறை உருவம் மாறும்பொழுதும், என்விடிஏ அறிவிக்கும். சாளரத்தில், தொகுக்கப்படும் வகையில் ஏதேனும் உள்ளதா, அல்லது ஏதேனும் ஏற்றப்படுகிறதா போன்ற தகவல்களை அறிவிக்க, சுட்டியின் உருவம் மாறும்.

சுட்டியைப் பின்தொடர்க

விசை: என்விடிஏ+m

இத்தேர்வுப் பெட்டித் தேர்வாகியிருந்தால், கணினித் திரையில், சுட்டியின் குறிமுள்ளை நகர்த்தும்பொழுது, குறிமுள்ளின் கீழிருக்கும் உரை படிக்கப்படும். பொருள் வழிசெலுத்தலைப் பயன்படுத்தாமல், சுட்டியைப் பயன்படுத்தும்பொழுது, இது உதவும்.

உரைத் தொகுதியின் துல்லியம்

சுட்டியின் பின்தொடருதல் இயக்கத்தில் இருக்கும்பொழுது, இவ்விருப்பத் தேர்வு, எவ்வளவு துல்லியத்துடன் உரை படிக்கப்பட வேண்டுமென்று வரையறுக்க உதவுகிறது. வரியுரு, சொல், வரி, பத்தி ஆகியவைகளே அவ்விருப்பத் தேர்வுகளாகும்.

உரைத் தொகுதியின் துல்லியத்தை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

ஒரு பொருளின் ஊடாக சுட்டி நுழையும்பொழுது அப்பொருளை அறிவித்திடுக

இத்தேர்வுப் பெட்டித் தேர்வாகியிருந்தால், பொருட்களின் ஊடாக சுட்டி நகரும்பொழுது, அப்பொருட்களின் தகவலை அறிவிக்கும். பொருட்களின் பங்கு (வகை), நிலைகள் (தேர்வானது/அழுத்தப்பட்டது), களங்களின் சந்திநிலை போன்றவை இதில் உள்ளடங்கும். பொருளளிக்கை, ஆவண வடிவூட்டம் போன்ற வகைமைகளில் காணப்படும் அமைப்புகள் எவ்வாறு அமைக்கப்பட்டுள்ளன என்பதைப் பொறுத்து, பொருட்களின் சில தகவல்கள் அறிவிக்கப்படும் என்பதை நினைவில் கொள்ளவும்.

சுட்டி நகரும்பொழுது கேட்பொலி இசைவுகளை இயக்குக

இத்தேர்வுப் பெட்டித் தேர்வாகியிருந்தால், சுட்டியின் குறிமுள் நகரும்பொழுது, என்விடிஏ சிற்றொலிகளை எழுப்பும். திரையின் பரிமாணத்தை ஒப்புநோக்கி, குறிமுள் எங்கிருக்கிறது என்றறிய இது உதவும். சுட்டியின் குறிமுள், திரையில் எத்தனைக்கு எத்தனை உயர்நிலையில் உள்ளதோ, அத்தனைக்கு அத்தனை, சிற்றொலிகளின் சுருதி உயர்வாக இருக்கும். பிரியோசை ஒலிவழங்கி, அல்லது தலையணிக் கேட்பொறியை பயன்படுத்தும்பட்சத்தில், சுட்டியின் குறிமுள், திரையில் எத்தனைக்கு எத்தனை இடமாகவும், வலமாகவும் இருக்கிறதோ, அத்தனைக்கு அத்தனை, ஒலி, இடமாகவும், வலமாகவும் ஒலிக்கும். இவ்விருப்பத் தேர்வினை மாற்றியமைக்க, உள்ளீட்டுச் சைகைகள் உரையாடலில் காணப்படும் சுட்டி வகைமையில் தனிப் பயனாக்கப்பட்ட சைகையை இணைக்கலாம்.

கேட்பொலி இசைவுகலின் ஒலியளவை ஒளிர்வுக் கட்டுப்படுத்துகிறது

சுட்டி நகரும்பொழுது கேட்பொலி இசைவுகளை இயக்குக தேர்வுப் பெட்டித் தேர்வாகியிருந்து, இத்தேர்வுப் பெட்டியையும் தேர்வுச் செய்தால், குறிமுள்ளின் கீழிருக்கும் திரையின் ஒளிர்வு, சிற்றொலிகளின் ஒலியளவைக் கட்டுப்படுத்தும். இயல்பில், இத்தேர்வுப் பெட்டித் தேர்வாகியிருக்காது.

பிற பயன்பாடுகளின் சுட்டி உள்ளீட்டினைப் புறந்தள்ளுக

பிற பயன்பாடுகளின் சுட்டி நகர்வுகள், சொடுக்கிப் பொத்தான்கள் அழுத்தப்படுதல் போன்ற சொடுக்கியின் செயல்களை புறந்தள்ள இத்தேர்வுப் பெட்டி அனுமதிக்கிறது. டீம் வியூவர் மற்றும் பிற தொலைக் கட்டுப்பாட்டு மென்பொருட்களில் சுட்டியின் செயல்கள் இதற்கு எடுத்துக்காட்டுகளாக உள்ளன. இயல்பில், இத்தேர்வுப் பெட்டி தேர்வாகியிருக்காது. இத்தேர்வுப் பெட்டி தேர்வாகியிருந்தால், 'சுட்டியைப் பின்தொடர்க' தேர்வுப் பெட்டி தேர்வாகியிருப்பினும், பிரிதொரு பயன்பாடு சுட்டியை நகர்த்தும்பொழுது, சுட்டியின் கீழ் என்ன இருக்கிறது என்பதை என்விடிஏ அறிவிக்காது.

தொட்டளவளாவுதல்

தொடு வசதி கொண்ட கணினிகளில் மட்டும் காணப்படும் இவ்வகைமை அமைப்புகள் உரையாடல், தொடுதிரைகளுடன் என்விடிஏ எவ்வாறு ஊடாட வேண்டுமென்பதை அமைவடிவமாக்க தங்களை அனுமதிக்கிறது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

தொட்டளவளாவலுக்கான ஆதரவினை முடுக்குக

இத்தேர்வுப் பெட்டி, என்விடிஏவின் தொட்டளவளாவலுக்கான ஆதரவினை முடுக்குகிறது. முடுக்கப்பட்ட நிலையில், ஒரு தொடுதிரைக் கருவியைப் பயன்படுத்தி, தங்களின் விரல்களைக் கொண்டு, திரையில் காணப்படும் உருப்படிகளுக்குச் சென்று, அவைகளுடன் ஊடாடலாம். இவ்வசதி முடக்கப்பட்டால், என்விடிஏ இயக்கத்தில் இல்லாத நிலையில் இருப்பதுபோல் , தொட்டளவளாவலுக்கான ஆதரவு முடக்கப்படும். என்விடிஏ+கட்டுப்பாடு+நிலைமாற்றி+t விசையைப் பயன்படுத்தி இவ்வமைப்பினை மாற்றியமைக்கலாம்.

தொடு தட்டச்சு நிலை

தொடு விசைப்பலகையைப் பயன்படுத்தி உரைகளை எவ்வாறு உள்ளிட விரும்புகிறீர்கள் என்பதை வரையறுக்க இத்தேர்வுப் பெட்டி தங்களை அனுமதிக்கிறது. இத்தேர்வுப் பெட்டி தேர்வாகியிருந்தால், தொடு விசைப்பலகையில் தாங்கள் உள்ளிட விரும்பும் விசையின் மீதிருந்து விரலை விலக்கினால், அவ்விசை உள்ளிடப்படும். இத்தேர்வுப் பெட்டி தேர்வாகாதிருந்தால், தொடு விசைப்பலகையில் தாங்கள் உள்ளிட விரும்பும் எழுத்தினை உள்ளிட, அவ்வெழுத்தின் விசையை இரு முறை தட்ட வேண்டும்.

சீராய்வுச் சுட்டுக்குறி

என்விடிஏ அமைப்புகள் உரையாடலில் காணப்படும் சீராய்வுச் சுட்டுக்குறி வகைமை, என்விடிஏவின் சீராய்வுச் சுட்டுக்குறியின் செயல்பாட்டினை அமைவடிவமாக்கப் பயன்படுகிறது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

கணினிக் குவிமையத்தைப் பின்தொடர்க

விசை: என்விடிஏ+7

இத்தேர்வுப் பெட்டித் தேர்வாகியிருந்தால், கணினிக் குவிமையத்திலிருக்கும் பொருளின் மீது சீராய்வுச் சுட்டுக்குறியும் வைக்கப்படும். குவிமையத்தின் பொருள் மாறும்பொழுதெல்லாம், சீராய்வுச் சுட்டுக்குறியும் உடன் நகரும்.

இமைக்கும் சுட்டுக்குறியைப் பின்தொடர்க

விசை: என்விடிஏ+6

இத்தேர்வுப் பெட்டித் தேர்வாகியிருந்தால், இமைக்கும் சுட்டுக்குறி இருக்குமிடத்தில் சீராய்வுச் சுட்டுக்குறியும் வைக்கப்படும். இமைக்கும் சுட்டுக்குறி நகரும்பொழுது, சீராய்வுச் சுட்டுக்குறியும் உடன் நகரும்.

சுட்டியின் சுட்டுக்குறியைப் பின்தொடர்க

இத்தேர்வுப் பெட்டித் தேர்வாகியிருந்தால், சீராய்வுச் சுட்டுக்குறி, சுட்டியின் குறிமுள்ளைப் பின்தொடரும்.

எளிய சீராய்வு நிலை

இத்தேர்வுப் பெட்டித் தேர்வாகியிருந்தால், பொருட்களின் அடுக்குகளில் இருக்கும் தென்படாத பொருட்கள், தளவமைப்பிற்காக மட்டுமே பயன்படுத்தப்பட்டிருக்கும் பொருட்கள் போன்ற பயனர்களுக்குத் தேவைப்படாத பொருட்களை என்விடிஏ வடிகட்டி விலக்கும்.

எளிய சீராய்வு நிலையை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

பொருளளிக்கை

பொருளளிக்கை அமைப்புகளைத் திறவுக

விசை: என்விடிஏ+கட்டுப்பாடு+o

என்விடிஏ அமைப்புகள் உரையாடலில் காணப்படும் பொருளளிக்கை வகைமை, பொருளின் நிலை, அதன் விளக்கம் போன்று கட்டுப்பாடுகள் குறித்து எந்த அளவு என்விடிஏ தகவலை அளிக்க வேண்டுமென்பதை வரையறுக்க பயன்படுகிறது. இவ்விருப்பத் தேர்வுகள் உலாவு நிலைக்குப் பொருந்தாது. குவிமைய அறிவித்தலுக்கும், என்விடிஏவின் பொருள் வழிசெலுத்தலுக்கும் இவ்விருப்பத் தேர்வுகள் பொருந்தும், ஆனால், உலாவும் நிலையில் இருப்பது போன்ற உரையின் உள்ளடக்கத்தின் படித்தலுக்குப் பொருந்தாது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

கருவிக் குறிப்புகளை அறிவித்திடுக

இத்தேர்வுப் பெட்டித் தேர்வாகியிருந்தால், கருவிக் குறிப்புகள் தோன்றும்பொழுது, அவைகளைப் படிக்கும். பல சாளரங்கள், கட்டுப்பாடுகள் மீது சுட்டியின் குறிமுள், அல்லது குவிமையத்தை நகர்த்தும்பொழுது, அவை ஒரு சிறுத் தகவலை, அல்லது கருவிக் குறிப்பினைக் காண்பிக்கும்.

அறிவிக்கைகளை அறிவித்திடுக

இத்தேர்வுப் பெட்டித் தேர்வாகியிருந்தால், திரைகளில் தோன்றும் உதவிக் குமிழிகளையும், மேலெழும் அறிவிக்கைகளையும் அறிவிக்கும்.

• உதவிக் குமிழிகள், கருவிக் குறிப்புகளைப் போன்றதாகும். ஆனால், இது உருவத்தில் பெரியதாகவும், கணினியில் ஏற்படும் செயல் மாற்றங்களை அறிவிப்பதாகவும் இருக்கும். எடுத்துக்காட்டாக, பிணையத்தின் இணைப்புத் துண்டிக்கப்பட்டிருத்தல், சாளர பாதுகாப்புக் குறித்த தகவல் ஆகியவைகளைக் கூறலாம்.
• விண்டோஸ் 10ல் அறிமுகப்படுத்தப்பட்டுள்ள மேலெழும் அறிவிக்கைகள், முறைமைப் பட்டையில் காணப்படும் அறிவிக்கை மையத்தில் தோன்றும். இற்றாக்கம் தரவிறக்கப்பட்டதா, புதிய மின்னஞ்சல் ஏதேனும் வந்துள்ளதா போன்ற நிகழ்வுகளை அறிவிக்கும்.

பொருளின் குறுக்கு விசைகளை அறிவித்திடுக

இத்தேர்வுப் பெட்டித் தேர்வாகியிருந்தால், ஒரு பொருளின் மீது நகரும்பொழுது, அப்பொருளுக்கான குறுக்கு விசை ஏதுமிருந்தால், என்விடிஏ அதை அறிவிக்கும். எடுத்துக்காட்டாக, கிடநீளப் பட்டியலில் இருக்கும் 'ஃபைல்' உருப்படி, நிலைமாற்றி+f என்கிற குறுக்கு விசையைக் கொண்டிருக்கும்.

பொருள் நிலையின் தகவலை அறிவித்திடுக

இத்தேர்வுப் பெட்டித் தேர்வாகியிருந்தால், பொருள் வழிசெலுத்தியுடன் நகரும்பொழுது, ஒரு பொருளின் நிலையை அறிவிக்கும். எடுத்துக்காட்டாக, பட்டியலில் ஒரு உருப்படியின் நிலையை 4ல் 1 என்று அறிவிப்பதைக் கூறலாம்.

பொருள் நிலையின் தகவல் இல்லாதபொழுது, அதை ஊகித்திடுக

'பொருள் நிலையின் தகவலை அறிவித்திடுக' தேர்வுப் பெட்டித் தேர்வாகியிருந்து, சில கட்டுப்பாடுகளில் பொருளின் நிலை இல்லாதபொழுது, இவ்விருப்பத் தேர்வு அதை ஊகிக்கும்.

இவ்வசதி, பட்டியல், கருவிப்பட்டை போன்ற பல கட்டுப்பாடுகளில் செயற்பட்டாலும், அறிவிக்கப்படும் பொருள் நிலையின் தகவல் ஓரளவு துல்லியமற்று இருக்கும்.

பல்தெரிவினை பொருட்கள் ஆதரிக்கும்பொழுது அறிவித்திடுக

இவ்விருப்பத் தேர்வு முடுக்கப்பட்டிருந்தால், பல உருப்படிகளின் தெரிவினை ஒரு பட்டியல் ஆதரிக்கும்பொழுது அதனை என்விடிஏ அறிவித்திடும். பன்முனைத் தெரிவு ஆதரவினை ஒரு பட்டியலின் சூழலிலிருந்து ஊகிக்க இயலும் என்பதால், இவ்விருப்பத் தேர்வு இயல்பில் முடக்கப்பட்டிருக்கும்.

பொருள் விளக்கங்களை அறிவித்திடுக

பொருட்களின் மீது என்விடிஏ நகரும்பொழுது, அப்பொருட்களின் விளக்கத்தை என்விடிஏ அறிவிக்கவேண்டாமென்று தாங்கள் கருதினால், இத்தேர்வுப் பெட்டியின் தேர்வை நீக்கிவிடவும். தேடு களத்தில் தட்டச்சிட்டவுடன் தோன்றும் பரிந்துரைகள், தோன்றும் உரையாடல் பெட்டியின் உள்ளடக்கங்கள் ஆகியவை படிக்கப்படத் தேவையில்லை எனக் கருதும் தருணங்களை எடுத்துக்காட்டுகளாக கூறலாம்.

முன்னேற்றப் பட்டையின் வெளியீடு

விசை: என்விடிஏ+u

இவ்விருப்பத் தேர்வு, முன்னேற்றப் பட்டையின் இற்றாக்கங்களை எவ்வாறு அறிவிக்க வேண்டுமென்று கட்டுப்படுத்துகிறது.

இது, பின்வரும் விருப்பத் தேர்வுகளைக் கொண்டிருக்கிறது:

• நிறுத்துக: முன்னேற்றப் பட்டையின் இற்றாக்கங்களை அறிவிக்காது.
• பேசுக: முன்னேற்றப் பட்டையின் இற்றாக்கங்களை என்விடிஏ விழுக்காட்டில் அறிவிக்கும்.
• சிற்றொலிகளை எழுப்புக: முன்னேற்றப் பட்டையின் இற்றாக்கங்களுக்கு, என்விடிஏ சிற்றொலிகளை எழுப்பும். சிற்றொலிகள் உச்சத்திற்கு நகரும்பொழுது, முன்னேற்றப் பட்டை முடிவை நெருங்குகிறது என்று பொருள்.
• பேசுக, சிற்றொலிகளை எழுப்புக: முன்னேற்றப் பட்டையின் இற்றாக்கங்களுக்கு, என்விடிஏ பேசவும், சிற்றொலிகளை எழுப்பவும் செய்யும்.

பின்னணி முன்னேற்றப்பட்டைகளின் இயக்கத்தை அறிவித்திடுக

இத்தேர்வுப் பெட்டித் தேர்வாகியிருந்தால், திரையின் முன்னணியில் இல்லாத முன்னேற்றப் பட்டைகளின் இற்றாக்கங்களை அறிவிக்கும். முன்னேற்றப் பட்டையைக் கொண்டுள்ள ஒரு சாளரத்தைத் தாங்கள் குறுக்க, அல்லது விட்டு விலக நேர்ந்தால், என்விடிஏ அச்சாளரத்தை கவனத்தில் வைத்துக் கொண்டு, முன்னேற்றப் பட்டையின் இற்றாக்கங்களை அறிவிக்கும்.

இயங்குநிலை உள்ளடக்க மாற்றங்களை அறிவித்திடுக

விசை: என்விடிஏ+5

முனையம், அரட்டை நிரலிகளின் வரலாறு போன்ற குறிப்பிட்ட பொருட்களில் தோன்றும் புதிய உள்ளடக்கங்களை என்விடிஏ பேசுவதை முடுக்குகிறது, அல்லது முடக்குகிறது.

தன்னியக்கப் பரிந்துரைகள் தோன்றும்பொழுது ஒலியை எழுப்புக

தன்னியக்கப் பரிந்துரைகள் தோன்றும்பொழுது, ஒலியை எழுப்பும் வசதியை முடுக்குகிறது, அல்லது முடக்குகிறது. இவ்வசதி முடுக்கப்பட்டிருந்தால், தன்னியக்கப் பரிந்துரைகள் தோன்றும்பொழுது, என்விடிஏ ஒலியை எழுப்பும். சில ஆவணங்களிலும், தொகு களங்கலிலும் உரை தட்டச்சிடப்படும்பொழுது, பட்டியலிடப்பட்டு பரிந்துரைக்கப்படும் உரைகளே தன்னியக்கப் பரிந்துரைகளாகும். எடுத்துக்காட்டாக, விண்டோஸ் விஸ்டா, அல்லது அதற்கும் பிறகான இயக்கமுறைமைகளில் காணப்படும் துவக்குப் பட்டியலின் 'தேடுக' களத்தில் தட்டச்சிடும்பொழுது, தட்டச்சிடப்பட்டுள்ள உரைக்கேற்ற வண்ணம் பரிந்துரைகள் பட்டியலிடப்படும். விண்டோஸ் 10 பயன்பாடுகளில் காணப்படும் 'தேடுக' களங்கள் போன்ற சில தொகு களங்களில் தாங்கள் தட்டச்சிடும்பொழுது, சில பரிந்துரைகள் பட்டியலிடப்பட்டுள்ளன என்பதை என்விடிஏ தங்களுக்கு அறிவிக்கும். தொகு களங்களைவிட்டுத் தாங்கள் நகர்ந்து செல்லும்பொழுது, தன்னியக்க பரிந்துரைகளின் பட்டியல் மூடிக்கொள்வதோடு, சில களங்களில் இது நிகழ்வதையும் என்விடிஏ தங்களுக்கு அறிவிக்கும்.

உள்ளீடு இயற்றல்

ஐ.எம்.இ., அல்லது உரைச் சேவை உள்ளீடு முறையைக் கொண்டு ஆசிய எழுத்துகளை உள்ளீடு செய்யும்பொழுது, என்விடிஏ இவ்வுள்ளீடுகளை எவ்வாறு அறிவிக்கிறது எந்பதனை உள்ளீடு இயற்றல் வகைமை கட்டுப்படுத்துகிறது. உள்ளீடு முறைகளின் கூறுகளும், தகவல்களை அவைகள் அறிவிக்கும் முறையும் மிகவும் வேறுபடுவதால், சிறப்பான தட்டச்சு அனுபவத்தைப் பெற, அனேகமாக ஒவ்வொரு உள்ளீடு முறைக்கான விருப்பத்தேர்வுகளையும் தனித் தனியே அமைவடிவமாக்க வேண்டியிருக்கும் என்பதை நினைவில் கொள்ளவும்.

இருக்கும் எல்லாத் தேர்வுருக்களையும் தானாக அறிவித்திடுக

இயல்பில் தேர்வாகியிருக்கும் இத்தேர்வுப் பெட்டி, ஒரு தேர்வுருக்கள் உரையாடல் பெட்டித் தோன்றும்பொழுது, அல்லது அதன் பக்கம் மாற்றப்படும்பொழுது, பார்வையில் இருக்கும் எல்லாத் தேர்வுருக்களையும் தானாக அறிவிக்க வேண்டுமா என்று தீர்மானிக்க உதவுகிறது. இத்தேர்வுப் பெட்டித் தேர்வாகியிருந்தால், புதிய சீன சான்ஜாய், பாஷ்யமி போன்ற வரைகலை உள்ளீடு முறையைப் பயன்படுத்தும்பொழுது, எல்லாக் குறியீடுகளும், அதன் எண்களும் தானாக அறிவிக்கப்படும். ஒரு எழுத்தினைத் தாங்கள் எளிதில் தேர்வுச் செய்து கொள்ள இது பயன்படுகிறது. இத்தேர்வுப் பெட்டியின் தேர்வினை நீக்கிவிடவும். இவ்வுள்ளீட்டு முறையில் எல்லாக் குறியீடுகளும் ஒன்றுபோலவே ஒலிப்பதால், அம்பு விசைகளைப் பயன்படுத்தி, ஒவ்வொரு எழுத்திற்கும் நகர்ந்து அதன் எழுத்து விளக்கங்களைக் கொண்டு தேவைப்படும் தேர்வுருவினைத் தேர்வுச் செய்துகொள்ளவும்.

தெரிவாகியுள்ள தேர்வுருவினை அறிவித்திடுக

இயல்பில் தேர்வாகியிருக்கும் இத்தேர்வுப் பெட்டி, தோன்றும் தேர்வுருக்கள் பட்டியலில் தெரிவாகியிருக்கும் வரியுருவினை, அல்லது தெரிவு மாறும்பொழுது, புதிதாக தெரிவாகியிருக்கும் வரியுருவினை அறிவிக்க வேண்டுமா என்று தீர்மானிக்க உதவுகிறது. அம்பு விசைகளைக் கொண்டு தெரிவினை மாற்றக் கூடிய புதிய சீன ஃபொனடிக் போன்ற உள்ளீடு முறைகளுக்கு, இத்தேர்வுப் பெட்டியைத் தேர்வுச் செய்து கொள்ளலாம். ஆனால், சில உள்ளீடு முறைகளுக்கு இத்தேர்வினை நீக்குவது, சிறப்பான முறையில் தட்டச்சிட உதவும். இத்தேர்வு நீக்கப்பட்டிருந்தாலும்கூட, தெரிவாகியுள்ள தேர்வுருவின் மீது சீராய்வுச் சுட்டுக்குறி வைக்கப்பட்டிருப்பதால், தெரிவாகியுள்ள தேர்வுருவினை, அல்லது பிற தேர்வுருக்களை, பொருள் வழிசெலுத்தி / சீராய்வினைப் பயன்படுத்திப் படிக்க இயலும்.

தேர்வுருவிற்கான குறுகிய எழுத்து விளக்கத்தை எப்பொழுதும் சேர்த்துக் கொள்க

இயல்பில் தேர்வாகியிருக்கும் இத்தேர்வுப் பெட்டி, தேர்வுரு தெரிவுசெய்யப்படும்பொழுது, அல்லது தேர்வுருக்களின் பட்டியலில் தோன்றும் எழுத்துகளைத் தானாகப் படிக்கும்பொழுது, தேர்வுருவின் குறுகிய எழுத்து விளக்கத்தை என்விடிஏ வழங்க வேண்டுமா என்று தீர்மானிக்க உதவுகிறது. இவ்விருப்பத் தேர்வு, தெரிவாகியிருக்கும் தேர்வுருக்களுக்கு வழங்கப்படும் கூடுதல் எழுத்து விளக்கங்கள், சீனம் போன்ற மொழிகளில் தாக்கத்தை ஏற்படுத்துவதில்லை என்பதை நினைவில் கொள்ளவும். இவ்விருப்பத் தேர்வு, கொரிய, ஜப்பானிய உள்ளீட்டு முறைகளுக்குப் பயனுள்ளதாக இருக்கும்.

படிக்கும் சரத்தில் ஏற்படும் மாற்றங்களை அறிவித்திடுக

புதிய சீன ஃபொனடிக், புதிய சான்ஜாய் போன்ற சில உள்ளீடு முறைகள், முன் இயற்றப்பட்ட சரம் என்று சில தருணங்களில் அழைக்கப்படும் படிக்கும் சரத்தினை கொண்டிருக்கும். இந்தப் படிக்கும் சரத்தில் உள்ளீடு செய்யப்படும் புதிய எழுத்துகளை என்விடிஏ அறிவிக்க வேண்டுமா என்று தாங்கள் தீர்மானிக்க இத்தேர்வுப் பெட்டி உதவுகிறது. இயல்பில், இத்தேர்வுப் பெட்டித் தேர்வாகியிருக்கும். சீன சாஞ்சாய் போன்ற பழைய உள்ளீட்டு முறைகளில், முன்னியற்றப்பட்ட சரங்களை வைத்துக் கொள்ள, படிக்கும் சரத்தைப் பயன்படுத்துவதில்லை. ஆனால், இயற்றல் சரத்தை இம்முறைகள் நேரடியாகப் பயன்படுத்துகின்றன. இயற்றல் சரத்தினை அமைவடிவமாக்குவது குறித்து அறிய, அடுத்து வரும் விருப்பத் தேர்வினைப் பார்க்கவும்.

இயற்றல் சரத்தில் ஏற்படும் மாற்றங்களை அறிவித்திடுக

படிக்கும் சரம், அல்லது முன்னியற்றப்பட்ட சரம், ஏற்புடைய வரைகலைக் குறியீடுகளாக ஒருங்கிணைக்கப்படும். பிறகு, பல உள்ளீடு முறைகள், இக்குறியீடுகளையும், பிற ஒருங்கிணைக்கப்பட்ட குறியீடுகளையும், ஆவணத்தில் இறுதியாக செருகுவதற்கு முன், ஒரு இயற்றல் சரத்தில் தற்காலிகமாக வைத்துக் கொள்ளும். இயற்றல் சரத்தில் தோன்றும் புதிய குறியீடுகளை என்விடிஏ அறிவிக்க வேண்டுமா என்று தீர்மானிக்க இது உதவுகிறது. இயல்பில், இத்தேர்வுப் பெட்டித் தேர்வாகியிருக்கும்.

உலாவும் நிலை

உலாவும் நிலை அமைப்புகளைத் திறவுக

விசை: என்விடிே+கட்டுப்பாடு+b

என்விடிஏ அமைப்புகள் உரையாடலில் காணப்படும் உலாவும் நிலை வகைமை, வலைப் பக்கங்கள் போன்ற சிக்கலான ஆவணங்களூடே படித்து வழிசெல்லும்பொழுது, என்விடிஏ எவ்வாறு செயல்பட வேண்டுமென்பதை அமைவடிவமாக்கப் பயன்படுகிறது. இவ்வகைமை, பின்வரும் விருப்பத் தேர்வுகளைக் கொண்டுள்ளது:

ஒரு வரியில் இருக்கக்கூடிய வரியுருக்களின் உச்ச அளவு

இவ்வெண் களம், உலாவும் நிலையில், ஒரு வரியில் இருக்கக் கூடிய வரியுருக்களின் உட்சபட்ச அளவை வரையறுக்க உதவுகிறது.

ஒரு பக்கத்தில் இருக்கக்கூடிய வரிகளின் உச்ச எண்ணிக்கை

உலாவும் நிலையில், பக்கம் மேல், பக்கம் கீழ் ஆகிய விசைகளை அழுத்தும்பொழுது, திரையில் தோன்ற வேண்டிய வரிகளின் உச்ச எண்ணிக்கையை, இவ்வெண் களம் கட்டுப்படுத்துகிறது.

திரைத் தளவமைப்பைப் பயன்படுத்துக

விசை: என்விடிஏ+v

தொடுப்புகள், களங்கள், பொத்தான்கள் போன்ற உலாவும் நிலையில் இருக்கும் சொடுக்கத்தக்க உள்ளடக்கங்களை அதனதன் வரியில் வைக்க வேண்டுமா, அல்லது பார்வையுள்ளவர்கள் திரையில் காண்பது போல, உரையின் ஓட்டத்துக்கேற்ப வைக்க வேண்டுமா என்பதைத் தீர்மானிக்க இத்தேர்வுப் பெட்டி உதவுகிறது. அவுட்லுக், வேர்ட் போன்ற மைக்ரோசாஃப்ட் ஆபீஸ் பயன்பாடுகள் எப்பொழுதும் திரைத் தலவமைப்பையே பயன்படுத்துவதால், இவ்விருப்பத் தேர்வு அவைகளுக்குப் பொருந்தாது என்பதை நினைவில் கொள்ளவும். இத்தேர்வுப் பெட்டித் தேர்வாகியிருந்தால், பக்கங்களின் கூறுகள், பார்வையுள்ளவர்கள் காண்பதுபோல், உரையின் ஓட்டத்துக்கேற்ப வைக்கப்படும். எடுத்துக்காட்டாக, பல தொடுப்புகளைக் கொண்ட ஒரு வரி, பேச்சிலும், பிரெயிலும் பார்வைக்குத் தெரிவதுபோல ஒரே வரியில் வைக்கப்படும். இது முடக்கப்பட்டிருந்தால், தொடுப்புகள், பொத்தான்கள் போன்ற ஊடாட்டக் கூறுகள், அதனதன் வரியிலேயே வைக்கப்படும். தொடுப்பு, அல்லது பொத்தானுக்குப் பிறகு வரும் ஊடாடா உரை, படிக்க எளிதாக இருக்க வேண்டுமென்பதற்காக அதே வரியில் வைக்கப்படும். இப்படி தனித் தனி வரிகளில் வைப்பது, பக்கங்களை வரி வரியாக நகர்ந்து படிக்கும்பொழுது, அக்கூறுகளைப் புரிந்துகொள்ள வசதியாக இருப்பதுடன், அவைகளுடன் ஊடாட சில பயனர்களுக்கு எளிதாகவும் இருக்கும்.

பக்கம் ஏற்றப்படும்பொழுது உலாவும் நிலையை முடுக்குக

ஒரு பக்கம் ஏற்றப்படும்பொழுது, உலாவும் நிலை தானாக முடுக்கப்படவேண்டுமா என்று தீர்மானிக்க இத்தேர்வுப் பெட்டி உதவுகிறது. இத்தேர்வுப் பெட்டி தேர்வாகாத நிலையிலும், உலாவும் நிலை ஆதரிக்கப்படும் ஆவணங்களில், உலாவும் நிலையை கைமுறையில் இயக்கலாம். உலாவும் நிலை ஆதரிக்கும் ஆவணங்களின் பட்டியலை உலாவும் நிலைப் பிரிவில் காணவும். உலாவும் நிலையை பயன்படுத்த வேண்டுமென்கிற கட்டாயம் இல்லாத மைக்ரோசாஃப்ட் வேர்ட் போன்ற ஆவணங்களுக்கு இவ்விருப்பத் தேர்வு பொருந்தாது. இயல்பில், இத்தேர்வுப் பெட்டித் தேர்வாகியிருக்கும்.

பக்கம் ஏற்றப்படும்பொழுது எல்லாவற்றையும் தானாகப் படித்திடுக

இத்தேர்வுப் பெட்டி, உலாவும் நிலையில், ஒரு பக்கம் ஏற்றப்படும்பொழுது, அது தானாகப் படிக்கப்படும் வசதியை முடுக்குகிறது, அல்லது முடக்குகிறது. இயல்பில், இத்தேர்வுப் பெட்டித் தேர்வாகியிருக்கும்.

தளவமைப்பு அட்டவணைகளைச் சேர்த்துக் கொள்க

இத்தேர்வுப் பெட்டி, தளவமைப்புகளுக்காக மட்டுமே பயன்படுத்தப்படும் அட்டவணைகளை என்விடிஏ எவ்வாறு கையாள வேண்டுமென்பதை வரையறுக்க உதவுகிறது. தேர்வுப் பெட்டித் தேர்வாகியிருந்தால், அட்டவணைகளை இயல்பானவைகளாகத் தீர்மானித்து, ஆவண வடிவூட்டம் அமைப்புகளைக் கொண்டு அவைகளை அறிவிப்பதுடன், விரைவுக் கட்டளைகளைக் கொண்டும் அவைகளை கண்டறியும். தேர்வாகியிருக்கவில்லை எனில், அட்டவணைகளை அறிவிக்காது என்பதோடில்லாமல், அவைகளை கண்டறிய விரைவுக் கட்டளைகளையும் பயன்படுத்தாது. இருப்பினும், அட்டவணைகளின் உள்ளடக்கங்களை எளிய உரைகளாகக் காண்பிக்கும். இயல்பில், இத்தேர்வுப் பெட்டித் தேர்வாகியிருக்காது.

தளவமைப்பு அட்டவணைகளைச் சேர்த்துக் கொள்ளும் வசதியை எங்கிருந்தாயினும் பயன்படுத்த, உள்ளீட்டுச் சைகைகள் உரையாடலில் தனிப்பயனாக்கப்பட்ட சைகையை இணைக்கவும்.

தொடுப்புகள், தலைப்புகள் போன்ற களங்களின் அறிவித்தலை அமைவடிவமாக்கல்

தொடுப்புகள், தலைப்புகள், அட்டவணைகள் போன்ற களங்களின் அறிவித்தலை அமைவடிவமாக்க, என்விடிஏ அமைப்புகள் உரையாடலில் காணப்படும் ஆவண வடிவூட்டம் வகைமையைக் காணவும்.

குவிமையம் மாறும்பொழுது, குவிமைய நிலையைத் தானாக இயக்குக

இத்தேர்வுப் பெட்டித் தேர்வாகியிருந்தால், குவிமையம் மாறும்பொழுது, குவிமைய நிலைத் தானாக இயக்கப்படும். எடுத்துக்காட்டாக, ஒரு இணையப் பக்கத்தில், தத்தல் விசையை அழுத்தி தாங்கள் ஒரு படிவக் களத்திற்குச் சென்றால், குவிமைய நிலை உடனே தானாக இயக்கப்படும்.

இமைக்கும் சுட்டுக்குறி நகரு்தலுக்கான தன்னியக்க குவிமைய நிலை

இத்தேர்வுப் பெட்டி தேர்வாகியிருந்தால், அம்பு விசைகளைக் கொண்டு நகரும்பொழுது, குவிமையத்திற்குள் செல்லவும், வெளியேறவும் என்விடிஏவை அனுமதிக்கிறது. எடுத்துக்காட்டாக, ஒரு இணையப் பக்கத்தில் அம்பு விசையைக் கொண்டு கீழ்நோக்கி நகரும்பொழுது, ஒரு தொகுகளம் எதிர்பட்டால், என்விடிஏ தங்களை தானாக குவிமையத்திற்குள் கொண்டுவரும். அம்பு விசையைப் பயன்படுத்தி தொகுகளத்தைவிட்டு வெளியேறும்பொழுது, என்விடிஏ தங்களை மீண்டும் உலாவு நிலைக்கு கொண்டுசெல்லும்.

குவிமைய நிலை, உலாவும் நிலை ஆகியவைகளுக்குக் கேட்பொலிச் சைகையை எழுப்புக

இத்தேர்வுப் பெட்டித் தேர்வாகியிருந்தால், உலாவும் நிலை, குவிமைய நிலை ஆகியவைகளுக்கிடையே மாறும்பொழுது, என்விடிஏ, மாற்றத்தை அறிவிக்காமல், ஒலிச் சைகையை எழுப்பும்.

கட்டளைகள் அல்லாத சைகைகளை ஆவணத்திற்குச் செல்லாமல் தடுத்திடுக

என்விடிஏ, அல்லது பொதுவான கட்டளையாகக் கருதப்படாத சைகைகளை, தற்பொழுது குவிமையத்தில் இருக்கும் ஆவணத்திற்குச் செல்லாமல் தடுக்க வேண்டுமா என தீர்மானிக்க, இயல்பில் தேர்வாகியிருக்கும் இத்தேர்வுப் பெட்டி தங்களை அனுமதிக்கிறது. எடுத்துக்காட்டாக, இத்தேர்வுப் பெட்டித் தேர்வான நிலையில், என்விடிஏவின் விரைவுக் கட்டளையாகவும், பயன்பாட்டின் பொதுவான கட்டளையாகவும் இல்லாத 'j' என்கிற விசையை அழுத்தினால், அவ்விசை, ஆவணத்திற்குச் செல்லாமல் தடுக்கப்படும். தடுக்கப்படும் விசையை அழுத்தும்பொழுதெல்லாம், இயல்பான ஒலியை இயக்குமாறு விண்டோஸிற்கு என்விடிஏ அறிவுறுத்தும்.

Browse mode touch navigation elements

This list allows you to choose which element types are available when cycling through elements in browse touch mode. Use the checkboxes to enable or disable individual element types. Only the checked element types will appear when flicking up or down to cycle through browse mode navigation elements. This setting only affects touch navigation and has no effect on keyboard browse mode navigation.

Available element types are those available from single letter navigation.

ஆவண வடிவூட்டம்

ஆவண வடிவூட்ட அமைப்புகளைத் திறவுக

விசை: என்விடிஏ+கட்டுப்பாடு+d

இவ்வகைமையில் இடம்பெற்றிருக்கும் பெரும்பாலான விருப்பத் தேர்வுகள், சுட்டுக்குறியை நகர்த்தி ஆவணங்களைப் படிக்கும்பொழுது, எந்தெந்த வடிவூட்டங்களை என்விடிஏ அறிவிக்க வேண்டுமென்று தீர்மானிக்கப் பயன்படுகிறது. எடுத்துக்காட்டாக, 'எழுத்துருப் பெயரை அறிவித்திடுக' தேர்வுப் பெட்டியைத் தேர்வுச் செய்தால், மற்றொரு எழுத்துருக் கொண்ட உரையின் மீது சுட்டுக்குறியை நகர்த்தும்பொழுது, அவ்வுரையின் எழுத்துருப் பெயரை அறிவிக்கும்.

ஆவண வடிவூட்ட விருப்பத் தேர்வுகள் குழுக்களாக ஒழுங்கமைக்கப்பட்டுள்ளன. கீழ்வரும் வடிவூட்டங்களை அறிவிக்க, என்விடிஏவை அமைவடிவமாக்கலாம்:

• எழுத்துரு
  • எழுத்துருப் பெயர்
  • எழுத்துரு அளவு
  • எழுத்துருப் பண்புகள் (அறிவித்திடாது, பேச்சு, பிரெயில், பேச்சும் பிரெயிலும்)
  • மேலெழுத்துகளும் கீழெழுத்துகளும்
  • வலியுறுத்தல்கள்
  • துலக்கமாக்கப்பட்ட (குறியிடப்பட்ட) உரை
  • பாங்கு
  • நிறங்கள்
• ஆவணத் தகவல்
  • கருத்துரைகள்
  • நூற்குறிகள்
  • திருத்துநர் திருத்தங்கள்
  • எழுத்து, அல்லது இலக்கணப் பிழைகள் (பேச்சு, ஒலி, பிரெயில்)
• பக்கங்களும் வரி இடைவெளியும்
  • பக்க எண்கள்
  • வரி எண்கள்
  • வரியோரச் சீர்மையை அறிவித்தல் (அறிவிக்காது, பேச்சு, ஒலிகள், பேச்சும் ஒலிகளும்)
  • வரியோரச் சீர்மை அறிவித்தலுக்கு வெற்று வரிகளைப் புறக்கணித்திடுக
  • பத்தியோரச் சீர்மை (எ.கா. தொங்கு ஓரச் சீர்மை, முதல் வரியோரச் சீர்மை)
  • வரி இடைவெளி (ஒற்றை, இரட்டை போன்றவை)
  • ஒழுங்கமைப்பு
• அட்டவணைத் தகவல்
  • அட்டவணைகள்
  • கிடைவரிசை/நெடுவரிசைகளின் தலைப்புரைகள் (அறிவித்திடாது, கிடைவரிசைகள், நெடுவரிசைகள், கிடைவரிசைகளும் நெடுவரிசைகளும்)
  • கள சந்தி நிலை
  • கள எல்லைகள் (அறிவிக்காது, பாங்குகள், நிறங்களும் பாங்குகளும்)
• கூறுகள்
  • தலைப்புகள்
  • தொடுப்புகள்
  • தொடுப்பின் வகை (அதே பக்கத்திற்கான இலக்கு)
  • வரைகலைகள்
  • பட்டியல்கள்
  • உரைத் தொகுதிகள்
  • குழுவாக்கங்கள்
  • நிலக்குறிகள்
  • பிரிவுக்கூறுகள்
  • சட்டகங்கள்
  • உருவங்கள் மற்றும் உருவவிளக்கங்கள்
  • சொடுக்கத்தக்கவை

இவ்வமைப்புகளை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகைகளை இணைக்கவும்.

எழுத்துருப் பண்புகள்

அடர்த்தி, சாய்வு, ஊடாகக் கோடு போன்ற எழுத்துருப் பண்புகள் எவ்வாறு அறிவிக்கப்படவேண்டும் என்று வரையறுக்க இவ்விருப்பத் தேர்வு தங்களை அனுமதிக்கிறது. எழுத்துருப் பண்புகள் சேர்க்கைப் பெட்டியில் நான்கு விருப்பத் தேர்வுகள் உள்ளன:

• அறிவித்திடாது: இந்த எழுத்துருப் பண்புகளை என்விடிஏ அறிவித்திடாது.
• பேச்சு: இந்த எழுத்துருப் பண்புகள் மாற்றமடையும்பொழுது என்விடிஏ அறிவித்திடும்.
• பிரெயில்: இந்தப் பண்புகளை என்விடிஏ பிரெயிலில் காட்டிடும். அவை எவ்வாறு காட்டப்படுகின்றன என்பதை என்விடிஏவின் பிரெயில் அமைப்புகளில் சரியாக அமைவடிவமாக்க இயலும்.
• பேச்சும் பிரெயிலும்: மேலே உள்ள இரு முறைகளையும் பயன்படுத்தி எழுத்துருப் பண்புகளை என்விடிஏ அறிவித்திடும்.

சுட்டுக்குறிக்குப் பிறகு ஏற்படும் வடிவூட்ட மாற்றங்களை அறிவித்திடுக

இத்தேர்வுப் பெட்டித் தேர்வாகியிருந்தால், படிக்கப்படும் வரிகளிலுள்ள வடிவூட்ட மாற்றங்களை அறிவிக்க முயலுமாறு இவ்வமைப்பு என்விடிஏவை அறிவுறுத்தும்.

இயல்பில், இமைக்கும் சுட்டுக்குறி/சீராய்வுச் சுட்டுக்குறியின் கீழிருக்கும் வடிவூட்டத்தை மட்டுமே அறிவிக்கும். ஆனால், என்விடிஏவின் செயற்பாடு இடர்படாது என்கிற நிலையிருந்தால், மொத்த வரியின் வடிவூட்டத்தையும் அறிவிக்கும்.

வேர்ட்பேட் போன்ற வடிவூட்டங்கள் தலையாயதாக இருக்கும் ஆவணங்களை சரிபார்க்கும் தருணங்களில், இவ்விருப்பத் தேர்வினை முடுக்கிவிடலாம்.

எழுத்து மற்றும் இலக்கணப் பிழை அறிவித்தல்

உரையைப் படிக்கும்பொழுது எழுத்து மற்றும் இலக்கணப் பிழைகள் எவ்வாறு அறிவிக்கப்பட வேண்டும் என்பதை வரையறுக்க இப்பட்டியலில் இருக்கும் தேர்வுப் பெட்டிகள் தங்களை அனுமதிக்கின்றன. பின்வரும் மூன்று விருப்பத் தேர்வுகளின் எந்தக் கலவையையும் தாங்கள் தேர்வு செய்யலாம்:

• பேச்சு: உரையைப் படிக்கையில் பிழைகளை எதிர்கொள்ளும்பொழுது "எழுத்துப் பிழை", அல்லது "இலக்கணப் பிழை" என்று தக்கவாறு என்விடிஏ அறிவித்திடும்.
• ஒலி: உரையைப் படிக்கையில் எழுத்துப் பிழை, அல்லது இலக்கணப் பிழையை எதிர்கொள்ளும்பொழுது ஒரு சிறு எச்சரிக்கை ஒலியை என்விடிஏ எழுப்பும். பேச்சு, அல்லது ஒலி விருப்பத் தேர்வினை தேர்வுசெய்து, சொற்களாக, அல்லது வரியுருக்களாக படிக்கும்பொழுது, "எழுத்துப் பிழைக்கு வெளியே", அல்லது "இலக்கணப் பிழைக்கு வெளியே" என்பதையும் அறிவித்திடும்.
• பிரெயில்: எழுத்துப் பிழைகள், அல்லது இலக்கணப் பிழைகளை என்பிடிஏ பிரெயிலில் காட்டிடும். எழுத்துப் பிழைகள், அல்லது இலக்கணப் பிழைகள் பிரெயிலில் காட்டப்பட, குறிச்சொற்களைக் கொண்டு காட்சிப்படுத்தியை வடிவூட்டுக விருப்பத் தேர்வு முடுக்கப்பட்டிருக்க வேண்டும்.

செயல்பாட்டு வரம்பின் காரணமாக, எந்த விருப்பத் தேர்வினைத் தேர்வு செய்திருந்தாலும், பத்திகளாக, அல்லது அட்டவணைகளில் களங்களாக படிக்கும்பொழுது, பிழைகளை என்விடிஏ பேச்சாக, அல்லது ஒலியாக அறிவித்திடாது. இதுபோன்ற நிலைகளில், பிழைகளை பிரெயிலில் மட்டுமே காட்டப்பட இயலும்.

இயல்பில், பிழைகள் பேச்சாக அறிவிக்கப்படும்.

பிழைகளை அறிவிப்பதற்கான கிடைப்பிலிருக்கும் விருப்பத் தேர்வுகளுக்கிடையே எங்கிருந்தாயினும் நகர, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும். கிடைப்பிலிருக்கும் விருப்பத் தேர்வுகள்: அறிவித்திடாது, பேச்சு, ஒலி, பேச்சும் ஒலியும்.

பிழைகளை பிரெயிலில் அறிவிக்கும் வசதியை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

வரியோரச் சீர்மையை அறிவித்தல்

வரியோரச் சீர்மை எவ்வாறு அறிவிக்கப்பட வேண்டுமென்று வரையறுக்க இச்சேர்க்கைப் பெட்டி அணுமதிக்கிறது. இது நான்கு விருப்பத் தேர்வுகளைக் கொண்டுள்ளது.

• அறிவிக்காது: வரியோரச் சீர்மையை அறிவிக்காது.
• பேச்சு: ஓரச் சீர்மையின் அளவு மாறுபடும்பொழுது, பேச்சினைக் கொண்டு அறிவிக்கும். பன்னிரண்டு இடைவெளி, நான்கு தத்தல் என்பது போல.
• ஒலிகள்: ஓரச் சீர்மையின் அளவு மாறுபடும்பொழுது, ஒலிகளைக் கொண்டு மாறுதலின் அளவை அறிவித்திடும். ஒவ்வொரு இடைவெளி மாற்றத்திற்கும் ஒலிகளின் சுருதி உயரும். ஒவ்வொரு தத்தல் மாற்றத்திற்கும், நான்கு இடைவெளிகளுக்கான சுருதியின் அளவு, ஒலிகளின் சுருதி உயரும்.
• பேச்சும் ஒலிகளும்: மேற்கூறிய இரு வகைகளையும் கொண்டு ஓரச் சீர்மையை அறிவிக்கும்.

'வரியோரச் சீர்மை அறிவித்தலுக்கு வெற்று வரிகளைப் புறக்கணித்திடுக' தேர்வுப் பெட்டியைத் தாங்கள் தேர்வுச் செய்திருந்தால், வெற்று வரிகளின் ஓரச் சீர்மை மாற்றங்கள் அறிவிக்கப்பட மாட்டாது. ஆதாரக் குறியீட்டு நிரலாக்கம் போன்ற ஓரச் சீர்மை கொண்ட உரைத் தொகுதிகளை பிரிக்க வெற்று வரிகள் பயன்படுத்தப்படும் ஆவணங்களைப் படிக்க இது பயனுள்ளதாக இருக்கும்.

ஆவண வழிசெலுத்தல்

ஆவண வழிசெலுத்தலின் பல்வேறு கூறுகளை சரிசெய்ய இவ்வகைமை தங்களை அனுமதிக்கிறது.

பத்திப் பாங்கு

"கட்டுப்பாடு+மேலம்பு", "கட்டுப்பாடு+கீழம்பு" ஆகிய விசைகளைப் பயன்படுத்தி பத்திகளாக நகரும்பொழுது பயன்படுத்தப்பட வேண்டிய பத்திப் பாங்கினைத் தெரிவுசெய்ய இச்சேர்க்கைப் பெட்டி தங்களை அனுமதிக்கிறது. பின்வருவன கிடைப்பிலிருக்கும் பத்திப் பாங்குகளாகும்:

• பயன்பாட்டினால் கையாளப்படும்: முந்தைய, அல்லது அடுத்த பத்தியைத் தீர்மானிக்க பயன்பாட்டினை என்விடிஏ அனுமதித்து, அதற்கேற்ப வழிசெலுத்தலின்பொழுது புதிய பத்தியைப் படிக்கும். இயல்பில் அமைந்திருக்கும் இப்பாங்கு, பத்தி வழிசெலுத்தலை பயன்பாடு தனக்குள்ளாக ஆதரிக்கும்பொழுது சிறப்பாகச் செயல்படும்.
• ஒற்றை வரி முறிவு: ஒற்றை வரி முறிவை பத்தி குறிகாட்டியாகக் கொண்டு, முந்தைய, அல்லது அடுத்த பத்தியைத் தீர்மானிக்க என்விடிஏ முயலும். பத்தி வழிசெலுத்தலை பயன்பாடு தனக்குள்ளாக ஆதரிக்காமல், ஆவணத்தில் இருக்கும் பத்திகள், "உள்ளிடு" விசையின் ஒற்றை அழுத்தத்தினால் குறிக்கப்பட்டிருக்கும் நிலையில், அத்தகைய ஆவணங்கள் படிக்கப்படும்பொழுது இப்பாங்கு சிறப்பாகச் செயல்படும்.
• பல வரி முறிவு: குறைந்தபட்சம் ஒரு வெற்று வரியை, அதாவது, "உள்ளிடு" விசையின் இரு அழுத்தங்களை பத்திக் குறியீடாகக் கொண்டு, முந்தைய, அல்லது அடுத்த பத்தியை என்விடிஏ தீர்மானிக்க முயலும். தொகுதிப் பத்திகளைப் பயன்படுத்தும் ஆவணங்களைப் படிக்கும்பொழுது இப்பாங்கு சிறப்பாகச் செயல்படும். மைக்ரோசாஃப்ட் வேர்ட் கட்டுப்பாடுகளை அணுக பயனர் இடைமுகப்பு தன்னியக்கமாக்கலைப் பயன்படுத்தாத நிலையில், இப்பத்திப் பாங்கினை மைக்ரோசாஃப்ட் வேர்ட், அல்லது மைக்ரோசாஃப்ட் ஔட்லுக்கில் பயன்படுத்த இயலாது என்பதை நினைவில் கொள்ளவும்.

கிடைப்பிலிருக்கும் பத்திப் பாங்குகளுக்கிடையே எங்கிருந்தாயினும் மாற, உள்ளீட்டுச் சைகைகள் உரையாடலில் இதற்கான தனிப்பயனாக்கப்பட்ட விசையை இணைக்கவும்.

கணித அமைப்புகள்

கணித உள்ளடக்கத்தை என்விடிஏ எவ்வாறு படிக்கவேண்டும் என்பதை வரையறுக்க இவ்வகைமை தங்களை அனுமதிக்கிறது.

பேச்சு விருப்பத் தேர்வுகள்

சிறப்புத் தேவை

சில குறியீடுகள் பேச்சில் தெளிவுபடுத்தப்பட வேண்டுமா இல்லையா என்பதை இது கட்டுப்படுத்துகிறது.

மொழி

பயன்படுத்தப்பட வேண்டிய மொழியை இம்மதிப்பு தீர்மானிக்கிறது. பேச்சு விதிகளுக்குள் வட்டார மாற்றுரு கண்டறியப்படவில்லையென்றால், முதன்மை மொழிக்குப் பேச்சு திரும்பும். முதன்மை மொழிக்கான பேச்சு விதிகள் கண்டறியப்படவில்லையென்றால், ஆங்கிலம் பயன்படுத்தப்படும்.

பேச்சுப் பாங்கு

கணித உள்ளடக்கத்தைப் படித்திட வெவ்வேறு பாங்குகளைப் பயன்படுத்தலாம். ஒவ்வொரு மேத் பேச்சு மொழியும் வெவ்வேறு பேச்சு பாங்குகளைக் கொண்டுள்ளது.

ஆங்கிலம் மற்றும் பெரும்பாலான மொழிகளுக்கு, பின்வரும் பாங்குகள் கிடைப்பிலுள்ளன:

• பல்கலைக் கழக சேர்க்கைக்காகவும், பிற தீர்மானகரமான தேர்வுகளுக்காகவும், அமெரிக்காவின் கல்வித் தேர்வுப் பணியால் உருவாக்கப்பட்டது க்ளியர்ஸ்பீக். இந்த வேர்ட் ஆவணத்தில் கிளியர்ஸ்பீக் குறிப்பு விவரங்களைக் காணவும்.
• $\frac{a}{b}$ போன்ற கோவைகளை அடைப்புக் குறியிடாமல் ("a கீழ் b") விரைவாகப் படிக்க சிம்பிள்ஸ்பீக் பேச்சைக் குறைக்க முயல்கிறது. எப்பொழுதும் அடைப்பிடப்பட்டிருக்கும் சொற்களைக் ("பின்னம் a கீழ் b கூட்டல் 1 முடிவு பின்னம்") கொண்டிருக்கும் $\frac{a}{b+1}$ போன்ற மேலும் சிக்கலான கோவைகளிலிருந்து இது வேறுபடுத்தப்படுகிறது.
• குறியீட்டை, அல்லது அதன் பொருளை விளக்காமல், எவ்வாறு எழுதப்பட்டிருக்கிறதோ, ஏறத்தாழ அதுபோலவே கணிதக் கோவைகளைப் படித்திட மேத்கேட்டிற்கு லிட்டிரல்ஸ்பீக் அறிவுறுத்துகிறது. கணிதத்தின் பொருளைக் காட்டிலும், நேரடியாகப் படிப்பதற்கே, அதாவது ஒவ்வொரு வரியுருவாக அல்லது ஒவ்வொரு குறியீடாகப் படிப்பதற்கே முன்னுரிமையளிக்கிறது.

ஒவ்வொரு வகையான பேச்சுக்கான எடுத்துக்காட்டுகள்:

பேச்சு விளக்கம்

எவ்வளவு கூடுதல் பேச்சு பயன்படுத்தப்படுகிறது என்பதை இவ்விருப்பத் தேர்வு கட்டுப்படுத்துகிறது. எடுத்துக்காட்டாக, வர்க்கமூலங்களை விளக்கமான பேச்சில் "x-ன் வர்க்கமூலம்" எனவும், சுருக்கமான பேச்சில் "x வர்க்கமூலம்" எனவும் அறிவிக்கப்படும்.

ஒப்பீட்டுப் பேச்சு விகிதம்

ஒப்பீட்டுப் பேச்சு விகிதத்தை மாற்றுகிறது. மாற்றம் என்பது தரநிலை பேச்சு ஒலிப்பானின் விகிதத்திலிருந்து ஒரு விழுக்காடு விகித மாற்றமாகும். 100 என்பது உரை மற்றும் கணித உள்ளடக்கத்தின் படித்தல் விகிதங்கள் ஒரே மாதிரியாக இருக்கும். அதேவேளை 50 என்பது மற்ற உள்ளடக்கம் படிக்கப்படும் விகிதத்தின் பாதி அளவில் கணித உள்ளடக்கம் படிக்கப்படும்.

இடைநிறுத்தக் காரணி

MathCAT சேர்க்கும் இடைநிறுத்தத்தின் ஒப்பீட்டளவை மாற்றுகிறது. 0 அனைத்து இடைநிறுத்தங்களையும் நிறுத்துகிறது. 100 இடைநிறுத்தத்தை இயல்பிருப்பைக் காட்டிலும் 10 மடங்கு நீட்டிக்கிறது.

கணிதத்தின் துவக்கத்திலும் முடிவிலும் சிற்றொலியை எழுப்புக

கணித உள்ளடக்கத்தின் துவக்கத்திலும், முடிவிலும் என்விடிஏ சிற்றொலியை எழுப்புவதை இவ்விருப்பத் தேர்வு வரையறுக்கிறது. இயல்பில் இவ்விருப்பத் தேர்வு முடக்கப்பட்டிருக்கும்.

வேதியல் வாய்ப்பாடுகள்

வேதியல் வாய்ப்பாடுகள் எவ்வாறு படிக்கப்படவேண்டும் என்பதை இவ்விருப்பத் தேர்வு கட்டுப்படுத்துகிறது. $H_{2}O$ என்பதற்கான எடுத்துக்காட்டுகள்:

• எழுத்துகளாகப் படித்திடுக: "H 2 O" (கீழ்/மேலெழுத்துகள் படிக்கப்பட வேண்டுமா என்பதை பேச்சு விளக்கம் கட்டுப்படுத்துகிறது)
• படித்திடாது: "H sub 2 O"

ஒரு சமன்பாட்டில் நுழையும்பொழுது

கோவையை அடைந்தவுடன் அதைப் படிக்க வேண்டுமா, அல்லது சுருக்க விவரத்தை அளிக்க வேண்டுமா.

வழிசெலுத்தல் விருப்பத் தேர்வுகள்

இயல்பிருப்பு வழிசெலுத்தல் முறை

"மேம்படுத்தப்பட்ட" முறை கணித அமைப்பைப் புரிந்துகொள்கிறது. பின்னங்கள், மூலங்கள், கீழெழுத்து/மேலெழுத்து ஆகியவைகளைக் கண்டறிய, எளிய முறை வரியுருக்களாக நகர்ந்து செல்கிறது. "வரியுரு" முறை, வரியுருக்களாக நகர்ந்து சென்று, பின்னங்கள் போன்றவற்றுள் தானாக நுழையும்.

ஒவ்வொரு புதிய சமன்பாட்டிற்கும் இயல்பிருப்பு வழிசெலுத்தல் முறைக்கு மீட்டமைத்திடுக

ஒவ்வொரு புதிய சமன்பாட்டிற்குள்ளும் நுழையும்பொழுது இயல்பிருப்பு வழிசெலுத்தல் முறை மீட்டமைக்கப்படுகிறதா என்பதை இவ்விருப்பத் தேர்வு வரையறுக்கிறது. இவ்விருப்பத் தேர்வு முடக்கப்படும்பொழுது, அதே என்விடிஏ அமர்வில் உள்ள சமன்பாடுகளுக்கு இடையே, கடைசியாகத் தெரிவுசெய்யப்பட்ட வழிசெலுத்தல் முறையை என்விடிஏ தக்கவைத்துக்கொள்ளும். இயல்பில், இவ்விருப்பத் தேர்வு தேர்வாகியிருக்கும்.

இருபரிமாணக் குறியீட்டிலிருந்து தானாக வெளியேறுக

பின்னங்கள் போன்ற இருபரிமாண குறீடுகளிலிருந்து தானாக வெளியேறுக (இது தேர்வாகாதிருந்தால், மேலம்பு விசைகளைப் பயன்படுத்தி வெளியேற்றத்தைக் கட்டாயப்படுத்தவும்). இயல்பில், இவ்விருப்பத் தேர்வு தேர்வாகியிருக்கும்.

வழிசெலுத்தல் விளக்கம்

வழிசெலுத்தலின்பொழுது, கணிதக் கோவைகளை என்விடிஏ சுருக்கமாக, அல்லது விளக்கமாக படிக்க வேண்டுமா என்பதை இவ்விருப்பத் தேர்வு வரையறுக்கிறது.

கணிதத்தை இவ்வாறு படியெடுத்திடுக

பிடிப்புப் பலகைக்குப் படியெடுக்கப்படும் கணித உள்ளடக்கத்தின் வடிவூட்டத்தைத் தெரிவுசெய்கிறது.

பிரெயில் விருப்பத் தேர்வுகள்

வெளியீட்டுக் குறியீடு

பயன்படுத்தப்பட வேண்டிய பிரெயில் மேத் குறியீடு. இவ்விருப்பத் தேர்வு 'தன்னியக்கம்' என்று அமைக்கப்பட்டிருந்தால், என்விடிஏவின் நடப்பு மொழியை அடிப்படையாகக் கொண்டு, இயல்பிருப்பு பிரெயில் மேத் குறியீட்டினை என்விடிஏ தெரிவுசெய்கிறது.

வழிசெலுத்தல் குவிமையத்தை 7, 8 புள்ளிகளைக் கொண்டு துலக்கமாக்குக

வழிசெலுத்தலின்பொழுது, தற்பொழுதுத் தெரிவுசெய்யப்பட்டிருக்கும் துணைக் கோவைகளை 7, 8 புள்ளிகளைக் கொண்டு என்விடிஏ அடையாளங்காட்டுகிறதா என்பதை இவ்விருப்பத் தேர்வு வரையறுக்கிறது. துலக்கமாக்கலில்லை, முதல் வரியுருத் துலக்கமாக்கல், முதல் மற்றும் கடைசி வரியுருத் துலக்கமாக்கல், முழுத் துணைக் கோவைத் துலக்கமாக்கல் ஆகியவைகளை இவ்விருப்பத் தேர்வு அனுமதிக்கிறது.

பயன்பாட்டு ஆதரவு

வேர்ட் மற்றும் ஔட்லுக்கில் உள்ளமைவு கணித ஆதரவைப் பயன்படுத்துக

மைக்ரோசாஃப்ட் வேர்ட், அல்லது ஔட்லுக்கில் சமன்பாடுகளைப் படிக்கும்பொழுதும், அதனுடன் ஊடாடும்பொழுதும் இவ்விருப்பத் தேர்வு மேத்கேட்டை முடக்குகிறது. இந்நிரல்களில் உள்ளமைந்திருக்கும் மேத் அளிக்கையைப் (பேச்சு, பிரெயில் மற்றும் ஊடாட்டம்) பயன்படுத்த இது தங்களை அனுமதிக்கிறது.

இவ்விருப்பத் தேர்வு முடுக்கப்பட்டிருந்தால், மைக்ரோசாஃப்ட், அல்லது ஔட்லுக்கில் மேத்கேட்டை தாங்கள் பயன்படுத்த இயலாது. You cannot use MathCAT in Microsoft Word or Outlook when this option is enabled. பிற நிரல்களுக்கான மேத்கேட்டின் ஆதரவில் இவ்விருப்பத் தேர்வு எத்தாக்கத்தையும் ஏற்படுத்தாது.

நீட்சிநிரல் அங்காடி அமைப்புகள்

நீட்சிநிரல் அங்காடியின் தன்மையை தக்கவாறு அமைத்துக்கொள்ள இவ்வகைமை தங்களை அனுமதிக்கிறது.

தன்னியக்க இற்றாக்கங்கள்

இவ்விருப்பத் தேர்வு "அறிவித்திடுக" என்று அமைக்கப்பட்டிருந்தால், என்விடிஏ துவங்கியவுடன், நீட்சிநிரல்களுக்கு இற்றாக்கம் ஏதேனும் இருந்தால், அதை நீட்சிநிரல் அங்காடி அறிவித்திடும். இந்த சரிபார்ப்பு ஒவ்வொரு 24 மணி நேரத்திற்கும் செய்யப்படுகிறது. இயல்பில், அதே அலைத்தடத்தில் இருக்கும் நீட்சிநிரல்களுக்கான இற்றாக்கங்களுக்கு மட்டும்தான் அறிவிக்கைகள் தோன்றும் (எ.கா. நிலையானது, சோதனையிலுள்ளது, அல்லது மேம்பாட்டிலுள்ளது). ஒவ்வொரு நீட்சிநிரலுக்கும் தனித் தனியாக, அல்லது எல்லா நீட்சிநிரல்களுக்கும் நீட்சிநிரல் இற்றாக்க அலைத்தடங்களைத் தாங்கள் அமைவடிவமாக்கலாம்.

'தன்னியக்க இற்றாக்கம்' என்று அமைக்கப்பட்டிருந்தால், நீட்சிநிரல்கள் பின்னணியில் தானாக இற்றாக்கப்படும். இற்றாக்கங்கள் முடிந்தவுடன், என்விடிஏவை மறுதுவக்க தாங்கள் கேட்டுக் கொள்ளப்படுவீர்கள்.

இயல்பிருப்பு இற்றாக்க அலைத்தடம்

தன்னியக்க நீட்சிநிரல் இற்றாக்கங்கள் முடுக்கப்பட்டிருந்தால், இயல்பில், இற்றாக்கங்கள் அதே அலைத்தடத்தில்தான் இற்றாக்கப்படும். எடுத்துக்காட்டாக, நிறுவப்பட்டிருக்கும் சோதனைப் பதிப்பு புதிய சோதனைப் பதிப்பிற்கு மட்டுமே இற்றாக்கப்படும். எல்லா நீட்சிநிரல்களுக்கும் இயல்பிருப்பு இற்றாக்க அலைத்தடத்தை இவ்விருப்பத் தேர்வு அமைக்கிறது. என்விடிஏ நீட்சிநிரல் அங்காடியில் இருக்கும் குறிப்பிட்ட நீட்சிநிரலுக்கு தனியாக இற்றாக்க அலைத்தடத்தை தாங்கள் மாற்றியமைக்கலாம்.

இணக்கமற்ற நீட்சிநிரல்களை நிறுவ தன்னியக்க இற்றாக்கங்களை அனுமதித்திடுக

தற்போதைய என்விடிஏவின் பதிப்பிற்கு முழுவதும் இணக்கமற்றதாக இருக்கக் கூடிய நீட்சிநிரல்களின் தன்னியக்க இற்றாக்கங்களை இவ்வமைப்பு முடுக்குகிறது. இயல்பில் இது முடக்கப்பட்டிருக்கும். அதாவது, தற்போதைய என்விடிஏவின் பதிப்பிற்கு இணக்கமான நீட்சிநிரல்களின் பதிப்பிற்கு மட்டுமே நீட்சிநிரல்கள் தானாக இற்றாக்கப்படும். இணக்கமான நீட்சிநிரல்களின் பதிப்பு வெளியிடப்படும்பொழுது தற்போதைய இணக்கமற்ற நீட்சிநிரல்களின் பதிப்பு தானாக இற்றாக்கப்படும். ஆண்டின் தொடக்கத்தில் துவக்கநிலை கச்சாப் பதிப்பாக வெளியிடப்படும் நீட்சிநிரல்களுக்கு மாறி அதைப் பயன்படுத்த இதை முடுக்குவது பயனளிக்கும். குறிப்பாக, நீட்சிநிரல்களின் துவக்கநிலை பரிசோதனைப் கச்சாப் பதிப்புகளை அவைகளின் பொருத்தப்பாட்டிற்காக பரிசோதிப்பவர்களுக்கு ஆல்ஃபா, பீட்டா பரிசோதனைப் பதிப்புகளைப் பரிசோதிக்க இது பயனுள்ளதாக இருக்கும்.

மாற்று வழங்கி

என்விடிஏ நீட்சிநிரல் அங்காடியின் தரவுகளைத் தரவிறக்குவதற்கான மாற்று இணைய முகவரியை குறிப்பிட இக்கட்டுப்பாடுகள் தங்களை அனுமதிக்கிறது. என்விஅக்ஸஸின் என்விடிஏ நீட்சிநிரல் அங்காடியின் வழங்கி மெதுவாக, அல்லது கிடைப்பிலில்லாத இடங்களில் இது பயனுள்ளதாக இருக்கும்.

தற்போதைய மாற்று வழங்கியின் இணைய முகவரியை, படிக்க மட்டுமேயான உரைப் பெட்டி காண்பிக்கிறது. எந்த மாற்று வழங்கியும் பயன்பாட்டில் இல்லையென்றால், அதாவது, என்வி அக்ஸஸ் நீட்சிநிரல் வழங்கி பயன்படுத்தப்பட்டுக் கொண்டிருக்கிறது என்றால், எந்த மாற்று வழங்கியும் காட்டப்பட மாட்டாது.

நீட்சிநிரல் அங்காடியின் மாற்று வழங்கியைத் தாங்கள் மாற்ற விரும்பினால், 'மாற்றுக' பொத்தானை அழுத்தி, நீட்சிநிரல் அங்காடியின் மாற்று வழங்கியை அமைத்திடுக உரையாடலைத் திறக்கவும்.

தொலைநிலை அணுகல் அமைப்புகள்

தொலைநிலை அணுகலின் தன்மையை அமைவடிவமாக்க இவ்வகைமை தங்களை அனுமதிக்கிறது.

தொலைநிலை அணுகலை முடுக்குக

என்விடிஏவின் தொலைநிலை அணுகல் கூறினை முடுக்க, அல்லது முடக்க இத்தேர்வுப் பெட்டியைப் பயன்படுத்தவும்.

இது தேர்வாகாத நிலையில், தொலைநிலை அணுகல் கூறு முற்றிலும் கிடைப்பிலிருக்காது.

பயனர் கட்டுப்பாடு கணக்கு தூண்டி போன்ற பாதுகாப்பான திரைகளில் தொலைநிலை அணுகல் அமர்வினை தொடர, தாங்கள் இவ்வமைப்பை முடுக்கிவிட்டு, மாற்றங்களை சேமித்து, பிறகு தங்களின் அமைப்புகளை என்விடிஏவின் கட்டமைப்பு அமைவடிவ அடைவிற்கு படியெடுக்கவும். பாதுகாப்பான மேசைக்கணினிகளில் என்விடிஏவின் நிறுவுப் பதிப்பு துவக்கியிருக்கும் தொலைநிலை அணுகல் அமர்வுகளை மட்டும் தொடர இயலும். இதன் பொருள் என்னவென்றால், என்விடிஏவின் கொண்டுசெல்லத்தக்க படியின் மூலம் ஒரு தொலைநிலை அணுகல் அமர்வைத் துவங்கி, அதை பாதுகாப்பான திரைகளில் தொடர இயலாது.

தொலைநிலை அணுகல் முடுக்கப்பட்டிருந்தால், பின்வரும் விருப்பத் தேர்வுகள் மட்டுமே கிடைப்பிலிருக்கும்.

கட்டுப்பாட்டில் இருக்கும்பொழுது இணைப்பைத் துண்டிக்கும் முன் உறுதிசெய்க

கட்டுப்படுத்தப்படும் கணினியாக இருக்கும்பொழுது ஒரு தொலைநிலை அணுகல் அமர்விடமிருந்து இணைப்பைத் துண்டிக்கும் முன் உறுதிசெய்ய வேண்டுமா என்பதை வரையறுக்க இத்தேர்வுப் பெட்டி அனுமதிக்கிறது.

தேர்வாகியிருந்தால், துண்டிக்கும் முன் உறுதிசெய்ய என்விடிஏ கேட்கும். தேர்வாகாதிருந்தால், உறுதிசெய்ய கேட்காமல் என்விடிஏ உடனே இணைப்பைத் துண்டிக்கும்.

தனிக்கணினியைக் கட்டுப்படுத்தும்பொழுது ஒலியடக்குக

தனிக்கணினியைக் கட்டுப்படுத்தும்பொழுது தொலைநிலைக் கணினியிலிருந்து வரும் பேச்சையும், ஒலிகளையும் கேட்பதை இவ்விருப்பத் தேர்வு கட்டுப்படுத்துகிறது.

இத்தேர்வுப் பெட்டி தேர்வாகியிருந்தால், கட்டுப்படுத்தும் கணினியாக முதன்முறையாக இணைக்கும்பொழுதும், தனிக்கணினியை கட்டுப்படுத்த மாறும்பொழுதும் தொலைநிலை அணுகல் தானாக ஒலியடக்கப்படும். தேர்வு நீக்கப்பட்டால், தொலைநிலை அணுகல் அமர்வுகள் ஒலியடக்கப்படாமல் துவங்கும். எனவே, அவற்றை வெளிப்படையாக ஒலியடக்க வேண்டும்.

இந்நிலையிலும், தொலைநிலை அணுகல் பட்டியல் வாயிலாக, அல்லது உள்ளீட்டுச் சைகைகள் உரையாடலைப் பயன்படுத்தி தனிப்பட்ட சைகையை இணைத்து தனிக்கணினியைக் கட்டுப்படுத்தும்பொழுது, கைமுறையில் தொலைநிலை அணுகலை ஒலியடக்கலாம், அல்லது ஒலியடக்கத்தை நீக்கலாம்.

என்விடிஏ துவங்கியவுடன் தானாக இணைத்திடுக

என்விடிஏ துவங்கியவுடன் தொலைநிலை அணுகல் அமர்வினைத் தானாக நிலைநாட்ட இவ்விருப்பத் தேர்வு தங்களை அனுமதிக்கிறது. எடுத்துக்காட்டாக, தாங்கள் வீட்டில் இல்லாதபொழுது, வீட்டில் இருக்கும் கணினியைக் கட்டுப்படுத்த இது பயனுள்ளதாக இருக்கும்.

அங்கீகரிக்கப்படாத அணுகலின் அபாயம் தங்கள் கணினிக்கு அதிகரிக்கு என்பதால், இவ்விருப்பத் தேர்வினை முடுக்கும்பொழுது எச்சரிக்கையுடன் இருக்கவும்.

பின்வரும் விருப்பத் தேர்வுகளுக்கான கூடுதல் தகவல்களுக்கு தொலைநிலை அணுகல் அமர்வை அமைத்தல் பிரிவைக் காணவும்

பயன்முறை

தன்னியக்க இணைப்புகளுக்கான இணைப்பு பயன்முறையைத் தெரிவுசெய்யவும்.

என்விடிஏ துவங்கியவுடன் தானாக இணைக்கவும் என்பது தேர்வாகியிருந்தால் மட்டுமே இவ்விருப்பத் தேர்வு கிடைப்பிலிருக்கும்.

வழங்கி வகை

தன்னியக்க இணைப்புகளுக்கான வழங்கி வகையைத் தெரிவுசெய்யவும்.

என்விடிஏ துவங்கியவுடன் தானாக இணைக்கவும் என்பது தேர்வாகியிருந்தால் மட்டுமே இவ்விருப்பத் தேர்வு கிடைப்பிலிருக்கும்.

வழங்கியின் முகவரி

தன்னியக்க இணைப்புகளுக்குத் தாங்கள் பயன்படுத்த விரும்பும் தொலைநிலை அணுகல் வழங்கியின் இணைய முகவரியை அமைக்க இக்களத்தைப் பயன்படுத்தவும். 6837 தவிர வேறொரு நுழைவாயிலை வழங்கி பயன்படுத்தினால், ஒரு முக்கால் புள்ளிக்குப் பிறகு அதைச் சேர்க்கவும். (எ.கா. example.com:1234).

என்விடிஏ துவங்கியவுடன் தானாக இணைக்கவும் என்பது தேர்வாகியிருந்து, "இருப்பதைப் பயன்படுத்துக" என்பதற்கு வழங்கி அமைக்கப்பட்டிருந்தால் மட்டுமே,. இவ்விருப்பத் தேர்வு கிடைப்பிலிருக்கும்.

நுழைவாயில்

தன்னியக்க இணைப்புகளுக்குத் தாங்கள் பயன்படுத்த விரும்பும் TCP நுழைவாயிலை அமைக்க இக்களத்தைப் பயன்படுத்தவும்.

என்விடிஏ துவங்கியவுடன் தானாக இணைக்கவும் என்பது தேர்வாகியிருந்து, "தன்னகத்தே இயக்குக" என்பதற்கு வழங்கி அமைக்கப்பட்டிருந்தால் மட்டுமே,. இவ்விருப்பத் தேர்வு கிடைப்பிலிருக்கும்.

திறவுச்சொல்

தன்னியக்க இணைப்புகளுக்கு தாங்கள் பயன்படுத்த விரும்பும் திறவுச்சொல்லை (கடவுச்சொல்) அமைக்க இக்களத்தைப் பயன்படுத்தவும்.

என்விடிஏ துவங்கியவுடன் தானாக இணைக்கவும் என்பது தேர்வாகியிருந்தால் மட்டுமே இவ்விருப்பத் தேர்வு கிடைப்பிலிருக்கும்.

நம்பகமான எல்லாக் கைரேகைகளையும் அழித்திடுக

முன்னதாக நம்பகமாக இருந்த அனைத்து தொலைநிலை அணுகல் வழங்கிகளின் கைரேகைகளை மறக்க இப்பொத்தான் தங்களை அனுமதிக்கிறது. இதன் பொருள் என்னவென்றால், தாங்கள் ஏற்கெனவே இணைத்திருந்த வழங்கிகள் உட்பட, எல்லா அங்கீகரிக்கப்படாத வழங்கிகளுடனும் இணைக்கப்படும்பொழுது, இணைப்பை உறுதிசெய்ய தாங்கள் மீண்டும் கேட்டுக்கொள்ளப்படுவீர்கள். நம்பகமான எல்லாக் கைரேகைகளும் அழிக்கப்படுவதற்கு முன் உறுதிபடுத்தும்படி தாங்கள் கேட்டுக்கொள்ளப்படுவீர்கள்.

தங்கள் அமைவடிவத்தில் நம்பகமான கைரேகைகள் சேமிக்கப்பட்டிருந்தால் மட்டுமே இவ்விருப்பத் தேர்வு கிடைப்பிலிருக்கும்.

விண்டோஸ் எழுத்துணரி அமைப்புகள்

இவ்வகைமையில் இருக்கும் அமைப்புகள், விண்டோஸ் எழுத்துணரியை அமைவடிவமாக்க அனுமதிக்கின்றன. இவ்வகைமை, பின்வரும் விருப்பத் தேர்வுகளைக் கொண்டுள்ளது:

உணருதலுக்கான மொழி

இச்சேர்க்கைப் பெட்டி, உணருதலுக்குப் பயன்படுத்தவ்பட வேண்டிய மொழியைத் தேர்வுச் செய்ய தங்களை அனுமதிக்கிறது. கிடைப்பிலிருக்கும் மொழிகளுக்கிடையே எங்கிருந்தாயினும் நகர, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

உணரப்பட்ட உள்ளடக்கத்தை அவ்வப்போது புத்தாக்குக

இத்தேர்வுப் பெட்டித் தேர்வாகியிருந்தால், உணரப்பட்ட உள்ளடக்கத்தை, அது குவிமையத்தில் இருக்கும்பொழுது என்விடிஏ அவ்வப்போது புத்தாக்கும். துணைத் தலைப்புகள் கொண்ட காணொளிகள் போன்று தொடர்ந்து மாறிக்கொண்டிருக்கும் உள்ளடக்கத்தை தாங்கள் கண்காணிக்க இது மிக பயனுள்ளதாக இருக்கும். ஒவ்வொரு ஒன்றரை நொடிகளுக்கும் உள்ளடக்கம் புத்தாக்கப்படுகிறது. இயல்பில் இவ்விருப்பத் தேர்வு முடக்கப்பட்டிருக்கும்.

முடிவு தோன்றும்பொழுது தானாக எல்லாம் படித்திடுக

உணர்தல் முடிவடைந்தவுடன், உணரப்பட்ட எல்லா உள்ளடக்கங்கள் தானாகப் படிக்கப்படுவதை இவ்விருப்பத் தேர்வு மாற்றியமைக்கிறது. இயல்பில் இத்தேர்வுப் பெட்டித் தேர்வாகியிருக்காது.

மாற்று வழங்கியின் உரையாடலை அமைத்திடுக

என்விடிஏவை இற்றாக்கும்பொழுது, அல்லது நீட்சிநிரல் அங்காடியைப் பயன்படுத்தும்பொழுது பயன்படுத்த வேண்டிய மாற்று வழங்கியின் இணைய முகவரியைக் குறிப்பிட இவ்வுரையாடல் தங்களை அனுமதிக்கிறது. இச்செயல்களுக்கான என்விஅக்ஸஸின் வழங்கிகள் மெதுவாக, அல்லது கிடைப்பிலில்லாத இடங்களில் இது பயனுள்ளதாக இருக்கும்.

• என்விடிஏ மாற்று இற்றாக்க வழங்கியை அமைக்கும்பொழுது, இவ்வுரையாடலின் தலைப்பு, "என்விடிஏவின் மாற்று இற்றாக்க வழங்கியை அமைத்திடுக" என்று இருக்கும்.
• நீட்சிநிரல் அங்காடியின் மாற்று வழங்கியை அமைக்கும்பொழுது, இவ்வுரையாடலின் தலைப்பு, "நீட்சிநிரல் அங்காடியின் மாற்று வழங்கியை அமைத்திடுக" என்று இருக்கும்.

இணைய முகவரி

தாங்கள் பயன்படுத்த விரும்பும் மாற்று வழங்கியின் இணைய முகவரியை இங்கு உள்ளிடவும். HTTP மற்றும் HTTPS இணைய முகவரிகள் மட்டுமே ஆதரிக்கப்படுகின்றன. தங்களின் தனியுரிமை கருதி, இயலும்பொழுதெல்லாம், https இணைய முகவரிகளைப் பயன்படுத்த என்விஅக்ஸஸ் பரிந்துரைக்கிறது.

என்வி அக்ஸஸின் இயல்பிருப்பு வழங்கியைப் பயன்படுத்த, இதை வெற்றிடமாக விடவும்.

பரிசோதித்திடுக...

தாங்கள் உள்ளிட்டிருக்கும் மாற்று வழங்கியின் இணைய முகவரியை பரிசோதித்துப் பார்க்க இப்பொத்தானை அழுத்தவும். பரிசோதனை வெற்றியடைய இணையத்துடன் தாங்கள் இணைக்கப்பட்டிருக்க வேண்டும். எப்பொழுதுமே இணைய முகவரியை சேமிக்கும் முன் அதை பரிசோதித்துப் பார்த்திடுங்கள் என்று பரிந்துரைக்கப்படுகிறது.

முழுதளாவிய முறைமை அமைவடிவத்திற்கு அமைப்புகளைப் படியெடுத்திடுக உரையாடல்

தங்களின் என்விடிஏ அமைவடிவத்தில், அல்லது என்விடிஏவின் முழுதளாவிய முறைமை அமைவடிவத்தில் நீட்சிநிரல்கள் இருந்து, தங்களின் அமைப்புகளை என்விடிஏவின் முழுதளாவிய முறைமை அமைவடிவத்திற்கு படியெடுக்க தாங்கள் தேர்வுசெய்தால், இவ்வுரையாடல் தோன்றும். புகுபதிவு மற்றும் பாதுகாப்பான திரைகளில் பயன்படுத்தப்படும் நீட்சிநிரல்களை என்விடிஏவின் முழுதளாவிய முறைமை அமைவடிவத்திற்கு படியெடுக்க இவ்வுரையாடல் தங்களை அனுமதிக்கிறது. முழுதளாவிய முறைமை அமைவடிவத்தில் ஏற்கெனவே இருக்கும் நீட்சிநிரல்களையும் இது காட்டுகிறது. இயல்பில், முழுதளாவிய முறைமை அமைவடிவத்தில் ஏற்கெனவே இருக்கும் நீட்சிநிரல்கள் மட்டும் சேர்த்துக் கொள்ளப்படும்.

முழுதளாவிய முறைமை அமைவடிவத்திற்கு நீட்சிநிரல்களைப் படியெடுப்பது ஒரு பாதுகாப்பு பேராபத்தாகும். புகுபதிவு, பயனர் கணக்குக் கட்டுப்பாடு திரைகள் உட்பட பாதுகாப்பான திரைகளில் இந்த அமைவடிவத்தை என்விடிஏ பயன்படுத்துகிறது. பாதுகாப்பான திரைகளில் இயங்கும்பொழுது, நிர்வாகிகளுக்கும் மேலான சிறப்புரிமைகளைக் கொண்ட கணினிப் பயனராக என்விடிஏ இயங்கும். பயனர் கணக்குக் கட்டுப்பாடு போன்ற விண்டோஸின் வழக்கமான பாதுகாப்பு மற்றும் தனியுரிமைக் கூறுகளில் பல பொருந்தாது என்பதே இதன் பொருளாகும். இச்சூழலில் நீட்சிநிரல்களை இயங்க அனுமதிப்பது, தங்கள் முழு கணினிக்கும் தடையற்ற அணுகலை அவைகளுக்கு வழங்குகிறது.

தற்பொழுது இயங்கிக் கொண்டிருக்கும் என்விடிஏவின் அமைவடிவத்தில், அல்லது என்விடிஏவின் முழுதளாவிய முறைமை அமைவடிவத்தில், அல்லது இவ்விரண்டிலும் இருக்கும் முடுக்கப்பட்டிருக்கும் எல்லா நீட்சிநிரல்களையும் நீட்சிநிரல்களின் பட்டியல் காட்டுகிறது. "பயனர் பதிப்பு" நெடுவரிசையில் தற்பொழுது இயங்கிக் கொண்டிருக்கும் அமைவடிவத்தில் நிறுவப்பட்டிருக்கும் என்விடிஏவின் பதிப்பு காட்டப்படும். "முழுதளாவிய முறைமை பதிப்பு" நெடுவரிசையில் தற்பொழுது இயங்கிக் கொண்டிருக்கும் முழுதளாவிய முறைமை அமைவடிவத்தில் நிறுவப்பட்டிருக்கும் பதிப்பு காட்டப்படும். தற்பொழுது இயங்கிக் கொண்டிருக்கும் அமைவடிவத்தில், அல்லது முழுதளாவிய முறைமை அமைவடிவத்தில் நீட்சிநிரல் இல்லையென்றால், "நிறுவப்படவில்லை" என்று பொருத்தமான நெடுவரிசையில் காட்டப்படும்.

ஒன்றல்லது, அதற்கும் மேற்பட்ட நீட்சிநிரல்களை முழுதளாவிய முறைமை அமைவடிவத்திற்கு படியெடுக்க, நீட்சிநிரல்களின் பட்டியலில் அவற்றைத் தேர்வு செய்யவும். பாதுகாப்பான திரைகளை அணுக தங்களுக்குத் தேவைப்படாத அனைத்து நீட்சிநிரல்களையும் தேர்வு செய்யாமல் விட்டுவிடுமாறு தீவிரமாக பரிந்துரைக்கப்படுகிறீர்கள்.

ஒரு நீட்சிநிரல் குறித்து கூடுதல் தகவலையறிய, நீட்சிநிரல் பட்டியலில் அந்நீட்சிநிரலைத் தெரிவுசெய்து "நீட்சிநிரல் குறித்து" பொத்தானை அழுத்தவும். காட்டப்படும் விவரங்கள், தற்போது ஓடிக் கொண்டிருக்கும் அமைவடிவத்தில் உள்ள பதிப்பிற்கானது. தற்போது ஓடிக் கொண்டிருக்கும் அமைவடிவத்தில் நீட்சிநிரல் நிறுவப்பட்டிருக்கவில்லை எனில், முழுதளாவிய கணினி அமைவடிவத்தில் இருக்கும் பதிப்பின் விவரங்கள் காட்டப்படும்.

தற்பொழுது முடுக்கப்பட்டிருக்கும் நீட்சிநிரல்களை மட்டுமே முழுதளாவிய முறைமை அமைவடிவத்திற்கு படியெடுக்க வேண்டும் என்பதை நினைவில் கொள்ளவும். மறுதுவக்கத்திற்காக காத்திருக்கும் நீட்சிநிரல்களைத் தாங்கள் படியெடுக்க இயலாது.

முழுதளாவிய முறைமை அமைவடிவத்தில் நிறுவப்பட்டு, தற்பொழுது இயங்கிக் கொண்டிருக்கும் அமைவடிவத்தில் இல்லாத நீட்சிநிரல்கள் நீக்கப்படும். இவ்வுருப்படிகளைத் தேர்வுசெய்ய இயலாது. These items cannot be checked. எளிதாக அடையாளங்காண, இந்நீட்சிரல்களுக்கு முன், "நீக்குக" என்று குறிப்பிடப்பட்டிருக்கும்.

மேம்பட்ட அமைப்புகள்

எச்சரிக்கை! இவ்வகைமையில் இருக்கும் அமைப்புகள் மேம்பட்ட பயனர்களுக்கு மட்டுமே. இவ்வமைப்புகளை தவறாக அமைவடிவமாக்கினால், என்விடிஏ சரிவர செயல்படாதென்பதை அறிக. தாங்கள் என்ன செய்கிறீர்கள் என்பதை தாங்கள் முழுமையாக அறிந்திருந்தால், அல்லது என்விடிஏ மேம்படுத்துநர்களால் குறிப்பாக அறிவுருத்தப்பட்டிருந்தால் மட்டுமே இவ்வமைப்புகளை மாற்றியமைத்திடுக.

மேம்பட்ட அமைப்புகளில் மாற்றங்களைச் செய்தல்

மேம்பட்ட அமைப்புகளில் மாற்றங்களைச் செய்ய, இம்மாற்றங்களை செய்வதினால் ஏற்படக்கூடிய சிக்கல்களை தாங்கள் அறிந்திருக்கிறீர்கள் என்பதை உறுதிச் செய்யும் வண்ணம், கொடுக்கப்பட்டிருக்கும் தேர்வுப் பெட்டிகளைத் தேர்வுச் செய்து, கட்டுப்பாடுகளை முடுக்கிவிட வேண்டும்.

இயலமைப்புகளை மீட்டமைத்தல்

உறுதிபடுத்துவதற்காகக் கொடுக்கப்பட்டிருக்கும் தேர்வுப் பெட்டி தேர்வுச் செய்யப்படாத நிலையிலும், அமைப்புகளுக்கான இயல் மதிப்புகளை இப்பொத்தான் மீட்டமைக்கிறது. அமைப்புகளை மாற்றியமைத்த பின்னர், இயலமைப்புகளுக்குத் திரும்பிச் செல்ல தாங்கள் விரும்புவீர்கள். அதுபோன்ற தருணங்களில் இப்பொத்தான் பயன்படும். அமைப்புகள் மாற்றப்பட்டுவிட்டனவா என்பதை தாங்கள் உறுதியாக அறியாத நிலையிலும் இது பயன்படும்.

மேம்படுத்துநரின் தற்காலிக நினைவக அடைவிலிருந்து தனிப்பயனாக்கப்பட்ட குறிமுறையின் ஏற்றலை முடுக்குக

என்விடிஏவிற்கான நீட்சிநிரல்களை மேம்படுத்தும்பொழுது, எழுதப்படும் குறிமுறையை உடனுக்குடன் பரிசோதித்து சரிபார்ப்பது பயனுள்ளதாக இருக்கும். இத்தேர்வுப் பெட்டி தேர்வாகியிருந்தால், தங்களின் என்விடிஏ பயனர் அமைவடிவ அடைவிலிருக்கும் மேம்படுத்துநர்களுக்கான சிறப்புத் தற்காலிக நினைவக அடைவிலிருந்து தனிப்பயனாக்கப்பட்ட பயன்பாட்டுக் கூறுகள், முழுதளாவிய செருகுநிரல்கள், பிரெயில் காட்சிப்படுத்தி இயக்கிகள், பேச்சொலிப்பான் இயக்கிகள், பார்வை ஊக்கிகள் ஆகியவைகளை என்விடிஏ ஏற்ற அனுமதிக்கிறது. நீட்சிநிரல்களுக்கு நிகரானவையாக இவை இருக்கும்பட்சத்தில், என்விடிஏ துவக்கப்படும்பொழுதும், பயன்பாட்டு நிரற்கூறுகள், அல்லது, முழுதளாவிய செருகுநிரல்களாக இருக்கும்பட்சத்தில், செருகுநிரல்கள் மீளேற்றப்படும்பொழுதும் இந்நிரற்கூறுகள் ஏற்றப்படும். பரிசோதிக்கப்படாத எந்தவொரு குறிமுறையும் தங்களின் வெளிப்படையான அனுமதியில்லாமல் என்விடிஏவில் இயக்கப்படாமலிருக்க, இத்தேர்வுப் பெட்டி இயல்பில் தேர்வாகியிருக்காது. தனிப்பயனாக்கப்பட்ட குறிமுறைகளை பிறருக்கு தாங்கள் அளிக்க விரும்பினால், அவைகளை என்விடிஏவின் நீட்சிநிரலாகத் தொகுக்க வேண்டும்.

மேம்படுத்துநரின் தற்காலிக நினைவக அடைவினைத் திறவுக

இப்பொத்தான், மேம்படுத்தப்படும் தனிப்பயனாக்கப்பட்ட குறிமுறைகளை வைப்பதற்கான அடைவினை திறக்கிறது. 'மேம்படுத்துநரின் தற்காலிக நினைவக அடைவிலிருந்து தனிப்பயனாக்கப்பட்ட குறிமுறையின் ஏற்றலை செயற்படுத்துக' தேர்வுப் பெட்டி தேர்வாகியிருந்தால் மட்டுமே, இப்பொத்தான் கிடைப்பிலிருக்கும்.

பயனர் இடைமுகப்பு தன்னியக்கமாக்கல் நிகழ்வுகளுக்கும், பண்பு மாற்றங்களுக்குமான பதிவு

இவ்விருப்பத் தேர்வு, மைக்ரோசாஃப் தன்னியக்கமாக்கல் அணுகல் ஏபிஐ தூண்டும் நிகழ்வுகளை என்விடிஏ எவ்வாறு பதிந்திட வேண்டுமென்பதை தீர்மானிக்க உதவுகிறது. பயனர் இடைமுகப்பு தன்னியக்கமாக்கல் நிகழ்வுகளுக்கும், பண்பு மாற்றங்களுக்குமான பதிவுச் சேர்க்கைப் பெட்டி, கீழ்க்காணும் மூன்று விருப்பத் தேர்வுகளைக் கொண்டுள்ளது:

• தன்னியக்கம்: விண்டோஸ் 11 சன் வேலி 2 (பதிப்பு 22H2) மற்றும் அதற்குப் பிறகான பதிப்புகளில் 'தெரிவு'ம், அல்லாதவைகளில் 'முழுதளாவிய'தும்.
• தெரிவு: பெரும்பாலான நிகழ்வுகளுக்கு நிகழ்வுப் பதிவினை கணினிக் குவிமையத்திற்கு வரையறுக்கிறது. ஒன்று, அல்லது ஒன்றுக்கும் மேற்பட்ட பயன்பாடுகளின் செயல்திறனில் குறைபாடுகளை தாங்கள் எதிர்கொண்டால், செயல்திறன் மேம்படுகிறதா என்றறிய, இவ்விருப்பத் தேர்வினைத் தெரிவுசெய்யுமாறு பரிந்துரைக்கிறோம். ஆனால், விண்டோஸின் பழைய பதிப்புகளில், பணி மேலாளர், முகவடிப் பலகை போன்ற சில கட்டுப்பாடுகளில், குவிமையத்தை பின்தொடர்வதில் என்விடிஏவிற்கு சிக்கலிருக்கும்.
• முழுதளாவிய: என்விடிஏவிற்குள்ளாகவே செய்முறைபடுத்தி, நீக்கப்படும் பல பயனர் இடைமுகப்பு தன்னியக்கமாக்கல் நிகழ்வுகளை என்விடிஏ பதிகிறது. பெரும்பாலான சூழ்நிலைகளில் குவிமையத்தைப் பின்தொடர்வது நம்பகமானதாக இருந்தாலும், மைக்ரோசாஃப்ட் விஷுவல் ஸ்டூடியோ போன்ற குறிப்பிட்ட பயன்பாடுகளின் செயல்திறனில் இது பெரும் பின்னடைவை ஏற்படுத்துகிறது.

மைக்ரோசாஃப்ட் வேர்ட் ஆவணக் கட்டுப்பாடுகளை அணுக இடைமுகப்பு தன்னியக்கமாக்கலைப் பயன்படுத்துக

மைக்ரோசாஃப்ட் வேர்ட் ஆவணங்களை அணுக, பழைய மைக்ரோசாஃப் வேர்ட் பொருள் மாதிரியைப் பயன்படுத்தாமல், மைக்ரோசாஃப்ட் இடைமுகப்பு தன்னியக்க அணுகுதிறன் API-ஐ என்விடிஏ பயன்படுத்த வேண்டுமா என்று வரையறுக்க இவ்விருப்பத் தேர்வு அனுமதிக்கிறது. மைக்ரோசாஃப்ட் வேர் ஆவணங்களுக்கும், மைக்ரோசாஃப்ட் ஔட்லுக் செய்திகளுக்கும் இது பொருந்தும். பின்வரும் மதிப்புகளை இவ்வமைப்பு கொண்டுள்ளது:

• இயல்பிருப்பு (பொருந்தும் இடங்களில்)
• தேவையான இடங்களில் மட்டுமே: மைக்ரோசாஃப்ட் வேர்டின் பொருள் மாதிரி இல்லவே இல்லாத பொழுது
• எங்கு பொருந்தும்: விண்டோஸ் 11ல் மைக்ரோசாஃப்ட் வேர்ட் 16.0.15000, அல்லது அதற்கும் பிறகான பதிப்புகள், அல்லது மைக்ரோசாஃப்ட் வேர்ட் பொருள் மாதிரி கிடைப்பிலில்லாத இடங்களில்
• எப்பொழுதும்: மைக்ரோசாஃப்ட் வேர்டில் பயனர் இடைமுகப்பு தன்னியக்கமாக்கல் கிடைப்பிலிருக்கும் இடங்களில் (எந்த அளவுக்கு முழுமையாக உள்ளது என்பது பொருட்டல்ல)

மைக்ரோசாஃப்ட் எக்ஸெல் விரிதாள் கட்டுப்பாடுகளை அணுக, இடைமுகப்பு தன்னியக்கமாக்கலை கிடைப்பிலிருந்தால் பயன்படுத்துக

இவ்விருப்பத் தேர்வு முடுக்கப்பட்டிருந்தால், மைக்ரோசாஃப்ட் எக்ஸெல் விரிதாள் கட்டுப்பாடுகளிலிருந்து தகவல்களைப் பெற, பயனர் இடைமுகப்பு தன்னியக்கமாக்கலின் API அணுகலைப் பயன்படுத்த என்விடிஏ முயலும். இது பரிசோதனை நிலையில் இருப்பதால், மைக்ரோசாஃப்ட் எக்ஸெலின் சில கூறுகள் இந்நிலையில் கிடைப்பிலிருக்காது. எடுத்துக்காட்டாக, சூத்திரங்களையும், கருத்துரைகளையும் பட்டியலிடும் என்விடிஏவின் கூறுகளின் பட்டியல், விரிதாளில் இருக்கும் படிவக்களங்களுக்கிடையே நகரப் பயன்படுத்தப்படும் உலாவு நிலை ஒற்றையெழுத்து வழிசெலுத்தல் போன்றவை கிடைப்பிலிருக்காது. ஆனால், அடிப்படை விரிதாள் வழிசெலுத்தல்/தொகுத்தல் செயல்களுக்கு, செயல்திறனில் பெருமளவு முன்னேற்றத்தை இவ்விருப்பத் தேர்வு ஏர்படுத்தும். இவ்விருப்பத் தேர்வினை இயல்பிருப்பாக வைத்திருக்க பெரும்பான்மையான பயனர்களுக்கு இந்நிலையிலும் நாங்கள் பரிந்துரைப்பதில்லை. இருந்தபோதிலும், மைக்ரோசாஃப்ட் எக்ஸெல் கட்டமைப்பு 16.0.13522.10000, அல்லது அதற்கும் பிறகான பதிப்புகளைப் பயன்படுத்தும் பயனர்கள், இக்கூறினைப் பரிசோதித்து பின்னூட்டமளிப்பதை வரவேற்கிறோம். மைக்ரோசாஃப்ட் எக்ஸெல் பயனர் இடைமுகப்பு தன்னியக்கமாக்கலின் செயலாக்கம் தொடர்ந்து மாறிக்கொண்டே இருப்பதோடு, மைக்ரோசாஃப்ட் ஆஃபீஸ் 16.0.13522.10000 பதிப்புக்கு முந்தைய பதிப்புகள், இவ்விருப்பத் தேர்வு பயன்படுமளவிற்கு தகவல்களை அளிப்பதில்லை.

மேம்படுத்தப்பட்ட நிகழ்வு செயல்முறையைப் பயன்படுத்துக

இவ்விருப்பத் தேர்வு முடுக்கப்பட்டிருந்தால், ஒரு முனையத்தில் பெருமளவிளான உரை போன்ற பல பயனர் இடைமுகப்பு தன்னியக்கமாக்கல் நிகழ்வுகளினால் நிரம்பிவழியும்பொழுது, என்விடிஏ தொடர்ந்து உணர்திறனுடன் செயல்பட்டுக்கொண்டிருக்கும். இவ்விருப்பத் தேர்வினை மாற்றியமைத்த பிறகு, மாற்றத்தை செயலிற்கு கொண்டுவர, என்விடிஏவை மறுதுவக்க வேண்டும்.

விண்டோஸ் கட்டுப்பாட்டக ஆதரவு

கட்டளைத் தூண்டி, பவர் ஷெல், லினக்ஸிற்கான விண்டோஸ் துணை அமைப்பு ஆகியவை பயன்படுத்தும் விண்டோஸ் கட்டுப்பாட்டகத்துடன் என்விடிஏ எவ்வாறு ஊடாட வேண்டுமென்று தீர்மானிக்க இவ்விருப்பத் தேர்வு அனுமதிக்கிறது. நவீன விண்டோஸ் முனையத்துக்கு இது ஊறு விளைவிப்பதில்லை. விண்டோஸ் 10 பதிப்பு 1709ல், கட்டுப்பாட்டகத்திற்கான பயனர் இடைமுகப்பு தன்னியக்கமாக்கல் ஏ.பி.ஐக்கு மைக்ரோசாஃப்ட் ஆதரவளிப்பதன் மூலம், இதை ஆதரவளிக்கும் திரைநவிலிகளின் செயல்திறனிலும், நிலைத்தன்மையிலும் மேம்பாட்டைக் கொண்டுவருகிறது. பயனர் இடைமுகப்பு தன்னியக்கமாக்கல் கிடைப்பிலில்லாவிட்டால், அல்லது பயனர் அனுபவத்தில் குறையை இது ஏற்படுத்துவதாக அறியப்பட்டால், என்விடிஏவின் மரபுக் கட்டுப்பாட்டக ஆதரவு, மாற்றாக கிடைப்பிலிருக்கும். விண்டோஸ் கட்டுப்பாட்டக ஆதரவு சேர்க்கைப் பெட்டி, பின்வரும் மூன்று விருப்பத் தேர்வுகளைக் கொண்டுள்ளது:

• தன்னியக்கம்: விண்டோஸ் 11 பதிப்பு 22H2 மற்றும் அதற்கும் பிறகான பதிப்புகளில் சேர்க்கப்பட்டிருக்கும் விண்டோஸ் கட்டுப்பாட்டக பதிப்பில் பயனர் இடைமுகப்பு தன்னியக்கமாக்கலைப் பயன்படுத்துகிறது. பரிந்துரைக்கப்படும் இவ்விருப்பத் தேர்வு, இயல்பிருப்பாக அமைந்திருக்கும்.
• கிடைப்பிலிருக்கும்பொழுது பயனர் இடைமுகப்பு தன்னியக்கமாக்கல்: முழுமையடையாத, அல்லது வழுநிறைந்த கட்டுப்பாட்டகங்களிலும் பயனர் இடைமுகப்பு தன்னியக்கமாக்கலை, கிடைப்பிலிருந்தால் பயன்படுத்துகிறது. வரையறுக்கப்பட்ட இச்செயற்பாடு, தங்களுக்கு பயனுள்ளதாகவும், போதுமானதாகவும் இருந்தாலும், இவ்விருப்பத் தேர்வின் பயன்பாடு, தங்களின் சொந்த பொறுப்பிலேயே செய்யவேண்டும். இதற்கு எந்த ஆதரவும் அளிக்கப்படமாட்டாது.
• மரபு: விண்டோஸ் கட்டுப்பாட்டகத்தில் பயனர் இடைமுகப்பு தன்னியக்கமாக்கல் முழுமையாக முடக்கப்படும். பயனர் இடைமுகப்பு தன்னியக்கமாக்கல் சிறந்த அனுபவத்தையளிக்கும் சூழ்நிலை உட்பட எல்லாச் சூழ்நிலைகளிலும், மாற்றாக அமைந்திருக்கும் இவ்விருப்பத் தேர்வே பயன்படுத்தப்படும். ஆகவே, தாங்கள் என்ன செய்கிறீர்கள் என்பதை தாங்கள் அறிந்திருந்தால் மட்டுமே, இவ்விருப்பத் தேர்வினைத் தெரிவுசெய்யவும்.

மைக்ரோசாஃப்ட் எட்ஜ் மற்றும் பிற குரோமியம் அடிப்படையிலான உலாவிகளைப் பயன்படுத்தும்பொழுது பயனர் இடைமுகப்பு தன்னியக்கமாக்கலை கிடைப்பிலிருந்தால் பயன்படுத்துக

மைக்ரோசாஃப்ட் எட்ஜ் போன்ற குரோமியம் அடிப்படையிலான உலாவிகளில் பயனர் இடைமுகப்பு தன்னியக்கமாக்கலைப் பயன்படுத்த இச்சேர்க்கைப் பெட்டி அனுமதிக்கிறது. குரோமியம் அடிப்படையிலான உலாவிகளுக்கு பயனர் இடைமுகப்பு தன்னியக்கமாக்கலின் ஆதரவு துவக்கநிலை மேம்பாட்டில் இருப்பதால், அணுகலுக்கு IA2 அளிக்கும் ஆதரவுக்கு இணையாக இதன் ஆதரவு இருப்பதில்லை. கீழ்க்கண்ட விருப்பத் தேர்வுகளை இச்சேர்க்கைப் பெட்டி கொண்டுள்ளது:

• இயல்பிருப்பு (தேவைப்படும்பொழுது மட்டும்): என்விடிஏவின் இந்த இயல்பிருப்பு தற்போதைக்கு தேவைப்படும்பொழுது மட்டும் பயன்படுத்தப்படும். எதிர்காலத்தில் தொழில்நுட்பம் மேம்படும்பொழுது, இந்த இயல்பிருப்பு மாறும்.
• தேவைப்படும்பொழுது மட்டும்: என்விடிஏவால் உலாவிகளில் IA2-ஐ பயன்படுத்தமுடியாத நிலையில், பயனர் இடைமுகப்பு தன்னியக்கமாக்கல் கிடைப்பிலிருந்தால், அதை என்விடிஏ பயன்படுத்தும்.
• ஆம்: பயனர் இடைமுகப்பு தன்னியக்கமாக்கலை உலாவிகள் கிடைக்கச் செய்தால், என்விடிஏ அதைப் பயன்படுத்தும்.
• இல்லை: IA2-ஐ பயன்படுத்த இயலாவிட்டாலும், பயனர் இடைமுகப்பு தன்னியக்கமாக்கலைப் என்விடிஏ பயன்படுத்தாது. IA2-ல் இருக்கும் வழுக்களை நீக்க விழையும்பொழுது, பயனர் இடைமுகப்பு தன்னியக்கமாக்கலை என்விடிஏ பயன்படுத்துவதைத் தவிர்க்க மேம்படுத்துநர்கள் விரும்புவார்கள். இதுபோன்ற தருணங்களில் இவ்விருப்பத் தேர்வு பயன்படும்.

விளக்கவுரைகள்

இவ்விருப்பத் தேர்வு, பரிசோதனை அடிப்படையிலான ஆரியா விளக்கவுரை ஆதரவினை வழங்கும் கூறுகளை முடுக்க உதவுகிறது. இவைகளில் சில கூறுகள் முழுமையடையாமல் இருக்கலாம்.

இமைக்கும் சுட்டுக்குறியின் இடத்தில் இருக்குவிளக்கவுரை விவரங்களின் சுருக்கத்தை அறிவிக்க, என்விடிஏ+d விசையை அழுத்தவும்.

பின்வரும் விருப்பத் தேர்வுகள் உள்ளன:

• "கட்டமைக்கப்பட்ட விளக்கவுரைகளுக்கான 'விவரங்களை' அறிக்கை கொண்டுள்ளது": உரை, அல்லது கட்டுப்பாடு, கூடுதல் விவரங்களைக் கொண்டுள்ளதா என்கிற அறிவிப்பை முடுக்குகிறது.
• "ஆரியா விளக்கத்தை எப்பொழுதும் அறிவித்திடுக": "accDescription" பண்புக்கூறின் ஆதாரம், ஆரியா விளக்கமாக இருந்தால், அவ்விளக்கம் அறிவிக்கப்படும். இணையத்திலிருக்கும் விளக்கவுரைகளுக்கு இது பயன்படும். குறிப்பு:
  • "accDescription" பண்புக்கூறுக்கு பல ஆதாரங்கள் உள்ளன. இவைகளில் பல, கலவையான, அல்லது நம்பகமற்ற சொற்பொருளியலைக் கொண்டுள்ளன. "accDescription" பண்புக்கூறின் ஆதாரங்களை வரலாற்று ரீதியாக உதவித் தொழில்நுட்பத்தினால் வேறுபடுத்தி காண இயலவில்லை. கலவையான சொற்பொருளியலினால், பொதுவாக இது பேசப்படவில்லை.
  • துவக்கநிலை மேம்பாட்டில் இவ்விருப்பத் தேர்வு இருப்பதோடு, பரவலாக கிடைக்கப்பெறாத உலாவிகளின் கூறுகளையும் இது சார்ந்துள்ளது.
  • குரோமியம் 92.0.4479.0+ பதிப்புடன் இது செயற்படுமென்று எதிர்பார்க்கப்படுகிறது.

உயிர்ப்புடனிருக்கும் பகுதிகளை அறிவித்திடுக

இணையத்திலிருக்கும் சில இயங்குநிலை உள்ளடக்கங்களை என்விடிஏ பிரெயிலில் காட்டுவதை இவ்விருப்பத் தேர்வு அனுமதிக்கிறது. இவ்விருப்பத் தேர்வினை முடக்குவது, 2023.1, அல்லது அதற்கும் முந்தைய பதிப்புகளில் காணப்படும் என்விடிஏவின் தன்மைக்கு ஒத்ததாகும். அதாவது, உள்ளடக்க மாற்றங்களை என்விடிஏ பிரெயிலில் காட்டாமல், வெறும் பேச்சில் மட்டும் அறிவிக்கும்.

எல்லா மேம்பட்ட முனையங்களிலும் கடவுச்சொற்களைப் பேசுக

பயனர் இடைமுகப்பு தன்னியக்கமாக்கல் இயக்கத்திலிருக்கும் விண்டோஸ் மற்றும் மிண்டி கட்டுப்பாட்டகங்களில் கடவுச்சொல்லை உள்ளிடும் திரை போன்ற திரைகள் இற்றைப்படுத்தப்படாமல் இருக்கும். இதுபோன்ற தருணங்களில், தட்டச்சிடப்பட்ட வரியுருக்களை பேச வேண்டுமா, அல்லது தட்டச்சிடப்பட்ட சொற்களை பேச வேண்டுமா என்று எவ்வமைப்பைப் பயன்படுத்தி வரியுரு உள்ளிடப்படவேண்டுமென்று வரையறுக்க இவ்வமைப்பு அனுமதிக்கிறது. பாதுகாப்புக் காரனங்களைக் கருதி, இவ்வமைப்பு முடக்கப்பட்ட நிலையிலேயே வைக்கப்பட்டிருக்க வேண்டும். ஆனால், கட்டுப்பாட்டகங்களில் தட்டச்சிடப்படும் வரியுருக்களை மற்றும்/அல்லது சொற்களை அறிவிக்கும் செயல்திறனில் சிக்கல்கள் இருந்தாலோ, அல்லது நிலைத்தன்மை இல்லாதிருந்தாலோ, அல்லது நம்பகமான சூழலில் பணிபுரிவதால், கடவுச்சொற்கள் அறிவிக்கப்பட வேண்டுமென்று விரும்பினாலோ, இவ்வமைப்புகளை தாங்கள் முடுக்க விரும்புவீர்கள்.

மரபு விண்டோஸ் கட்டுப்பாட்டகத்தில் தட்டச்சிடப்படும் எழுத்துகளைப் படிக்கும் மேம்பட்ட ஆதரவினை கிடைப்பிலிருந்தால் பயன்படுத்துக

மரபு விண்டோஸ் கட்டுப்பாட்டகத்தில் எழுத்துகளாக தட்டச்சிடப்படுவதை உணரும் மாற்று வசதியை இத்தேர்வுப் பெட்டி முடுக்குகிறது. செயல்திறனை இது மேம்படுத்தினாலும், சில கட்டுப்பாட்டக வெளியீட்டின் அறிவிப்பைத் தடுத்தாலும், சில முனைய நிரல்களுக்கு இது இணக்கமாக இருக்காது. இடைமுகப்பு தன்னியக்கமாக்கல் இல்லாதிருந்தால், அல்லது முடக்கப்பட்டிருந்தால், விண்டோஸ் 10 பதிப்புகள் 1607, மற்றும் அதற்கும் பிறகான பதிப்புகளில் இக்கூறு இயல்பில் முடுக்கப்பட்டிருக்கும். எச்சரிக்கை: இத்தேர்வுப் பெட்டி தேர்வான நிலையில், கடவுச் சொற்கள் போன்று, திரையில் தோன்றாத எழுத்துகளாக இருந்தாலும், அவை அறிவிக்கப்படும். நம்பத் தகாத சூழல்களில், கடவுச் சொற்களை உள்ளிடும்பொழுது, தட்டச்சிடப்படும் வரியுருக்களை படிக்கும் வசதியையும், தட்டச்சிடப்படும் சொற்களைப் படிக்கும் வசதியையும் தற்காலிகமாக முடக்கவும்.

வேறுபாடுகளைக் கண்டறிவதற்கான படிமுறைத் தீர்வு

முனையங்களில் தோன்றும் புதிய உரைகளை எவ்வாறு படிக்கவேண்டுமென்று என்விடிஏ தீர்மானிப்பதை இவ்வமைப்பு கட்டுப்படுத்துகிறது. வேறுபாடுகளைக் கண்டறிவதற்கான படிமுறைத் தீர்வு சேர்க்கைப் பெட்டி, பின்வரும் மூன்று விருப்பத் தேர்வுகளைக் கொண்டுள்ளது:

• தன்னியக்கம்: பெரும்பாலானத் தருணங்களில் வரியுரு அளவிலான வேறுபாடுகளைக் கண்டறிய என்விடிஏவை இவ்விருப்பத் தேர்வு முனையவைத்தாலும், பழைய விண்டோஸ் முனையம் மற்றும் மிண்டி போன்ற சிக்கலான பயன்பாடுகளில் வரியளவிலான வேறுபாடுகளைக் கண்டறிவதைச் சார்ந்திருக்க வைக்கும்.
• வரியுரு அளவிலான வேறுபாடுகளைக் கண்டறிதல்: முனையங்களில் தோன்றும் உரைகளின் வேறுபாடுகளை, பரிந்துரைக்கப்படாத தருணங்களில் கூட, வரியளவில் அல்லாமல், வரியுரு அளவில் என்விடிஏ கணக்கிடுகிறது. முனையங்களில் பெருமளவு உரை எழுதப்படும்பொழுது செயல்திறனை இது மேம்படுத்துவதோடு, வரிகளின் இடையில் ஏற்படும் மாற்றங்களையும் துல்லியமாக அறிவிக்கும். ஆனால், சில பயன்பாடுகளில், புதிய உரையைப் படிப்பதில் தடுமாற்றம், அல்லது சீரின்மை இருக்கும்.
• வரியளவிலான வேறுபாடுகளைக் கண்டறிதல்: முனையங்களில் தோன்றும் உரைகளின் வேறுபாடுகளை, பரிந்துரைக்கப்படாத தருணங்களில் கூட, வரியுரு அளவில் அல்லாமல், வரியளவில் என்விடிஏ கணக்கிடுகிறது. 2020.4 மற்றும் அதற்கு முந்தைய பதிப்புகளில் இருக்கும் என்விடிஏவின் தன்மைக்கு இது ஒப்பானதாகும். உள்வரும் உரைகளின் படித்தலை இவ்வமைப்பு சில பயன்பாடுகளில் நிலைப்படுத்தும். ஆனால், முனையங்களில், ஒரு வரியினிடையே ஒரு வரியுருவைச் செருகும்பொழுது, அல்லது அழிக்கும்பொழுது, அவ்வரியுருவிற்கு அடுத்ததாக இருக்கும் உரை படிக்கப்படும்.

விண்டோஸ் முனையத்தின் புதிய உரையை இவ்வழியே பேசுக

விண்டோஸ் முனையத்திலும், விஷுவல் ஸ்டூடியோ 2022ல் பயன்படுத்தப்படும் WPF விண்டோஸ் முனையக் கட்டுப்பாட்டிலும் இயங்குநிலை மாற்றங்களை அறிவிக்கும் வசதி முடுக்கப்பட்டிருந்தால், எந்த உரை புதிது, எதைப் பேச வேண்டுமென்று என்விடிஏ தீர்மானிக்க இவ்விருப்பத் தேர்வு வரையறுக்கிறது. விண்டோஸ் கட்டுப்பாட்டகத்தின்் (conhost.exe) மீது இது தாக்கத்தை ஏற்படுத்துவதில்லை. விண்டோஸ் முனையத்தில் இருக்கும் 'புதிய உரையைப் பேசுக' சேர்க்கைப் பெட்டி மூன்று விருப்பத் தேர்வுகளைக் கொண்டுள்ளது:

• இயல்பிருப்பு: இவ்விருப்பத் தேர்வு, தெரிவுசெய்யப்பட்டிருக்கும் மாற்றங்களைக் கண்டறிவதற்கான படிமுறைத் தீர்விற்கு தற்பொழுது இணையானதாக உள்ளது. ஆனால், பயனர் இடைமுகப்பு தன்னியக்கமாக்கல் அறிவிக்கைகளுக்கான ஆதரவு மேலும் மேம்படுத்தப்பட்டவுடன் இது மாறுமென்று எதிர்பார்க்கப்படுகிறது.
• தெரிவுசெய்யப்பட்டிருக்கும் படிமுறைத் தீர்வு: புதிய உரையை முனையம் வழங்கும்பொழுது, தெரிவுசெய்யப்பட்டிருக்கும் மாற்றங்களைக் கண்டறிவதற்கான படிமுறைத் தீர்வினை இவ்விருப்பத் தேர்வு பயன்படுத்துகிறது. என்விடிஏ 2022.4 மற்றும் அதற்கு முந்தைய பதிப்புகளின் தன்மைக்கு இது ஒத்ததாகும்.
• பயனர் இடைமுகப்பு தன்னியக்கமாக்கல் அறிவிக்கைகள்: எந்த உரையைப் பேச வேண்டுமென்று வரையறுக்கும் பொறுப்பை விண்டோஸ் முனையத்திடம் இவ்விருப்பத் தேர்வு விட்டுவிடுகிறது. அதாவது, திரையில் தோன்றும் எந்த உரை புதிது என்பதை என்விடிஏ வரையறுக்கத் தேவையில்லை. இது விண்டோஸ் முனையத்தின் செயல்திறனையும், நிலைத்தன்மையையும் குறிப்பிடத்தக்க வகையில் மேம்படுத்தவேண்டும். ஆனால், இக்கூறு இன்னும் முழுமையடையவில்லை. குறிப்பாக, கடவுச்சொற்கள் போன்ற திரையில் காட்டப்படாத தட்டச்சு செய்யப்பட்ட எழுத்துகள், இவ்விருப்பத் தேர்வினைத் தெரிவுசெய்யும்பொழுது அறிவிக்கப்படும். கூடுதலாக, 1000 வரியுருக்களுக்கு மேலான தொடர்ச்சியான வெளியீடு துல்லியமாக அறிவிக்கப்படாமல் இருக்கலாம்.

காலாவதியான குவிமைய நிகழ்வுகளுக்கான பேச்சை விலக்கிக்கொள்ள முயல்க

இவ்விருப்பத் தேர்வு, காலாவதியான குவிமைய நிகழ்வுகளுக்கான பேச்சை விலக்கிக்கொள்ளும் முயற்சியை முடுக்கிவிடும். குறிப்பாக, கூகுள் குரோமில், ஜிமெயில் அஞ்சல்களை விரைவாகப் படிக்கும்பொழுது, காலாவதியான தகவல்களை என்விடிஏ படிப்பதைத் தவிர்க்க இது உதவும். என்விடிஏ 2021.1 பதிப்பு முதல் இச்செயல்பாடு இயல்பில் முடுக்கப்பட்டிருக்கும்.

பேச்சொலியில் இருக்கும் தொடக்க அமைதியை நீக்கிடுக

இது முடுக்கப்படும்பொழுது, பேச்சொலியின் தொடக்கத்தில் இருக்கும் அமைதியை நீக்குகிறது என்பதால் சில ஒலிப்பான்களின் உணர்திறனை மேம்படுத்தலாம். இயல்பில் முடுக்கப்பட்டிருக்கும் இவ்விருப்பத் தேர்வு, பேச்சின் துவக்கத்தில் இருக்கும் அமைதியில் மட்டும்தான் ஊறுவிளைவிக்க வேண்டும். ஒரு பேச்சு ஒலிப்பான் நீட்சிநிரலைப் பயன்படுத்தும்பொழுது, இரு சொற்றொடருக்கிடையேயான இடைநிறுத்தம் போன்ற சில தேவையான அமைதி இடைவெளிகள் இல்லாததை தாங்கள் கண்டால், சிக்கலைத் தீர்க்க இக்கூறினை முற்றிலுமாக முடக்கிவிடலாம்.

சாப்பி 4 ஒலித வெளியீட்டிற்கு வாஸாப்பியைப் பயன்படுத்துக

விண்டோஸ் ஒலித அமர்வு ஏபிஐ (வாஸாப்பி) வாயிலாக ஒலிதத்தை வெளியிட மைக்ரோசாஃப்ட் பேச்சு ஏபிஐ பதிப்பு 4-ஐ (சாப்பி 4) இவ்விருப்பத் தேர்வு முடுக்குகிறது. தொடக்க அமைதியை நீக்குதல், ஒலிக் கருவியை விழித்திருக்கச் செய்தல் போன்ற பல கூடுதல் கூறுகளுடன் சாப்பி 4 குரல்கள் செயல்பட இது அனுமதிக்கலாம். ஆனால், தற்போதைய வாஸாப்பி நடைமுறைபடுத்தலுடன் சில வாஸாப்பி 4 குரல்கள் செயல்படாமல் இருக்கலாம். தாங்கள் பயன்படுத்தும் சாப்பி 4 குரல்கள் செயல்படுவதை நிறுத்திக் கொண்டுவிட்டன என்பதை தாங்கள் கண்டால், இவ்விருப்பத் தேர்வினை தாங்கள் முடக்கலாம்.

பேச்சு அமைப்பில் சாப்பி 5 குரல்களுக்கு இதையொத்த விருப்பத் தேர்வு ஒன்று உள்ளது என்பதை நினைவில் கொள்ளவும். இதை தற்போதைய விருப்பத் தேர்வுடன் குழப்பிக்கொள்ளக் கூடாது.

Use modern regular expression engine for speech dictionary entries

This setting controls how Regular expression entries in speech dictionaries are matched. The modern engine has better support for non-Latin scripts, such as Hebrew and Arabic, and offers more powerful matching options.

இமைக்கும் சுட்டுக்குறியின் நகர்வு காட்சியளிக்கும் நேரம் (நுண்வினாடிகளில்)

தொகுக்கப்படக்கூடிய உரைக் கட்டுப்பாடுகளில் இமைக்கும் சுட்டுக்குறி நகர்வதற்காக என்விடிஏ எத்தனை நுண்வினாடிகள் காத்திருக்க வேண்டுமென்பதை வரையறுக்க இவ்விருப்பத் தேர்வு அனுமதிக்கிறது. இமைக்கும் சுட்டுக்குறியின் இடத்திற்கு என்விடிஏ எப்பொழுதும் ஒரு வரியுரு பின்தங்கியிருக்கிறது, அல்லது வரிகளை மறுபடியும் தோற்றுவிக்கிறது என்றால், சுட்டுக்குறியை என்விடிஏ சரிவர பின்தொடர்வதில்லை என்று பொருள். இது போன்ற தருணங்களில், இக்களத்தின் மதிப்பை கூட்டிப் பார்க்கவும்.

நிறங்களுக்கான ஒளிபுகுதன்மையை அறிவித்திடுக

ஒளிபுகு நிறங்களின் அறிவித்தலை இவ்விருப்பத் தேர்வு முடுக்குகிறது. மூன்றாம் தரப்பு பயன்பாட்டுடனான பயனர்களின் அனுபவத்தை மேம்படுத்துவதற்கான தகவலைத் திரட்ட, நீட்சிநிரல்/நிரற்கூறு மேம்படுத்துநர்களுக்கு இது பயனுள்ளதாக இருக்கும். சில வரைகலை இடைமுகப்பு பயன்பாடுகள், பின்புல நிறத்தினைக் கொண்டு உரையைத் துலக்கமாக்கும். காட்சிப்படுத்தி மாதிரியைக் கொண்டு, இந்தப் பின்புல நிறத்தை அறிவிக்க என்விடிஏ முயலும். சில சூழ்நிலைகளில், பிற வரைகலை இடைமுகப்பின் மீது உரை அடுக்கப்பட்டிருப்பதால், உரையின் பின்புலம் முழுவதுமாக ஒளிபுகு வண்ணம் இருக்கும். பல பிரபலமான பயன்பாடுகள், ஒளிபுகு பின்புல நிறத்தைக் கொண்டு உரையை வழங்கலாம். ஆனால், பார்வைக்கு அந்தப் பின்புல நிறம் துல்லியமாக இருக்கும்.

வழுநீக்க செயற்குறிப்பேட்டுப் பதிவு வகைமைகள்

இப்பட்டியலில் காணப்படும் தேர்வுப் பெட்டிகள், குறிப்பிட்ட வழுநீக்கத் தகவல்களை என்விடிஏ செயற்குறிப்பேட்டுப் பதிவில் செயற்படுத்த தங்களை அனுமதிக்கிறது. இத்தகவல்களை செயற்குறிப்பேட்டில் பதிந்தால், என்விடிஏவின் செயல்திறன் குறைவதோடு, செயற்குறிப்பேட்டுக் கோப்பின் அளவும் பெரிதாகும். என்விடிஏ மேம்படுத்துநரால் குறிப்பாக அறிவுறுத்தப்படும்பொழுது மட்டுமே இவைகளில் ஒன்றை செயற்படுத்தவும். எடுத்துக்காட்டாக, சரிவர செயல்படாத ஒரு பிரெயில் காட்சிப்படுத்தியை சரிசெய்ய மேம்படுத்துநர் வழுநீக்க முயலும்போது, அவர் இதுபோன்று அறிவுறுத்தலாம்.

பதியப்படும் பிழைகளுக்கு ஒலியை எழுப்புக

ஒரு பிழை பதியப்படும்பொழுது, பிழை ஒலியை என்விடிஏ எழுப்பவேண்டுமா என்பதை வரையறுக்க இவ்விருப்பத் தேர்வு அனுமதிக்கிறது. Choosing "Only in test versions (default)" makes NVDA play error sounds only if the current NVDA version is a test version (alpha, beta or run from source). Choosing "Yes" allows to enable error sounds whatever your current NVDA version is. Choosing "No" disables error sounds no matter what your current NVDA version is, i.e. even in test versions.

உரைப் பத்தி விரைவு வழிசெலுத்தல் கட்டளைகளுக்கான சுருங்குறித்தொடர்

உலாவு நிலையில் உரை பத்திகளைக் கண்டறிவதற்கான சுருங்குறித்தொடரைத் தனிப்பயனாக்க இந்தக் களம் பயனர்களை அனுமதிக்கிறது. இந்த சுருங்குறித்தொடருடன் பொருந்தும் பத்திகளை உரைப் பத்தி வழிசெலுத்தல் கட்டளை தேடும்.

இதர அமைப்புகள்

என்விடிஏ அமைப்புகளைத் தவிர, என்விடிஏ பட்டியில் இருக்கும் விருப்பங்கள் உட்பட்டி, கீழே சுருக்கமாக விளக்கப்படும் பல உருப்படிகளையும் கொண்டுள்ளது.

பேச்சு அகரமுதலிகள்

விருப்பங்கள் உட்பட்டியில் இருக்கும் இவ்வுரையாடல் பெட்டி, சொற்களையும், சொற்றொடர்களையும் என்விடிஏ எவ்வாறு கையாள வேண்டுமென்று அறிவுறுத்தப் பயன்படுகிறது. தற்பொழுது, மூன்று வகையான பேச்சு அகரமுதலிகள் உள்ளன. அவையாவன:

• இயல்பகரமுதலி: இதில் ஏற்றப்படும் விதிகள், என்விடிஏவின் எல்லாப் பேச்சிலும் தாக்கத்தை ஏற்படுத்தும்.
• குரல் அகரமுதலி: இதில் ஏற்றப்படும் விதிகள், தற்பொழுது செயற்பட்டுக் கொண்டிருக்கும் ஒலிப்பானின் குரலில் மட்டுமே தாக்கத்தை ஏற்படுத்தும்.
• தற்காலிக அகரமுதலி: இதில் ஏற்றப்படும் விதிகள் எல்லாப் பேச்சிலும் தாக்கத்தை ஏற்படுத்தும். ஆனால், இவைத் தற்காலிகமானவை, என்விடிஏ மறுதுவக்கப்படும் வரைதான் செயலில் இருக்கும்.

மேற்கூறிய அகரமுதலிகளில் ஏதேனும் ஒன்றை எங்கிருந்தாயினும் தாங்கள் திறக்க விரும்பினால், உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகைகளை தாங்கள் இணைக்க வேண்டும்.

எல்லா அகரமுதலி உரையாடல் பெட்டிகளும் பேச்சை செய்முறைப் படுத்த, விதிகளின் பட்டியலைக் கொண்டிருக்கும். இவ்வுரையாடல், கூட்டுக, தொகுத்திடுக, நீக்குக, அனைத்தையும் நீக்குக ஆகிய பொத்தான்களையும் கொண்டிருக்கும்.

ஒரு விதியை கூட்ட, 'கூட்டுக' பொத்தானை அழுத்தி, உரையாடல் பெட்டியில் தோன்றும் களங்களை நிரப்பியவுடன், 'சரி' பொத்தானை அழுத்தவும். இதன் பிறகு, தாங்கள் கூட்டிய புதிய விதியை, விதிகளின் பட்டியலில் காண்பீர்கள். தாங்கள் கூட்டியுள்ள விதி சேமிக்கப்பட்டிருப்பதை உறுதி செய்ய, கூட்டுக, தொகு ஆகிய பணிகள் முடிவடைந்தவுடன், 'சரி' பொத்தானை அழுத்தி, அகரமுதலி உரையாடல் பெட்டியை விட்டு முழுமையாக வெளியேறவும்.

பேச்சு அகரமுதலிகளின் விதிகள், எழுத்துகளின் ஒரு தொகுதியை மற்றொன்றாகப் பேச வைக்க உதவுகிறது. எடுத்துக்காட்டாக, 'பறவை' என்கிற சொல்லை எதிர்கொள்ளும் பொழுதெல்லாம், என்விடிஏ, அச்சொல்லை 'தவளை' என்று கூறுமாறு ஒரு விதியை தாங்கள் உருவாக்கலாம். இதைச் செய்ய, அகரமுதலியின் உரையாடல் பெட்டியில், 'வடிவவிதம்' எந்கிற தொகு களத்தில் 'பறவை' என்று தட்டச்சிடப்பட்டபிறகு, 'மாற்றமர்வு' என்கிற தொகு களத்தில் 'தவளை' என்று தட்டச்சிட்டு, 'சரி' பொத்தானை அழுத்தவும். தாங்கள் செய்துள்ள மாற்றத்தை, 'கருத்துரை' தொகு களத்தில் குறிப்பிடலாம். எடுத்துக்காட்டாக, "'பறவை' என்கிற சொல் 'தவளை' என்று மாற்றப்பட்டுள்ளது" என்று குறிப்பிடலாம்.

சொற்களின் மாற்றமர்வுத் தவிர, இப்பேச்சு அகரமுதலிகள், மேலும் பல வலுவான கூறுகளைக் கொண்டுள்ளன. 'கூட்டுக' உரையாடல் பெட்டியில், தாங்கள் கூட்டும் விதி, வகையுணரியாக இருக்க வேண்டுமா என்று தீர்மானிக்க, ஒரு தேர்வுப் பெட்டியும் கொடுக்கப்பட்டுள்ளது. இயல்பில், என்விடிஏ, எழுத்து வகையின் வேறுபாட்டைப் பிரித்துணர்வதில்லை.

A set of radio buttons allows you to tell NVDA how your pattern should be matched. The available types are:

• Anywhere: The pattern can match anywhere in the text.
• Whole word: The replacement will only be made if the pattern occurs as a complete word. This means the pattern does not occur as part of a larger word. The condition is met if the characters immediately before and after the word are anything other than a letter, a number, or an underscore, or if there are no characters at all. For example, if you replace "bird" with "frog" using whole word matching, it would not match "birds" or "bluebird".
• Part of word: The pattern must be preceded or followed by an alphanumeric character or underscore to match. This is useful for matching parts of compound words. For example, if you replace "bird" with "frog" using part of word matching, it would match "birds", "bluebird", "bluebirds" and "birdsong", but not the standalone word "bird" (because it has neither a preceding nor a following alphanumeric character).
• Start of word: The pattern must have a word boundary at the start and an alphanumeric character or underscore at the end. For example, if you replace "bird" with "frog" using start of word matching, it would match "birds" and "birdsong", but not "bluebird" or the standalone word "bird".
• End of word: The pattern must have an alphanumeric character or underscore at the start and a word boundary at the end. For example, if you replace "bird" with "frog" using end of word matching, it would match "bluebird" and "songbird", but not "birds" or the standalone word "bird".
• Regular expression: The pattern is treated as a regular expression, which is a pattern containing special symbols that allow you to match on more than one character at a time, or match on just numbers, or just letters, as a few examples. சுருங்குறித்தொடர் குறித்து இப்பயனர் வழிகாட்டியில் விளக்கப்படவில்லை. ஒரு அறிமுகப் பயிற்சிக்காக, பைத்தனின் சுருங்குறித்தொடர் வழிகாட்டியைப் பார்க்கவும். Also consider the advanced setting to enable a more modern engine, especially when dealing with non-Latin scripts, such as Hebrew and Arabic.
• Unix shell-style wildcards: The pattern uses Unix shell-style wildcards for matching. For example:
  • * matches any sequence of characters.
  • ? matches a single character.
  • [az] matches a or z.
  • [a-z] matches any lowercase letter from a through z.
  • [!a-z] matches any character except lowercase letters a through z.

நிறுத்தற்குறிகள்/குறியெழுத்துகளின் பலுக்கல்

நிறுத்தற் குறிகள்/குறியெழுத்துகள் எவ்வாறு ஒலிக்கப்பட வேண்டுமென்பதையும், அவை எந்நிலையில் பேசப்பட வேண்டுமென்பதையும் கட்டுப்படுத்த இவ்வுரையாடல் பெட்டிப் பயன்படுகிறது.

எந்த மொழிக்காக குறியெழுத்துகளின் ஒலிப்பு தொகுக்கப்படுகிறது என்பதை உரையாடல் தலைப்பில் காண்பிக்கப்படும். என்விடிஏ அமைப்புகள் உரையாடலில் காணப்படும் பேச்சு அமைப்புகளில் இருக்கும் 'வரியுருக்களையும், குறியெழுத்துகளையும் கையாளும்பொழுது குரலின் மொழியை நம்புக' என்கிற விருப்பத் தேர்வினை இவ்வுரையாடல் மதிக்கிறது. அதாவது, இத்தேர்வுப் பெட்டித் தேர்வாகியிருக்கும் பொழுது, என்விடிஏவின் முழுதளாவிய மொழி அமைப்புகளைப் பயன்படுத்தாமல், குரலின் மொழியைப் பயன்படுத்துகிறது.

ஒரு குறியெழுத்தின் பலுக்கலை மாற்ற, பட்டியலில் அக்குறியெழுத்தை முதலில் தெரிவுசெய்யவும். "இதைக் கொண்டு வடிகட்டுக" என்கிற தொகுகளத்தில் குறியெழுத்தின், அல்லது அதன் மாற்றமைவின் ஒரு பகுதியை தட்டச்சிடுவதன் மூலம், குறியெழுத்துகளை வடிகட்டித் தெரிவுசெய்யலாம்.

• 'மாற்றமர்வு' தொகு களத்தில், தேர்ந்தெடுக்கப்பட்டுள்ள குறியெழுத்திற்கு மாற்றாக ஒலிக்க வேண்டிய உரையைத் தொகுக்கலாம்.
• இக்குறியெழுத்து ஒலிக்கப்பட வேண்டிய அடிமட்ட குறியெழுத்து நிலையை, நிலைக் களத்தில் வரையறுக்கலாம் (ஏதுமில்லை, சில, பல, அல்லது அனைத்தும்). நிலையை வரியுரு என்றும் தாங்கள் அமைக்கலாம். இந்நிலையில், கீழ்க்கண்ட இரு விதிவிலக்குகளைத் தவிர, பயன்பாட்டிலிருக்கும் குறியெழுத்தின் நிலை எதுவாக இருப்பினும், குறியெழுத்து பேசப்பட மாட்டாது:
  • ஒவ்வொரு வரியுருவாக வழிசெலுத்தும்பொழுது.
  • அந்தக் குறியெழுத்தினைக் கொண்டிருக்கும் எந்தவொரு உரையையும் எழுத்துகளாக என்விடிஏ படிக்கும்பொழுது.
• மாற்றமர்விற்கு வேறுபட்டு அமைந்திருக்கும் குறியெழுத்து எப்பொழுது ஒலிப்பானுக்கு அனுப்பி வைக்கப்பட வேண்டுமென்பதை, 'உள்ளபடியான குறியெழுத்தினை ஒலிப்பானுக்கு அனுப்பவும்' என்கிற களத்தில் வரையறுக்கலாம். ஒரு குறியெழுத்து, ஒலிப்பானின் பேச்சைத் தாமதிக்கும், அல்லது குரலின் ஏற்ற இறக்கத்தை மாற்றியமைக்கும் தருணங்களில் இது பயன்படுகிறது. எடுத்துக்காட்டாக, உரையில் தோன்றும் ஒரு கால் புள்ளி, ஒலிப்பானின் பேச்சைத் தாமதிக்கிறது. குறியெழுத்தினை ஒலிப்பானுக்கு அனுப்பி வைக்க, மூன்று விருப்பத் தேர்வுகள் உள்ளன:
  • எப்பொழுதுமே இல்லை: உள்ளபடியான குறியெழுத்தினை ஒலிப்பானுக்கு எப்பொழுதுமே அனுப்பத் தேவையில்லை.
  • எப்பொழுதும்: உள்ளபடியான குறியெழுத்தினை ஒலிப்பானுக்கு எப்பொழுதும் அனுப்பவும்.
  • குறியெழுத்தின் நிலைக்குக் கீழ் மட்டும்: அமைவடிவமாக்கப்பட்டுள்ள பேச்சுக் குறியெழுத்தின் நிலை, இக்குறியெழுத்திற்கான நிலைக்குக் கீழ் இருந்தால் மட்டும், உள்ளபடியான குறியெழுத்தினை ஒலிப்பானுக்கு அனுப்பவும். எடுத்துக்காட்டாக, ஒரு குறியெழுத்து, அதன் மாற்றமர்வை உயர் நிலைகளில் ஒலிப்பானைத் தாமதிக்காமலும், கீழ் நிலைகளில் அதனைத் தாமதித்தும் பேச வைக்க இதைப் பயன்படுத்தலாம்.

'கூட்டுக' பொத்தானை அழுத்துவதன் மூலம், புதிய குறியெழுத்துகளை தாங்கள் சேர்க்கலாம். தோன்றும் உரையாடல் பெட்டியில், சேர்க்கப்பட வேண்டிய குறியெழுத்தினை உள்ளிட்டு, 'சரி' பொத்தானை அழுத்தவும். பிறகு, மற்ற குறியெழுத்துகளுக்குச் செய்வது போல, புதிய குறியெழுத்தின் களத்தையும் மாற்றவும்.

தாங்கள் ஏற்கெனவே சேர்த்துள்ள குறியெழுத்தினை நீக்க, 'நீக்குக' பொத்தானை அழுத்தவும்.

தாங்கள் மாற்றத்தை முடித்தவுடன், மாற்றங்களை சேமிக்க, 'சரி' பொத்தானை அழுத்தவும். மாற்றங்களை சேமிக்காமல் வெளியேற, 'விலக்குக' பொத்தானை அழுத்தவும்.

சிக்கலான குறியெழுத்துகளைப் பொறுத்தமட்டில், மாற்றமர்வுக் களம், ஒப்புநோக்கப்பட்ட உரையின் குழு மேற்கோள்களினை சேர்த்துக்கொள்ள வேண்டும். எடுத்துக்காட்டாக, ஒப்புநோக்கப்படவேண்டிய வடிவவிதம், ஒரு முழுத் தேதியாக இருக்கும்பட்சத்தில், மாற்றமர்வுக் களத்தில், \1, \2, மற்றும் \3 என்று தோன்ற வேண்டும். இப்படித் தோன்றினால் மட்டுமே, அவைகளுக்கேற்ற தேதியின் பகுதிகளால் மாற்றியமைக்கப்படும். இயல்பான பின்சாய்வுக் கோடுகள் மாற்றமர்வுக் களத்தில் இரட்டிப்பாக்கப்பட வேண்டும். எ.கா. "a\b" மாற்றமர்வைப் பெற "a\\b" என்று தட்டச்சிட வேண்டும்.

உள்ளீட்டுச் சைகைகள்

என்விடிஏ கட்டளைகளில் பயன்படுத்தப்படும் விசைப்பலகை உள்ளீடுகள், பிரெயில் காட்சிப்படுத்தியின் பொத்தான்கள் போன்றவைகளை இவ்வுரையாடல் பெட்டியில் தனிப்பயனாக்கலாம்.

உரையாடல் பெட்டித் தோன்றுவதற்கு உடனடியாக முன்னிருந்த நிலைக்குப் பொருத்தமான கட்டளைகள் மட்டுமே காண்பிக்கப்படும். எடுத்துக்காட்டாக, உலாவும் நிலைக்கான கட்டளைகளைத் தாங்கள் தனிப்பயனாக்க விரும்பினால், உலாவும் நிலையில் இருந்து கொண்டு, உள்ளீட்டுச் சைகைகள் உரையாடலைத் திறக்க வேண்டும்.

இவ்வுரையாடலில் இருக்கும் கிளை, பொருத்தமான எல்லா என்விடிஏ கட்டளைகளையும், வகைகளின் அடிப்படையில் குழுவாக்கிக் காண்பிக்கிறது. காண்பிக்கப்படும் கட்டளைகளை வடிகட்ட, கொடுக்கப்பட்டுள்ள தொகு களத்தில், கட்டளையின் பெயரில் இருக்கும் ஒன்று, அல்லது ஒன்றிற்கும் மேற்பட்ட சொற்களைப் எவ்வரிசையிலும் உள்ளிடலாம். கட்டளையுடன் இணைக்கப்பட்டிருக்கும் சைகைகள், கட்டளையின் கீழ் பட்டியலிட்டுக் காண்பிக்கப்படும்.

ஒரு கட்டளைக்கு உள்ளீட்டுச் சைகையை இணைக்க விரும்பினால், அக்கட்டளையைத் தெரிவுசெய்து, 'கூட்டுக' பொத்தானை அழுத்தவும். பிறகு, இணைக்க விரும்பும் சைகையை செயற்படுத்தவும். எடுத்துக்காட்டாக, விசைப்பலகையின் விசையை, அல்லது பிரெயில் காட்சிப்படுத்தியின் பொத்தானை அழுத்தவும். பெரும்பாலான தருணங்களில், ஒரு சைகையை, ஒன்றிற்கும் மேற்பட்ட முறையில் வரையறுக்கலாம். எடுத்துக்காட்டாக, அழுத்தப்பட்டிருக்கும் உள்ளீட்டுச் சைகை, மேசைக்கணினி, அல்லது மடிக் கணினி போன்ற தற்போதைய விசைப்பலகைத் தளவமைப்பிற்கு மட்டும் வரையறுக்கலாம், அல்லது எல்லா விசைப்பலகைத் தளவமைப்புகளுக்கும் பொருந்துமாறு அமைக்கலாம். தங்களின் விருப்பத் தேர்வினைத் தெரிவுசெய்ய, ஒரு பட்டியல் தோன்றும்.

ஒரு கட்டளையிடமிருந்து ஒரு சைகையை நீக்க, அச்சைகையைத் தெரிவுசெய்து, 'நீக்குக' பொத்தானை அழுத்தவும்.

கணினி விசைப் பலகையின் விசைகளை ஒப்புருவாக்கத் தேவைப்படும் என்விடிஏ கட்டளைகளை, ஒப்புருவாக்கப்பட்ட கணினி விசைப் பலகை விசைகள் வகைமை கொண்டிருக்கும். தங்களின் பிரெயில் காட்சிப்படுத்தியின் வாயிலாக கணினி விசைப் பலகையைக் கட்டுப்படுத்த, இந்த ஒப்புருவாக்கப்பட்டக் கணினி விசைப் பலகை விசைகளைப் பயன்படுத்தலாம். ஒரு ஒப்புருவாக்கப்பட்ட உள்ளீட்டுச் சைகையை சேர்க்க, ஒப்புருவாக்கப்பட்ட கணினி விசைப் பலகை விசைகள் வகைமையைத் தெரிவுசெய்து, 'கூட்டுக' பொத்தானை அழுத்தவும். பிறகு, தாங்கள் ஒப்புருவாக்க விரும்பும் விசையை விசைப் பலகையில் அழுத்தவும். இதன் பிறகே, மேலே விளக்கியது போல, உள்ளீட்டுச் சைகையை இணைக்க, ஒப்புருவாக்கப்பட்டக் கணினி விசைப் பலகை பிசைகள் வகைமையில் விசைகள் கிடைக்கப்பெறும்.

குறிப்பு:

• உரையாடலைச் சேமித்தல், அல்லது மூடுதல் நிலைத்திருக்க, ஒப்புருவாக்கப்பட்ட விசைகளுக்கு சைகைகள் இணைக்கப்பட்டிருக்க வேண்டும்.
• மாற்றியமைப்பி விசைகளை கொண்டிருக்காத ஒப்புருவாக்கப்பட்ட விசைகளுக்கு, மாற்றியமைப்பி விசைகளைக் கொண்டிருக்கும் உள்ளீட்டுச் சைகைகளை இணைக்க இயலாது. எடுத்துக்காட்டாக, 'a' என்கிற ஒப்புருவாக்கப்பட்ட விசைக்கு, 'கட்டுப்பாடு+m' என்கிற உள்ளீட்டுச் சைகையை இணைத்தால், 'கட்டுப்பாடு+a' என்கிற விசைதான் பயன்பாட்டில் பெறப்படும்.

தாங்கள் மாற்றத்தை முடித்தவுடன், மாற்றங்களை சேமிக்க, 'சரி' பொத்தானை அழுத்தவும். மாற்றங்களை சேமிக்காமல் வெளியேற, 'விலக்குக' பொத்தானை அழுத்தவும்.

அமைவடிவத்தை சேமித்தல்/மீளேற்றம் செய்தல்

இயல்பில், என்விடிஏவை விட்டு வெளியேறும்பொழுது, அமைவடிவ மாற்றங்கள் தானாக சேமிக்கப்படுகிறது. குறிப்பு: ஆனால், இவ்விருப்பத் தேர்வினை, விருப்பங்கள் உட்பட்டியில் இருக்கும் பொது அமைப்புகள் உரையாடலில் மாற்றியமைக்கலாம். எத்தருணத்திலும் தாங்களே அமைவடிவத்தை சேமிக்க, என்விடிஏ பட்டியில் இருக்கும் 'அமைவடிவத்தை சேமித்திடுக' உருப்படியின் மீது உள்ளிடு விசையை அழுத்தவும்.

அமைவடிவத்தில் தவறு செய்துவிட்டு, அதிலிருந்து மீள நினைத்தால், என்விடிஏ பட்டியில் இருக்கும் 'சேமிக்கப்பட்டுள்ள அமைவடிவத்திற்குத் திரும்பிச் செல்க' உருப்படியின் மீது உள்ளிடு விசையை அழுத்தவும். என்விடிஏ பட்டியிலுள்ள 'அமைவடிவத்தைத் தொழிற்சாலை இயல்பிற்கு மாற்றியமைத்திடுக' உருப்படியின் மீது உள்ளிடு விசையை அழுத்துவதன் மூலமும், தங்களின் அமைப்புகளைத் தொழிற்சாலை இயல்பிற்கு மாற்றியமைக்கலாம். After resetting, a dialog will appear allowing you to undo the reset and restore your previous configuration.

கீழ்வரும் என்விடிஏ விசைக் கட்டளைகளும் பயன்படும்:

அமைவடிவ தனியமைப்புகள்

சில தருணங்களில், மாறுபட்ட சூழ்நிலைகளுக்கேற்ப மாறுபட்ட அமைப்புகளை வைத்துக் கொள்ள விரும்புவீர்கள். எடுத்துக்காட்டாக, ஒரு ஆவணத்தைத் தொகுக்கும் பொழுதோ, அதிலுள்ள பிழைகளை சரிபார்க்கும் பொழுதோ, ஓரச் சீர்மையை அறிவிக்கும் வசதியை முடுக்கிவிட விரும்புவீர்கள். அமைவடிவ தனியமைப்புகளைக் கொண்டு இதை செய்ய என்விடிஏ அனுமதிக்கிறது.

ஒரு தனியமைப்பு தொகுக்கப்படும்பொழுது ஏற்படுத்தப்படும் அமைப்புகளின் மாற்றங்களை மட்டுமே அமைவடிவ தனியமைப்பு தன்னுள் கொண்டிருக்கும். என்விடிஏ அமைப்புகள் உரையாடலில் காணப்படும் என்விடிஏ முழுமைக்கும் செயல்படும் பொது வகைமையைத் தவிர, பெரும்பாலான பிற அமைப்புகளை அமைவடிவ தனியமைப்புகளில் மாற்றிக் கொள்ளலாம்.

ஒரு உரையாடலை, அல்லது தனிப்பயனாக்கப்பட்டச் சைகைகளைக் கொண்டு அமைவடிவ அமைப்புகளை கைமுறையில் இயங்கச் செய்யலாம். ஒரு பயன்பாட்டிற்கு மாறுவது போன்ற தூண்டுதல்களினாலும், அவைகளைத் தானாக இயங்கச் செய்யலாம்.

அடிப்படை மேலாண்மை

என்விடிஏ பட்டியில் காணப்படும் 'அமைவடிவ தனியமைப்புகள்' உருப்படியைத் தெரிவுசெய்வதின் மூலம், அமைவடிவ தனியமைப்புகளைத் தாங்கள் மேலாளுகிறீர்கள். தாங்கள் ஒரு விசைக் கட்டளையைக் கொண்டும் இதை செய்யலாம்.

• என்விடிஏ+கட்டுப்பாடு+p: அமைவடிவ தனியமைப்புகள் உரையாடலை காட்டுக.

இவ்வுரையாடலின் முதல் கட்டுப்பாடாக இருப்பது தனியமைப்புகளின் பட்டியலாகும். இப்பட்டியலிலிருந்து ஒரு தனியமைப்பைத் தாங்கள் தெரிவுசெய்து கொள்ளலாம். உரையாடலைத் தாங்கள் திறந்தவுடன், தாங்கள் தற்பொழுது பயன்படுத்திக் கொண்டிருக்கும் தனியமைப்பு தெரிவுசெய்யப்படும். இயக்கத்திலிருக்கும் தனியமைப்பிற்கான கூடுதல் தகவலையும் இவ்வுரையாடல் காண்பிக்கும். இயக்கத்திலிருக்கும் தனியமைப்பு, கைமுறையில் இயக்கப்பட்டதா, தூண்டப்பட்டதா, அல்லது தற்பொழுது தொகுக்கப்படுகிறதா போன்ற தகவல்களை காண்பிக்கும்.

ஒரு தனியமைப்பை மறுபெயரிட, அல்லது அழிக்க, முறையே மறுபெயரிடுக, அல்லது அழித்திடுக பொத்தானை அழுத்தவும்.

உரையாடலை மூட, 'மூடுக' பொத்தானை அழுத்தவும்.

தனியமைப்பை உருவாக்குதல்

ஒரு தனியமைப்பை உருவாக்க, 'புதிது' பொத்தானை அழுத்தவும்.

'புதிய தனியமைப்பு' உரையாடலில், தனியமைப்பிற்கான பெயரைத் தாங்கள் உள்ளிடலாம். இத்தனியமைப்பு எவ்வாறு பயன்படுத்தப்பட வேண்டுமென்பதையும் தாங்கள் தெரிவுசெய்யலாம். இத்தனியமைப்பைத் தாங்கள் கைமுறையில் மட்டுமே பயன்படுத்த விரும்பினால், இயல்பில் அமைந்திருக்கும் 'கைமுறை இயக்கம்' தேர்வுப் பொத்தானைத் தெரிவுசெய்யவும். கைமுறையில் இயக்க விரும்பவில்லையென்றால், இத்தனியமைப்பைத் தானாக இயங்கச் செய்யும் தூண்டுதலின் பெயரைக் கொண்டிருக்கும் தேர்வுப் பொத்தானைத் தெரிவுசெய்யவும். தனியமைப்பின் பெயரைத் தாங்கள் குறிப்பிடவில்லை என்றால், தூண்டுதலின் பெயரைக் கொண்டிருக்கும் தேர்வுப் பொத்தானைத் தெரிவுசெய்யும் பொழுது, தனியமைப்பின் பெயரும் தக்கவாறு நிரப்பப்படும் வசதியும் கொடுக்கப்பட்டுள்ளது. தூண்டுதல்கள் குறித்த கூடுதல் தகவல்களுக்கு, கீழே காணவும்.

'சரி' பொத்தானை அழுத்தியவுடன், தனியமைப்பு உருவாக்கப்பட்டு, தாங்கள் அத்தனியமைப்பைத் தொகுக்க வசதியாக 'அமைவடிவ தனியமைப்புகள்' உரையாடல் மூடப்படும்.

கைமுறை இயக்கம்

ஒரு தனியமைப்பைத் தெரிவுசெய்து, 'கைமுறையில் இயக்குக' பொத்தானை அழுத்துவதன் மூலம், அத்தனியமைப்பை கைமுறையில் இயங்கச் செய்யலாம். இயங்கச் செய்த பின்னரும் கூட, தூண்டுதல்களினால் பிற தனியமைப்புகளும் இயக்கப் படலாம். இருந்தாலும், கைமுறையில் இயக்கப்பட்டிருக்கும் தனியமைப்பின் அமைப்புகளுக்கு முன்னுரிமை அளித்த பின்னரே, தூண்டுதல்களினால் செயற்படும் தனியமைப்புகளின் அமைப்புகள் செயற்படுத்தப்படும். எடுத்துக்காட்டாக, தற்போதைய பயன்பாட்டிற்கான தனியமைப்பு தூண்டப்பட்ட நிலையில், அத்தனியமைப்பில் தொடுப்புகளை அறிவிக்கும் வசதி முடுக்கப்பட்டிருந்து, கைமுறையில் இயக்கப்பட்ட தனியமைப்பில் தொடுப்புகளை அறிவிக்கும் வசதி முடக்கப்பட்டிருந்தால், என்விடிஏ தொடுப்புகளை அறிவிக்காது. ஆனால், தூண்டப்பட்டிருக்கும் தனியமைப்பில் குரலைத் தாங்கள் மாற்றியிருந்து, கைமுறையில் இயக்கப்பட்டிருக்கும் தனியமைப்பில் குரலை மாற்றியிருக்கவில்லை எனில், தூண்டப்பட்ட தனியமைப்பின் குரல் பயன்படுத்தப்படும். தாங்கள் மாற்றிய அமைப்புகள், கைமுறையில் இயக்கப்பட்ட தனியமைப்பில் சேமிக்கப்படும். கைமுறையில் இயக்கப்பட்ட தனியமைப்பின் இயக்கத்தை நிறுத்த, அத்தனியமைப்பை அமைவடிவ தனியமைப்புகள் உரையாடலில் தெரிவுசெய்து, 'கைமுறை இயக்கத்தை நிறுத்துக' பொத்தானை அழுத்தவும்.

தூண்டுதல்கள்

தனியமைப்புகள் உரையாடலில் காணப்படும் 'தூண்டுதல்கள்' பொத்தானை அழுத்துவது, பலதரப்பட்ட தூண்டுதல்களினால் தானாக இயக்கப்பட வேண்டிய தனியமைப்புகளை மாற்றியமைக்க அனுமதிக்கிறது.

தூண்டுதல்களின் பட்டியல், கிடைப்பிலிருக்கும் தூண்டுதல்களை காண்பிக்கும். அவை கீழே கொடுக்கப்பட்டுள்ளன:

• தற்போதைய பயன்பாடு: தற்போதைய பயன்பாட்டிற்குத் தாங்கள் மாறும்பொழுது தூண்டப்படும்.
• எல்லாம் படித்திடுக: எல்லாம் படித்திடுக கட்டளையைக் கொண்டு படிக்கும்பொழுது தூண்டப்படும்.

ஒரு தூண்டுதலுக்குத் தானாக செயற்பட வேண்டிய தனியமைப்பை மாற்ற, முதலில் தூண்டுதலைத் தெரிவுசெய்து கொண்டு, தோன்றும் பட்டியலில் காணப்படும் தனியமைப்புகளில் ஒன்றைத் தெரிவுசெய்யவும். எத்தனியமைப்பையும் தாங்கள் பயன்படுத்த விரும்பவில்லையென்றால், இயல்பான அமைவடிவத்தைத் தெரிவுசெய்யவும்.

அமைவடிவ தனியமைப்புகள் உரையாடலுக்குத் திரும்ப, 'மூடுக' பொத்தானை அழுத்தவும்.

தனியமைப்பைத் தொகுத்தல்

ஒரு தனியமைப்பை கைமுறையில் தாங்கள் இயக்கியிருந்தால், அமைப்புகளில் தாங்கள் மேற்கொள்ளும் எந்தவொரு மாற்றமும், அத்தனியமைப்பில் சேமிக்கப்படும். எத்தனியமைப்பும் கைமுறையில் இயக்கப்படாத தருணத்தில், அமைப்புகளில் தாங்கள் மேற்கொள்ளும் எந்தவொரு மாற்றமும், மிக அண்மையில் தூண்டப்பட்டிருக்கும் தனியமைப்பில் சேமிக்கப்படும். எடுத்துக்காட்டாக, நோட்பேட் பயன்பாட்டிற்கு ஒரு தனியமைப்பைத் தாங்கள் இணைத்திருந்து, நோட்பேடிற்குத் தாங்கள் மாறினால், அமைப்புகளில் தாங்கள் செய்யும் மாற்றங்கள் அத்தனியமைப்பில் சேமிக்கப்படும். இறுதியாக, கைமுறையில் இயக்கப்பட்ட, அல்லது தூண்டப்பட்ட தனியமைப்பு ஏதுமில்லாதபொழுது, அமைப்புகளில் தாங்கள் மேற்கொள்ளும் மாற்றங்கள், இயல்பான அமைவடிவத்தில் சேமிக்கப்படும்.

எல்லாம் படித்தலுக்கு இணைக்கப்பட்டிருக்கும் தனியமைப்பைத் தாங்கள் தொகுக்க வேண்டுமானால், அத்தனியமைப்பை கைமுறையில் தொகுக்க வேண்டும்.

தூண்டுதல்களைத் தற்காலிகமாக முடக்குதல்

சில தருணங்களில், எல்லாத் தூண்டுதல்களையும் தற்காலிகமாக முடக்குவது பயனளிப்பதாக இருக்கும். எடுத்துக்காட்டாக, தூண்டுதல்களின் இடையூறு இல்லாமல், கைமுறையில் இயக்கப்பட்ட தனியமைப்பையோ, இயல்பான அமைவடிவத்தையோ தாங்கள் தொகுக்க விரும்புவீர்கள். இதைச் செய்ய, அமைவடிவ தனியமைப்புகள் உரையாடலில் காணப்படும் 'எல்லாத் தூண்டுதல்களையும் தற்காலிகமாக முடக்குக' தேர்வுப் பெட்டியைத் தேர்வுச் செய்யவும்.

தூண்டுதல்களை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

உள்ளீட்டுச் சைகைகளைக் கொண்டு தனியமைப்பை இயக்குதல்

தாங்கள் உருவாக்கும் ஒவ்வொரு தனியமைப்பையும் இயக்க, ஒன்று, அல்லது ஒன்றிற்கும் மேற்பட்ட உள்ளீட்டுச் சைகைகளை தங்களால் அதற்கு ஒதுக்க இயலும். தங்களுக்கென்று ஒதுக்கப்பட்ட உள்ளீட்டுச் சைகைகளை அமைவடிவத் தனியமைப்புகள் இயல்பில் கொண்டிருக்காது. உள்லீட்டுச் சைகைகள் உரையாடலைக் கொண்டு, சைகைகளை இணைப்பதன் மூலம், தங்களால் ஒரு தனியமைப்பை இயக்க இயலும். இவ்வுரையாடலில் காணப்படும் அமைவடிவத் தனியமைப்புகள் வகைமையின் கீழ் ஒவ்வொரு தனியமைப்பிற்குமான விசை ஒதுக்கீடுகள் அமைந்திருக்கும். ஒரு தனியமைப்பின் பெயரை தாங்கள் மாற்றியமைத்தாலும், அத்தனியமைப்பிற்கு தாங்கள் ஏற்கெனவே இணைத்திருக்கும் சைகைகள் மாறாமல் இருக்கும். ஒரு தனியமைப்பை நீக்கினால், அதனுடன் இணைக்கப்பட்டிருக்கும் சைகைகளும் அழிக்கப்படும்.

அமைவடிவ கோப்புகளின் அமைவிடம்

ஒரு பயனரின் அமைப்புகள், தனிப்பயனாக்கப்பட்ட நிரற்கூறுகள் போன்றவைகளை, என்விடிஏ அடைவில் இருக்கும் UserConfig என்கிற கோப்புறையில் என்விடிஏவின் கொண்டுசெல்லத்தக்கப் பதிப்புகள் சேமித்து வைத்திருக்கும்.

ஒரு பயனரின் அமைப்புகள், தனிப்பயனாக்கப்பட்ட நிரற்கூறுகள் போன்றவைகளை, தங்களின் சாளர பயனர் தனியமைப்பில் இருக்கும் ஒரு சிறப்பு அடைவில் என்விடிஏவின் நிறுவிப் பதிப்புகள் சேமிக்கின்றன. இதன்மூலம் அறிவது என்னவென்றால், கணினியைப் பயன்படுத்தும் ஒவ்வொருப் பயனரும், தன்னுடையத் தனிப்பட்ட அமைப்புகளைப் பயன்படுத்தலாம். தங்கள் அமைப்புகளின் அடைவினை எங்கிருந்தாயினும் திறக்க, உள்ளீட்டுச் சைகைகள் உரையாடலுக்குச் சென்று, தனிபயனாக்கப்பட்ட சைகையை இணைக்கவும். கூடுதலாக, என்விடிஏ நிறுவியில், தங்களுக்கென்று இருக்கும் தனிப்பட்ட அமைப்புகளுக்குச் செல்ல, துவக்குப் பட்டியலில் இங்குச் செல்லவும்: programs -> NVDA -> explore user configuration directory.

புகுபதிவு, பயனர் கணக்குக் கட்டுப்பாடு சாளரங்களில் பயன்படுத்தப்படும் அமைப்புகள், என்விடிஏவின் நிறுவு அடைவின் கீழிருக்கும் SystemConfig அடைவில் சேமிக்கப்பட்டிருக்கும். இவ்வமைப்புகளை, போதுமான காரணமின்றி தாங்கள் மாற்றியமைக்கக் கூடாது. புகுபதிவு, பயனர் கணக்குக் கட்டுப்பாடு சாளரங்களில் என்விடிஏவின் அமைப்புகளை மாற்ற, முதலில் விண்டோஸ் சாளரத்தில் என்விடிஏவைத் தங்களின் விருப்பத்திற்கேற்ப அமைவடிவமாக்கி சேமியுங்கள். பிறகு, என்விடிஏ அமைப்புகள் உரையாடலில் காணப்படும் பொது வகைமைக்குச் சென்று, "சாளரப் புகுபதிவு, பிற பாதுகாப்பான திரைகளில் தற்போதைய அமைப்புகளைப் பயன்படுத்துக" பொத்தானை அழுத்தி, இவ்வமைப்புகளைப் படியெடுக்கவும்.

தொலைநிலை அணுகல்

என்விடிஏவினுள் கட்டமைக்கப்பட்டிருக்கும் தொலைநிலை அணுகல் கூறினைக் கொண்டு, என்விடிஏ ஓடிக் கொண்டிருக்கும் பிரிதொரு கணினியைத் தாங்கள் கட்டுப்படுத்தலாம், அல்லது தங்கள் கணினியை வேறொருவர் கட்டுப்படுத்த அனுமதிக்கலாம். உதவி வழங்க, அல்லது பெற, கூட்டாகச் செயல்பட, அல்லது தங்கள் கணினியை தொலைநிலையில் இருந்து தாங்கள் அணுக இது எளிதாக்குகிறது.

தங்களின் பாதுகாப்பு கருதி, தொலைநிலை அணுகல் இயல்பில் முடக்கப்பட்டிருக்கும். தொலைநிலை அணுகல் அமைப்புகளில் தொலைநிலை அணுகலை தாங்கள் முடுக்கலாம்.

துவக்குதல்

துவங்குவதற்கு முன், இரு கணினிகளிலும் என்விடிஏ நிறுவப்பட்டு இயங்கிக்கொண்டிருக்கின்றன என்பதை உறுதிசெய்து கொள்ளவும். இரு கணினிகளிலும் தொலைநிலை அணுகல் அமைப்புகளில் 'தொலைநிலை அணுகல்ை முடுக்கிடுக' என்கிற தேர்வுப் பெட்டி தேர்வாகியுள்ளதை உறுதிசெய்துகொள்ளவும். என்விடிஏவின் 'கருவிகள்' உட்பட்டியில் தொலைநிலை அணுகல் கூறு பின்னர் கிடைப்பிலிருக்கும். கூடுதல் தரவிறக்கங்கள், அல்லது நிறுவுதல்கள் தேவையில்லை.

என்விடிஏ பாதுகாப்புப் பயன்முறையில் ஓடிக் கொண்டிருந்தால், புதிய தொலைநிலை அணுகல் அமர்வை தாங்கள் கைமுறையில் துவக்க இயலாது. இருப்பினும், என்விடிஏ துவங்கியவுடன் தானாக இணைக்கவும் அமைப்புகளில் அவ்வாறு அமைவடிவமாக்கப்பட்டிருந்தால், ஒரு புதிய தொலைநிலை அணுகல் அமர்வை என்விடிஏ துவக்கும். எனினும், பாதுகாப்பானப் பயன்முறையிலும் இணைப்பை கைமுறையில் துண்டிக்கலாம்.

தொலைநிலை அணுகல் அமர்வை அமைத்தல்

தொலைநிலை அணுகல் இணைப்பு உரையாடல் வாயிலாக தொலைநிலை அணுகல் அமர்வுகள் அமைவடிவமாக்கப்படுகின்றன. என்விடிஏ பட்டியில் இருக்கும் 'கருவிகள்' உட்பட்டிக்குச் சென்று 'தொலைநிலை அணுகல்' கீழிருக்கும் 'இணைத்திடுக' உருப்படியைச் சொடுக்கவும். மாற்றாக, எங்கிருந்தாயினும் என்விடிஏ+நிலைமாற்றி+r விசையை அழுத்தவும்.

எது கட்டுப்படுத்தும் கணினி என்பதையும் எது கட்டுப்படுத்தப்படும் கணினி என்பதையும் தாங்கள் முடிவு செய்ய வேண்டும்

எது கட்டுப்படுத்தும் கணினி என்பதையும் எது கட்டுப்படுத்தப்படும் கணினி என்பதையும் தாங்கள் முடிவு செய்ய வேண்டும்.

தங்கள் கணினியுடன் வேறொருவர் அலவளாவ இக்கணினியைக் கட்டுப்படுத்தப்படும் கணினியாகப் பயன்படுத்துவதை, அல்லது தாங்கள் பிரிதொரு கணினியுடன் அலவளாவ இக்கணினியைக் கட்டுப்படுத்தும் கணினியாக பயன்படுத்துவதை வரையறுக்க இச்சேர்க்கைப் பெட்டி தங்களை அனுமதிக்கிறது.

• தாங்கள் தங்களின் கணினியுடன் அலவளாவ வேறொருவரின் உதவி தேவைப்படுமென்றால், 'இக்கணினியைக் கட்டுப்படுத்த அனுமதித்திடுக' என்பதைத் தேர்வுச் செய்யவும்.
• வேறொருவர் அவரது கணினியுடன் அவர் அலவளாவ தாங்கள் உதவுவதாக இருந்தால், 'பிரிதொரு கணினியைக் கட்டுப்படுத்துக' என்பதைத் தேர்வுச் செய்யவும்.

இருக்கும் வழங்கியுடன் இணைத்தல் (வழங்கியின் முகவரியும், திறவுச்சொல்லும் கொடுக்கப்பட்டுள்ளது)

இந்நிலையில், மற்ற நபர் தொடர் வழங்கியின் வாயிலாக இணைப்பைத் துவக்கியுள்ளார், அல்லது இணைப்பை தன்னகத்தே இயக்குகிறார்.

1. வழங்கி வகைக்கு, 'இருப்பதைப் பயன்படுத்துக' என்பதைத் தேர்வுச் செய்யவும்.

2. வழங்கியின் முகவரி களத்தில் வழங்கியின் முகவரியையும், கொடுக்கப்பட்டிருந்தால், நுழைவாயிலையும் உள்ளிடவும்.

   • வழங்கியின் முகவரியுடன் முக்கால் புள்ளியை இட்டு, நுழைவாயிலின் எண்ணைக் குறிப்பிடுவதன் மூலம்இணைக்கப்பட வேண்டிய நுழைவாயிலைச் சேர்க்கலாம். எடுத்துக்காட்டாக, example.com:1234.

3. திறவுச்சொல் களத்தில் கொடுக்கப்பட்டிருக்கும் திறவுச்சொல்லை உள்ளிடவும். திறவுச்சொல்லைக் கொடுக்கப்பட்டுள்ளவாறே உள்ளிட வேண்டுமென்பதில் கவனமாக இருங்கள்.

4. 'சரி' பொத்தானை அழுத்தவும்.

தொடர் வழங்கியின் வாயிலாக இணைப்பைத் துவக்குதல்

இணையத்தின் வாயிலாக வேறொரு நபர் தங்களுடன் இணைய அனுமதிப்பதாக இருந்தால், தொடர் வழங்கியைப் பயன்படுத்துவதுதான் எலிதான விருப்பத் தேர்வாக இருக்கும். இதைச் செய்ய:

1. வழங்கி வகைக்கு, 'இருப்பதைப் பயன்படுத்துக' என்பதைத் தேர்வுச் செய்யவும்.

2. வழங்கியின் முகவரிக்கு, nvdaremote.com என்பது போல தொடர் வழங்கியின் பெயரைக் கொடுக்கவும். இம்முகவரியை மற்ற நபருக்குத் தாங்கள் வழங்க வேண்டும்.

   • வழங்கியின் முகவரியுடன் முக்கால் புள்ளியை இட்டு, நுழைவாயிலின் எண்ணைக் குறிப்பிடுவதன் மூலம்இணைக்கப்பட வேண்டிய நுழைவாயிலைச் சேர்க்கலாம். எடுத்துக்காட்டாக, example.com:1234.

3. நீளமான, ஊகிக்க முடியாத திறவுச்சொல்லை அமைக்கவும். திறவுச்சொல் தானாக உருவாக்கப்பட, 'திறவுச்சொல்லை உருவாக்குக' பொத்தானை அழுத்தவும். மற்ற நபருக்கு இதைத் தாங்கள் வழங்க வேண்டும்.

   • அமர்வுக்கான அடையாளங்காட்டி மற்றும் கடவுச்சொல் ஆகிய இரண்டாகவும் இத்திறவுச்சொல் செயல்படுகிறது என்பதால், அது யூகிக்க முடியாத அளவுக்குக் கடினமாக இருப்பது மிகவும் முக்கியம் என்பதை நினைவில் கொள்ளவும்.

4. 'சரி' பொத்தானை அழுத்தவும்.

5. வழங்கியின் முகவரி, திறவுச்சொல் போன்ற இணைப்பு விவரங்களை மற்ற நபருக்கு இணைப்பதற்காக அளிக்கவும்.

என்விடிஏவை வழங்கியாகப் பயன்படுத்துதல்

தொடர் வழங்கியைத் தாங்கள் பயன்படுத்த விரும்பவில்லை என்றால், அல்லது குறும்பரப்பு வலையமைப்பு வாயிலாக இணைவதாக இருந்தால்:

1. வழங்கி வகைக்கு, "தன்னகத்தே இயக்குக" என்பதைத் தேர்வுச் செய்யவும்.
2. இணையம் வாயிலாக இணைப்பதாக இருந்தால், 'வெளிப்புற இணைய நெறிமுறையைப் (IP) பெறுக' பொத்தானை அழுத்தி, தங்களின் வெளிப்புற இணைய நெறிமுறையை, அதாவது தெரியும்படியான இணைய முகவரியைக் காட்டச் செய்திடலாம். இவ்வெளிப்புற இணைய நெறிமுறையை (IP) மற்ற நபருக்குத் தாங்கள் வழங்க வேண்டும்.
3. குறும்பரப்பு வலையமைப்பு வாயிலாக இணைப்பதாக இருந்தால், தங்களின் தனி இணைய முகவரியை மற்ற நபருக்கு அளிக்க வேண்டும். இதை எங்கே கண்டுபிடிப்பது என்பது இவ்வாவணத்தில் விளக்கப்படவில்லை.

4. நுழைவாயிலுக்கு, உள்வரும் தொலைநிலை இணைப்புகளுக்கு தாங்கள் பயன்படுத்த விரும்பும் நுழைவாயிலை உள்ளிடவும். மற்ற நபருக்கும் இது தேவைப்படும்.

   • வேறு எந்த சேவைகளாலும் பயன்படுத்தப்படாத ஒரு நுழைவாயிலாக இது இருக்க வேண்டும்.
   • இயல்பில், 6837 நுழைவாயிலைத் தொலைநிலை அணுகல் பயன்படுத்துகிறது.
   • இணையம் வாயிலாக இணைப்பதாக இருந்தால், நுழைவாயில் பகிரப்பட வேண்டியிருக்கும். நுழைவாயில்களை எவ்வாறு பகிர்வது என்பதை இவ்வாவணம் விளக்குவதில்லை. இதைச் செய்ய, தங்களின் வலையமைப்பு நிர்வாகியை தாங்கள் தொடர்புகொள்ள வேண்டியிருக்கும்.

5. நீளமான, ஊகிக்க முடியாத திறவுச்சொல்லை அமைக்கவும். திறவுச்சொல் தானாக உருவாக்கப்பட, 'திறவுச்சொல்லை உருவாக்குக' பொத்தானை அழுத்தவும். மற்ற நபருக்கு இதைத் தாங்கள் வழங்க வேண்டும்.

   • அமர்வுக்கான அடையாளங்காட்டி மற்றும் கடவுச்சொல் ஆகிய இரண்டாகவும் இத்திறவுச்சொல் செயல்படுகிறது என்பதால், அது யூகிக்க முடியாத அளவுக்குக் கடினமாக இருப்பது மிகவும் முக்கியம் என்பதை நினைவில் கொள்ளவும்.

6. 'சரி' பொத்தானை அழுத்தவும்.

7. வழங்கியின் முகவரி, திறவுச்சொல் போன்ற இணைப்பு விவரங்களை மற்ற நபருக்கு இணைப்பதற்காக அளிக்கவும்.

தொலைநிலை அணுகலைப் பயன்படுத்துதல்

ஒரு தொலைநிலை அணுகல் அமர்வு செயல்பட துவங்கியதும், தொலைநிலை கணினியையும், தங்கள் கணினியையும் மாறி மாறி கட்டுப்படுத்தலாம், தங்கள் பிடிப்புப்பலகையையும் பகிரலாம், தொலைநிலை அமர்வையும் அமைதியாக்கலாம்.

• தொலைநிலை கணினி, தங்கள் கணினி ஆகியவைகளுக்கிடையே மாற, என்விடிஏ+நிலைமாற்றி+தத்தல் விசையை அழுத்தவும்.
• என்விடிஏ பட்டியில் இருக்கும் 'கருவிகள்' உட்பட்டிக்குச் சென்று, 'தொலைநிலை அணுகல்' கீழிருக்கும் 'பிடிப்புப்பலகையை அனுப்புக' உருப்படியை அழுத்தி, தங்களின் பிடிப்புப்பலகையில் இருக்கும் உரையை பிரிதொரு கணினிக்கு அனுப்பலாம்.
• கட்டுப்படுத்தும் கணினியாக இணைக்கப்பட்டிருந்தால், என்விடிஏ பட்டியில் இருக்கும் 'கருவிகள்' உட்பட்டிக்குச் சென்று, 'தொலைநிலை அணுகல்' கீழிருக்கும் 'தொலைநிலையை அமைதியாக்குக' உருப்படியை அழுத்தி, தங்களின் தனிக்கணினி வாயிலாக தொலைநிலைக் கணினியின் பேச்சின் வெளியீட்டை அமைதியாக்கலாம்.
• கட்டுப்படுத்தும் கணினியாக இணைக்கப்பட்டிருந்தால், என்விடிஏ பட்டியில் இருக்கும் 'கருவிகள்' உட்பட்டிக்குச் சென்று, 'தொலைநிலை அணுகல்' கீழிருக்கும் "கட்டுப்பாடு+நிலைமாற்றி+அழி விசையை அனுப்புக" உருப்படியை அழுத்துவதன் மூலம், கட்டுப்படுத்தப்படும் கணினிக்கு "கட்டுப்பாடு+நிலைமாற்றி+அழி" விசையை அனுப்பலாம். இது செயல்பட, கட்டுப்படுத்தப்படும் கணினியில் நிறுவப்பட்ட என்விடிஏ ஓடிக்கொண்டிருக்க வேண்டும். மேலும், கட்டுப்படுத்தப்படும் கணினியின் அமைப்புகளைப் பொறுத்து, இந்த செயல்பாடு சில தருணங்களில் செயல்படாமல் இருக்கலாம்.

தொலைநிலை அணுகல் விசை கட்டளைகளின் சுருக்கம்

நீட்சிநிரல்களும் நீட்சிநிரல் அங்காடியும்

நீட்சிநிரல்கள் என்பது என்விடிஏவிற்கு புதிய, அல்லது மாற்றப்பட்ட செயல்திறனை வழங்கும் நிரல் தொகுதிகளாகும். என்விடிஏ சமூகமும், வணிக விற்பனையாளர்கள் போன்ற வெளியமைப்புகளும் இவைகளை உருவாக்குகின்றனர். பின்வருவனவற்றுள் ஏதேனும் ஒன்றை நீட்சிநிரல்கள் செய்யலாம்:

• சில பயன்பாடுகளுக்கான ஆதரவைப் புதிதாகச் சேர்க்கலாம், அல்லது இருக்கும் ஆதரவை மேம்படுத்தலாம்.
• கூடுதல் பிரெயில் காட்சிப்படுத்திகள், அல்லது பேச்சொலிப்பான்களுக்கு ஆதரவு வழங்கலாம்.
• என்விடிஏவில் இருக்கும் கூறுகளைச் சேர்த்தல், அல்லது மாற்றுதல்.

நீட்சிநிரல் தொகுதிகளை உலாவித் தேடவும், அவைகளை மேலாளவும் நீட்சிநிரல் அங்காடி தங்களை அனுமதிக்கிறது. நீட்சிநிரல் அங்காடியில் கிடைக்கப்பெறும் எல்லா நீட்சிநிரல்களையும் இலவசமாகத் தரவிறக்கிக்கொள்ளலாம். இருப்பினும், அவைகளில் சில நீட்சிநிரல்கள், உரிமத்திற்காகவும், கூடுதல் மென்பொருளுக்காகவும் அவைகளை பயன்படுத்துவதற்குமுன் பயனர்களை கட்டணம் கட்டச் சொல்லலாம். வணிக பேச்சொலிப்பான்கள் இவ்வகை நீட்சிநிரலுக்கு ஒரு எடுத்துக்காட்டாகும். கட்டணமடங்கிய நீட்சிநிரலைத் தாங்கள் நிறுவிய பிறகு, அதைப் பயன்படுத்துவதில் தங்களுக்கு மாற்றுக் கருத்து ஏற்பட்டால், அந்நீட்சிநிரலை எளிதாக நிறுவுநீக்கம் செய்துவிடலாம்.

என்விடிஏ பட்டியிலுள்ள 'கருவிகள்' உட்பட்டிக்குச் சென்று நீட்சிநிரல் அங்காடியை அணுகலாம். நீட்சிநிரல் அங்காடியை எங்கிருந்தாயினும் அணுக, உள்ளீட்டுச் சைகைகள் உரையாடலுக்குச் சென்று, தனிப்பயனாக்கப்பட்ட சைகையை இணைக்கவும்.

நீட்சிநிரல்களுக்கான பாதுகாப்பு எச்சரிக்கை

என்விடிஏ நீட்சிநிரல் அங்காடியில் பட்டியலிடப்பட்டிருக்கும் நீட்சிநிரல்களை, என்வி அக்ஸஸ், அல்லது வேறு யாராலும் சரிபார்க்கப்படவில்லை. தாங்கள் நம்பும் ஆதாரங்களிலிருந்து பெறப்படும் நீட்சிநிரல்களை மட்டுமே நிறுவவேண்டும் என்பது மிக தலையானதாகும். என்விடிஏவினுள் நீட்சிநிரல்களின் செயல்பாடு கட்டுப்பாடற்றதாக இருக்கும். தங்களின் தனிப்பட்ட தரவு, அல்லது முழு கணினியையும் அணுகுவதும் இதில் அடங்கும்.

நீட்சிநிரல் அங்காடிக்கு சமர்ப்பிக்கப்பட்ட நீட்சிநிரல்களை வைரஸ்டோட்டல் செயலி ஆய்வு செய்கிறது. நீட்சிநிரல் சமர்ப்பிக்கும்பொழுது அறியப்பட்ட தீங்குநிரலை இது கண்டறிய இயலும். இருப்பினும், வைரஸ்டோட்டல் முடிவுகள் தவறானதாக, அல்லது காலாவதியானதாக இருக்கலாம். எடுத்துக்காட்டாக, தீங்கிழைக்கும் எனக் குறிக்கப்பட்ட நீட்சிநிரல் தீங்கிழைக்காமல் இருக்கலாம், தீங்கிழைக்கும் எனக் குறிக்கப்படாத நீட்சிநிரல் உண்மையில் தீங்கிழைக்கலாம். நீட்சிநிரலின் விவரங்களை மதிப்பாய்வு செய்வதன் மூலம், ஆய்வு செய்யப்பட்ட நீட்சிநிரலுக்கான ஆய்வு முடிவுகளின் சுருக்கத்தை தாங்கள் காணலாம். சூழலுணர்ப் பட்டியலில் காணப்படும் 'செயல்கள்' உருப்படியை அழுத்துவதன் மூலம் கிடைக்கப் பெறும் 'வைரஸ்டோட்டல் ஆய்வு முடிவுகளைப்' பயன்படுத்தி, ஆய்வு முடிவுகளை நேரடியாகக் காணலாம்.

நீட்சிநிரலின் பாதுகாப்பை ஆராய வேறு பல வழிகள் உள்ளன:

• மேம்படுத்துநரின் நற்பெயரை ஆராயுங்கள் (எ.கா. அவர்கள் எத்தனைக் காலமாக பங்களித்துவருகிறார்கள்)
• என்விடிஏ பயனர் குழு, அல்லது என்விடிஏ நீட்சிநிரல் குழுவில் இடப்பட்டிருக்கும் பயனர் பின்னூட்டத்தைப் பார்க்கவும்
• நீட்சிநிரல் தொடர்ந்து இற்றாக்கப்படுகிறதா என்பதை சரிபார்க்கவும்
• நீட்சிநிரலின் சமூக சீராய்வுகளைப் படிக்கவும்
• சமூக ஊடகங்கள், அல்லது மன்றங்கள் வாயிலாக சமூகப் பின்னூட்டத்தை நாடுங்கள்

நீட்சிநிரல்களை உலாவித் தேடுதல்

நீட்சிநிரல் அங்காடி திறக்கப்பட்டவுடன், நீட்சிநிரல்களின் பட்டியலொன்றை அது காட்டும். இதுவரை தாங்கள் எந்த நீட்சிநிரலையும் நிறுவியிருக்கவில்லையென்றால், நிறுவுவதற்காக கிடைப்பிலிருக்கும் நீட்சிநிரல்களின் பட்டியலுடன் நீட்சிநிரல் அங்காடி திறக்கும். நீட்சிநிரல்களைத் தாங்கள் நிறுவியிருந்தால், நிறுவப்பட்டிருக்கும் நீட்சிநிரல்களை இப்பட்டியல் காட்டிடும்.

மேலம்பு, கீழம்பு விசைகளைப் பயன்படுத்தி, ஒரு நீட்சிநிரலைத் தாங்கள் தெரிவுசெய்தால், அந்நீட்சிநிரலுக்கான தகவல் காட்டப்படும். நிறுவுக, உதவி, முடக்குக, நீக்குக போன்ற தொடர்புடைய செயல்களை நீட்சிநிரல்கள் கொண்டுள்ளன. இவைகளை செயல்கள் பட்டியலின் வாயிலாக அணுகலாம். ஒரு நீட்சிநிரல் நிறுவப்பட்டிருக்கிறதா, அல்லது நிறுவப்படாமலிருக்கிறதா என்பதையும், அது முடுக்கப்பட்டிருக்கிறதா, அல்லது முடக்கப்பட்டிருக்கிறதா என்பதையும் பொறுத்து, கிடைப்பிலிருக்கும் செயல்கள் மாறுபடும்.

நீட்சிநிரல் பட்டியல் காட்சிகள்

கிடைப்பிலிருக்கும், நிறுவப்பட்டிருக்கும், இற்றாக்கக்கூடிய, இணக்கமற்ற நீட்சிநிரல்களுக்கென்று தனித்தனியே பட்டியல் காட்சிகள் உள்ளன. நீட்சிநிரலின் காட்சியை மாற்றியமைக்க, கட்டுப்பாடு+தத்தல், அல்லது கட்டுப்பாடு+மாற்றழுத்தி+தத்தல் விசையை அழுத்தி, தேவைப்படும் பட்டியல் காட்சியை செயலுக்குக் கொண்டுவரலாம். தத்தல் விசையை அழுத்தி பட்டியல் காட்சிகளுக்கு சென்று, இடதம்பு, அல்லது வலதம்பு விசையைப் பயன்படுத்தி, அவைகளுக்கிடையே நகரலாம்.

முடுக்கப்பட்ட, அல்லது முடக்கப்பட்ட நீட்சிநிரல்களுக்கான வடிகட்டுதல்

நிறுவப்படும் நீட்சிநிரல்கள் பொதுவாக முடுக்கப்பட்டிருக்கும் என்பதால், அவை என்விடிஏவில் இயங்கிக்கொண்டிருக்கின்றன என்று பொருள்கொள்ளலாம். ஆனால், நிறுவப்பட்டிருக்கும் தங்களின் சில நீட்சிநிரல்கள் முடக்கப்பட்ட நிலைக்கு அமைக்கப்பட்டிருக்கலாம். அதாவது, இதுபோன்ற நீட்சிநிரல்கள் பயன்படுத்தப்பட மாட்டாது என்பதோடு, என்விடிஏவில் அவைகளின் செயல்களும் கிடைப்பிலிருக்காது. வேறொரு நீட்சிநிரல், அல்லது ஒரு பயன்பாட்டுடன் முரண்படுகிறது என்று கருதி ஒரு நீட்சிநிரலை தாங்கள் முடக்கியிருக்கலாம். என்விடிஏவை இற்றாக்கும்பொழுது சில நீட்சிநிரல்கள் இணக்கமற்றவையாகிவிடும் என்கிற நிலையில், அதுகுறித்து எச்சரிக்கப்பட்டு, அந்நீட்சிநிரல்கள் முடக்கப்படும். நீண்ட காலத்திற்கு தேவைப்படாது என்றபோதிலும், எதிர்காலத்தில் அவை தேவைப்படலாம் என்று கருதி, சில நீட்சிநிரல்களை நிறுவுநீக்காமல் அவைகளை தாங்கள் முடக்கியிருக்கலாம்.

நிறுவப்பட்டுள்ள மற்றும் இணக்கமற்ற நீட்சிநிரல்களை, அவைகளின் முடுக்கப்பட்ட, அல்லது முடக்கப்பட்ட நிலையைக் கொண்டு பட்டியலில் வடிகட்டலாம். முடுக்கப்பட்ட மற்றும் முடக்கப்பட்ட நீட்சிநிரல்கள் இரண்டும் இயல்பில் காட்டப்படுகின்றன.

இணக்கமற்ற நீட்சிநிரல்களை சேர்த்துக்கொள்க

இணக்கமற்ற நீட்சிநிரல்களை சேர்த்துக்கொள்ள, நிறுவுவதற்காக கிடைப்பிலிருக்கும் மற்றும் இற்றாக்கக்கூடிய நீட்சிநிரல்களை வடிகட்டலாம்.

அலைத்தடத்தின்படி நீட்சிநிரல்களை வடிகட்டுக

பின்வரும் நான்கு அலைத்தடங்கள் வரை நீட்சிநிரல்களை வழங்கலாம்:

• நிலையானவை: வெளியிடப்பட்டுள்ள என்விடிஏவுடன் வெற்றிகரமாகப் பரிசோதித்துப் பார்த்து, இந்நீட்சிநிரல்களை அவைகளின் மேம்படுத்துநர்கள் வெளியிட்டுள்ளனர்.
• சோதனையிலுள்ளவை: இந்நீட்சிரல்கள் மேலும் பரிசோதிக்கப்பட வேண்டியவையாக இருந்தாலும், பயனர்களின் பின்னூட்டத்திற்காக இவை வெளியிடப்படுகின்றன. நீட்சிநிரல்களை முன்கூட்டியே ஏற்றுக்கொள்பவர்களுக்கு இது பரிந்துரைக்கப்படுகிறது.
• மேம்பாட்டிலுள்ளவை: வெளியிடப்படாத ஏபிஐ மாற்றங்களை பரிசோதித்துப் பார்க்க, நீட்சிநிரல் மேம்படுத்துநர்களுக்கு இவை பரிந்துரைக்கப்படுகின்றன. என்விடிஏவின் ஆல்ஃபா பதிப்புகளை பரிசோதித்துப் பார்ப்பவர்கள், அவைகளுக்கேற்ற மேம்பாட்டிலுள்ள நீட்சிநிரல்களைப் பயன்படுத்தவேண்டும்.
• வெளியிலுள்ளவை: நீட்சிநிரல் அங்காடிக்கு வெளியேயுள்ள ஆதாரங்களிலிருந்து நிறுவப்படும் நீட்சிநிரல்கள்.

குறிப்பிட்ட அலைத்தடத்திற்கான நீட்சிநிரல்களை மட்டும் பட்டியலிட, அலைத்தட வடிகட்டியில் தெரிவினை மாற்றியமைக்கவும்.

நீட்சிநிரல்களைத் தேடுதல்

நீட்சிநிரல்களைத் தேட, 'தேடுக' உரைப் பெட்டியைப் பயன்படுத்தவும். இப்பெட்டிக்குச் செல்ல, நீட்சிநிரல்களின் பட்டியலிலிருந்து மாற்றழுத்தி+தத்தல் விசையை அழுத்தவும். தாங்கள் கண்டறிய விரும்பும் நீட்சிநிரலின் ஓரிரு குறிச்சொற்களை தட்டச்சு செய்து, தத்தல் விசையை அழுத்தி நீட்சிநிரல் பட்டியலுக்குச் செல்லவும். தாங்கள் தட்டச்சு செய்த குறிச்சொற்கள், நீட்சிநிரல்களின் அடையாளம், பெயர், அவைகளின் பதிப்பாளர்/படைப்பாளர் பெயர், அல்லது விளக்கம் ஆகியவைகளில் ஏதேனும் ஒன்றில் கண்டறியப்பட்டால்கூட, அந்நீட்சிநிரல்கள் பட்டியலிடப்படும்.

நீட்சிநிரல்களின் பட்டியலை நெடுவரிசை அடிப்படையில் வரிசைப்படுத்துதல்

இயல்பில், காட்சியளிக்கும் நீட்சிநிரல்களின் பெயர் அடிப்படையில் நீட்சிநிரல்களின் பட்டியல் வரிசைப்படுத்தப்பட்டிருக்கும். ஒவ்வொரு கீற்றிக்கும் இருக்கும் நெடுவரிசைகளின் அடிப்படையில் பட்டியலை வரிசைப்படுத்த 'நெடுவரிசை அடிப்படையில் வரிசைப்படுத்துக' சேர்க்கைப் பெட்டியைப் பயன்படுத்தலாம். எடுத்துக்காட்டாக, பதிப்பாளர், கிடைப்பிலிருக்கும் பதிப்பு போன்றவைகளின் அடிப்படையில் நீட்சிநிரல்களைத் தாங்கள் வரிசைப்படுத்த விரும்பலாம். ஏருமுகமாக, அல்லது இறங்கு முகமாக நீட்சிநிரல்களை வரிசைப்படுத்தலாம்.

நீட்சிநிரல் செயல்கள்

நிறுவுதல், உதவி, முடக்குதல், நீக்குதல் போன்ற தொடர்புடையச் செயல்களை நீட்சிநிரல்கள் கொண்டுள்ளன. பட்டியலில் இருக்கும் ஒரு நீட்சிநிரலுக்கான மேற்கூறிய செயல்களை அணுக, அந்நீட்சிநிரலின் மீது 'பயன்பாடுகள்', 'உள்ளிடு', வலது சொடுக்கு, அல்லது இரட்டை சொடுக்கு விசையை அழுத்தலாம். தெரிவுசெய்யப்பட்டிருக்கும் நீட்சிநிரலுக்கான விளக்கத்தில் கொடுக்கப்பட்டிருக்கும் 'செயல்கள்' பொத்தான் வாயிலாகவும் இப்பட்டியலை அணுகலாம்.

நீட்சிநிரல்களை நிறுவுதல்

நீட்சிநிரல்கள் என்பது தாங்கள் தரவிறக்கும் பிற மென்பொருட்களைப் போலவே தங்கள் கணினியை மாற்றியமைத்து அணுகக்கூடிய நிரல்களாகும் என்பதை நினைவில் கொள்ளவும். தாங்கள் நம்பும் ஆதாரங்களிலிருந்து பெறப்படும் நீட்சிநிரல்களை மட்டுமே நிறுவவேண்டும் என்பதை உறுதிசெய்துகொள்ளவும். நீட்சிநிரல்களை நிறுவுவதற்கு முன் எங்களின் பாதுகாப்பு எச்சரிக்கையைப் படிக்கவும்.

கிடைப்பிலிருக்கும் நீட்சிநிரல்களை உலாவித் தேடி, நீட்சிநிரல்களை நிறுவலாம் என்பதோடு அவைகளையும் இற்றைப்படுத்தலாம். கிடைப்பிலிருக்கும், அல்லது இற்றாக்கக்கூடிய நீட்சிநிரல்களின் பட்டியலிலிருந்து ஒரு நீட்சிநிரலைத் தெரிவுசெய்யவும். பிறகு, நிறுவுதலைத் தொடங்க, இற்றாக்கம், நிறுவுதல், அல்லது மாற்றமர்வு செயல்களில் ஒன்றைச் செயற்படுத்தவும். தரவிறக்கம், அல்லது நிறுவுதல் தோல்வியடைந்தால், நிறுவுதலை மீண்டும் தாங்கள் முயலலாம். நீட்சிநிரல் அங்காடியை விட்டு வெளியேறும் முன் நிறுவுதலை விலக்கிக் கொள்ள வாய்ப்புள்ளது.

ஒரே நேரத்தில் பல நீட்சிநிரல்களையும் தாங்கள் நிறுவலாம். இதைச் செய்ய, கிடைப்பிலிருக்கும் நீட்சிநிரல்கள் கீற்றில் தேவைப்படும் நீட்சிநிரல்களைத் தெரிவுசெய்து, சூழலுணர்ப் பட்டியலைத் தோற்றுவித்து, அதிலிருக்கும் 'தெரிவுசெய்யப்பட்டிருக்கும் நீட்சிநிரல்களை நிறுவுக' உருப்படியை இயக்கவும்.

நீட்சிநிரல் அங்காடிக்கு வெளியேயிருந்து தாங்கள் பெற்றிருக்கும் நீட்சிநிரலை நிறுவ, 'வெளிப்புற ஆதாரத்திலிருந்து நிறுவுக' பொத்தானை அழுத்தவும். தங்கள் கணினியில், அல்லது பிணையத்தில் எங்கோ இருக்கும் நீட்சிநிரல் (.nvda-addon) தொகுப்பை உலாவித் தேட தங்களை இது அனுமதிக்கிறது. நீட்சிநிரல் தொகுப்பினைத் தாங்கள் திறந்தவுடன், நிறுவுதல் தொடங்கும்.

என்விடிஏ தங்கள் கணினியில் நிறுவப்பட்டு இயக்கத்திலிருந்தால், உலாவி, அல்லது அடைவிலிருந்து ஒரு நீட்சிநிரல் தொகுப்பை நேரடியாகத் திறந்து நிறுவலாம்.

வெளிப்புற ஆதாரத்திலிருந்து ஒரு நீட்சிநிரல் நிறுவப்படும்பொழுது, நிறுவுதலை உறுதிசெய்ய தாங்கள் கேட்டுக்கொள்ளப்படுவீர்கள். நிறுவப்பட்டவுடன், நீட்சிநிரல் செயல்பட என்விடிஏ மறுதுவக்கப்பட வேண்டும். இருப்பினும், பிற நீட்சிநிரல்களைத் தாங்கள் நிறுவ வேண்டியிருந்தாலோ, இற்றைப்படுத்த வேண்டியிருந்தாலோ, மறுதுவக்கத்தை தாங்கள் ஒத்திவைக்கலாம்.

இயல்பில், என்விடிஏ துவங்கியவுடன், நீட்சிநிரல்களுக்கான இற்றாக்கங்கள் ஏதேனும் கிடைப்பிலிருந்தால் தங்களுக்கு அறிவிக்கப்படும். இத்தன்மைக் குறித்து மேலும் அறியவும், அதை அமைவடிவமாக்கவும், "இற்றாக்க அறிவிக்கைகள்" பிரிவைக் காணவும்.

நீட்சிநிரல்களை நீக்குதல்

ஒரு நீட்சிநிரலை நீக்க, அந்நீட்சிநிரலைத் தெரிவுசெய்து, 'நீக்குக' செயலைப் பயன்படுத்தவும். நீக்குதலை உறுதிசெய்யுமாறு என்விடிஏ தங்களை கேட்கும். நிறுவுதலைப் போலவே, நீட்சிநிரல் முழுமையாக நீக்கப்படவும் என்விடிஏ மறுதுவக்கப்படவேண்டும். அதுவரை, பட்டியலில் அந்நீட்சிநிரலின் நிலை, 'நீக்கம் நிலுவையிலுள்ளது' என்று காண்பிக்கப்படும். நிறுவுதல் போலவே, ஒரே நேரத்தில் பல நீட்சிநிரல்களையும் தாங்கள் நீக்கலாம்.

நீட்சிநிரல்களை முடுக்குதலும், முடக்குதலும்

ஒரு நீட்சிநிரலை முடக்க, 'முடக்குக' செயலைப் பயன்படுத்தவும். முன்னதாக முடக்கப்பட்ட நீட்சிநிரலை முடுக்க, 'முடுக்குக' செயலைப் பயன்படுத்தவும். ஒரு நீட்சிநிரலின் நிலை 'முடுக்கப்பட்டது' என்றிருந்தால், தாங்கள் அதை முடக்கலாம், 'முடக்கப்பட்டது' என்றிருந்தால், அதை முடுக்கலாம். ஒவ்வொரு முடுக்குதல் முடக்குதல் செயலுக்கும், என்விடிஏ மறுதுவக்கப்பட்டவுடன் நீட்சிநிரல் என்னவாகும் என்பதைக் காட்ட, பட்டியலில் அதன் நிலை மாற்றி காண்பிக்கப்படும். முடக்கப்பட்ட நீட்சிநிரலை முடுக்கினால், அதன் நிலை, 'மறுதுவக்கப்பட்டவுடன் முடுக்கப்படும்' என்று காண்பிக்கப்படும். அதுபோலவே, முடுக்கப்பட்ட நீட்சிநிரலை முடக்கினால், அதன் நிலை, 'மறுதுவக்கப்பட்டவுடன் முடக்கப்படும்' என்று காண்பிக்கப்படும். நிறுவுதல், நீக்குதல் செயல்களுக்குப் பிறகு என்விடிஏ மறுதுவக்கப்படுவதுபோலவே, முடுக்குதல், முடக்குதல் செயல்களும் செயற்பட என்விடிஏ மறுதுவக்கப்படவேண்டும். ஒரே நேரத்தில் பல நீட்சிநிரல்களைத் தாங்கள் முடுக்கலாம், அல்லது முடக்கலாம். இதற்கு, கிடைப்பிலிருக்கும் நீட்சிநிரல்கள் கீற்றில் தாங்கள் விரும்பும் நீட்சிநிரல்களைத் தெரிவுசெய்து, சூழலுணர்ப் பட்டியலைத் தோற்றுவித்து, முடுக்குக உருப்படி, அல்லது முடக்குக உருப்படியை தேவைக்கேற்ப இயக்கவும்.

நீட்சிநிரல்களை மதிப்பாய்வு செய்தல் மற்றும் மதிப்பாய்வுகளைப் படித்தல்

ஒரு நீட்சிநிரலை தாங்கள் நிறுவும் முன், அல்லது அதைப் பயன்படுத்தக் கற்றுகொண்டிருக்கும்பொழுது, அதுகுறித்த அனுபவம்கொண்ட மற்றவர்களின் மதிப்பாய்வுகளைப் படிக்க விரும்புவீர்கள். மேலும், தாங்கள் பயன்படுத்திப் பார்த்திருக்கும் நீட்சிநிரல்கள் குறித்து மற்றவர்களுக்கு தாங்கள் பின்னூட்டமளிப்பது அவர்களுக்கு உதவியாக இருக்கும். ஒரு நீட்சிநிரல் குறித்த மதிப்பாய்வுகளைப் படிக்க, அதைத் தெரிவுசெய்து, சூழலுணர்ப் பட்டியலைத் தோற்றுவித்து, 'சமூக மதிப்பாய்வுகள்' உருப்படியை இயக்கவும். கிட்ஹப் உரையாடல் இணையப் பக்கத்திற்கு உடனே அழைத்துச் செல்லப்படுவீர்கள். அங்கு, நீட்சிநிரல் குறித்த மற்றவர்களின் மதிப்பாய்வுகளைப் படிக்கலாம், தங்களின் மதிப்பாய்வையும் எழுதலாம். நீட்சிநிரல் மேம்படுத்துநர்களுடனான நேரடி தொடர்புக்கு இது மாற்றாக இல்லை என்பதை நினைவில் கொள்ளவும். மாறாக, ஒரு நீட்சிநிரல் பிற பயனர்களுக்குப் பயனுள்ளதாக இருக்குமா என்பதை அவர்கள் அறிந்துகொள்ள, பின்னூட்டத்தைப் பகிர்வதுதான் இக்கூறின் நோக்கமாகும்.

தன்னியக்க இற்றாக்க அலைத்தடத்தை மாற்றுதல்

நிறுவப்பட்டிருக்கும் மற்றும் இற்றாக்கத்தக்க நீட்சிநிரல்களின் கீற்றுகளின் வாயிலாக நீட்சிநிரல்களுக்கான தன்னியக்க அலைத்தடங்களைத் தாங்கள் மேலாளலாம். தன்னியக்க நீட்சிநிரல் இற்றாக்கங்கள் முடுக்கப்பட்டிருந்தால், இயல்பில் நிறுவப்பட்டிருக்கும் அதே அலைத்தடத்தில்தான் நீட்சிநிரல்கள் இற்றாக்கப்படும். From an add-on's actions menu, using the submenu "Update channel", you can modify the channels an add-on will automatically update to.

நடப்புப் பதிப்பில் புதிதாக என்ன

நடப்புப் பதிப்பில் புதிதாக என்ன என்கிற தகவலை ஒரு நீட்சிநிரல் பட்டியலிட்டால், அந்த மாற்றங்களை உலாவு நிலையில் காண ஒரு செயல் கொடுக்கப்பட்டிருக்கும். தகவலின் தலைப்பில் நீட்சிநிரலின் பதிப்பு சேர்க்கப்பட்டுள்ளது. வழங்கப்படும் தகவலை படியெடுக்க, அல்லது தகவல் சாளரத்தை மூடுவதற்கு பொத்தான்கள் கொடுக்கப்பட்டுள்ளன.

இணக்கமற்ற நீட்சிநிரல்கள்

சில பழைய நீட்சிநிரல்கள், தங்களிடமிருக்கும் என்விடிஏவின் பதிப்பிற்கு இணக்கமற்றதாக இருக்கும். அதுபோலவே, பழைய என்விடிே பதிப்பை தாங்கள் கொண்டிருந்தால், சில புதிய நீட்சிநிரல்கள் அதற்கு இணக்கமற்றதாக இருக்கும். இணக்கமற்ற நீட்சிநிரலை தாங்கள் நிறுவ முயன்றால், அந்நீட்சிநிரல் ஏன் இணக்கமற்றதாகக் கருதப்படுகிறது என்று விளக்கும் ஒரு பிழைச் செய்தி தோன்றும்.

பழைய நீட்சிநிரல்கள் இணக்கமற்றவையாக இருப்பினும், அவைகளை தங்கள் சொந்தப் பொறுப்பில் நிறுவிக்கொள்ளலாம். இணக்கமற்ற நீட்சிநிரல்கள் தங்கள் என்விடிஏ பதிப்பில் செயல்படாதிருக்கலாம் என்பதோடு, செயலிழப்பு உட்பட நிலையற்ற, அல்லது எதிர்பாராத தன்மையை என்விடிஏவில் ஏற்படுத்தலாம். ஒரு நீட்சிநிரலை நிறுவும்பொழுது, முடுக்கும்பொழுது, இணக்கமின்மையை புறக்கணிக்கலாம். இணக்கமற்ற நீட்சிநிரல் பின்னர் சிக்கலை ஏற்படுத்தினால், அதை தாங்கள் முடக்கலாம், அல்லது நீக்கலாம்.

ஒரு நீட்சிநிரலை, அதுவும் இணக்கமற்ற நீட்சிநீரலை அண்மையில் தாங்கள் நிறுவியிருந்து, அல்லது இற்றைப்படுத்தியிருந்து, என்விடிஏவை இயக்குவதில் சிக்கலிருந்தால், எல்லா நீட்சிநிரல்களும் முடக்கப்பட்ட நிலையில் என்விடிஏவை தற்காலிகமாக இயக்க விரும்புவீர்கள். எல்லா நீட்சிநிரல்களும் முடக்கப்பட்ட நிலையில் என்விடிஏவை மறுதுவக்க, என்விடிஏவை விட்டு வெளியேறும்பொழுது காட்டப்படும் உரையாடலில் அதற்கான விருப்பத் தேர்வினைத் தெரிவுசெய்யவும். மாற்றாக, '--disable-addons' கட்டளைவரி விருப்பத் தேர்வினைப் பயன்படுத்தவும்.

கிடைப்பிலிருக்கும் நீட்சிநிரல்கள், இற்றாக்கக்கூடிய நீட்சிநிரல்கள் கீற்றுகளைப் பயன்படுத்தி, கிடைப்பிலிருக்கும் இணக்கமற்ற நீட்சிநிரல்களை உலாவித் தேடலாம். இணக்கமற்ற நீட்சிநிரல்கள் கீற்றினைப் பயன்படுத்தி, நிறுவப்பட்டிருக்கும் இணக்கமற்ற நீட்சிநிரல்களை உலாவித் தேடலாம்.

கூடுதல் கருவிகள்

செயற்குறிப்பேட்டுத் தோற்றம்

என்விடிஏ பட்டியின் கருவிகள் உட்பட்டியில் செயற்குறிப்பேட்டுத் தோற்றம் உள்ளது. என்விடிஏ இறுதியாகத் துவக்கப்பட்ட தருணத்திலிருந்து தற்பொழுது வரையிலான என்விடிஏவின் எல்லாச் செயல்களும் இதில் பதிவாகியிருக்கும்.

இச்செயற்குறிப்பேட்டின் உள்ளடக்கங்களைப் படிப்பதோடு, குறிப்பேட்டினையும் சேமிக்கலாம், அண்மையில் சேமிக்கப்பட்டுள்ள தகவல்களைக் காண, அதைப் புத்தாக்கவும் செய்யலாம். செயற்குறிப்பேட்டுத் தோற்றத்தில் காணப்படும் செயற்குறிப்பேடுப் பட்டியலில் இச்செயல்கள் கிடைப்பிலுள்ளன.

செயற்குறிப்பேட்டுத் தோற்றத்தைத் தாங்கள் திறக்கும்பொழுது காட்டப்படும் கோப்பு, தங்கள் கணினியில்%temp%\nvda.log அடைவில் சேமிக்கப்படும். ஒவ்வொரு முறை என்விடிஏ துவக்கப்படும்பொழுதும் ஒரு புதிய செயற்குறிப்பேடு உருவாக்கப்படுகிறது. புதிய செயற்குறிப்பேடு உருவாக்கப்படும்பொழுது, பழைய குறிப்பேடு %temp%\nvda-old.log அடைவிற்கு நகர்த்தப்படுகிறது.

செயற்குறிப்பேட்டுத் தோற்றத்தைத் திறக்காமல், நடப்பு செயற்குறிப்பேட்டின் ஒரு பகுதியைப் பிடிப்புப்பலகைக்குத் தாங்கள் படியெடுக்கலாம்.

பேச்சுத் தோற்றம்

என்விடிஏவை உருவாக்கும் பார்வையுள்ளவர்களும், என்விடிஏவின் செயல் விளக்கத்தைப் பார்வையாளர்களுக்கிடையே காண்பிக்கும் தருணங்களிலும், என்விடிஏவின் எல்லா பேச்சுகளும் ஒரு மிதக்கும் திரையில் உரைகளாகக் காண்பிக்கப்படும்.

பேச்சுத் தோற்றத்தை முடுக்க, கருவிகள் உட்பட்டியில் இருக்கும் 'பேச்சுத் தோற்றம்' உருப்படியைத் தேர்வுச் செய்யவும். பேச்சுத் தோற்றத்தை நிறுத்த, இத்தேர்வினை நீக்கவும்.

'துவக்கும்பொழுது பேச்சுத் தோற்றத்தைக் காட்டுக' என்கிறத் தேர்வுப் பெட்டியைப் பேச்சுத் தோற்ற சாளரம் கொண்டிருக்கும். இத்தேர்வுப் பெட்டித் தேர்வாகியிருந்தால், என்விடிஏ துவக்கப்படும் பொழுது பேச்சுத் தோற்றம் திறக்கப்படும். மூடப்பட்டத் தருணத்திலிருந்த அமைவிடத்திலும், பரிமாணத்திலும் மீண்டும் திறக்க பேச்சுத் தோற்றம் எப்பொழுதும் முயலும்.

பேச்சுத் தோற்றம் முடுக்கப்பட்டிருக்கும்பொழுது, பேசப்படும் எல்லா உரைகளும் நிகழ்நேரத்தில் இற்றைப்படுத்தப்பட்டு திரையில் காட்டப்படும். இருப்பினும், பேச்சுத் தோற்றத்தின் மீது சுட்டுக்குறியைப் தொடாநிலையில் நகர்த்தினாலோ, அதைக் குவிமையத்திற்குள் கொண்டு வந்தாலோ, இற்றாக்கங்கள் தற்காலிகமாக நிறுத்தப்படும். தாங்கள் உரைகளைத் தெரிவுசெய்யவும், படியெடுக்கவும் இது உதவும்.

பேச்சுத் தோற்றத்தை எங்கிருந்தாயினும் மாற்றியமைக்க விரும்பினால், உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

பிரெயில் தோற்றம்

பார்வையுள்ள மென்பொருள் மேம்படுத்துநர்களுக்கு, அல்லது கூட்டத்தினருக்கு என்விடிஏவின் செயல்விளக்கத்தை அளிக்கும்பொழுது, பிரெயில் வெளியீட்டினையும், ஒவ்வொரு பிரெயில் வரியுருவிற்கு நிகரான உரையையும் காட்டுவதற்கு, திரையில் ஒரு மிதக்கும் சாளரம் தோன்றும். பிரெயில் தோற்றத்தையும், பிரெயில் காட்சிப்படுத்தியையும் ஒரே நேரத்தில் பயன்படுத்தலாம். காட்சிப்படுத்தியில் களங்கள் தோன்றும் அளவிற்கு, பிரெயில் தோற்றத்திலும் களங்கள் தோன்றும். பிரெயில் தோற்றம் முடுக்கப்பட்டிருக்கும்பொழுது, காட்சிப்படுத்தியில் தோன்றும் பிரெயில் எழுத்துகளை, நிகழ்நேரத்தில் பிரெயில் தோற்றத்தில் இற்றைப்படுத்தும்.

பிரெயில் தோற்றத்தை முடுக்க, என்விடிஏ பட்டியில் இருக்கும் கருவிகள் உட்பட்டியில் காணப்படும் 'பிரெயில் தோற்றம்' பட்டி உருப்படியைத் தேர்வுச் செய்யவும். பிரெயில் தோற்றத்தை முடக்க, தேர்வினை நீக்கிவிடவும்.

பிரெயிலை முன்னுருட்டவும், பின்னுருட்டவும், பிரெயில் காட்சிப்படுத்திகளில் பொத்தான்கள் கொடுக்கப்பட்டிருக்கும். பிரெயில் தோற்றத்தில் இச்செயல்களை நிகழ்த்த, உள்ளீட்டுச் சைகைகள் உரையாடலைப் பயன்படுத்தி தனிப்பயனாக்கப்பட்ட சைகைகளை இணைக்கவும்

'என்விடிஏ துவங்கும்பொழுது பிரெயில் தோற்றத்தைக் காட்டுக' என்கிற ஒரு தேர்வுப் பெட்டியினை பிரெயில் தோற்றச் சாளரம் கொண்டிருக்கும். இத்தேர்வுப் பெட்டி தேர்வாகியிருந்தால், என்விடிஏ துவங்கும்பொழுது, பிரெயில் தோற்றம் திரையில் திறக்கப்படும். மூடப்பட்ட பரிமானத்தையும், அமைவிடத்தையும் கொண்டு, பிரெயில் தோற்றச் சாளரம் மீண்டும் துவங்க எப்பொழுதும் முயலும்.

"கள வழியமைத்தலுக்கான தொடாநிலை நகர்வு" என்கிற தேர்வுப் பெட்டியை பிரெயில் தோற்றச் சாளரம் கொண்டிருக்கும். இயல்பில் இது தேர்வாகி இருக்காது. இத்தேர்வுப் பெட்டி தேர்வான நிலையில், ஒரு பிரெயில் களத்தின் மீது சுட்டுக்குறியை தொடாநிலையில் நகர்த்தினால், அக்களத்திற்கான "பிரெயில் களத்திற்கு வழியமைத்திடுக" கட்டளையின் தூண்டுதலை முடுக்குகிறது. இமைக்கும் சுட்டுக்குறியை நகர்த்தவும், ஒரு கட்டுப்பாட்டிற்கான செயலைத் தூண்டவும் இது பெரும்பாலும் பயன்படுத்தப்படுகிறது. ஒரு களத்திலிருந்து வரைவைத் திருப்பியமைக்க என்விடிஏவால் இயல்கிறதா என்று பரிசோதிக்க இது பயனுள்ளதாக இருக்கும். தற்செயலாக களத்திற்கு வழியமைத்தலை தவிர்க்க இக்கட்டளை தாமதப்படுத்தப்படுகிறது. களத்தின் நிறம் பச்சையாக மாறும் வரை தொடாநிலையில் சுட்டுக்குறி இருக்க வேண்டும். களம் முதலில் மெல்லிய மஞ்சள் நிறத்தில் துவங்கி, பிறகு செம்மஞ்சள் நிறத்திற்கு நகர்ந்து, திடீரென்று பச்சை நிறமாக மாறும்.

பிரெயில் தோற்றத்தை எங்கிருந்தாயினும் மாற்றியமைக்க, உள்ளீட்டுச் சைகைகள் உரையாடலைப் பயன்படுத்தி, தனிப்பயனாக்கப்பட்ட சைகையை இணைக்கவும்.

பைத்தன் கட்டுப்பாட்டகம்

என்விடிஏ பட்டியின் கருவிகள் உட்பட்டியில் உள்ள பைத்தன் கட்டுப்பாட்டகம், ஒரு மேம்பாட்டுக் கருவியாகும். இது, என்விடிஏவின் உள்ளடக்கங்களின் பொது ஆய்வு, வழுத்திருத்தம், ஒரு பயன்பாட்டின் அணுகுமுறை ஆய்வு போன்ற செயல்களுக்குப் பயன்படுகிறது. கூடுதல் தகவல்களுக்கு, என்விடிஏ மேம்படுத்துநர் வழிகாட்டியைக் காணவும்.

நீட்சிநிரல் அங்காடி

என்விடிஏ நீட்சிநிரல் அங்காடியை இது திறக்கும். கூடுதல் தகவல்களுக்கு, நீட்சிநிரல்களும் நீட்சிநிரல் அங்காடியும் என்கிற பிரிவில் கொடுக்கப்பட்டிருக்கும் ஆழ்ந்த விளக்கத்தைப் படிக்கவும்.

கொண்டுசெல்லத்தக்கப் படியை உருவாக்குக

நடப்பிலிருக்கும் என்விடிஏ பதிப்பிலிருந்து அதன் கொண்டுசெல்லத்தக்கப் படியை உருவாக்க ஒரு உரையாடல் பெட்டியை இது திறக்கும்.

கூடுதல் தகவல்களுக்கு, கொண்டுசெல்லத்தக்கப் படியை உருவாக்குக பிரிவில் இருக்கும் வழிமுறைகளைப் பின்பற்றவும்.

Run System Accessibility Repair Tool...

சில நேரங்களில், விண்டோஸ் பதிவேட்டில் சிக்கல்கள் உருவாகலாம். இதன் விளைவாக என்விடிஏ அசாதாரணமாக செயல்படலாம். எடுத்துக்காட்டாக, அடோபி ரீடர், மேத் பிளேயர் போன்ற சில பயன்பாடுகள், விண்டோஸ் இற்றாக்கங்கள் ஆகியவைகளின் நிறுவுதல், அல்லது நிறுவுநீக்குதல் மற்றும் பிற நிகழ்வுகளால் இது ஏற்படலாம். The System Accessibility Repair Tool attempts to fix these issues by repairing accessibility entries in the registry.

இக்கருவி சரிசெய்யக்கூடிய சிக்கலின் வகைகள் பின்வருவனவற்றை உள்ளடக்கியதாகும்:

• ஃபயர்ஃபாக்ஸ், அல்லது எட்ஜ் போன்ற உலாவிகள், தண்டர்பேர்ட் போன்ற மின்னஞ்சல் நிரல்கள், விண்டோஸ் எக்ஸ்ப்ளோரர், பணிப்பட்டை மற்றும் பிற நிரல்களில் என்விடிஏ வழிசெல்லும்பொழுது "அறியப்படாதது", அல்லது "பலகை", என்று அறிவிப்பது.
• தங்கள் எதிர்பார்ப்புக்கு மாறாக, குவிமைய நிலை, உலாவு நிலை ஆகியவைகளுக்கிடையே என்விடிஏ மாறத் தவறுவது.
• Buttons which previously had their names spoken, suddenly being reported only as "button".
• உலாவிகளில் உலாவு நிலையில் வழிசெல்லும்பொழுது என்விடிஏ மெதுவாக செயல்படுவது.

விண்டோஸ் பதிவேட்டின் உள்ளீடுகளை இக்கருவி சரிசெய்கிறது என்பதால், ஒரு நிரலை நிறுவும்பொழுது தேவைப்படும் நிர்வாக அணுகல் இதற்கும் தேவைப்படுகிறது. பெரும்பாலான பயனர்கள்் செய்வது போல, பயனர் கணக்குக் கட்டுப்பாட்டைத் தாங்கள் முடுக்கியிருந்தால், இக்கருவியை வெற்றிகரமாக இயக்க, பயனர் கணக்குக் கட்டுப்பாடு வழங்கும் அறிவுறுத்தல்களைத் தாங்கள் பின்பற்ற வேண்டும்.

செருகுநிரல்களை மீளேற்றுக

இவ்வுறுப்படியை இயக்கினால், என்விடிஏவை மறுதுவக்க தேவையில்லாமல், பயன்பாட்டு நிரற்கூறுகளையும், முழுதளாவிய செருகுநிரல்களையும் மீளேற்றும். இது, என்விடிஏ மேம்படுத்துநர்களுக்குப் பயனுள்ளதாக இருக்கும். குறிப்பிட்ட பயன்பாடுகளுடன் என்விடிஏ எவ்வாறு ஊடாட வேண்டும் என்பதனை பயன்பாட்டு நிரற்கூறுகள் மேலாள்கின்றன. எல்லாப் பயன்பாடுகளுடன் என்விடிஏ எவ்வாறு ஊடாட வேண்டும் என்பதனை முழுதளாவிய நிரற்கூறுகள் மேலாள்கின்றன.

பின்வரும் என்விடிஏ விசை கட்டளைகளும் பயனுள்ளவையாக இருக்கும்:

ஆதரவளிக்கப்படும் பேச்சொலிப்பான்கள்

என்விடிஏ ஆதரவளிக்கும் பேச்சொலிப்பான்கள் பற்றிய தகவல்களை இப்பிரிவில் காணலாம். என்விடிஏவுடன் பயன்படுத்தப்படக் கூடிய பிற இலவச/வர்த்தக ஒலிப்பான்களின் விரிவான பட்டியலை, என்விடிஏவின் கூடுதல் குரல்கள் பக்கத்தில் காணலாம்.

ஈஸ்பீக் என்ஜி

என்விடிஏவினுள் ஈஸ்பீக் என்ஜி ஒலிப்பான் கட்டப்பட்டு வெளிவருவதால், வேறு சிறப்பு இயக்கிகளையோ, கூறுகளையோ நிறுவத் தேவையில்லை. இவ்வொலிப்பான், என்விடிஏவினுள் கட்டப்பட்டு வெளிவருவதால், விரலியைக் கொண்டு பிற கணினிகளில் என்விடிஏவை இயக்க மிகவும் பயனுள்ளதாக இருக்கும்.

ஈஸ்பீக் என்ஜியில் இருக்கும் ஒவ்வொரு குரலும், வெவ்வேறு மொழியைப் பேசும். 43க்கும் மேலான மொழிகளுக்கு ஈஸ்பீக் என்ஜி ஆதரவளிக்கிறது.

குரலின் ஒலியை மாற்றியமைக்க, ஈஸ்பீக் என்ஜியில் பல குரல் மாற்றுருக்களும் உள்ளன.

மைக்ரோசாப்ட் ஸ்பீச் ஏ. பி. ஐ. 4 (SAPI 4)

SAPI 4 என்பது மென்பொறுள் பேச்சொலிப்பான்களுக்கு மைக்ரோசாப்ட் நிறுவனம் வரையறுத்திருந்த பழைய தரநிலையாகும். SAPI 4 ஒலிப்பான்களை பயனர்கள் ஏற்கெனவே நிறுவியிருந்தால், என்விடிஏ அவைகளைத் தொடர்ந்து ஆதரிக்கிறது. ஆனால், மைக்ரோசாஃப்ட் இவ்வொலிப்பான்களை இப்பொழுது ஆதரிப்பதில்லை என்பதோடு, தேவையான பகுதிக் கூறுகளும் மைக்ரோசாஃப்டிடமிருந்து கிடைப்பதில்லை.

என்விடிஏ அமைப்புகள் உரையாடலில் காணப்படும் பேச்சு வகைமை, அல்லது ஒலிப்பான் அமைப்புகள் வளையத்தைக் கொண்டு இப்பேச்சொலிப்பானிலிருக்கும் குரல்களை அணுகும்பொழுது, கணினியில் நிறுவப்பட்டிருக்கும் எல்லா SAPI 4 ஒலிப்பான்களின் அனைத்து குரல்களையும் காண்பீர்கள்.

மைக்ரோசாப்ட் ஸ்பீச் ஏ.பி.ஐ. 5 (SAPI 5)

SAPI 5 என்பது மென்பொறுள் பேச்சொலிப்பான்களுக்கு மைக்ரோசாப்ட் நிறுவனம் வரையறுத்திருக்கும் தரநிலையாகும். 32-நுண்மி மற்றும் 64-நுண்மி ஆகிய இரு சாப்பி 5 குரல்களையும் என்விடிஏ ஆதரிக்கிறது. சிறந்த செயல்திறன் மற்றும் அம்ச இணக்கத்திற்கு 64 நுண்மி குரல்களுக்கு முன்னுரிமை அளிக்கவேண்டும். இத்தரநிலையுடன் ிணங்கக் கூடிய பல ஒலிப்பான்களை, விலை கொடுத்து வாங்கவோ, இணையதளங்களிலிருந்து இலவசமாக தரவிறக்கவோ முடியும்ென்றாலும், தங்கள் கணினியில், குறைந்தபட்சம் ஒரு SAPI 5 குரலாவது ஏற்கெனவே நிறுவப்பட்டிருக்கும்.

32 நுண்மி, அல்லது 64 நுண்மி சாப்பி 5 ஒலிப்பான்களை என்விடிஏவுடன் பயன்படுத்தும்பொழுது, இப்பேச்சொலிப்பானிலிருக்கும் குரல்களை, என்விடிஏ அமைப்புகள் உரையாடலில் காணப்படும் பேச்சு வகைமை, அல்லது ஒலிப்பான் அமைப்புகள் வளையத்தைக் கொண்டு அணுகினால், கணினியில் நிறுவப்பட்டிருக்கும் எல்லா 32 நுண்மி, அல்லது 64 நுண்மி சாப்பி 5 ஒலிப்பான்களின் அனைத்து குரல்களையும் பட்டியலில் முறையே காண்பீர்கள். தங்கள் கணினியில் நிறுவப்பட்டிருக்கும் சாப்பி 5 குரல் ஒன்றைத் தங்களால் கண்டறிய இயலவில்லை என்றால், ஒலிப்பானைத் தெரிவு செய்க உரையாடலைப் பயன்படுத்தி, வேறு சாப்பி 5 ஒலிப்பானுக்கு மாற முயலவும்.

மைக்ரோசாப்ட் பேச்சுத் தளம்

வழங்கி இயக்கமுறைமைகளை அடிப்படையாகக் கொண்டிருக்கும் பேச்சுப் பயன்பாடுகளுக்கான பல மொழிகளை, மைக்ரோசாப்ட் பேச்சுத் தளம் வழங்குகிறது. இக்குரல்களையும் என்விடிஏவுடன் பயன்படுத்தலாம்.

இக்குரல்களைப் பயன்படுத்த, தாங்கள் இரு கூறுகளை நிறுவ வேண்டும்.

• மைக்ரோசாஃப்ட் பேச்சுத் தளம்m - ரன்டைம் (பதிப்பு 11), x64
• மைக்ரோசாஃப்ட் பேச்சுத் தளம் - ரன்டைம் மொழிகள் (பதிப்பு 11)
  • உரையிலிருந்து பேச்சுக்கும், குரல் உணருதலுக்கும் இப்பக்கத்தில் பல கோப்புகள் உள்ளன. விரும்பப்படும் மொழிகள்/குரல்களுக்கான TTS தரவுகளைக் கொண்ட கோப்புகளைத் தேர்ந்தெடுக்கவும். எடுத்துக்காட்டாக, MSSpeech_TTS_en-US_ZiraPro.msi என்கிற கோப்பு, அமெரிக்க ஆங்கில குரலுக்கான கோப்பாகும்.

விண்டோஸ் ஒன் கோர் குரல்கள்

விண்டோஸ் 10, அல்லது அதற்கும் பிறகான இயக்கமுறைமையில், "ஒன் கோர்", அல்லது "மொபைல்" என்றழைக்கப்படும் புதிய குரல்கள் உள்ளன. பல மொழிகளுக்கான குரல்கள் கொடுக்கப்பட்டிருப்பதுடன், மைக்ரோசாஃப்ட் ஸ்பீச் ஏ. பி. ஐ. 5 பதிப்பில் இருக்கும் மைக்ரோசாஃப்ட் குரல்களைக் காட்டிலும் இவை உணர்திறனுடன் செயல்படுகின்றன. விண்டோஸ் ஒன் கோர் குரல்களை என்விடிஏ இயல்பில் பயன்படுத்துகிறது.

புதிய விண்டோஸ் ஒன் கோர் குரல்களைச் சேர்க்க, விண்டோஸ் கணினி அமைப்புகளில் காணப்படும் பேச்சு அமைப்புகளுக்குச் செல்லவும். "குரல்களைச் சேர்த்திடுக" என்கிற விருப்பத் தேர்வினைப் பயன்படுத்தி, தேவைப்படும் மொழியினைத் தேடவும். பல மொழிகள், பலதரப்பட்ட மாற்றுருக்களைக் கொண்டுள்ளன. "இந்தியா" என்பது தமிழ் மொழிக்கான ஒரே மாற்றுருவாகும். "இங்கிலாந்து", "ஆஸ்திரேலியா" ஆகியவை ஆங்கிலத்திற்கான இரு மாற்றுருக்களாகும். அதுபோலவே, "பிரான்ஸ்", "கனடா", "சுவிட்சர்லாந்து" ஆகியவை பிரெஞ்சு மொழிக்கான மாற்றுருக்களாகும். தமிழ், ஆங்கிலம், பிரெஞ்சு என பிரதான மொழியை முதலில் தேடிக் கண்டடைந்த பிறகு, அம்மொழிக்கான மாற்றுருவைப் பட்டியலில் கண்டடையவும். தேவைப்படும் மாற்றுருவைத் தெரிவுசெய்த பிறகு, "கூட்டுக" பொத்தானை அழுத்தி அம்மொழியைச் சேர்க்கவும். மொழியைக் கூட்டிய பிறகு, என்விடிஏவை மறுதுவக்கவும்.

கிடைப்பிலிருக்கும் குரல்களின் பட்டியலைக் குறித்து அறிய, மைக்ரோசாஃப்டின் ஆதரிக்கப்படும் மொழிகளும், குரல்களும் என்கிற பக்கத்தைக் காணவும்.

ஆதரவளிக்கப்படும் பிரெயில் காட்சிப்படுத்திகள்

இப்பிரிவு, என்விடிஏ ஆதரவளிக்கும் பிரெயில் காட்சிப்படுத்திகள் பற்றிய தகவல்களைக் கொண்டுள்ளது.

பின்னணியில் தானாகக் கண்டறியும் வசதியை ஆதரிக்கும் காட்சிப்படுத்திகள்

ஊடலை, அல்லது யுஎஸ்பி மூலம் பல பிரெயில் காட்சிப்படுத்திகளை பின்னணியில் தானாகக் கண்டறியும் திறன் என்விடிஏவிற்கு உள்ளது. பிரெயில் அமைப்புகள் உரையாடலில் காணப்படும் தன்னியக்கம் என்கிற விருப்பத் தேர்வினை பிரெயில் காட்சிப்படுத்தியாகத் தேர்ந்தெடுப்பதன் மூலம், இந்தத் தன்மையைச் செயற்படுத்தலாம். இயல்பில், இவ்விருப்பத் தேர்வு தேர்வாகியிருக்கும்.

பின்னணியில் தானாகக் கண்டறியும் வசதியை பின்வரும் பிரெயில் காட்சிப்படுத்திகள் ஆதரிக்கின்றன.

• ஹேண்டி டெக் காட்சிப்படுத்திகள்
• பௌம்/ஹ்யூமன்வேர்/APH/ஆர்பிட் பிரெயில் காட்சிப்படுத்திகள்
• ஹ்யூமன்வேர் பிரெயிலண்ட் BI/B தொடர்
• ஹ்யூமன்வேர் பிரெயில்நோட்
• சூப்பர்பிரெயில்
• ஆப்டிலெக் ஆல்வா 6 தொடர்
• ஹிம்ஸ் பிரெயில் சென்ஸ்/பிரெயில் எட்ஜ்/Smart பீட்டில்/சிங்க் பிரெயில் தொடர்
• யுரோபிரெயில் Esys/Esytime/Iris காட்சிப்படுத்திகள்
• நாட்டிக் nBraille காட்சிப்படுத்திகள்
• சேக்கா நோட்டேக்கர்: மினிசேக்கா (16, 24 களங்கள்), V6, மற்றும் V6Pro (40 களங்கள்)
• டிவோமேடிக் கேய்கு ஆல்பட்ராஸ் 46/80 காட்சிப்படுத்திகள்
• என்எல்எஸ் இரீடர் ஜூமாக்ஸ்
• எச். ஐ. டி. தரநிலை பிரெயில் நெறிமுறையைப் பின்பற்றும் எந்த பிரெயில் காட்சிப்படுத்தியும்

ஃப்ரீடம் சைண்டிஃபிக் ஃபோக்கஸ்/PAC Mate தொடர்

ஃப்ரீடம் சைண்டிஃபிக்கின் எல்லா ஃபோக்கஸ், PAC Mate காட்சிப்படுத்திகளும், யுஎஸ்பி, ஊடலை மூலம் இணைக்கப்படும்பொழுது, என்விடிஏ அதை ஆதரிக்கிறது. ஃப்ரீடம் சைண்டிஃபிக்கின் பிரெயில் காட்சிப்படுத்தி இயக்கிகளைத் தாங்கள் கணினியில் நிறுவியிருக்க வேண்டும். இவ்வியக்கிகள் தங்களிடம் ஏற்கெனவே இல்லையென்றால், ஃபோக்கஸ் ப்ளூ பிரெயில் காட்சிப்படுத்தி இயக்கியின் பக்கத்திலிருந்து அவைகளை தரவிறக்கிக் கொள்ளலாம். இவ்விணையப் பக்கம், ஃபோக்கஸ் 40 ப்ளூ காட்சிப்படுத்தியை மட்டுமே குறிப்பிட்டாலும், இயக்கிகள், ஃப்ரீடம் சைண்டிஃபிக்கின் எல்லா ஃபோக்கஸ் மற்றும் பேக்மேட் காட்சிப்படுத்திகளையும் ஆதரிக்கும்.

இயல்பில், இக்காட்சிப்படுத்திகளை யுஎஸ்பி, ஊடலை மூலம் என்விடிஏ தானாகக் கண்டறிந்து தொடர்பை ஏற்படுத்திக் கொள்ளும். ஆனால், பயன்படுத்த வேண்டிய இணைப்பு வகையை கட்டுப்படுத்த, யுஎஸ்பி நுழைவாயில், அல்லது ஊடலை நுழைவாயில் ஆகியவைகளுள் ஏதேனும் ஒன்றை, காட்சிப்படுத்தியை அமைவடிவமாக்கும்பொழுது தெரிவுசெய்து கொள்ளலாம். இது, தங்கள் கணினியில் இருக்கும் மின்சாரத்தைக் கொண்டு, போக்கஸ் காட்சிப்படுத்தியை இயக்கிய வண்ணம், காட்சிப்படுத்தியை என்விடிஏவுடன் ஊடலை மூலம் இணைக்கும்பொழுது பயன்படக்கூடும். தானாக பிரெயில் காட்சிப்படுத்தியைக் கண்டறியும் என்விடிஏவின் சிறப்பியல்பு, யுஎஸ்பி, அல்லது ஊடலை வழியே இணைக்கப்பட்டிருக்கும் பிரெயில் காட்சிப்படுத்தியையும் கண்டறியும்.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதை விளக்கமாக அறிய, காட்சிப்படுத்தியுடன் வரும் வழிகாட்டி ஆவணத்தைப் பார்க்கவும்.

ஃபோக்கஸ் 40, ஃபோக்கஸ் 80, ஃபோக்கஸ் ப்ளூ போன்ற ராக்கர் பட்டை விசைகளைக் கொண்ட புதிய வகை ஃபோக்கஸ் பிரெயில் காட்சிப்படுத்திகளுக்கான விசைக் கட்டளைகள்:

ஃபோக்கஸ் 80 காட்சிப்படுத்திக்கு மட்டும்:

ஆப்டிலெக் ALVA 6 தொடர்/நெறிமுறை மாற்றி

ஆப்டிலெக் நிறுவனத்தின் ALVA BC640, BC680 ஆகிய இரு காட்சிப்படுத்திகளும், யுஎஸ்பி, அல்லது ஊடலை மூலம் இணைக்கப்பட்டிருந்தால், என்விடிஏ அவைகளை ஆதரிக்கும். மாற்றாக, ஆப்டிலெக் வழங்கும் நெறிமுறை மாற்றியைப் பயன்படுத்தி, பிரெயில் வாயேஜர் போன்ற பழைய ஆப்டிலெக் காட்சிப்படுத்திகளையும் இணைக்கலாம். இக்காட்சிப்படுத்திகளைப் பயன்படுத்த, எந்தக் குறிப்பிட்ட இயக்கிகளையும் நிறுவத் தேவையில்லை. பிரெயில் காட்சிப்படுத்தியை வெறுமனே கணினியில் செருகிவிட்டு, என்விடிஏவை அமைவடிவமாக்குங்கள்.

ஆல்வா ஊடலையைப் பயன்படுத்தி ஆல்வா BC6 காட்சிப்படுத்தி இணைக்கப்பட்டிருந்தால், என்விடிஏ இக்காட்சிப்படுத்தியை ஊடலை வழியே பயன்படுத்த இயலாமல் போகலாம் என்பதை நினைவில் கொள்ளவும். இது போன்ற தருணங்களில், ஆல்வா காட்சிப்படுத்தியை விண்டோஸ் ஊடலை அமைப்புகளைப் பயன்படுத்தி வழமை போல் இணைக்கவும்.

இக்காட்சிப்படுத்திகளில்் சில, பிரெயில் விசைப் பலகையைக் கொண்டிருந்தாலும், தாமாகவே பிரெயிலை உரைக்கு மொழிபெயர்க்கும் வசதியை இயல்பில் அவை கொண்டிருக்கின்றன என்பதை நினைவில் கொள்ளவும். இதிலிருந்து நாம் அறிவது என்னவென்றால், இயல்புச் சூழ்நிலையில், என்விடிஏவின் பிரெயில் உள்ளீட்டு முறை, அதாவது, உள்ளீட்டு பிரெயில் அட்டவணை அமைப்பு பயன்பாட்டில் இருப்பதில்லை. அண்மைய ஃபேர்ம்வேரினைக் கொண்ட ஆல்வா காட்சிப்படுத்திகள்ில், உள்ளீட்டுச் சைகையின் மூலம், இந்த எச். ஐ. டி. விசைப் பலகையின் உருவகமாக்கத்தை முடக்கலாம்.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதை விளக்கமாக அறிய, காட்சிப்படுத்தியுடன் வரும் வழிகாட்டி ஆவணத்தைப் பார்க்கவும்.

Handy Tech காட்சிப்படுத்திகள்

Handy Tech நிறுவனத்தின் பெரும்பாலான காட்சிப்படுத்திகள், யுஎஸ்பி, தொடர் நுழைவாயில், அல்லது ஊடலை மூலம் இணைக்கப்பட்டிருந்தால், அவைகளை என்விடிஏ ஆதரிக்கும். பழைய யுஎஸ்பி காட்சிப்படுத்திகளுக்கு இந்நிறுவனத்தின் யுஎஸ்பி இயக்கிகளை நிறுவ வேண்டும்.

கீழ்க் காணும் பிரெயில் காட்சிப்படுத்திகளை என்விடிஏ நேரடியாக ஆதரிப்பதில்லை. இருப்பினும், ஹேண்டிடெக்கின் முழுதளாவிய இயக்கி மற்றும் என்விடிஏவின் நீட்சிநிரலின் மூலம் பயன்படுத்தலாம்:

• பிரெயிலினோ
• புக்வேர்ம்
• ஃபேர்ம்வேர் 1.13, அல்லது அதற்கும் கீழான பதிப்பினைக் கொண்ட மாதிரி காட்சிப்படுத்திகள். இக்காட்சிப்படுத்திகளின் ஃபேர்ம்வேரினை இற்றைப்படுத்தலாம் என்பதை நினைவில் கொள்ளவும்.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

எம்டிவி லில்லி

எம்டிவி பிரெயில் காட்சிப்படுத்தியை என்விடிஏ ஆதரிக்கிறது. இக்காட்சிப்படுத்தியைப் பயன்படுத்த, எந்தக் குறிப்பிட்ட இயக்கிகளையும் தாங்கள் நிறுவத் தேவையில்லை. காட்சிப்படுத்தியைப் பயன்படுத்த, அதைக் கணினியில் செருகிவிட்டு, என்விடிஏவை அமைவடிவமாக்குங்கள்.

பிரெயில் காட்சிப்படுத்தியை பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்தி ஆதரிப்பதில்லை.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

Baum/Humanware/APH/Orbit பிரெயில் காட்சிப்படுத்திகள்

Baum, Humanware, APH, Orbit ஆகிய நிறுவனங்களின் பிரெயில் காட்சிப்படுத்திகள், யுஎஸ்பி, அல்லது ஊடலை, அல்லது தொடர் நுழைவாயில் மூலம் இணைக்கப்பட்டிருந்தால், அவைகளை என்விடிஏ ஆதரிக்கிறது. ஆதரவளிக்கப்படும் காட்சிப்படுத்திகள் இவைகளையும் உள்ளடக்கும்:

• Baum: SuperVario, PocketVario, VarioUltra, Pronto!, SuperVario2, Vario 340
• ஹியுமன்வேர்: பிரெயிலன்ட், பிரெயில்கனெக்ட், பிரெயிலன்ட்2
• ஏபிஎச்: ரிஃப்ரெஷபிரெயில்
• Orbit: Orbit Reader 20, Orbit Reader 40

Baum நிறுவனம் உற்பத்தி செய்யும் இன்னும் பிற பிரெயில் காட்சிப்படுத்திகளும் செயற்படலாம். ஆனால், இது பரிசோதிக்கப்பட்டதில்லை.

எச். ஐ. டி.-ஐப் பயன்படுத்தாத காட்சிப்படுத்திகளை யுஎஸ்பி மூலம் இணைப்பதாக இருந்தால், தொடர்புடைய உற்பத்தியாளரின் யுஎஸ்பி இயக்கிகளை முதலில் நிறுவ வேண்டும். VarioUltra, Pronto! காட்சிப்படுத்திகள் எச். ஐ. டி.-ஐப் பயன்படுத்துகின்றன. The Refreshabraille, Orbit Reader 20, and Orbit Reader 40 can use HID if configured appropriately.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

ஜாய் குச்சிகளைக் கொண்டிருக்கும் காட்சிப்படுத்திகளுக்கு:

ஹீடோ ஃப்ரொஃபிலைன் யுஎஸ்பி

ஹீடோ ரேஹா டெக்னிக் நிறுவனத்தின் ஹீடோ ஃப்ரொஃபிலைன் யுஎஸ்பி காட்சிப்படுத்திக்கு என்விடிஏ ஆதரவளிக்கிறது. உற்பத்தியாளரின் யுஎஸ்பி இயக்கிகளை முதலில் தாங்கள் நிறுவ வேண்டும்.

பிரெயில் காட்சிப்படுத்தியைப் பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்தி இதுவரைக்கும் ஆதரிப்பதில்லை.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

ஹீடோ மொபில்லைன் யுஎஸ்பி

ஹீடோ ரேஹா டெக்னிக் நிறுவனத்தின் ஹீடோ மொபில்லைன் யுஎஸ்பி பிரெயில் காட்சிப்படுத்திக்கு என்விடிஏ ஆதரவளிக்கிறது. உற்பத்தியாளரின் யுஎஸ்பி இயக்கிகளைத் தாங்கள் முதலில் நிறுவ வேண்டும்.

பிரெயில் காட்சிப்படுத்தியைப் பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்தி இதுவரைக்கும் ஆதரிப்பதில்லை.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

ஹ்யூமன்வேர் பிரெயிலண்ட் BI/B தொடர்/பிரெயில்நோட் டச்

BI 14, BI 32, BI 20X, BI 40, BI 40X, B 80 உட்பட எல்லா ஹ்யூமன்வேர் பிரெயிலண்ட் Bi மற்றும் B தொடர் பிரெயில் காட்சிப்படுத்திகளுக்கும், அவைகள் யுஎஸ்பி, அல்லது ஊடலை மூலம் இணைக்கப்பட்டிருந்தால், என்விடிஏ ஆதரவளிக்கிறது. ஹ்யூமன்வேர் நெறிமுறைக்கு அமைக்கப்பட்டு, யுஎஸ்பி மூலம் இணைப்பதாகவிருந்தால், உற்பத்தியாளரின் இயக்கிகளை முதலில் நிறுவ வேண்டும். முதற் படிநிலை பிரெயில் நெறிமுறைக்கு அமைக்கப்படுவதாகவிருந்தால், யுஎஸ்பி இயக்கிகள் தேவைப்படுவதில்லை.

கீழ்க்காணும் கூடுதல் கருவிகளுக்கும் ஆதரவளிக்கப்படுகிறது. சிறப்பு இயக்கிகள் ஏதும் இவைகளுக்கு நிறுவத் தேவையில்லை.

• ஏ.பி.எச். மேண்டிஸ் Q40
• ஏ.பி.எச். கமிலியன் 20
• ஹ்யுமன்வேர் பிரெயில் ஒன்
• என்எல்எஸ் இரீடர் ஹ்யூமன்வேர்

பின்வரும் என்விடிஏ விசைகள், பிரெயிலன்ட் BI/B/பிரெயில்நோட் டச் காட்சிப்படுத்திகளுக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

எல்லா மாதிரிகளுக்குமான விசை ஒதுக்கீடுகள்

Brailliant BI 32, BI 40 மற்றும் B 80 காட்சிப்படுத்திகளுக்கான விசை ஒதுக்கீடுகள்

Brailliant BI 14 காட்சிப்படுத்திக்கான விசை ஒதுக்கீடுகள்

ஹிம்ஸ் பிரெயில் சென்ஸ்/பிரெயில் எட்ஜ்/ஸ்மார்ட் பீட்டில்/சிங் பிரெயில் தொடர்

யுஎஸ்பி, அல்லது ஊடலை மூலம் இணைக்கப்பட்டிருந்தால், ஹிம்ஸ் நிறுவனத்தின் பிரெயில் சென்ஸ், பிரெயில் எட்ஜ், ஸ்மார்ட் பீட்டில் மற்றும் சிங் பிரெயில் காட்சிப்படுத்திகளுக்கு என்விடிஏ ஆதரவளிக்கிறது. யுஎஸ்பி மூலம் இணைப்பதாக இருந்தால், ஹிம்ஸ் நிறுவனத்தின் யுஎஸ்பி இயக்கிகளைத் தங்கள் கணினியில் முதலில் நிறுவ வேண்டும்.

பின்வரும் என்விடிஏ விசைகள், இக்காட்சிப்படுத்திகளுக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

சேக்கா பிரெயில் காட்சிப்படுத்திகள்

வேறுபட்ட செயல்பாடுகளுடன் இரு குழுக்களாக நிப்பான் டெலிசாஃப் வழங்கும் பின்வரும் பிரெயில் காட்சிப்படுத்திகள் ஆதரிக்கப்படுகின்றன:

• சேக்கா பதிப்பு 3, 4, மற்றும் 5 (40 களங்கள்), சேக்கா80 (80 களங்கள்)
• மினிசேக்கா (16, 24 களங்கள்), V6, மற்றும் V6Pro (40 களங்கள்)

காட்சிப்படுத்திகள் குறித்த கூடுதல் தகவல்களை, நிறுவனத்தின் தெரியக்காட்டல் மற்றும் இயக்கித் தரவிறக்கப் பக்கத்தில் காணலாம்.

சேக்கா பதிப்பு 3, 4, மற்றும் 5 (40 களங்கள்), சேக்கா80 (80 களங்கள்)

• பிரெயில் காட்சிப்படுத்தியைப் பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்திகள் இதுவரைக்கும் ஆதரிப்பதில்லை.
• கைமுறையில் அமைவடிவமாக்க சேக்கா பிரெயில் காட்சிப்படுத்திகளைத் தெரிவுசெய்க
• v3/4/5/80 சேக்கா பிரெயில் காட்சிப்படுத்திகளைப் பயன்படுத்தும் முன்னர், அவைகளுக்கான இயக்கிகளை நிறுவ வேண்டும். உற்பத்தியாளர் வழங்கும் இயக்கிகளை இங்கிருந்து தரவிறக்கிக் கொள்ளலாம்.

பின்வரும் என்விடிஏ விசைகள், இக்காட்சிப்படுத்திக்கு ஒதுக்கப்பட்டுள்ளன. இவ்விசைகள் எங்கிருக்கின்றன என்பதைப் பற்றி விளக்கமாக அறிய, காட்சிப்படுத்தியின் வழிகாட்டி ஆவணத்தைப் பார்க்கவும்.

மினிசேக்கா (16, 24 களங்கள்), V6, மற்றும் V6Pro (40 களங்கள்)

• பின்புலத்தில் பிரெயில் காட்சிப்படுத்தியைத் தானாகக் கண்டறியும் என்விடிஏவின் செயல்பாடு, யுஎஸ்பி மற்றும் ஊடலை வாயிலாக ஆதரிக்கப்படுகிறது.
• அமைவடிவமாக்க "சேக்கா நோட்டேக்கர்", அல்லது "தன்னியக்கம்" என்பதைத் தெரிவுசெய்க.
• சேக்கா நோட்டேக்கர் பிரெயில் காட்சிப்படுத்தியைப் பயன்படுத்த கூடுதல் இயக்கிகள் தேவைப்படுவதில்லை.

இக்காட்சிப்படுத்திக்கு பின்வரும் விசைகள் ஒதுக்கப்பட்டுள்ளன. இவ்விசைகள் எங்கிருக்கின்றன என்பதனை விளக்கமாக அறிய, காட்சிப்படுத்தியுடன் வரும் ஆவணத்தைக் காணவும்.

பேப்பன்மேயர் பிரெயிலெக்ஸ் புதிய மாதிரிகள்

கீழ் கண்ட பிரெயில் காட்சிப்படுத்திகள் ஆதரிக்கப்படுகின்றன:

• பிரெயிலெக்ஸ் EL 40c, EL 80c, EL 20c, EL 60c (யுஎஸ்பி)
• பிரெயிலெக்ஸ் EL 40s, EL 80s, EL 2d80s, EL 70s, EL 66s (யுஎஸ்பி)
• பிரெயிலெக்ஸ் முப்பொருள் தொகுதி (யுஎஸ்பி & ஊடலை)
• பிரெயிலெக்ஸ் லைவ் 20, பிரெயிலெக்ஸ், மற்றும் பிரெயிலெக்ஸ் பிளஸ் (யுஎஸ்பி மற்றும் ஊடலை)

பிரெயில் காட்சிப்படுத்தியைப் பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்திகள் இதுவரைக்கும் ஆதரிப்பதில்லை. காட்சிப்படுத்தியின் யுஎஸ்பி இயக்கியில் இருக்கும் ஒரு விருப்பத் தேர்வு, காட்சிப்படுத்தியை ஏற்றுவதில் சிக்கலை ஏற்படுத்தலாம். பின்வருவனவற்றை முயற்சிக்கவும்:

1. அண்மைய இயக்கி நிறுவப்பட்டிருப்பதை உறுதிசெய்துகொள்ளவும்.
2. விண்டோஸ் கருவி மேலாளரைத் திறக்கவும்.
3. பட்டியலை நகர்த்தி, 'யுஎஸ்பி கட்டுப்படுத்திகள்', அல்லது 'யுஎஸ்பி கருவிகள்' உருப்படிக்குச் செல்லவும்.
4. பேப்பன்மேயர் பிரெயிலெக்ஸ் யுஎஸ்பி கருவியைத் தெரிவுசெய்யவும்.
5. பண்புகள் உரையாடலைத் திறந்து, 'மேம்பட்டவை' கீற்றிற்குச் செல்லவும். சில தருணங்களில் 'மேம்பட்டவை' கீற்று தோன்றாது. இதுபோன்ற தருணங்களில், பிரெயில் காட்சிப்படுத்தியை கணினியிலிருந்து துண்டித்த பிறகு, என்விடிஏவைவிட்டு வெளியேறி, சிறிது நேரம் காத்திருந்து, காட்சிப்படுத்தியை மீண்டும் கணினியில் இணைக்கவும். தேவைப்பட்டால் இச்செயலை நான்கு முதல் ஐந்து முறை செய்யவும். 'மேம்பட்டவை' கீற்று இன்னும் காட்டப்படவில்லையென்றால், கணினியை மறுதுவக்கவும்.
6. "Load VCP" விருப்பத் தேர்வினை முடக்கவும்.

இயலுணர்வுடனும், விரைவாகவும் செயற்பட, எளிதான அணுகுப் பட்டையை (Easy Access Bar - EAB) பல கருவிகள் கொண்டிருக்கின்றன. இவ்வணுகுப் பட்டையை நான்கு திசைகளில் நகர்த்தலாம். பொதுவாக, ஒவ்வொரு திசைக்கும் இரு இயக்கிகள் இருக்கும். இவ்விதிக்கு c மற்றும் லைவ் தொடர்கள் மட்டுமே விலக்காகும்.

c-தொடர் மற்றும் பிற காட்சிப்படுத்திகளில் வழியிடும் இரு வரிசைகள் காணப்படும். இதிலுள்ள மேல் வரிசை, வடிவூட்டத் தகவலை அறிவிக்க பயன்படுத்தப்படுகிறது. c-தொடர் கருவிகளில், மேல் வரிசையில் உள்ள ஒரு வழியிடும் விசையை அழுத்திய வண்ணம், அணுகுப் பட்டையை அழுத்துவது, இரண்டாம் இயக்கியை ஒப்புருவாக்கும். லைவ் தொடர் காட்சிப்படுத்திகளில் ஒரு வழியிடும் வரிசை மட்டுமே உள்ளது. ஒரு திசைக்கு ஒரு படியை மட்டுமே அணுகுப்பட்டை கொண்டுள்ளது. வழியிடும் விசை ஒன்றை அழுத்திய வண்ணம், அணுகுப்பட்டையை ஒத்த திசையில் அழுத்துவதன் மூலம், இரண்டாம் படியை ஒப்புருவாக்கலாம். கீழ், மேல், வலது, இடது, அல்லது EAB விசைகளை அழுத்திப் பிடிப்பது, அவைகளுக்கான செயல்களைத் திரும்பச் செய்விக்கும்.

கீழ் கண்ட விசைகள் இக்காட்சிப்படுத்திகளில் பொதுவாகக் காணப்படுகின்றன:

என்விடிஏவிற்காக ஒதுக்கப்பட்டுள்ள பேப்பன்மேயர் கட்டளைகள் கீழே கொடுக்கப்பட்டுள்ளன:

Trio மாதிரி, பிரெயில் விசைப் பலகைக்கு முன், நான்கு கூடுதல் விசைகளைக் கொண்டுள்ளது. இவை, இடமிருந்து வலமாக ஒழுங்கமைக்கப்பட்டுள்ளன.

• இடது பெருவிரல் விசை (lt)
• இடைவெளி
• இடைவெளி
• வலது பெருவிரல் விசை (rt)

வலது பெருவிரல் விசை, தற்போதைக்குப் பயன்பாட்டிலில்லை. இரு உள்விசைகளும், இடைவெளிப் பட்டைக்கு வரையறுக்கப்பட்டுள்ளன

பேப்பன்மேயர் பிரெயிலெக்ஸ் பழைய மாதிரிகள்

கீழ் காணும் பிரெயில் காட்சிப்படுத்திகள் ஆதரவளிக்கப்படுகின்றன:

• பிரெயிலெக்ஸ் EL 80, EL 2D-80, EL 40 P
• பிரெயிலெக்ஸ் Tiny, 2D திரை

தொடர் நுழைவாயில் மூலம்தான் இக்காட்சிப்படுத்திகளை இணைக்க முடியும் என்பதை நினைவில் கொள்ளவும். இதனால், பிரெயில் காட்சிப்படுத்தியை பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்திகள் ஆதரிப்பதில்லை. பிரெயில் காட்சிப்படுத்தியைத் தெரிவுசெய்க உரையாடலில் இவ்வியக்கியைத் தேர்வுச்செய்த பின்னர், பிரெயில் காட்சிப்படுத்தி இணைக்கப்பட்டிருக்கும் நுழைவாயிலைத் தாங்கள் தெரிவுசெய்ய வேண்டும்.

இயலுணர்வுடனும், விரைவாகவும் செயற்பட, எளிதான அணுகுப் பட்டையை (Easy Access Bar - EAB) சில கருவிகள் கொண்டிருக்கும். இவ்வணுகுப் பட்டையை நான்கு திசைகளில் நகர்த்தலாம். பொதுவாக, ஒவ்வொரு திசைக்கும் இரு இயக்கிகள் இருக்கும். கீழ், மேல், வலது, இடது, அல்லது EAB விசைகளை அழுத்திப் பிடிப்பது, அவைகளுக்கான செயல்களைத் திரும்பச் செய்விக்கும். பழைய கருவிகளில் எளிதான அணுகுப் பட்டை இல்லையென்பதால், முன் விசைகள் மாற்றாகப் பயன்படுத்தப்படுகின்றன.

கீழ் கண்ட விசைகள் இக்காட்சிப்படுத்திகளில் பொதுவாகக் காணப்படுகின்றன:

என்விடிஏவிற்காக ஒதுக்கப்பட்டுள்ள பேப்பன்மேயர் கட்டளைகள் கீழே கொடுக்கப்பட்டுள்ளன:

எளிதான அணுகுப் பட்டை கொண்டுள்ள கருவிகள்:

பிரெயிலெக்ஸ் Tiny:

பிரெயிலெக்ஸ் 2D திரை:

ஹ்யூமன்வேர் பிரெயில்நோட்

ஒரு திரைநவிலிக்குக் காட்சிப்படுத்தி முனையமாக செயற்படும்பொழுது, ஹ்யூமன்வேர் பிரெயில்நோட்டின் நோட்டேக்கர்களுக்கு என்விடிஏ ஆதரவளிக்கிறது. பின்வரும் மாதிரிகளுக்கு ஆதரவளிக்கப்படுகிறது:

• பிரெயில்நோட் கிளாசிக் (தொடர் இணைப்பு மட்டும்)
• பிரெயில்நோட் PK (தொடர் மற்றும் ஊடலை இணைப்புகள்)
• பிரெயில்நோட் MPower (தொடர் மற்றும் ஊடலை இணைப்புகள்)
• பிரெயில்நோட் அபெக்ஸ் (யுஎஸ்பி மற்றும் ஊடலை இணைப்புகள்)

பிரெயில்நோட் டச் குறித்து அறிய, பிரெயிலண்ட் BI தொடர்/பிரெயில்நோட் டச் பிரிவைக் காணவும்.

பிரெயில்நோட் PK தவிர்த்து, பிரெயில் (BT) மற்றும் QWERTY (QT) ஆகிய இரு விசைப் பலகைகளுக்கு ஆதரவளிக்கப்படுகிறது. பிரெயில்நோட் QT விசைப் பலகையில், கணினி விசைப் பலகை ஒப்புருவாக்கத்திற்கு ஆதரவில்லை. QT விசைப் பலகையைப் பயன்படுத்தி, தாங்கள் பிரெயில் புள்ளிகளை உள்ளிடலாம். கூடுதல் தகவல்களுக்கு, பிரெயில்நோட் கைமுறை வழிகாட்டியில் இருக்கும் பிரெயில் முனையம் பிரிவைக் காணவும்.

தங்களின் கருவி, ஒன்றிற்கும் மேற்பட்ட இணைப்புகளுக்கு ஆதரவளிக்குமாயின், பிரெயில்நோட்டை என்விடிஏவுடன் இணைக்கும்பொழுது, பிரெயில் முனையம் விருப்பத் தேர்வில் பிரெயில் முனையத்தின் நுழைவாயிலை அமைக்க வேண்டும். கூடுதல் தகவல்களுக்கு, பிரெயில்நோட்டின் கையேட்டைக் காணவும். என்விடிஏவில், பிரெயில் காட்சிப்படுத்தியைத் தெரிவுசெய்க உரையாடலில் பிரெயில் நுழைவாயிலை அமைக்க வேண்டியிருக்கலாம். யுஎஸ்பி, அல்லது ஊடலை மூலம் இணைப்பை ஏற்படுத்தும்பொழுது, இருக்கும் விருப்பத் தேர்வுகளைக் கருத்தில் கொண்டு, தன்னியக்கம், யுஎஸ்பி, அல்லது ஊடலை ஆகியவற்றுள் ஒன்றிற்கு நுழைவாயிலை அமைக்கலாம். லெகசி தொடர் தொடர்பாடல், யுஎஸ்பியிலிருந்து தொடர் மாற்றி ஆகியவை மூலம் இணைப்பை ஏற்படுத்தும்பொழுது,, அல்லது முந்தைய விருப்பத் தேர்வுகள் ஏதும் இல்லாதபொழுது, வன்பொறுள் நுழைவாயில்களின் பட்டியலிலிருந்து, பயன்படுத்தப்படவேண்டிய நுழைவாயிலைத் தாங்கள் குறிப்பாகத் தேர்ந்தெடுக்க வேண்டும்.

பிரெயில்நோட் அபெக்ஸை அதன் யுஎஸ்பி நுகர்வி இடைமுகப்பை கொண்டு இணைப்பை ஏற்படுத்தும் முன்னர், ஹ்யூமன்வேர் நிறுவனத்தின் இயக்கிகளைத் தாங்கள் முதலில் நிறுவ வேண்டும்.

பிரெயில்நோட் அபெக்ஸ் BT விசைப் பலகையில் என்விடிஏவின் பல கட்டளைகளைச் செயற்படுத்த, 1ம் 4ம் புள்ளிகளுக்கிடையே அமைந்திருக்கும் உருள் சக்கரத்தை தாங்கள் பயன்படுத்தலாம். நான்கு திசைகளைக் குறிக்கும் புள்ளிகளையும், மையச் சொடுக்குப் பொத்தானையும், முன்னும் பின்னும் சுழலும் சக்கரத்தையும் இந்த உருள் சக்கரம் கொண்டுள்ளது.

பின்வரும் என்விடிஏ விசைகள், பிரெயில்நோட்டிற்கு ஒதுக்கப்பட்டுள்ளன: இவ்விசைகள் எங்கிருக்கின்றன என்பதைப் பற்றி விளக்கமாக அறிய, பிரெயில்நோட்டின் வழிகாட்டி ஆவணத்தைப் பார்க்கவும்.

பிரெயில் உள்ளீட்டு நிலையில் இல்லாதபொழுது, பிரெயில்நோட் QT விசைப் பலகைக்கு பின்வரும் விசைகள் ஒதுக்கப்படுகின்றன:

பின்வரும் கட்டளைகள் உருள் சக்கரத்திற்கு ஒதுக்கப்பட்டுள்ளன:

ஈக்கோப்ரெயில்

ஒன்ஸ் நிறுவனத்தின் பிரெயில் காட்சிப்படுத்திகளை என்விடிஏ ஆதரிக்கிறது. பின்வரும் மாதிரிகள் ஆதரிக்கப்படுகின்றன:

• ஈக்கோப்ரெயில் 20
• ஈக்கோப்ரெயில் 40
• ஈக்கோப்ரெயில் 80
• ஈக்கோப்ரெயில் பிளஸ்

என்விடிஏவில் எந்தத் தொடர் நுழைவாயிலில் காட்சிப்படுத்தி இணைக்கப்பட வேண்டுமென்பதை, பிரெயில் காட்சிப்படுத்தியைத் தெரிவுசெய்க உரையாடலில் வரையறுக்கலாம். பிரெயில் காட்சிப்படுத்தியைப் பின்னணியில் தானாகக் கண்டறியும் என்விடிஏவின் வசதியை இக்காட்சிப்படுத்திகள் ஆதரிப்பதில்லை.

பின்வரும் விசைக் கட்டளைகள், ஈக்கோப்ரெயில் காட்சிப்படுத்திக்கு ஒதுக்கப்பட்டுள்ளன. காட்சிப்படுத்தியில் இவ்விசைகள் எங்குள்ளன என்கிற விளக்கத்தை ஈக்கோப்ரெயில் ஆவணத்தில் காணவும்.

சூப்பர் பிரெயில்

பெரும்பாலும் தைவான் நாட்டில் காணப்படும் சூப்பர் பிரெயில் கருவியை, யுஎஸ்பி, அல்லது தொடர் நுழைவாயில் மூலம் இணைக்கலாம். சூப்பர் பிரெயில் கருவியில் தட்டச்சு விசைகளோ, உருள் பொத்தான்களோ இல்லையென்பதால், எல்லா உள்ளீடுகளையும் பொதுவான கணினி விசைப் பலகை மூலமே செய்ய வேண்டும். இதன் காரணமாகவும், தைவானில் பயன்படுத்தப்படும் பிற திரைநவிலிகளுடனான ஒத்திசைவிற்காகவும், பிரெயில் காட்சிப்படுத்தியை நகர்த்த இரு விசைகள் இணைக்கப்பட்டுள்ளன.

யுரோபிரெயில் காட்சிப்படுத்திகள்

யுரோபிரெயிலின் b.book, b.note, Esys, Esytime, Iris காட்சிப்படுத்திகளுக்கு என்விடிஏ ஆதரவளிக்கிறது. பத்து விசைகளைக் கொண்ட ஒரு பிரெயில் விசைப்பலகையை இக்காட்சிப்படுத்திகள் கொண்டுள்ளன. இவ்விசைகள் விசைப்பலகையில் எங்குள்ளன என்பதன் விளக்கத்தை அறிய, காட்சிப்படுத்தியுடன் வரும் ஆவணத்தைக் காணவும். இடைவெளிப்பட்டை போன்று அமைக்கப்பட்டிருக்கும் இரு விசைகளில் இடப்புறம் இருப்பது 'பின்நகர்' விசை, வலப்புறம் இருப்பது 'இடைவெளிப்பட்டை'.

யுஎஸ்பி வழி இணைக்கப்படும் இக்கருவிகளுக்கு தனித்து நிற்கும் யுஎஸ்பி விசைப்பலகை ஒன்று இருக்கும். உள்ளீட்டுச் சைகை ஒன்றைப் பயன்படுத்தி, எச்.ஐ.டி. விசைப்பலகை உருவகமாக்கத்தை மாற்றியமைத்து, இவ்விசைப்பலகையை முடுக்கலாம், அல்லது முடக்கலாம். கீழே விளக்கப்படும் பிரெயில் விசைப்பலகை செயற்பாடுகள், ஹெச்.ஐ.டி. விசைப்பலகை உருவகமாக்கம் முடக்கப்பட்ட நிலையில் செயல்படும்.

பிரெயில் விசைப்பலகை செயற்பாடுகள்

பி.புக் விசைப்பலகை கட்டளைகள்

பி.நோட் விசைப்பலகை கட்டளைகள்